رابطة مالكى الاكسيل-الجزء الأول

[Nader]

الاحمر فى رايى ,
يا بشمهندس نادر لو ركبت باور لاكسيل 94 كويس هجيب طلمبة باور فى حدود 700 جنية ؟
ولا اية الاخبار عندك فكرة !! واركبة عند مين ؟

مظبوط هتركب طلمبة الاكسيل البور،، بس للاسف معرفش حد

ركبها قبل كدة علشان ادلك علية.

[sherifesmat]

يا جماعة عاوز اعرف متوسط اكسيل هاتش باك موديل 96 فاضية اللى بينزل السوق يقولى والنبى بس انا تانى ايد مش متهانة عربية ماشاالله فل

[kindhero]

يا جماعة ممكن حد يدلني على ميكانيكي هيونداي كويس

علشان أنا عندي عيب في الكربراتير ومفيش حد عارف يصلحو

ويا ترى كربراتير إستيراد يعملو كام

أنا عربيتي إكسيل 98 1500 Cc

وشكراً

[wessampo]

استيراد هو الجديد صعب وهل الموتور ممكن يتسقطلها موتور جديد اصلى بخاف من المستعمل

[Nader]

يا جماعة عاوز اعرف متوسط اكسيل هاتش باك موديل 96 فاضية اللى بينزل السوق يقولى والنبى بس انا تانى ايد مش متهانة عربية ماشاالله فل

من 33 لـ 36 حسب الحالة

[al_manara]

يا جماعة ممكن حد يدلني على ميكانيكي هيونداي كويس

علشان أنا عندي عيب في الكربراتير ومفيش حد عارف يصلحو

ويا ترى كربراتير إستيراد يعملو كام

أنا عربيتي إكسيل 98 1500 Cc

وشكراً

سالت علية في الحرفيين سعرة من 300 الي 350

[kamouna]

انا عندي هونداى اكسيل موديل 1994 تقفيل كوري ( تكييف+كاسيت) العربية كويسة معايا عملت بيها 133000 كم حتى الآن و مش مزعلانى بس التكييف كل شوية يبقى ضعيف مع العلم ان تكييف الهونداى معروف عنه انه ثلاجة و خايف اروح التوكيل احسن يتخرب بيتى لانى عندى تجربة مع التوكيل فى الاسعار ( سعر فردة المساعد الامامي 375 جم و اشتريتها من برة الجوز ب 300 جم و شغالين زي الفل ، مش عارف ليه المبالغة فى الاسعار و ماتقوليش الضمان و رقم قطعة الغيار و الكلام ده لانه من الآخر مافيش ضمان و لا صيانة فى مصر فى اي حاجة مش بس العربيات) على فكرة انا من اسكندرية

[y_ammar2000]

السلام عليكم
انا لسه مشترى هونداى اكسل موديل 2005 كورى 1500سى سى
ونفسى حد يرسنى وينصحنى ازاى اتلاشى العيوب واعرف اذا كان فى حاجه قبل ما تكبر

عندى سؤال الراديتر يوجد عليه عدد 2 مروحه هل هما بيشتغلوا مع الكونتك ولا مع
السخونه ولا ايه بالضبط ؟ عشان لاحظت ان فى واحده منهم بتتشغل شويه وبتفصل
سبب ما انا بسيط عليها لقيت العربيه بتسخن شويه ومؤشر الحرار شغال وبيوصل لحد الربع تقريبا وسعات قبل النصف بشويه

[y_ammar2000]

سورى يا جماعه
انا غلط فى تحديد سنة الموديل هى 95 مش 2005 انا أسف
بس يا ريت حد يرد على سؤالى

[y_ammar2000]

السلام عليكم
انا مبسوط جداا من هذه الرابطه
فيها معلومات كويسه وقيمه وشكر خاص لصاحب الفكره
بس ليا طلب ضغنن انا نفسى الرد على السؤال يكون بسرعه شويعه عن كدا
عشان بصراحه عشان انا زى ما قولت لسه مشترى اكسل مكملتش شهر وبتعلم السواقه الان والحمد لله مستواى مش بطال وبيتحسن
فكونت عاوز المتواجدين ينصحونى بإيه الان يعنى اعمل ايه معملش ايه اخد بالى من كذا ومعملش كذاااا
وشكرا جزيلالالالالالالا

[kamouna]

السلام عليكم
بالنسبة للعضو y_ammar2000 المروحتين اللى على الرادياتير دول واحدة لتبريد الرادياتير و التانية خاصة بالتكييف و بالنسبة لمؤشر الحرارة ده عادي انه يكون بعد العلامة التانية بشوية و لما تكون الدنيا حر بيبقى قبل النص بشوية و ده العاددى

[y_ammar2000]

السلام عليكم
شكرا خاص للأخ Kamouna
اولا شكرا للإهتمام والرد
جزاكم الله خيرا
اصل انا لسه شارى العربيه جديد ومعنديش اى خبره بصراحه وفى الوقت نفسه الى سمعته عن معظم المكتيكيه خلانى اسأل وأتريس قبل لما ارحلهم خصوصا انهم بيعتبروا الناس الى زى حلاتى صيده كويساااا
فعذرا لو عندك اى معلومات ممكن تفدنى يبقى جزاك الله خيرااا
على فكره العربيه اكسل كورى كامله تكيف وباور وسنتر موديل 95 و هى 1500 سىسى

[farafiroooo]

خلي بالك من زيت العربية اكشف عليه باستمرار
والمية مهمة جدا زيت الباور والفرامل
والمساعدين والعفشة لو فيهم اي حاجة اظبطهم علي طول
عينك علي عداد الحرارة باستمرار راقبه لو بيشاور عقله عن العادى
وذاكر ميكانيكا شوية علشان تبقي فاهم ايه اللي بيحصل قدام تحت الكبوت زي مبعمل
علي فكرة انا لسة شاري اكسيل برضه مفيش اسبوع وبسوق علي قدى بس محتاج ممارسة وربنا يسترها علينا
واتكلت علي ربنا وسافرت المحلة وبصراحة العربية جميلة ومريحة بس خفيفة شوية عند سرعة 100 لو حد عدة من جنبك تحس بيه
والحمد لله رجعت بالسلامة انهاردة

[y_ammar2000]

السلام عليكم
الف شكر للعضوfarafirooooooooo
جزاكم الله خيرا أولا على الاهتمام وثانيا عشان المعلومات المفيده الجميله
على فكره انا بردوا بسوق على قدى والحمد لله كويس بس محتاج حبة جرائه شويه
وعاوز اقولك كمان انى لما اشتريت العربيه غيرت زيت الماتور وسير الكاتينا
وكشفت على البوجيهات لقيتها كويسه وضبط العفشه كمان روحت ببيها عند الميكانيكى قالى انها كويسه وبما انك لسه شارى العربيه زى حلاتى بردوا ابقى اعمل زى ما انا عملت بالنسبه لسير الكاتينا والزيت وخصوصا سير الكاتينا

[hesham1111]

مشكلة فى التكييف

عندى مشكلة فى التكييف وهى الكمبروسر اتحرق وغيرته وغيرت ماسورة تانى مش فاكر اسمها سعرها حوالى 200 جنيه والمشكلة بعد كده ان التكييف يشتغل يوم او اثنين وبعد كده الفريون يسرب وحصل الموضوع ده 3 مرات الكهربائى قالى مرة ان البلف ضرب ومره جلبة ضربت وبعد كده قال ان العيب فى السربنتينة ولازم تتغير فانا عايز اعرف المشكلة دى حلها تغيير السربنينة ولا حاجة ثانية
وارجو الرد سريعا للاهمية
وشكرا
ومع العلم عربيتى اكسل 1500 موديل 95