رابطة مالكى الاكسيل-الجزء الأول

[Angel_wolf]

يا خبراء الرابطة الاكسيلاوية انا عايز ميكانيكي محترم وامين لاني تعبت من الصنايعية لاني عندي لما بشغل التكييف سحب العربية بيقل جدا وكمان فيه رعشة جامدة جدا فيها مع انها 1500 وفيه حاجات تانية كتير انا ساكن في امبابة ومش مهم مكان الميكانيكي فين

فبرجاء الاهتمام

فى واحد انا بتعامل معاه فى ميدان الجيش اسمة وائل قدام كبابجى النصر اسئل على كبابجى النصر تروحلة ازاى و هتلاقية فى الشارع الى قدامة اى حاجة انا فى الخدمة

[kamose]

السلام عليكم ورحمة الله وبركاته

كل عام وانتم بخير ورمضان كريم اعاده الله علينا وعليكم وعلي الامة الاسلاميه بالخير واليمن والبركات

اخواني

السياره اكسل مو 1997 مواصفات خليجي اتوماتيك كامله

المشكله : لما بتحرك بالعربيه ولما الفيتيس بيغير اول غيار العربيه بتنتش يعني بتفزع وبعدين الغيارات
التانيه بتبقي عاديه. ولكن لما بهدي والعربيه ترجع للغيار الي هي نتشت عنده بتكتم مره واحده بنفس قوة
الفزعه او النتشه. طبعا الموضوع دا عرضته علي ميكانيكي وكان شاكك في الكربيراتير لاني كنت
مغيره استيراد والي كان موجود الاول كان بشفاط والثاني تسخين اتوماتيك وقالي غالبا الكربيراتير دا بتاع الاكسنت, و روحت وظبط الكربيراتير لكن استمرت المشكله زي ما هي.
وبعد كده شك في السيرفو وقالي عايز يتغيير لانه مش بيتصلح.
بس انا قولت اسأل اهل الخبره هنا .

شكرا علي صبركم اود المشوره .

شباب المنتدي الخبراء ممكن حد يفيدني

[mero25]

يا خبراء الرابطة الاكسيلاوية انا عايز ميكانيكي محترم وامين لاني تعبت من الصنايعية لاني عندي لما بشغل التكييف سحب العربية بيقل جدا وكمان فيه رعشة جامدة جدا فيها مع انها 1500 وفيه حاجات تانية كتير انا ساكن في امبابة ومش مهم مكان الميكانيكي فين

فبرجاء الاهتمام

يا ريت التفاصيل

[mero25]

بص يا باشا انا ركبت فتيس 5 غيار بس مش اكسيل انا اللى ركبتة بتاع لانسر و هو بصراحة مريح الماتور عندى و ركبتة من غير اى تعديل

ممكن تقولنا على التفاصيل
نوع الفتيس وموديلها وسعر الفتيس ومكان الشراء ومصنعية التركيب وهل بتغير فى القواعد للفتيس ولا لا
والتغير فى حالة العربية بعد التغير وواضح ان عربيتك كانت 4 غيار

والف الف شكر ليك مقدما على المساعدة لاعضاء المنتدى

[tamer_a7]

شكرا اخي علي سرعة الرد

اولا العربيه بتاعتي اكسل

والنتشه في الغيار الاول او او تغيير للتفيتيس بعد الطلعه وبحس بيها لما بدوس بنزيم جامد او بالهداوه
والكتمه لما بهدي بالعربيه يعني لنفس الغيار

وشكرا تاني مره ورمضان كريم

انت العربيه اتوماتيك راجع علي زيت الفتيس
ويا ريت تقييم الاتوماتيك وتقول هو اخباره ايه

[ahmedhtaher]

يا ريت التفاصيل

عايز ميكانيكي بس يكون عت تجربة ناس بحيث يخلي العربية زي ما الواحد عاوز

[medommsr]

الكهربائي هايفيدك اكتر .ممكن تكون حاجة بتخلية يعلق وعاوزة تتظبت . ولو الدراع باظ هات دراع جديد من التوكيل ب 130 جنية . ماتجيبش الدراع كامل من المحلات لانة ب 230 جنية بيبقي النور والمساحات مع بعض

شكرا على سرعة الرد ولكن هل صادفتك المشكلة دى قبل كده ولا كده الذراع باظ خلاص

[alsayedsabry]

الزجاج اتشرخ

السلام عليكم ورحمه الله وبركاته
يا شباب الزجاج الامامى اتشرخ من اسفل شرخ بطول حوالى 15 سم انا مش عارف السبب كنت راكن ورجعت لقتها كده اكيد شكلها خبطه
المهم قالوا لى ان فى حد بيصلح او بيلحم الزجاج وانهم كتير بس يا ريت لو حد يعرف حد موثوق فيه يقولى انا ساكن فى فيصل ارجو الرد سريعا عشان الشرخ ميزدش ويبقى ذنبى فى رقبتكم

[al_manara]

شكرا على سرعة الرد ولكن هل صادفتك المشكلة دى قبل كده ولا كده الذراع باظ خلاص

اة . كان النور الواطي بيعلق والعالي لازم العب شوية في الدراع كذا مرة عشان ينور . وغيرتة لوحدة . جيبتة من اولاد فتحية الي قدام السراج مول في مدينة نصر . دول مركز معتمد لقطع الغيار . سيبتلة عربون وبعد 3 ايام جابلي الدراع كان ب 130 جنية

[ahmed_k_s]

بشوات الاكسل فيه مشكلة غلسه قوى فى العربية بتعتنا وبالذات الى متركب فيها الاسبويلر الشنطة بتنزل لوحدها وياما اخت خبطات فى دماغى هل فيه حد عمل اى حاجه فى المشكلة دى واتغلب عليها
انا لما كان معايا الـ 131 كانت عبارة عن سستة ولما تضعف تشدها يعنى تنقلها لتعليق اكبر اما فى الاكسل كل السنكرية الى يشوفوها يقلك لا دى ملهاش حل
احب اسمع اراء الاحباب الى معانا
ورمضان كريم

بص يا باشا أفتح الشنطه وسندة بئى حاجه وبص فى الحته الى فيها السمعات هتلائى عبارة عن خوص حديد خلاص متسبتين فى قطعة حديدالقطعة دى بتكون وخدة بنط برشام فا بطاء من كتر الفتح والقفل هتروح لسمكرى تخليه يعملها زرجينه علشان ترجع مكنه تانى ويديها بنط لحام بالنحاسد ده الى كان عندى عن تجربة

[hema_hn]

بص يا باشا أفتح الشنطه وسندة بئى حاجه وبص فى الحته الى فيها السمعات هتلائى عبارة عن خوص حديد خلاص متسبتين فى قطعة حديدالقطعة دى بتكون وخدة بنط برشام فا بطاء من كتر الفتح والقفل هتروح لسمكرى تخليه يعملها زرجينه علشان ترجع مكنه تانى ويديها بنط لحام بالنحاسد ده الى كان عندى عن تجربة

الف شكر ليك يا باشا وجارى الاستكشاف

[hakim]

اة . كان النور الواطي بيعلق والعالي لازم العب شوية في الدراع كذا مرة عشان ينور . وغيرتة لوحدة . جيبتة من اولاد فتحية الي قدام السراج مول في مدينة نصر . دول مركز معتمد لقطع الغيار . سيبتلة عربون وبعد 3 ايام جابلي الدراع كان ب 130 جنية

السلام عليكم
اخي الفاضل نفس مشكلتك دي حصلت معايا رحت لواحد من البشوات الصنايعي قالي لازم تغير الدراع وبعدين رحت لكهربائي تاني راح فاكك الدراع من العربية والله يا اخي صلحه بأمير ( لاصق) الكلام ده من سنتين والى الان شغال دي الفل كل حاجة ممكن تتصلح بس البشوات الصنايعي مش عايزين يتعبوا روحهم او مش فاضيينلك عايزين يشتغلوا في السالك والمصيبة بقى كمان لو حاول يسهيك ويا خذ الدراع القديم بتاعك علشلن يبقى يصلحه على مهله ويبيعه لواحد تاني او ياخذ منه جزء يصلح بيه دراع تاني شفت بقى هما بيحاولوا يستغفلونا ازاي !!!!

[hema_hn]

السلام عليكم
اخي الفاضل نفس مشكلتك دي حصلت معايا رحت لواحد من البشوات الصنايعي قالي لازم تغير الدراع وبعدين رحت لكهربائي تاني راح فاكك الدراع من العربية والله يا اخي صلحه بأمير ( لاصق) الكلام ده من سنتين والى الان شغال دي الفل كل حاجة ممكن تتصلح بس البشوات الصنايعي مش عايزين يتعبوا روحهم او مش فاضيينلك عايزين يشتغلوا في السالك والمصيبة بقى كمان لو حاول يسهيك ويا خذ الدراع القديم بتاعك علشلن يبقى يصلحه على مهله ويبيعه لواحد تاني او ياخذ منه جزء يصلح بيه دراع تاني شفت بقى هما بيحاولوا يستغفلونا ازاي !!!!

+111111111111111111111111
ياما شفت منهم
عشان كدا عيزين يا خونا الى تعامل مع اى صنيعى ثقة يقول عليه وكلنا نتعامل معاه

[Angel_wolf]

ياريت لو حد محترم بتاع تكيفات ميكنش نصاب
وانا ساكن فى السيدة زينب فياريت لو حد قريب منى

[Ros]

انا بتعامل مع كهرابى هنا فى الهرم جاااامد بجد وامين و بيفهم قوى لو حد عايز يروحله يقولى