رابطة مالكى الاكسيل-الجزء الأول

[wael6]

السلام عليكم
اللهم اجعله خير فى المطره دى يارب

روحت للميكانيكي النهارده
ظبط التاكيهات والحمد لله العربيه اتحسنت كتير( بقت بتدور على طول و هى سخنه او من تانى مره بالكتير )
والنتشه اللى ع التانى قلت كتيييييييير بس لسه هجربه تانى انا بحاول وانا ع الغيار الثانى اهدى سرعة العربيه خالص واطلع بالراحه عشان اشوف هتنتش ولا لا ؟
....*بس فى رعشه بسيطه فى الدركسيون وهى بارده ولما تسخن بتقل شويه ده من ايه ؟
فى جزء تحت الكربراتير اسمه المنفو اللى راكب فيه خط السخن بتاع التكييف
اولا خط السخن ملغى وسادين خراطيمه بخشب
بس المنفو نفسه بايش ودايب؟
هل فيه خطورة انه ينفس ميه ويأثر ع الموتور ولا ايه نظامه ده
انا ميهمنيش اشغل السخن بس قلقان يسرب ميه فى اى وقت ويعمل مشكله
ولو جيبت المنفو ده استيراد الغي برده السخن ولا اسيبه عادى وياترى تكلفته كام ؟

بالنسبه لكتاوت الدينامو ( عندى خارجيه) ليها مقاس معين ولا اقوله على اسم العربيه وخلاص ؟

هوا مروحة التكييف ضعيف على السرعه 4

الفتيس معكر مزاجى اوى فى العربيه بس مستني اظبط نفسي ماديا يارب سهل

وشكرا جزيلا

[REDM]

انا كنت بظبط زوايا وبحب استطلاتع قلت ابص العربية من تحت وهي مرفوعة فلاقيت في زيت مرشح من تحت من ناحية الموتور مع العلم ان زيت الموتور عندي مابينقص وزيت الفتيس كامل وسالت العفشجي قالي عادي معظم العربيات كدة ياريت حد يرد عليا ويفسرلي دة ايه ارجوكم الرد السريع احسن انا قلقان قوي

[ABOASSEM]

انا كنت بظبط زوايا وبحب استطلاتع قلت ابص العربية من تحت وهي مرفوعة فلاقيت في زيت مرشح من تحت من ناحية الموتور مع العلم ان زيت الموتور عندي مابينقص وزيت الفتيس كامل وسالت العفشجي قالي عادي معظم العربيات كدة ياريت حد يرد عليا ويفسرلي دة ايه ارجوكم الرد السريع احسن انا قلقان قوي

السلام عليكم ياريت تغسل العربية من تحت كويس ترفعها في اي بنزينة وظبط الراجل عشان يعملها كويس وخلي ميكانيكي يبصلك عليها من تحت يعرف الزيت منين بالظبط ممكن يكون من طبة زيت الموتور او في اويل سيل في مشكلة وانشاء الله تتطلع حاجة بسيطة وبالتوفيق ...............

[tamer_a7]

يا اخوان انا عندى الاضاءه ضعيفه و بفكر اغير اللمبات اغيرهم باى نوع و هل لازم تعديل و سمعت ان ممكن اركب ليدات ده احسن فى الاضاءه:ka_che1[1]:

انا مركب ليدات في الصالون تحفه
بالنسبه لقدام في الفوانيس اوسروم نايت بريكر دا بحوالي 90 جنيه

[magid1010]

انا مركب ليدات في الصالون تحفه
بالنسبه لقدام في الفوانيس اوسروم نايت بريكر دا بحوالي 90 جنيه

تامر باشا وحشنى جدا و الله منور الرابطه و دول يا تمور حيركبو عادى و لا عايزين تعديل كتاوت و كده يعنى اللى ب 90 جنيه تمن ايه اللمبتين العالى و لا الواطى و كمان لو ممكن صوره للعلبه يبقى كده انت وجبت جدا

[dodo20102010]

نفسى اجربهم بجد واحد عامل موضوع عنهم و تقريبا ليهم توكيل فى السيده زينب
http://www.nilemotors.net/nile/168201-a.html
http://www.nilemotors.net/nile/116988-a.html
http://www.nilemotors.net/nile/193592-a.html

الف شكر ياباشا بس انا حاتوكل على الله واجربهم واقولكوا ايه الاخبار ان شاء الله

[wael6]

السلام عليكم
السلانسيه المظبوط كام لو تكرمتم ؟وهى بارده وهى سخنه ؟
العربيه كربراتير
ولكم جزيل الشكر

[m_elmahdy]

يا جماعة أنا قبل كدة حطيت 42 لتر فى تنك عربيتى الأكسيل 1300 موديل 97

[tamer_a7]

تامر باشا وحشنى جدا و الله منور الرابطه و دول يا تمور حيركبو عادى و لا عايزين تعديل كتاوت و كده يعنى اللى ب 90 جنيه تمن ايه اللمبتين العالى و لا الواطى و كمان لو ممكن صوره للعلبه يبقى كده انت وجبت جدا

بص يا باشا هيه مشهوره جدا ودول زي الفل اسمهم اوسروم نايت بريكر
متهيا ليه هيحتاجو كتاوت علشان ما تحملش علي المفتاح

[magid1010]

بص يا باشا هيه مشهوره جدا ودول زي الفل اسمهم اوسروم نايت بريكر
متهيا ليه هيحتاجو كتاوت علشان ما تحملش علي المفتاح

الف شكر يا باشا طيب دول و لا اركب كشفين شبوره من تحت الاكصدام؟

[magid1010]

الف شكر ياباشا بس انا حاتوكل على الله واجربهم واقولكوا ايه الاخبار ان شاء الله

يا ريت يا باشا تجربهم و احنا حنشترى و راك على طوووووووول

[wael6]

السلام عليكم
هو فى فوانيس شبورة بخلاف الصيني ؟
ولو فى هل فى ماركة معينه اسال عليها وسعرها لو سمحتم ؟
وشكرا جزيلا

[tamer_a7]

الف شكر يا باشا طيب دول و لا اركب كشفين شبوره من تحت الاكصدام؟

انا بصراحه عامل الاتنين (افتري بقي)
انا مركب شبوره لانوس تو في الاكصدام ودي علشن هيه عدسات وانا مركب فيها زينون
بصراحه النور وهم الوهم
هجيب ليك الموضوع هنا في الرابطه استني

[tamer_a7]

الله يكرمك يا قمر والله فكرتني بايام الخوالي
بص دي مشاركاتي كلها في الموضوع ده

هيم معني انها حكمت بتاع 95 % من الدخان معني ان زيت الماتور كان ليه الدور الاكبر في اللي حصل دا
جرب كمان غيار زيت مع شنبر وشوف النتيجه هتبقي ايه انا رايي ما تتسرعش دلواقتي علي فتح الماتور
وبالنسبه للزميل اللي لسه جايب العربيه والماتور خفيف اولا الف مبروك عليك عربيه بجد هتكون ان شاء الله سعيد جدا معها وهيه عربيه اصيله جدا
ومش عايز اقولك انا ليه صديق والله رجع بالعربيه دي ماتورها مرزع من اكتوبر للمعادي وكملت معاه
اه هو جاب ماكنه كامله بعد كده (: بس دا مش موضوعنا طبعا لو الموضوع هيخش في عمره كامله يبقي حضرتك زي الباشا تشد الرحال علي بورسعيد وتجيب الحته الانجيكشن الحلوه من هناك ماتور استيراد زي الفل وطبعا هو افضل من العمره مليون مره
بس زي ما الناس قالت ليك امشي بيها الاول شويه
نرجع بقي للاختراع الجديد واللي ان شاء الله هوريه ليكم الايام الجايه
انا جبت الفوجات بتاعت الانوس 2 وباذن الله هركب عليهم زينون وهاحطهم عندي في الفوجات
ميزتهم انهم عدسات وكمان ما لهمش ظهر كبير يعني يتثبتو بكل سهوله
علشان احنا في الاكسيل عندنا ورا فتحته الشبوره االي هيه مقفوله اساسا (: هتلاقي فرده الشاسيه وش
مش عارف بتعمل ايه بره كده
هههههههههههه او هتلاقي حاجه سده الطريق والله اعلم هيه ايه
فكان اختيار فوجات الانوس علشان هيه اللي متوفر فيها صغر الظهر بتاعها عدسات وكمان حجم مناسب يتثبت في الاكصدام
الخطوه الجايه ان شاء الله عند بتاع الفبر والتثبيت والزينون بقي (ايوه بقي)
الموضوع التاني الغريب جدا واللي اكتشفته بالصدفه امبارح وانا فاتح الكبوت بابص علي الزيت والميه والبيبسي كده يعني
لاقيت اني عندي حساسا ملغي في الفتيس قلت عادي خلاص ممكن يكون حساس ابربق وفنطش اموو لاغينه الاقي حساس الشكامن كمان راكب
وهنا بقي فرمله وبدئت اراجع الماتور اللي راكب عندي هو بتاع الانجيكشن تخيلو اللي بقلنا سنين بندور عليه ههههههههه
بس اللي ركبه حوله من انجيكشن لكاربيراتير ليه بس ليه
ومازال البحث مستمر في اصل الموضوع والتحقيقات جاريه وهاستدعي كل المسؤوولين وربنا يستر ههههههه

دي بقي صور العده قبل التركيب بصراحه مش عايز اقولك مفلس اد ايه ههههههههههههه

الزينون ودا من عند جو اللي في الشيرتون كان عليه عرض ب 250 جنيه ودا اقل سعر لقيته علي الاطلاق يعني في التوفيقيه كان ب320 وكان في المحل بتاع مكرم عبيد ب450 وهو هو اخوه ولا اي فرق انا بصراحه كنت متخوف جدا لان كان في حد هنا اشتكي من المعامله في جو بس بصراحه محمد عثمان اللي هو صاحب المحل هو اللي كان بيبيع ليه وكان زي العسل بصراحه المهم



ودا بقي الفانوس الشبوره بتاع اللانوس وهتلاحظو انه شكله كبير لا هو بعد ما هشيل الاطار اللي حواليه اللي هو مجرد قاعده خاصه بالانوس هيبقي صغير وزي القل


اه صحيح نسيت اقلكم جبت كمان لمبه من اللي هيه بتبقي مع النور الصغير ليدات زي بتاعت الصالون كده اربع ليدات ودي بتركب مكان اللمبه اللي بتدي النور الصغير
استنو هيجيب صورتها من علي النت وان شاء الله ارفعها ودي كانت ب35 جنيه يعني جات عليها هيه هههههههههههههه

هيما واخيرا بقي زينون
ايوووووووووه نوره بجد تحفه تحفه تحفه وكمان موضوع الشبوره بتاع الانوس 2 دا مخلي تركيز الضوء ممتاز جدا
اوريك صور التكيب عامل ازاي بس ملحوظه ان تقفيل الشغل لسه ما تمش علشان في كذا فكره وكله في طور التنفيذ
يعني اللي هلاقيه احسن ان شاء الله انفذه

دي صوره التبلوه جوه بقي عندي زرارين تكييف ههههههههه



طريقه التركيب في الاكصدام ولو تاخدوا بالكم الشاسيه باين في الصور قد ايه هو خانق عليه ههههههه




ودا النتيجه النهائيه وبجد ما شاء الله كثافه النور بجد حكايه

ياه والله ليكم وحشه (اخوتي في الله احمد عبد العزيز وهيما ورستم وووووووووووو وكل ناس الرابطه المشاركاتي دي فكرتني اد ايه البسمه راحت من علي وش الواحد في الظروف الصعبه اللي احنا فيها دي)

[magid1010]

الله يكرمك يا قمر والله فكرتني بايام الخوالي
بص دي مشاركاتي كلها في الموضوع ده








ياه والله ليكم وحشه (اخوتي في الله احمد عبد العزيز وهيما ورستم وووووووووووو وكل ناس الرابطه المشاركاتي دي فكرتني اد ايه البسمه راحت من علي وش الواحد في الظروف الصعبه اللي احنا فيها دي)

تامر باشا و الله عندك حق الف الف شكر على الموضوع الهايل ده فعلا كانت ايام جميله ربنا يخليك و الف شكر ليك مره تانيه