رابطة مالكى الاكسيل-الجزء الأول

[Eng.Geo]

يا جماعة عندىمشكلة محيرانى جدا لو طلعت بالعربية والعربية مش سخنة اوى يحص انى عند تزويد البزين فجاة يحصلة خناة بالعربية وكانها هتبطل والاحظ ان r.p.m قل وبعد كدة يعلى تانى والعربية تسحب ويتكرر ذلك اما لو العربية سخة يعنى فوق العلامة بحوال شرتطين ا يحصل الى فات ارجو افادتى ضرورى

ماهو ده طبيعي !
لازم تسيبها تسخن الأول

[singary2010]

ههههههههه اوعى تسيبنا و تبيع

مقدرش يا ماجد انا تقريبا اتجوزت العربيه الاكسيل كنت زمان بشوف ناس اصدقائى يزعلوا اوى اوى لما العربيه يكون فيها حاجه كنت بتريق عليهم وده قبل ما اركب انا عربيه لكن دلوقتى مع الاكسل حسيت بيهم فعلا
واحب اقول ان والله والله الموضوع مش بيكون موضوع فلوس ابدا
وخدوا الحكمه دى منى

(مهما كانت الحاله الماديه العربيه بتصعب عليا)

[singary2010]

ماهو ده طبيعي !
لازم تسيبها تسخن الأول

اهلا جو انت فين نسيت الاكسل بعد ما بعت ليا عندك سوال انا فاكر ان التكيف بتاعك اللى كان فى الاكسل كان شغال تمام . السؤال بقى هل ده كان بتاع العربيه الاصلى ولا نوع تانى ؟

[singary2010]

يا ريت لو امكن تتعرض هنا على العام للمناقشة و الاستفادة

ملحوظه الموضوع منقول بالكامل من المنتدى
مراحل شراء السيارة المستعملة

اولاً الخطوة الاولى : مرحلة الدراسة
1-حدد نوع و ماركة العربية من حيث مناسبتها لآحتياجاتك و ميزانيتك وذلك بترتيب عوامل اختيار نوع العربية
أ- هاتش باك ولا سيدان (بشنطة)
هل تحتاج لمساحات داخلية كبيرة -هل سفرياتك كتير و فيها شنط كبيرة
ب-موتور كبير ولا صغير
استخدامك اكتر جوة البلد ولا برة البلد فى سفريات ذات سرعات عالية و طويلة
عنصر توفير البنزين مهم بالنسبالك ولا لا
عدد الاشخاص اللى معاك فى العربية دايماً كتير ولا قليلين ولا فى معظم الاحوال لوحدك
ج-اسعار قطع الغيار
سعر قطع غيار غالى ... مع .. عمر افتراضى كبير ....(ممتاز - بس على حسب ميزانيتك )
سعر قطع غيار رخيص ... مع .. عمر افتراضى قليل ....(جيد - بالنسبة لميزانيتك لآن العربية مش هاتقف عشان قطعة غيار او اكسسوار مطلوبة )
سعر قطع غيار غالى ... مع .. عمر افتراضى قليل ....(سيىء)
د- قطع الغيار متوفرة فى التوكيل و خارج التوكيل يبقى عظيم

و-اماكن الصيانة
- شغل توكيلات فقط (مكلف -مريح- لا يستغرق وقت طويل )
-معظم الميكانيكية بيفهموا فيها (ممتاز)
-لها ناس معينة (تبقى تعرفهم الاول )

بعد الخطوة دى هاتبقى حددت و عرفت
ماركة العربية -نوع العربية- الموتور -شغل العربية بيبقى فين و اسعارة اية

ثانياً الخطوة الثانية : مرحلة التحديد
يجب ان تحدد موديل العربية (السنة ) اللى انت عايز تشتريها و ذلك من خلال
أ- ما هى افضل الموديلات لهذا النوع - يعنى سنة كام كان من افضل الموديلات اللى نزلت فى النوع دة
ب-معرفة السعر المتوسط لهذا الموديل (السنة ) من خلال متابعة الاعلانات و الاتصال المباشر و السوق
ج- هل الموديل دة متناسب فى متوسط سعرة مع ميزانيتك ولا لأ ..لو كان اعلى أنزل للسنة اللى قبلية و هكذا
د-تنزل السوق مرة (ليس للشراء ابداً) و لكن للفرجة و معرفة أخر سعر للموديل دة بعد شوية فصال صغيرين (وعلى كدة تحدد المتوسط السعرى الفعال لهذا الموديل ) يعنى مش مجرد كلام اعلانات


بعد الخطوة دى هاتبقى حددت و عرفت
موديل العربية (السنة ) بالظبط اللى عايز تشتريها و كمان متوسط السعر اللى فى السوق للموديل دة

ثالثاً الخطوة الثالثة : مرحلة النزول للشراء
عربيات تستحق النزول إذا كانت فى اعلان او الفرجة اذا كانت فى السوق
1- الحالة
-فابريقة (دهان مصنع).... بالكامل.... (ممتاز)
-فابريقة داخل فقط (تحت سنة 2000 ) .....(جيد)
-لا يوجد اى دهان فابريقة فى اى سنة (يعنى راشة برة و جوة ) ....... (سىء)
2-السعر
-اعلى من المتوسط اللى انت طلعتة ........(ممتاز)
-فى المتوسط اللى انت طلعتة ........(جيد)
-اقل من المتوسط اللى انت طلعتة ........(سىء)
3-الكماليات
هى الكماليات المتعارف عليها فى هذا الموديل من هذة السنة ولا يحبذ اى اضافات اخرى
4-الموتور
هو السعة اللترية (ال cc ) المتعارف علية فى هذا الموديل من هذة السنة
5-اللون
من الالوان اللى كانت متواجدة فى هذا الموديل من هذة السنة
يعنى مفيش 128 فى اوائل التسعينات فضى او 127 ذهبى ولا لانسر موف ..مثلاً
6-الرخصة
أ- رخصة أة بس بشروط
بأسم المالك ومش المهم فيها أد اية المهم طالعة لمدة اد اية
3 سنين .... (ممتاز)
سنة واحدة ...(واحنا دلوقتى فى اخرها ).... (جيد)
سنة واحدة ...(واحنا دلوقتى فى اولها ).... (غير جيد)
ب-توكيل .....(سىء)
7-عدد الكيلو مترات
يكون متناسب مع عمر العربية بمتوسط من 17 الف كم الى 20 الف كم فى السنة الواحدة
عدد كيلومترات مظبوط مع المعدل المذكور ........(ممتاز)
عدد كيلومترات اقل مع المعدل المذكور ........(جيد)
عدد كيلومترات اقل بكتير من المعدل المذكور ........(غير جيد)
عدد كيلومترات اكبر من المعدل المذكور ........(سىء)

بعد الخطوة دى هاتكون قررت تنزل ولا لأ عشان تشوف العربية دى او قررت تتفرج عليها و تفحصها

رابعاً الخطوة الرابعة : مرحلة فحص العربية للشراء

من الخارج : خد لفة حوالين العربية ولاحظ الاتى

1-طلاء السيارة
-طلاء السيارة متناسب مع العمر للموديل ولا يوجد اى اجزاء لامعة اكثر من التانية
2-ملاحظة الخدوش الاحتكاكات
-وجودها فوق سنة 2000 (جيد)
-عدم وجودها فوق سنة 2000 (غير جيد)
-عدم وجودها تحت سنة 2000 (سىء)
3-الصدمات و الحوادث
ملاحظة اى فوارق بين الخطوط -بين الفوانيس والرفارف-بين الباب و الحلق بتاعة -بين باب الشنطة و حلق الشنطة -بين الزوايا فىاركان العربية -طبقات عالية شوية فى الدهان عن الباقى -فوارق بين الاكصدام و جسمالعربية
4-الزجاج
اى فوارق بين كاوتش الزجاج و الحلق اللى بيركب فية -كاوتشالزجاج جديد و اسود ولا قديم من عمر العربية -فى كتابة على اسفل الزجاج (اصلى ولااتغير) -نقر متسابة (يبقى احسن) ولا كلة مية واحدة و بيلمع (قلق) -فى زجاج الابوابسيف الزجاج اللى فى الباب بالعرض قافل على الزجاج ولا مفارق (يبقى اتفك قبل كدة )-الزجاج لابس فى المجرى بتاعتة ولا مفارق
5-الاكسسوارات
المرايات -الشبكةالامامية -الفوانيس -الاشارات-المساحات-الأريال -فبر الاكصدام
كلها طبيعيةللموديل دة ولا فيها افتكاسات فتسيبك منها احسن
6-الكاوتش
مناسب لعمرالعربية .....(ممتاز)
تفاصيلة ممسوحة شوية بالنسبة لعمر العربية .....(جيد)
تفاصيلة بارزة وواضحة وشكلة لسة جديد .....(غيرجيد)
تفاصيلةممسوحة اوى وشكلة قديم .....(سىء) وتخصم تمنة من سعر العربية فىمتوسط الفين ج
7-الفوانيس
نضيفة و شفافة .......(ممتاز)
متناسبة مع عمرالعربية...... (جيد)
مغببة و مشبرة ..........(سىء)
8-السقف
نفس درجة ولون العربية كلها ......(ممتاز)
اسواء من العربية بوجة عام ........(جيد)
احسن من العربية بوجة عام ........(غير جيد)
غير مستوى و فيةاى التواءات ....(سىء)
9-العتب
دة الجزء اللى تحت الابواب ... حط ايدك تحتيةو خد سحبة كدة بطول العربية
سليم و مستوى .......(ممتاز)
فية حتت متاكلة واماكن محببة كدة ( سىء) علامة صداء (برومة موجودة اسفل العربية )
10-الكارتيرات
دة الجزء اعلى العجل و اللى لافف حوالين الكاوتش من فوق .. ملاحظة عدم وجود اىاثر
صدأ(برومة)-حتت متاكلة -أثر لحامات -اى التواءات -اثر لحاجة زى الزيت منشعةفى المنطقة دى
11-المساعدين
وقوف السيارة كلها على خط افقى واحد (يعنى مفيشجهة اعلى من التانية لا ورا ولا قدام)
غند الضغط على ركن من اركان العربية بتطلعتانى لفوق بنعومة و ثبات (غير متقطع فى الطلوع )
عدم وجود اى اثر لزيت او تنضيفحديث ليهم ( بيبقوا فوق العجل و ماسكين العجل بالعربية على شكل عمود رفيع رأسى )
14- نظرة بسيطة على اسفل السيارة
عدم وجود اى اثر لأنخفاضات او ألتواءات
عدم وجود صداء (برومة )
عدم وجود اى اثار لزيوت او شحومات قديمة
علبةالشكمان سليمة و مش مصدية و مفهاش لحا مات و خصوصاً فى المناطق الضيقة اللى بتوصلجزء للآخر

من الداخل : بعد ما خدت لفة حوالين العربية ... افتح الباب وادخل عشان تقعد فيها ..بس سيب الباب مفتوح و انت بتقعد
لو لاحظت ان سفل ضلفةالباب بينزل لتحت (بيقرب من الارض ) كتير وانت بتقعد فى العربية يبقى العفشة ضعيفةو المساعدين تعبانين ...
-لاحظ كاوتش الباب و حالتة
-لاحظ حلق الباب كلة (اى صداء -خبطات -لحامات -التواءات )
-لاحظ القايم (على يمينك اللى واصل بيناسفل العربية و السقف )
اى التواءات -اثر لحام قديم -فوارق بينة و بين السقف ......علامة سيئة جداً

خلاص اقفل الباب و خش العربية اقعد فيها

-فرش الصالون
وجود فرش اضافى ...... (غير جيد) شيلة و بصتحتية
الفرش الاصلى متناسب مع عمر العربية .......(ممتاز)
الفرش الاصلى اقلمن عمر العربية مع وجود فرش اضافى .......(جيد)
الفرش الاصلى وحش و متبهدل .......(سىء)
-فبر التابلوة
فبر التابلوة متناسب مع عمر العربية (ممتاز)
فبر التابلوة بيلمع...... (غير جيد)
فبر التابلوة وحش و مشقق (سىء)

-فرش الصالون ..اى اثر لخياطات او ترقيعات او حتت متاكلة و شوفالدواسات و فرش الابواب و الحالة العامة لكل التنجيد الداخلى و مقايستة بعمرالعربية ومناسبتة لنمط شخصية البائع
-السقف الداخلى ..ملاحظة اى فوارق اوهبوطات او اثار فك و تركيب فى كل السقف و التقائة بالجوانب اللى شاية السقف كلة
-الدواسات اصلية ولا لأ و هل فى تحتها اى تأكلات او اثار لآحتكاكات مستديمة
-الجزء اسفل التابلوة
متقفل كويس و علية تراب ....( ممتاز)
متقفل كويس ....( جيد)
مفارق و فية اثار فك و تركيب ....( سىء)
مفتوح و فية اسلاك واضحة ......(سىء جداً) مؤشر لحالة الكهربا العامة فى العربية
-لوحة العدادات
اىفوارق بين الزجاج بتع العدادات و التابلوة .....(سىء)
-درج التابلوة
نضيف ومتقفل من اخرة كويس ....(ممتاز)
مليان حاجات و مكركب ....(غير جيد)
ضهرة واقعو متبهدل من جوة ...(سىء)
-فرامل اليد ..... وانت قاعد جوة العربية شد فراملاليد للآخر ولاحظ الاتى
فرامل اليد بتتطلع بصعوبة وبتقف ببطىء فى الاخر ......(ممتاز)
فرامل اليد بتتطلعبراحة و بتصد فى الاخر بنعومة (غيرجيد)
فرامل اليد بتتطلع مرة واحد بسهولة و بتصد فى الاخر مرة واحدة (سىء)

انزل من العربية وروح شوف الشنطة

افتح الشنطة ولاحظ بتتطلع لفوق ازاى (بسهولة بتترفع لوحدها -بصعوبة -بتقع تانى )
شيل فرش الشنطة و بص تحت الفرش
لاحظ اى .. صداء (برومة -انخفاضات -اثر لحامات -شحومات -زيوت) كل دى علامات سيئة
بص على اركان الشنطةاللى خلف الفوانيس الورانية
لاحظ اى اثار لفك و تركيب -اسلاك بارزة -خبطات (مسمعة جوة )
شوف حالة الاستبن
استبن اصلى ......(ممتاز) ساعات بيبقى اصغرمن كاوتش العربية العادى (بعض العربيات )
استبن بحالة كويسة .....(ممتاز)
استبن حالتة اسواء من حالات الكاوتش اللى متركب فى العربية ......( سىء)

حالة الموتور :
تعالا قدام الكابوت ..افتحة ..
1-اللون والشكل
ملاحظة لون داخل الموتور (حوض الموتور) نفس لون العربية ولا لآ
-نفسلون و درجة العربية ...(ممتاز)
-اقل من درجة لون العربية (فى اللمعان )....(جيد)
-متبهدل كتير عن العربية ...(سىء)
2-الحالة العامة
ملاحظةالاركان الجانبية فوق و تحت -الوصلات -عدم وجود اى اثار نشع زيت فوق و تحت -
مستوى السوائل فى مختلف العلب -عدم وجود اى اثار لحامات او شروخ او تغطيات -البطارية عليها شحم او املاح (بيضاء) - السيور ناعمة و مش ناشفة ولا مشققة -عناصرتركيب الفوانيس من ورا ثابتة و مش مفكوكة قبل كدة -علبة الريداتير مش مصدية -وشالموتور (السدر) من الناحية المتصلة بالكابينة العزل فيها ماسك نفسة و مش واقع ومفيش اجزاء مصدية الاجزاء فوق العجل(العلب) مفيش فيها لحامات ولونها ذى الباقى -الخط العرضى اعلى حوض الموتور مستوى و افقى

اطلب من البائع يدور العربية و انت واقفقدام الموتور ولاحظ الاتى

-فى صوت قفشة فى التدوير ولا دارت بنعومة
-صوت الموتور نغمةواحدة ولا فيها تقطيعة او ذبذبة
-فى صوت ورة او صفارة صغيرة
-اطلب منة يزودبنزين و شوف .. الصوت بيعلى على وتيرة واحدة ولا بيقطع و فى اصوات تانية دخات فىالموضوع
ابعد عن العربية فى اتجاة عمودى ...وشوف فى اى دخان او بخار طالع مهماكان مش ملحوظ فى زغلله و (ظاهرة السراب) يعنى حرارة طالعة اعلى الموتور ولالأ
ارجع تانى للعربية ..شامم اى ريحة
شوف مروحة الرياتير اشتغلت ولا لسة
حط ايدك على الريداتير ... تستحمل تحط ايدك ثانية واحدة ولا بقى سخن و مولعجداً

اطلب من صاحب العربية يلف الدركسيون للآخر مرة يمين ومرة شمال

-ما سمعتش اى صوت و انت واقف فوق الموتور ...(ممتاز)
-سمعت صوتطقطقة او صفارة خفيفة اوى ........(سىء)

ارجع ورا العربية و حط ايدك قدام فتحةالشكمان

سد بأيدك فتحة الشكمان لمدة ثانية واحدة ..لقيت ممانعة و قوةبتبعد ايدك جامد يبقى...( ممتاز)
....شيل ايدك و بص فيها
ايدك نضيفة ومعلهاش اى حاجة ..(ممتاز)
مفيش اى حاجة بس فى اى حاجة ولو بسيطة بتطلع منالشكمان سواء (مياة -رزاز-نقط سوداء -دخان بسيط) .....(غير جيد)
فى اى اثار لنقطسوداء على ايدك ...(سىء)

ادخل جوة العربية تانى

لاحظ الاتى
1-لف الدركسيون... ذى ما كنت واقف امام العربيةفاكر (اى تقطيع فى اللفة -تكات -صوت-)..(سىء)
2-جرب الزجاج الكهربا فوق و تحتالاربعة
3-بص على مؤشر الحرارة
ثابت فى النص...(ممتاز)
بيشاور عقلةلقدام (سىء)
4-بص على لوحة العدادات
ال RPM مفروض يبقى بين 800 و 900 فىالطبيعى
5-شغل التكييف على البارد على اقصى درجة
ال Rpm هايعلى سنة لفوق ..دة كويس ...حط ايدك على فتحات التكييف ..بتطلع هواء بارد جداً و مستمر لفترةدقيقة لديقتين يبقى كويس
-ال RPm و التكييف شغال ثابت .....(ممتاز)
-ال RPm بيترعش و يطلع و ينزل .....(سىء)
5-شامم اى ريحة حاسس بأى صوت خفيف ...مفيش .. يبقى تمام
6-اطفى التكييف و خليك قافل الزجاج 3 او 5 ثوانى
-درجة الحرارةما رحتش بسرعة ....(ممتاز)
-درجة فرقت وراحت بسرعة ....(سىء)

------------------------------------------------------

لحظة اتخاذ القرار
جمع كلالنقاط السلبية و سيبك من اى عناصر ايجابية
لقيت عددها قليل ودرجة اهميتهابسيطة ....(يبقى هاتشترى العربية دى )
لقيت عددها مساوى او اكتر و درجة اهميتهاعالية ....(يبقى سيبك من العربية دى )

افتح الباب و انت نازل من العربية واخد قرارك أة ولا لأ (مهما حصلبعد كدة مايفرقش معاك)

------------------------------------------------------

انزل و اتكلم مع البائع فى تمن العربية و فاصل و اذكر كل مدة احدى السلبيات اللى جمعتها فى دماغك (مش مرة واحدة) وحاول توصل معاة لآحسن سعر ممكن

[mimovet]

هى الكوبلن بالاكس استيراد يعمل كم اصل الميكانيكى قالى الاكس خارج عن مكانه وتقريبا الاكس ده مش بيباع جديد

[Eng.Geo]

اهلا جو انت فين نسيت الاكسل بعد ما بعت ليا عندك سوال انا فاكر ان التكيف بتاعك اللى كان فى الاكسل كان شغال تمام . السؤال بقى هل ده كان بتاع العربيه الاصلى ولا نوع تانى ؟

عمري ما أنساكم ولا أنسي الرابطة الجميلة ده :)
التكييف كان بتاع العربية الأصلي

[magid1010]

هى الكوبلن بالاكس استيراد يعمل كم اصل الميكانيكى قالى الاكس خارج عن مكانه وتقريبا الاكس ده مش بيباع جديد

فى حدود 250 جنيه على ما قريت قبل كده و ممكن تشوفه فى الحرفين او عزبه شلبى

[salaa]

اكسل

السلام عليكم عملت نصف عمره من ثلاثه ايام واحب اعرفكم بماتم
1- طقم شنبر 120 ج
2- طقم صباب يابانى 175 ج
3- طقم سبيكه 160 ج
4- جلد صباب 20 ج
5- جوان وش سلندر 20ج
6- جوان تكيهات 10ج
7- جوان كرتير 15ج
8- خراط 140 ج
9- جيركن زيت 55ج
10- بنزين 10ج
11- امبوله معجون جملاكه17ج
12- جوان مانا فوا وجوان ترمبه بالفيرا 17ج
مصنعيه الميكانيكى 350 ج
الوقت ثلاثه ايام
حطيت صفيحه بنزين 80 وهى واقفه مع تشغيل الماتور ومشيت على سرعه 60 وعملت 200 كيلوا باقى لى 800 كيلو على 60 السرعه كما قال الميكانيكى

اتمنى ان اكون ساعت الاخوه فى تكلفه نصف عمره

[amr78falcon]

يا جماعة عندىمشكلة محيرانى جدا لو طلعت بالعربية والعربية مش سخنة اوى يحصل انى عند تزويد البنزين فجاة يحصل خناة بالعربية وكانها هتبطل والاحظ ان r.p.m قل وبعد كدة يعلى تانى والعربية تسحب ويتكرر ذلك اما لو العربية سخة يعنى فوق العلامة بحوال شرتطين لا يحصل الى فات ارجو افادتى ضرورىالعربية اكسيل 1500

[Tarek_Swelm]

يا جماعة عندىمشكلة محيرانى جدا لو طلعت بالعربية والعربية مش سخنة اوى يحص انى عند تزويد البزين فجاة يحصلة خناة بالعربية وكانها هتبطل والاحظ ان r.p.m قل وبعد كدة يعلى تانى والعربية تسحب ويتكرر ذلك اما لو العربية سخة يعنى فوق العلامة بحوال شرتطين ا يحصل الى فات ارجو افادتى ضرورى

ماهو ده طبيعي !
لازم تسيبها تسخن الأول

يعني المشكلة دي مش بسبب كربراتير محتاج يتنضف او ظبط هواء او بنزين او كهرباء مقدمة او مأخرة ؟

[Eng.Geo]

يعني المشكلة دي مش بسبب كربراتير محتاج يتنضف او ظبط هواء او بنزين او كهرباء مقدمة او مأخرة ؟

لو أي حاجة من دول بايظة هتعمل كدة
بس ماتحكمش عليها وهي باردة
لو سخنت وفضلت كدة يبقي تظبط كهربا وخليط وبعدين تشوف الكربراتير

[mimovet]

انا عندى صوت تزييق من ناحيه الشمال بيبان عند المطبات مع انى لسا مغير مساعدين المكيانيكى قالى الاكس بتاع الكوبلن خارج عن مكانه وكمان فى خبطه منت الناحيه الشمال على الطرق المكسره بلاحظها

[Tarek_Swelm]

يا شباب هيا الاكسيل فيها كام بلية في العجل الامامي ؟
يعني 2يمين + 2شمال ولا واحدة عريضة في كل ناحية زي الانوس
انا بس عايز ااكد علي ان السؤال علي العجل الامامي مش الخلفي

[salaa]

السلام عليكم عندى تسجيل العربيه بفلاشه لما اشغل العربيه يقطع فى الصوت فى الراديو والفلاشه وفى الراديو مع التقطيع بسمع ذبذبه وشكرا

[maged_gamel2000]

2 يا باشا فى كل عجلة