رابطة مالكى الاكسيل-الجزء الأول

[singary2010]

انا عندى مشكلة حاسس انها عوامة البنزين
ان لو التنك مليان للاخر المؤشر بيكون على العلامة الى قبل الf يعنى 3/4 بس
مش عارف المشكلة كدا من ايه؟ فى العوامة ولا فى العداد عاوز يتعاير وهل الموضوع دا صعب

على فكرة انا اكسيل 1300 موديل 94 خليجى

اللينك ده هيوريك المشاركه بتاعت العوامه وان شاء الله تستفاد وياريت تعرفنا اخر الاخبار وبالتوفيق

http://www.nilemotors.net/Nile/21398-a-518.html#post3873457877

[Lion_Heart]

[QUOTE=singary2010;3873959432]أولا اشكرك على اهتمامك
ثانيا ثمن الزيت ده كام وموجود بوفره فى المحلات ولا لا
وأنا إن شاء الله هغير الزيت كله زى ما انت قلت احسن طبعا[/

QUOTE]
الشكر لله كلنا هنا عشان نفيد بعض
هتلاقيه بحاجة و عشرين و اسال عليه فى البنزينات و المحلات النضيفة
و دول روابط هايلة بالنسبة لزيت الفرامل و خطورة عدم تغير الزيت
و ماتنساش عندنا بنستخدم DOT 3 مش DOT4 و الكلام ده مكتوب على غطا خزنة الزيت عندك

http://www.nilemotors.net/Nile/251414-dot-4-a.html

http://www.nilemotors.net/Nile/254101-a.html

http://www.nilemotors.net/Nile/253625-a.html

http://www.nilemotors.net/Nile/149434-a.html

[Lion_Heart]

ياريت حد من الاخوة الاعضاء اللى غيروا زيت الفرامل يقولنا الاكسيل بتاخد زيت فرامل اد ايه ؟؟؟

[wael6]

اعمل كتاوت ولا اكشف ع البطارية الاول ؟؟؟؟؟؟؟

العيب ده عيب مارش (كتاوت) ولوهوه فى اول الموضع معاك اختباره سهل
دور العربيه لو مش دارت خليك فاتح الكونتاك وافضل ضاغط ومدور لحد ما تلقط معاك
حوالى 30 ثانيه جرب كده وابقى عرفنى النتيجه

العربيه قعدت 4 ايام تدور كويس و من اول مره عادى جدا حتى ولو مركونه يومين كاملين
لكن اليوم اشتغلت الصبح كويس وبعد الضهر كمان
وفصلتها 5 دقايق وجيت ادور
مدارتش وعملت صوت ترترتترترتر ولمبة الزيت بس اللى شغاله ولمبة الدينامو لا
فضغطت ع الكونتاك زى ما حضرتك قولتلى وفعلا لقطت لوحدها من اول مره بعد ثوانى
اللى مستغربله ان العيب ده مش مستمر وايه علاقته بهزة قطاش لبطارية
هو فعلا نفس الكهربائي بتاعى قالى نفس كلام حضرتك انى محتاج كتاوت تقوية للمارش تساعد المارش و البطارية لوحالتهم ضعيفه للدوارة بدل ما تغيرا لمارش او الاوتوماتيك بتاعه
(( سعرا لمارش كام لو سمحتمو الاوتوماتيك بتاعه ))
وقالى فى كتاوت يابانى ب 75 بتركيبهم و قالى هتجرب لو ظبطت خير مظبطتش هتاخد فلوسك تانى
بس مش دى المشكله بالظبط
انى اخشي ان يكون عيب بطارية وهى ا يضا لسه فى الضمان والغريب ان عينها خضراء وقياس شحنها سليم
وكمان هل كتاوت المارش دى ممكن تغطى ضعف البطارية وتوهمنى فى المستقبل ان البطارية سليمه وتكون بايظه
اعمل كتاوت ولا اكشف ع البطارية الاول ؟؟؟؟؟؟؟
متابع معاكم
وشكرا جزيلا

[aboharb]

الحقونى عرسه بتخش شنطة العربيه الاول لقيت بقايا عيش وعضم نضفتهم وبعدين رجع الموضوع تانى لغاية لما جيت فى مره افتح الشنطه لقتها طارت المفاجأه انى لقيت الفرش اللى بيغطى اجناب الشنطه من الداخل مش موجود وهى بتخرج منه علشان كده عايز اعرف الفرش ده ممكن يتعمل عموله ولا بيجى استيراد ولا فى منه جديد بصراحه الموضوع ده تاعبنى جدااا لان الجراج كبير جدا وفيه اكتر من 200 عربيه وبصراحه مش ملاحقها من الكلاب وخرابيشها على العربيه طلعتلى العرسه

[Lion_Heart]

الحقونى عرسه بتخش شنطة العربيه الاول لقيت بقايا عيش وعضم نضفتهم وبعدين رجع الموضوع تانى لغاية لما جيت فى مره افتح الشنطه لقتها طارت المفاجأه انى لقيت الفرش اللى بيغطى اجناب الشنطه من الداخل مش موجود وهى بتخرج منه علشان كده عايز اعرف الفرش ده ممكن يتعمل عموله ولا بيجى استيراد ولا فى منه جديد بصراحه الموضوع ده تاعبنى جدااا لان الجراج كبير جدا وفيه اكتر من 200 عربيه وبصراحه مش ملاحقها من الكلاب وخرابيشها على العربيه طلعتلى العرسه

الفرش ده و باقى فرش الشنطة عبارة عن موكيت ممكن بسهولة تسال عليه و تشوف خامته و لونه فى اى معرض موكيت ماك و حضرتك تجيبه و تقصه بنفسك
الموضوع سهل خالص
و يا ريت كلكم فى الجراج تشتركوا و تحطوا حاجة تمنع الزواحف و القوارض

[aboharb]

الفرش ده و باقى فرش الشنطة عبارة عن موكيت ممكن بسهولة تسال عليه و تشوف خامته و لونه فى اى معرض موكيت ماك و حضرتك تجيبه و تقصه بنفسك
الموضوع سهل خالص
و يا ريت كلكم فى الجراج تشتركوا و تحطوا حاجة تمنع الزواحف و القوارض

يعنى الاجناب بتكون موكيت مش جلد وبتكون لزق لو الموضوع كده يبقى سهل اعمل بترون بالمقاسات واقص عليه واللزقه بدبل فيس او سيلكون برجاء التاكيد من الجميع الفرش الداخلى للشنطه من عند الرفرفين الخلفين من جوه يبقى ايه بالضبط

[alaamousa]

الله يكون في عونك انا كانت بتحصل معايا في العربية القديمة كانت بتدخل من الدواسات

[alaamousa]

متابع

[stariieg]

اللينك ده هيوريك المشاركه بتاعت العوامه وان شاء الله تستفاد وياريت تعرفنا اخر الاخبار وبالتوفيق
http://www.nilemotors.net/nile/21398...post3873457877

الف شكر يا باشا و ها اشوف و اقولكم طبعاً

[magid1010]

ازيكم وحشتونى
انا عندى مشكله فى الفتيس النقل صعب للتانى و التالت و بيضؤر كده رحت لميكانيكى قالى دى الجلب و راح مغير 3 جلب و قالى كله تمام بس الوضع زى ما هو بفكر اجيب فتيس استيراد 5 نقلات لو حد يعرف مكان كويس اجيب منه اكون شاكر و لا اصلح الفتيس ده؟

[toto_hoho82]

في الصباح الباكر يكون محرك السيارة بارد وبالتالي لابد من التسخين لعدة أسباب وفوائد مهمة

أولا : تعريف تسخين المحرك:هو رفع سرعة لفات الموتور RPM عن المستوى الطبيعي لحالة الخمول في المحرك لمدة معينة سواءاً أثناء التوقف أو حتى مع تحرك السيارة
ويظل التسخين لوقت محدد حتى يصل المحرك لنقطة حرارة منتظمة ومناسبة في داخلة

ثانيا: أسباب وفوائد عملية تسخين المحرك:
1 - عند بدء تشغيل المحرك على البارد (في الصباح) يكون الزيت في قاع حوض الزيت (الكارتير) بارد ثقيل القوام وبالتالي يحدث ما يسمى الإحتكاك الجاف وهو ما يسارع من تآكل المحرك
ولتجنب ذلك يتم رفع سرعة المحرك وبالتالي تسخين الزيت حتى يصل لدرجة السيولة التي يبدأ الزيت عندها بالتزييت بفعالية
ملاحظة: بالنسبة للزيوت التخليقية واسعة المدى الحراري (غالية الثمن ويتم تغييرها على مدى طويل 10000 كيلومتر) فإنها في الصباح تكون أسهل وأسرع في الوصول لدرجة الحرارة المثلى للتزييت (تحتاج لوقت تسخين أقل)
ولكنها لا ينصح بإستعمالها مع المحركات القديمة نسبياً وذات الكفاءة المنخفضة (ذات الكبس الضعيف نتيجة لزيادة الخلوص في غرفة الإحتراق)

2 - درجة الحرارة داخل غرفة الإحتراق تكون منخفضة وعند التشغيل في الصباح الباكر تتراوح درجات الحرارة داخلها بين 1200 و 70 درجة مئوية بتوزيع غير منتظم
ونتيجة لأن أغلب أنواع الوقود البترولي (بنزين & ديزل & غاز) تحتوي على نسب متفاوته من عنصر الكبريت
وحيث أن نواتج الإحتراق تحتوي على بخار الماء الذي يتحد مع الكبريت مكوناً حمض الكبريتيك (H2So4) (ماء النار) وحيث أن درجة حرارة تكثفه هي 110 درجة مئوية وبالتالي يحدث له تكثف لحظي عند إدارة المحرك على البارد (في الصباح الباكر مثلا)
من المعروف عن حمض الكبريتيك أنه آكل للحديد بشدة
ولمنع حدوث ذلك يتم التسخين للمحرك لرفع درجة حرارته عن هذه المنطقة الحرجة بسرعة للحصول على عمر أطول وكفاءة أعلى للمحرك
ومن المشهور أن الغاز الطبيعي أكثر أنواع الوقود إحتواءاً لعنصر الكبريت يليه الأنواع الأخرى

وبالطبع مدة التسخين تختلف من محرك لآخر حسب تكنولوجيا التسخين المستخدمة
في المحركات القديمة يتم تسخينها يدوياً بزيادة الضغط على دواسة البنزين عدة دقائق أو بسحب قابس الخانق (الشفاط) لوقت أقل في التسخين
في المحركات الحديثة بالكامل يتم التسخين فيها آلياً عن طريق حساسات للحرارة يتم رفع سرعة لفات الموتور حتى الوصول لدرجة الحرارة المثلى (وتكنولوجيا التسخين الآلي تختلف من ماركة لأخرى)

سؤال كثيراً ما يسأل :
بعض السيارات الحديثة يوصى في دليل المالك بالتحرك فورا عند إدارة المحرك حتى في أوقات الصباح الباكر؟

الإجابة: أن تكنولوجيا التسخين في هذه المحركات تتم آلياً أثناء السير والتوقف على السواء
ولو كانت سيارتك حديثة الإنتاج وبها سخان آلي فعليك بالتحرك بعد التشغيل بمدة تقل عن الدقيقة
ولكن عليك بالقيادة الهادئة لمسافة بسيطة ثم بعد ذلك تحول للقيادة الطبيعية

وكذلك بعض السيارات القديمة بها أداة الخانق (الشفاط) ومن الممكن سحبها لمسافة قصيرة يدويا والتحرك بالسيارة بهدوء لفترة معينة ثم يتم إرجاعها لموقعها الطبيعي بعض التسخين لمسافة بسيطة مناسبة

[toto_hoho82]

اولا: مدى اهمية تنظيف الكربرادير:
1-يؤثر على نعومة السيارة بشكل ملحوظ
2-يؤثر على اداء المحرك و استجابتة
3-يؤثر على معدل استهلاك البنزين.

ثانيا: كيفية التنظيف:
1-هنفك عمة فلتر الهواء و نفك الفلتر خالص.
2-تبطل عمل المحرك وتلف الكربرادتير بفوطة عشان مفيش اى كاوتشات او اجزاء مطلية تبوظ نتيجة التنظيف.
3- نستخدم WD- 40 لتزييت الاجزاء المتحركه فى الكربرادتير وما حولة.

4-قبل تدوير المحرك قم برش كمية صغيرة من منظف الكربرادير بداخل الكربراديرمباشرة.


5-قم بفك الفوطة من حول الكربرادير و قم بتدوير المحرك.ممكن فى الخطوة دية العربية مترداش تدور من اول مرة و دة طبيعى.
6-قم بالضغط على دواسة البنزين لرفع عدد لفات الموتور مثلا 3000-4000 لفة و قم برش الاسبراى مرة اخرى على دفعات صغيرة.
7-قم بترك دواسة البنزين ليكون الموتور فى الوضع العادى(السلانسية) ثم قم برش الاسبراى مرة اخرى.
8-اترك السيارة دايرة حوالى 5دقائق ثم بطلها.
9-قم بتنظيف الفلتر بالهواء المضوط وركبة هو و العمةز
10-قم بقيادة السيارة حوالى 10-15 دقيقة لحد ما تسخن لضمان ان المنظف مشى على دورة البنزين كلها.

منظف الكربرادير موجود عند بتوع الاكسسوارات و البنزينات انا احسن نوع استعملته هو Gunk هو علبة صفراء و مكتوب عليها Made in USA و تمنه حوالى 18-20

[toto_hoho82]

كلمة ان الموتور خفيف تعنى ان اجزاء الموتور الحاكمة لعدم تسرب الحريق الى حيز الزيت وتسرب الزيت الى حيز الحريق اصبحت خلوصاتها واسعة وتسرب الحريق والضغط الى حيز الزيت والزيت الى حيز الحريق وهذا يؤدى الى اضطراب اداء المحرك وضعفه ونلاحظ ظهور الأعراض الآتية

1- تسرب الحريق الى حيز الزيت يضغط على الزيت ويسخنه فيهرب بخار الزيت من خرطوم الفايظ الذى يصل بين غرفة الزيت ووحدة تغذية الوقود، ويسهل الكشف عليه بالفحص النظرى لخرطوم الفايض اثناء دوران المحرك، فعندما تخرج كمية قليلة من البخار الأبيض من الخرطوم عند كبس دواسة البنزين بشدة فلا مشكلة اما لو ان البخار يخرج طوال فترة دوران المحرك وبكميات كبيرة فهذا معناه ان شمبر الضغط خفيف(لدينا 3 شنابر على كل مكبس، الأعلى مسئول عن الحبك على الحريق، والأوسط مسئول عن حبك الضغط داخل غرفة الحريق، اما الثالث فمسئول عن منع دخول الزيت الى غرفة الحريق،)

2- تسرب الزيت الى غرفة الحريق يؤدى الى عدة اعراض، اولها ظهورا هو تلف البوجيهات حيث يترسب عليها الزيت ويقلل كفائتها، ويلاحظ دلك بفك البوجيها وملاخظة وجود لمعة زيتية على طرفها المشتعل، وعندا يزيد التسرب يعرقل وجود الزيت بالمحرك سرعة دوران السيارة عندما تكون باردة ونجد انها اصبحت صعبة الدوران صباحا، وعندما يزداد تسرب الزيت نلاحظ عدم احتراق الزيت بالكامل ويخرج من الشكمان فى شكل دخنة بيضاء مائلة للأزرق ذات رائحة محترقة تظهر حصوصا فى بدايات النقلات او مع كبس البنزين، وطبعا تسرب الزيت للمحرك وكذلك تبخره نتيجة لكبس الحريق عليه يؤدى الى نقص الزيت من خزان الزيت ويلحظ ذلك على مقياس الزيت على المدى الطويل(الف كيلومتر متثلا-نقص نصف كيلوجرام من الزيت فى ألف كيلومتر بودن وجود تسرب من الجوانات يعنى مباشر ان المحرك خفيف، ايضا من اعراض تسرب الزيت الى المحرك تدهور خواص الإحتراق نتيجة لاختلاط الوقود بالزيت فنلاحظ ان المتور يصفع(يسقف) بشكل مبالغ فيه مع الحمل او المطالع او الكبس على البنزين وهذا عرض أخر لخفية المحرك

3- تأكل اسطوانات الكراسى (السبيكة) الخاصة بالكرنك والكامة يؤدى الى سرعة مرور الزيت خلالها وتدهور ضغط الزيت ونلاحظ ذلك عندما تضئ لمبة الزيت فى السلانسية

وعلى ذلك يمكن تلخيص اعراض خفية الموتور فى :

1- مشاهدة بخار زيت كثيف من خرطوم الفايظ ثناء دوران المحرك وبدون كبس

2-وجود زيت على البوجيهات

3- وجود آثار زيت بكثرة فى دورة تغدية الوقود (لو كان خرطوم الفايظ متصل بها ولم يقم الميكانيكى بنزعه)

4-صعوبة دوران السيارة فى الصباح ( وإن كانت هذة لا تقوم لوحدها دليل على خفية الموتور لأن لها اكثر من سبب هذا احدها)

5-تسقيف الموتور بشكل مبالغ فيه فى المطالع او مع كبس البنزين

6-خروج دخنة بيضاء مائلة للأزرق مع بداية تحريك السيارة او مع كبس البنزين (طبعا لو وصلنا لمرحلة انها بتخرج طوال الوقت يبقى المحرك منتهى)

7- نقص الزيت مع استخدام السيارة (نصف كيلوجرام زيت لكل ألف كيلومتر هو معدل بداية القلق)
وفى طريقتين للحل الطريقة الأولى

- عمرة كامل للموتور .
- تغيير الموتور بموتور آخر جديد او استعمال خارج.

وشكرا

[magid1010]

ازيكم وحشتونى
انا عندى مشكله فى الفتيس النقل صعب للتانى و التالت و بيضؤر كده رحت لميكانيكى قالى دى الجلب و راح مغير 3 جلب و قالى كله تمام بس الوضع زى ما هو بفكر اجيب فتيس استيراد 5 نقلات لو حد يعرف مكان كويس اجيب منه اكون شاكر و لا اصلح الفتيس ده؟

ف


وكذلك بعض السيارات القديمة بها أداة الخانق (الشفاط) ومن الممكن سحبها لمسافة قصيرة يدويا والتحرك بالسيارة بهدوء لفترة معينة ثم يتم إرجاعها لموقعها الطبيعي بعض التسخين لمسافة بسيطة مناسبة

الف شكر على المعلومات الجميله دى

اولا: مدى اهمية تنظيف الكربرادير:
1-يؤثر على نعومة السيارة بشكل ملحوظ
2-يؤثر على اداء المحرك و استجابتة
3-يؤثر على معدل استهلاك البنزين.

ثانيا: كيفية التنظيف:
1-هنفك عمة فلتر الهواء و نفك الفلتر خالص.
2-تبطل عمل المحرك وتلف الكربرادتير بفوطة عشان مفيش اى كاوتشات او اجزاء مطلية تبوظ نتيجة التنظيف.
3- نستخدم wd- 40 لتزييت الاجزاء المتحركه فى الكربرادتير وما حولة.

4-قبل تدوير المحرك قم برش كمية صغيرة من منظف الكربرادير بداخل الكربراديرمباشرة.


5-قم بفك الفوطة من حول الكربرادير و قم بتدوير المحرك.ممكن فى الخطوة دية العربية مترداش تدور من اول مرة و دة طبيعى.
6-قم بالضغط على دواسة البنزين لرفع عدد لفات الموتور مثلا 3000-4000 لفة و قم برش الاسبراى مرة اخرى على دفعات صغيرة.
7-قم بترك دواسة البنزين ليكون الموتور فى الوضع العادى(السلانسية) ثم قم برش الاسبراى مرة اخرى.
8-اترك السيارة دايرة حوالى 5دقائق ثم بطلها.
9-قم بتنظيف الفلتر بالهواء المضوط وركبة هو و العمةز
10-قم بقيادة السيارة حوالى 10-15 دقيقة لحد ما تسخن لضمان ان المنظف مشى على دورة البنزين كلها.

منظف الكربرادير موجود عند بتوع الاكسسوارات و البنزينات انا احسن نوع استعملته هو gunk هو علبة صفراء و مكتوب عليها made in usa و تمنه حوالى 18-20

الف شكر