رابطة مالكى الاكسيل-الجزء الأول

[vbshar]

دعوة للتغيير

انا معكم في الرأي الموضوع دة احنا اللي بنطبقة في العالم كلة علي الرغم ان كتير من الناس مش بتحب دة
برة او خارج مصر بيعملو اللي هما عيزينة ومحدش بيدور في العربية رشة ولا لا بس هنا السوق والتجار هما اللي خلو الموضوع ده عام لمصالحهم الشخصية وللاسف احنا بنمشي وراهم عن غير فهم

احنا عاوزين نغير المفهوم االزفت دة لعملية بيع العربيات و سلملي على العربية الفبريكة

[midoonesaid]

ياريت انا بقالي بتاع شهرين بحاول ابيع عربيتي مش عارف
كل اما اروح لواحد يطلعلي القطط الفطسانة فيها آخر واحد بيقولي المتور عايز عمرة وبينفخ وان لسه معمره والله ولا بينفخ ولا حاجة وشوية يقولي عفشة وبعدين كبالن مع اني مظبط الحاجات دي (فصلها لي بـ25 في الآخر) لما كان هاين عليا اخبطو بالعربية وانا ماشي من عندو
بجد ربنا يكفينا منهم

[vbshar]

مهزلة

ياريت انا بقالي بتاع شهرين بحاول ابيع عربيتي مش عارف
كل اما اروح لواحد يطلعلي القطط الفطسانة فيها آخر واحد بيقولي المتور عايز عمرة وبينفخ وان لسه معمره والله ولا بينفخ ولا حاجة وشوية يقولي عفشة وبعدين كبالن مع اني مظبط الحاجات دي (فصلها لي بـ25 في الآخر) لما كان هاين عليا اخبطو بالعربية وانا ماشي من عندو
بجد ربنا يكفينا منهم

25 الف على هيونداي
هزلت والله هزلت
دي قلة ادب

[mohsen2005ib]

صباح الخير عندى فى العربية كل ماجى اغير السرعة احس كانة فى عضة فى الغيار على الرغم انى دايس دبرياج على الاخر وعند السرعة 100 اشم رائحة شياط بسيطة تختفى عندما اقلل السرعة افيدونى

[Nader]

اصل عندنا في مصر الشاسية هو كل حاجة في العربية، يعني
أنت تقدر تغير الموتور (وتثبتة في الرخصة برضة مش بالساهل
برضة) وممكن تغير كل حاجة الا الشاسية، علشان كدة الناس
بتكون خايفة ليكون الشاسية فيه حاجة مخبوط مثلاً ولا ملحوم ولا
معووج علشان كدة يقولك لو العربية فابريكة يبقى انا ضامن
الشاسية مفيهوش غلط.

[Nader]

صباح الخير عندى فى العربية كل ماجى اغير السرعة احس كانة فى عضة فى الغيار على الرغم انى دايس دبرياج على الاخر وعند السرعة 100 اشم رائحة شياط بسيطة تختفى عندما اقلل السرعة افيدونى

راجع مستوى زيت الفتيس، غالباً هيكون ناقص.

[Nader]

ياريت انا بقالي بتاع شهرين بحاول ابيع عربيتي مش عارف
كل اما اروح لواحد يطلعلي القطط الفطسانة فيها آخر واحد بيقولي المتور عايز عمرة وبينفخ وان لسه معمره والله ولا بينفخ ولا حاجة وشوية يقولي عفشة وبعدين كبالن مع اني مظبط الحاجات دي (فصلها لي بـ25 في الآخر) لما كان هاين عليا اخبطو بالعربية وانا ماشي من عندو
بجد ربنا يكفينا منهم

انا لو منك هقول له موافق واحدد معاة معاد في مكان
بعيد جداً عن سكنة (متخافش هيجي لانة طماع)
واديلة زنبة واسيبة ملطوع ولما يكلمك يقولك
انا وصلت قولة انا جاي اهة على الكوبري XD

[vbshar]

عشرة على عشرة يا نجم

انا لو منك هقول له موافق واحدد معاة معاد في مكان
بعيد جداً عن سكنة (متخافش هيجي لانة طماع)
واديلة زنبة واسيبة ملطوع ولما يكلمك يقولك
انا وصلت قولة انا جاي اهة على الكوبري XD

والله فكرة تمام
و هو هيجي علشان السعر الخيالي دة و يجري جرى
ناس ماعندهاش زمة ولا ضمير

[midoonesaid]

عامتا انا بعد الحاجات اللي شوفتها دي صممت اكثر ان مش هابيع الا بمزاجي وبالسعر اللي انا عايزو (مفيش ورايا حاجة بقى غير شوية امتحنات ) وربنا يكون في العون

[announcer]

الاكسلاويين الحلوين......
عندى عربية 95 1500 فيها طبعا زجاج كهرباء...المطلوب:
1- عاوز اركب انذار...ايه احسن نوع؟
2- عاوز الزجاج يقفل مع الريموت...لازم مكن رفع ولا مش هحتاجه؟ وياترى مكن الرفع ده بكام؟
شكرا

[Nader]

الاكسلاويين الحلوين......
عندى عربية 95 1500 فيها طبعا زجاج كهرباء...المطلوب:
1- عاوز اركب انذار...ايه احسن نوع؟
2- عاوز الزجاج يقفل مع الريموت...لازم مكن رفع ولا مش هحتاجه؟ وياترى مكن الرفع ده بكام؟
شكرا

ركب انذار ولف وركب وحدتين رفع ولف برضة علشان الـ4 ابواب
الزجاج يقفل مع بعضة بالريموت.

وحدة الرفع في حدود 50 جنية، يمكن اكتر أو اقل شوية.

[sherifnagy]

السلام عليكم
انا معر,ض علي اكسنت2002 1500 علي 44500
صاحبها بيقول انها بحالة الزيرو
هل السعر دة كويس
و هل كدة يبقي افضل من الاكسيل -عشان انا كنت بدور علي اكسيل-
وياريت حد يرشحلي مركز خدمة كويس اروح اكشف علي العربية فية -انا سمعت ان في مركز في الحرفيين لو حد عارفة يوصفهولي

اسف علي الاطالة ولكن يا ريت تساعدوني انا بقالي سنة متردد و بدور علي عربية كويسة

[adelkamalh]

يارجالة أنا عندى مشكلة رهيبة

عربيتى واقفة ومش شغالة ولما جبت الميكانيكى والكهربائى قالولى إن مشط الإسبراتير محروق

جيبت لحد دلوقتى عدد 2 مشط وكل ما يركبها يقولى أنة مش شغال ؟

أعمل إية
أنا من طنطا والعربية واقفة فى قويسنا

[m00dy]

راجع ضبط خلوص الدبرياج لان الشياط ده ريحة الاسطوانة مافيهاش كلام

[AVODAFONE1]

اصل عندنا في مصر الشاسية هو كل حاجة في العربية، يعني
أنت تقدر تغير الموتور (وتثبتة في الرخصة برضة مش بالساهل
برضة) وممكن تغير كل حاجة الا الشاسية، علشان كدة الناس
بتكون خايفة ليكون الشاسية فيه حاجة مخبوط مثلاً ولا ملحوم ولا
معووج علشان كدة يقولك لو العربية فابريكة يبقى انا ضامن
الشاسية مفيهوش غلط.

كلامك الي حد كبير صحيح بس في ناس وانت وانا وكلنا نعرف ان في ناس متخصصة في سيارت الحوادث بيخدو العربية تحس انها مش حتنفع تاني وبترجعها زي الاول كمان في بعض العربيات منها بيتغير او بيتاخد رقم الشاسية منة بحرفنة وبتتحط لعربيات من غير ورق بتكون نزلة جمرك ومش بتبان وعلي كدة وكمان بتتباع غالية موت