رابطة مالكى الاكسيل-الجزء الأول

[hagry_west]

بالنسبة لبعض اسعار قطع الغيار
ذراع النور و المساحات ب 240 جنية الكورى و الصينى ب 180 جنيه
مقبض الباب الخارجي ب 30 جنيه المعدن و البلاستيك ب 15 جنيه

[M.FOUAD]

بالنسبة لبعض اسعار قطع الغيار
ذراع النور و المساحات ب 240 جنية الكورى و الصينى ب 180 جنيه
مقبض الباب الخارجي ب 30 جنيه المعدن و البلاستيك ب 15 جنيه

هي اسعار المقابض دية كوري و لا صيني

[W77]

السلام عليكم

اذا سمحتم عندى اسفسار صغير
انا العربية كان فيها صوت غريب عند الموتور زى ما يكون صوت موتور موتوسيكل
روحت للميكانيكى سيبت العربية ورجعتله بعد ساعتين لقيته قالى ان الطنبورة كانت واقعة من مكانها وجبت الخراط و بتاع اللحام و الموضوع اتكلف 120 جنيه
المهم جربت العربية لقيت الصوت اختفى وحاسبته وخلاص
بس مش عارف الرجل ده امين ولا كدة نصب عليا
الرجاء حد يفهمنى لو الموضوع يستاهل يبقى خلاص الحمد لله
ولو الراجل ده نصاب يبقى ما اتعملش معاه تانى

[AVODAFONE1]

أنا من الهرم ورحت لياسر وظبط لى التكييف . جزاك الله خيرا
ممكن تقولى على الراجل بتاع الكاربراتير اللى انت عارفه وهل هوة متخصص كاربراتير بس ولا ميكانيكى
وهل ممكن يظبط لى العربية علشان وانا مشغل التكييف العربية بتنتش متهيألى الكهربة ومسمار الهوا محتاجين يظبطوا وجزاك الله خيرا

ياباشا الشكر لله احنا اخوات هو الراجل ميكانيكي مش متخصص في الكابراتير بس هو ميكانيكي شاطر وانا مجربة في اكتر من حاجة هو اسمة طارق وموجود في فيصل 18 ش عيد نافع الشارع علي نصيتة قهوة المصطبة ومحل راشا وراندا ورقمة 0107784124

[modynet16]

مكنش على البال ولا على الخاطر

يا اعضاء رابطة الاكسل انا واقع فى مشكلة كبيرة ومش عارف اعمل اية
انا جبت اكسل 94 1300 من 3 شهور وكان الموتور 70 % امبارح وانا ماشى سمعت صوت فى الموتور روحت عاطول للميكانيكى و قالى المفاجاة الى مش عالى البال ولا الخاطر قاللى ان الصوت دة فى الموتور من تحت وكدة يعنى عايز عمرة كاملة انا طبعا بعد الصدمة دية سألتة طيب تعمل كام قال 1500 ال 2000 بس قالى ممكن تجيب واحد استيراد 1500 كامل بالفيتس وحاجتة بس دية ممكن يعمل 3000 انا صراحة مش عارف اعمل اية فى الحوسة دية لان قطع الغيار الجديدة دلوقتى اى كلام معلش للتطويل عليكم بس بجد انا فى مشكلة وعايز رايكم

[M.FOUAD]

يا اعضاء رابطة الاكسل انا واقع فى مشكلة كبيرة ومش عارف اعمل اية
انا جبت اكسل 94 1300 من 3 شهور وكان الموتور 70 % امبارح وانا ماشى سمعت صوت فى الموتور روحت عاطول للميكانيكى و قالى المفاجاة الى مش عالى البال ولا الخاطر قاللى ان الصوت دة فى الموتور من تحت وكدة يعنى عايز عمرة كاملة انا طبعا بعد الصدمة دية سألتة طيب تعمل كام قال 1500 ال 2000 بس قالى ممكن تجيب واحد استيراد 1500 كامل بالفيتس وحاجتة بس دية ممكن يعمل 3000 انا صراحة مش عارف اعمل اية فى الحوسة دية لان قطع الغيار الجديدة دلوقتى اى كلام معلش للتطويل عليكم بس بجد انا فى مشكلة وعايز رايكم

الصوت دة عامل ازاي و اية سببة اصلا و ازاي يكون كبس الموتور 70 و عايز عمرة انا رايي تشوف اكثر من ميكانيكي قبل ما تعمل حاجة في العربية

[Lion_Heart]

الصوت دة عامل ازاي و اية سببة اصلا و ازاي يكون كبس الموتور 70 و عايز عمرة انا رايي تشوف اكثر من ميكانيكي قبل ما تعمل حاجة في العربية

فعلا صعبة اوى الحكاية دى و لو تعرف مركز صيانة معتمد و محترم قريب منك اعرض عليه مشكلتك اعتقد ان كده هيكون افضل و ربنا معاك .

[modynet16]

اولا شكرا على الرد و الاهتمام

الصوت دة زى حاجة بترزع فى حاجة وبتزيد كل ما زود البنزين والميكانيكى قالى الكلام دة فى مكان اسمة عمود الكرنك او الكرنك وورانى موتور عندة من تحت حتة منة مكسورة قالى اللى عندك بعد شوية هيبقى زيهو والله اعلم مستنى الرد!!! اة فالى دة بيكون سببة نتيجة نقص فى الزيت او التحميل الزائد على الموتور وانا عندى الزيت مظبوط ومش بجرى اصلا بالعربية

[AVODAFONE1]

اولا شكرا على الرد و الاهتمام

الصوت دة زى حاجة بترزع فى حاجة وبتزيد كل ما زود البنزين والميكانيكى قالى الكلام دة فى مكان اسمة عمود الكرنك او الكرنك وورانى موتور عندة من تحت حتة منة مكسورة قالى اللى عندك بعد شوية هيبقى زيهو والله اعلم مستنى الرد!!! اة فالى دة بيكون سببة نتيجة نقص فى الزيت او التحميل الزائد على الموتور وانا عندى الزيت مظبوط ومش بجرى اصلا بالعربية

بص يا سيدي
اولا سيبك من كلام الميكانيكي دة انت لما اشترتها كان فيها حاجة او الموتور كان لية اي صوت
ثانيا انت العربية اخدت منك خبطة جمدة من تحت او حاجة
ثالثا اتاكد من الكلام دة عند ميكانيكي تاني بس خلية هو اللي يكشف علي العربية انت متعرفوش ان فية حد غيرة شفهة
اخيرا لاقدر الله لو كلامة طلع مظبوط شوف حسب امكانياتك لو ينفع يتصلح صلحة لانك ممكن تجيب موتور استيراد ويطلع بردة مش كويس بمعني اة يصرف معاك وتبقي فتحت معاك في اكتر ما انت عامل حسابك

والله المستعان

[Angel_wolf]

سؤال رفيع ممكن اعرف سعر مساحات اكسل ومنين اجبها

[aymankader]

المشكلة: العربية كانت بيقل الزيت فيها. بس تسريبة واضح على اجزاء الموتور

الحل : تغيير oil seal كامة ب 15 جنية made in koria
و تغيير جوان وش التاكيهات ب 15 جنية made in koria
و شغل الميكانيكى بتاع 2 ساعة ب 25 جنية

[modynet16]

كنت عايز حد بتاع قطع غيار للاكسل بس يكون محترم وحاجتة اصلية علشان انا دخلت فى عمرة الموتور وانتوا عارفيين ؟؟؟
رمسيس -حدايق القبة - جسر السويس -مدينة نصر

[M.FOUAD]

سؤال رفيع ممكن اعرف سعر مساحات اكسل ومنين اجبها

لو لقيتها يبقى قلنا عشان بتنزل قليل

[M.FOUAD]

كنت عايز حد بتاع قطع غيار للاكسل بس يكون محترم وحاجتة اصلية علشان انا دخلت فى عمرة الموتور وانتوا عارفيين ؟؟؟
رمسيس -حدايق القبة - جسر السويس -مدينة نصر

الزقازيقي في التوفيقية عندة كل حاجة الاصلي و الصيني و اسعارة بالجملة

[MMMERO]

قطع غيار اصلية

السلام عليكم بالنسبة للمحل اللى بيبيع قطع غيار اصلية فية واحد فى المعادى -موقف العرب اسمة البيبارى بصراحة راجل محترم جدا جدا وحاجتة كلها اصلية وفى نفس الوقت ارخص من اى حتة تانية هو اسمة مهندس\ اسماعيل البيبارى ورقم تليفونة 23598955