رابطة مالكى الاكسيل-الجزء الأول

[hema_hn]

مشكور يا هيما علي اهتمامك

للاسف محصلش حاجه من اللي سالت عنه ده قبل ما اسمع الصوت
وانا شاري العربيه من شهرين بالصوت ده

وغيرت السره والطنبوره وبرضه الصوت موجود

فيه قصر في عامود الكوبلن القصير الواصل بين الكوبلن الداخلي والخارجي
والعمود لو مسكته بايدك يروح ويجي معاك مسافه حوالي 3 او 4 سم
فهل دا طبيعي في الاكسيل؟؟

مبروك على التغيير
بص يا سيدنا انا مش بحفر فى العربية زيك عشان انا لو فتحت الموضوع بين الميكانيكى للعفشجى مش حخلص كفاية العفشجى لما رحتله اخر مره وسمعته الصوت راح نازل البير وقعد يرزع فى الشاسيه وقلى فى الأخر دا برشام ماسك الشاسيه بجسم العربية ويا أخى طلعت اجرب بعد كدا ملقتش الصوت وتانى يوم رجع الصوت تانى
المهم مش حطول عليك شوف انا عملت حاجه امبارح
قعد اضغط على الرفرف فى كل الاتجاهات لقيت الصوت كأنه حتتين صاجل وبتخبطهم فى بعض مع رنه كدا
او كأنك بتخبط على صاج بشاكوش هو ده الى بسمعه
جرب كدا تضغط على الرفرف فى كل الاتجاهات لعل الصوت يظهر
وأخيرا فيه نصيحه من ميكانيكى تحت البيت بس هو على قده قوى قلى ايه
"يا استاذ ابراهيم متديش ودنك للعربية طول ماهى مشية حلو يبقا كدا تمام ولو وقفت تبقى تصلح"
طبعا انا متأكد انك مش حتاخد بنصيحة عم حمدى الميكانيكى وهو ده الصح

[hema_hn]

صباح الخير يا حضرات مافيش حد رد علي سؤالي انا العربية مجناني علي الاخر و عايز ارتاح

ياريت تحط مشركتك تانى عشان لما الصفحة بتتقلب الدماغ بتتقلب معاها

[hema_hn]

الحمد لله اشتريت أكسيل 93 اتوماتيك كورى 1500 و عندى شوية ملاحظات

بسمع صوت تكه خفيف فى الدريكسيون عند اللف من العدل لليمن او اليسار و الباور كويس بس بحسه تقييل شوية بالذات لو العربية سخنة يا ترى ده من ايه؟؟ و هل زيت الباور هو نفسه زيت الفتيس ولا بيبقى نوع مختلف
سؤال تانى هو الموديل ده فيه ذراع تغيير وضع الطارة لفوق و تحت و لا لاء لانى مش لاقيه

انا عارف ان الاتوماتيك فى القديم مش مفضل لكن انا بفضل الاتوماتيك فى زحمة شوارعنا
انا معرفش غير انى ادور العربية و اسوقها و اشيك على الزيوت وبس و الحمد لله لقيت هنا فالرابطة معلومات كتير عن العربية

الف مبروك

[MMOUNIR]

ارجو من اعضاء المنتدي المساعدة في معرفة ميكانيكي اكسيل فاهم و كويس انا ساكن في النزهة

[lord2006]

تصحيح المعلومة . الاكسيل 1500 مش 1600
الاسعار حسب الموديل والحالة .
تبدا من 27 ودي في حالة مش كويسة خالص الي 39 ودي حالة ممتازة وفبريكة برة وجوة

السعر دة مش عالي شوية ولا اية راي اعضاء الرابطة

[alsayedsabry]

السعر دة مش عالي شوية ولا اية راي اعضاء الرابطة

لاء طبعا مش عالى هو قالك من 27 الى 39 حسب حاله العربية يعنى ممكن تلاقى عربية ب 27 نفس المواصفات وعربية ب 39 نفس المواصفات بس فرق الحالة
يعنى صاج العربية
الصيانة
السحب
مبتلعش اصوات غريبة
الموتور حالته
وكده يعنى

[lord2006]

لاء طبعا مش عالى هو قالك من 27 الى 39 حسب حاله العربية يعنى ممكن تلاقى عربية ب 27 نفس المواصفات وعربية ب 39 نفس المواصفات بس فرق الحالة
يعنى صاج العربية
الصيانة
السحب
مبتلعش اصوات غريبة
الموتور حالته
وكده يعنى

يا باشا مهما كانت حالة العربية لازم يكون ليها رنج معين مش فرق 12 الاف جنية مرة و احدة

[alsayedsabry]

يا باشا مهما كانت حالة العربية لازم يكون ليها رنج معين مش فرق 12 الاف جنية مرة و احدة

كلامك صح على ما اعتقد ان المتوسط بتاعها 34 ممكن تقل الف او تزيد الف

[hema_hn]

بالنسبة لسعر العربية على حسب حاجات كتييييرة
مثلا لو الموديل عالى ليه سعر
لو ممشتش كتير ليه سعر
لو متهنتش ليه سعر
لو 1300 وفاضية زى الى معايا ليها سعر و لو كاملة ليها سعر
لو 1500 ليها سعر
ومن الآخر لو افرس عربية فى الاكسل متزدش عن 34 الف عشان سعر اللانوس 1 موديل 2000 عاملة فى نفس الرينج
الموضوع كله نسبه وتناسب

[ahmedhtaher]

موضوع ( أماكن الميكانيكية والكهربائية فى مصر ) هام جداً للإستاذة لبنى
أدخل على الرابط
http://www.nilemotors.net/nile/155791-a.html (أماكن الميكانيكية المتميزين والكهربائيه فى جميع أنحاء الجمهوريه)

اولا شكرا علي ردك واضافتك

ثانيا انا قصدي ميكانيكي وعفشجي كويس وفاهم في الاكسيل وامين

[MMOUNIR]

اولا شكرا علي ردك واضافتك

ثانيا انا قصدي ميكانيكي وعفشجي كويس وفاهم في الاكسيل وامين

انا كمان محتاج اعرف بردة ميكانيكي كويس للاكسيل بس في منطقة النزهة

[lord2006]

بالنسبة لسعر العربية على حسب حاجات كتييييرة
مثلا لو الموديل عالى ليه سعر
لو ممشتش كتير ليه سعر
لو متهنتش ليه سعر
لو 1300 وفاضية زى الى معايا ليها سعر و لو كاملة ليها سعر
لو 1500 ليها سعر
ومن الآخر لو افرس عربية فى الاكسل متزدش عن 34 الف عشان سعر اللانوس 1 موديل 2000 عاملة فى نفس الرينج
الموضوع كله نسبه وتناسب

هوه ده الكلام السليم

[hobakora]

هوه ده الكلام السليم

++++111111111111111111

[mero25]

ايه يا جماعة هو ليه الموضوع بتاعنا اتشال من التثبيت هو بقى قديم ولا علشان مفيش جديد

[hema_hn]

ايه يا جماعة هو ليه الموضوع بتاعنا اتشال من التثبيت هو بقى قديم ولا علشان مفيش جديد

عندك حق انا لسه ملاحظ الموضوع ده طيب نراسل المشرف ونكلمه ونسمع الرد