رابطة مالكى الاكسيل-الجزء الأول

[hema_hn]

بسم الله الرحمن الرحيم
بص يا باشا الصبابات المجاري بتاعتها (الدلايل) بتكون ليها اتساع معين(قطر داخلي معين)
المفروض ميزيدش عن حد معين وطبعا مع الأحتكاك الكتير طالع نازل بيزيد القطر بتاع الدليل ويقل القطر بتاع الصباب الأتنين بيتأكلو ف لما يبان على الدلايل من جوه انهم وسعوا والصبابات انهم نقصوا ودي الخراط بيعرفها بأنه بيجرب الصبابات على الوش السليندر وهو بيحسها بالفهلوه كده انها وسعت هي بتكون باينه الصبابا بيتحرك بسهوله جدا وبيكون فيه سنه بوش صغيره و الاوحش انه يكون فيه تجليخ على الصبابات او في الدلايل بتاعتها ساعتها لازم يتعملوا
والصبابات نفسها بتتغير في الحاله الي فاتت وكمان لما تكون مش حاكمه مكانها كويس في وش السليندر و عايزة يتعملها روديه من اول وجديد

ودي صوره دليل تعبال (مجلخ)

شكرا حبيبى مهندس درش

[ABOASSEM]

يا باشا مشكور علي المعلومات القيمة دي ودة المعروف عن اعضاء رابطة الاكسلاويا وهو دة اللي مخليني صابر صابر صابر ان الاقي حاجة كويسة اكسيل 1500 بكرر شكري لتاني مرة وربنا يبارك في الربطة ...أبو عاصم

[hema_hn]

بسم الله الرحمن الرحيم

من فترة قريبه جيت اقفل العربيه بالسنتر اللي في الانذار الاقي البابين اللي ورا مقفلوش مخدتش في بالي الأول وقولت دي تهييسه وبكره احيشتغل تاني لأني كنت تعبان و مش فايقله ببص تاني يوم وانا عند الشغل بقفل برضه مقفلوش رحت مجرب اقفلهم بإيدي واجرب افتح فتحوا عادي .... اقفل مش عايزين قلت بس ممكن تكون الوحده بتاعه السنتر هيست ولا في سلك فصل ... بس رحت فاكك العتبه وواخد الكنترول بتاع السنتر وطالع على المكتب فكيت العلبه وقلبتها وبدقق فيها لقيت مكثف اللحام بتاعه طاقق ( ده بيكون طبيعى بالنسبه للحاجات اللي بتشتغل ويعدي فيها تيار كبير بسرعه و تفصل بسرعه ) فقلت ده هو اللي عامل المشكله ولحمته ورجعت العربيه وركبتها و كأني معملتش حاجه المره دي بان العيب الرئيسي بقى لأنه هو شكله بوظ اللحام بتاع المكثف ولما لحمته بان تاني ... اجي اقفل العربيه وانا جوها الاقي نور الصالون ضعف جدا في الفتره اللي السنتر بيقفل فيها وعاجي في الفتح شغلت الموتور واقفل لقيت الموتور نفسه بيهدى مع الحركه دي كأنك بتحمله بغيار وانت على السلانسيه مثلا .... طب ايه يكون ده فهمت على طول انه قفله او يعني طرف ملمس ارضي لما باجي اقفل بكون السلك اللي شايل ال12 فولت بيلمس الأرضي ولما بفتح بيكون هو الأرضي فمفيش مشكله المهم يدوبك وصلت للفكره دي والسنتر بطل يشتغل خالص قلت بس وادي الفيوز ضرب هو كمان علشان يأكد المعلومه ...
رحت موصله توصيله اي كلام كده (الفيوز ) وقفلت قفلت اللي قدام برضه قلت يبقى واحد من اللي ورا هو اللي بايظ وسبتها علشان اطلع اشوف الشغل
تاني يوم كان الجمعه اللي فاتت ورحت نازل بعد الصلا و فتحت بطنها اضطريت اني افك اغلب الأرضيه اللي قدام تقريبا
المهم وصلت للباب اللي عامل قافله بأني لما اقفل وافتح تلات اربع مرات كده ورا بعض اكيد السلك حيسخن حبه عن التاني وقد كان وعرفت انه بتاع الباب اللي ورا يمين واضطريت اني امشي ورا السيلك لغايه ما لقيت القفله فين
البيه الكهربائي كان معديه تحت الدواسه اليمين وكمان من تحت رجل الكرسي اليمين اللي قدام من عند الصاموله فمع الزمن ( السنتر راكب ليه بتاع 4-5 سنين من ايام ماكانت العربيه مع واحد صاحبي ) السلك قشرته اتقطعت وراح ملمس في الكرسي طلعته ولحمته ومشيت السلك تاني عدل عند الكرسي بس لسه عايز اجيب حته سيلك تاني واطوله وامشيه جنب العتب في الحته الي ماشيه تحت الدواسه ولميت الضفيره ناحيه السواق وركبت الكنترول بتاع السنتر صح لأنه مكانه مش تمام و رتبت الأسلاك كويس ناحيه الفيوزات
والموضوع كلفني الحمد لله ساعه ونص وفيوز و شويه قفزان بلاستيك
وده يخلينا لازم نقف فوق راس الصنايعيه وهي بتشتغل
اسيبكم مع الصور

بسم الله ماشاء الله عليك يا هندزا
الله ينور عليك يا هندسا بجد
وانا اراهنك انت لو رحت لكهربائى ما كان حيوصل للعيب ده بسهولة
ربنا يزيك علما

[hema_hn]

يا باشا مشكور علي المعلومات القيمة دي ودة المعروف عن اعضاء رابطة الاكسلاويا وهو دة اللي مخليني صابر صابر صابر ان الاقي حاجة كويسة اكسيل 1500 بكرر شكري لتاني مرة وربنا يبارك في الربطة ...أبو عاصم

ان شاء الله ربنا يرزقك بواحدة طيبة وبنت حلال مش محتاجه مصرف كتير
عشان الحلو منها قليل
نصحتى ليك لما تشترى تاخد واحد بيفهم كويس يبصلك على صاج العربية وبالذات االفخد واسفل العربية والشنطة والحوض وبالنسبة للموتور فيه اجهزة لقياس كبس الموتور حاول اليومين دول تعرف مكنهم فين عشان تاخد العربية وتعرف حالته ايه قبل الشراء
ومتستعجلش
عشان الاستعجال فى الشراء وحش ومش من مصلحتك
وبالتوفيق

[ABOASSEM]

ان شاء الله ربنا يرزقك بواحدة طيبة وبنت حلال مش محتاجه مصرف كتير
عشان الحلو منها قليل
نصحتى ليك لما تشترى تاخد واحد بيفهم كويس يبصلك على صاج العربية وبالذات االفخد واسفل العربية والشنطة والحوض وبالنسبة للموتور فيه اجهزة لقياس كبس الموتور حاول اليومين دول تعرف مكنهم فين عشان تاخد العربية وتعرف حالته ايه قبل الشراء
ومتستعجلش
عشان الاستعجال فى الشراء وحش ومش من مصلحتك
وبالتوفيق

جزاك الله كل خير وربنا يبارك فيك
ولو حد من الاخوة الاعضاء يعرف اماكن فيها اجهزة لقياس كبس الموتور يدلنا بالعناوين ..

[wael6]

الله يبارك فيكم جميعا
اشتريت ب 33 ولسه مصاريف عمره وربنا يستر
مستني ردودكم

[ahmedzizo131]

بسم الله الرحمن الرحيم
الله ينور عليك يا استاذ / F170
انتى فعلا استاذ
و انافعلا مبدائى انى مش بسيب العربية للصنايعى طلما انا معرفهوش ولاا اعرف شغله قبل كدة
لازام اقف فوق دماغه لانهم كلهم بيستسهلوا اوى اوى
بس انا حاسس ان العربية عندك مفيهاش حاجة من اتنين او مفيهاش الاتنين
( الدلايات اللى وارا العجل الامامى + الكرتيرات )
عما اعتقد
عموما الله ينور عليك فى شوية الشغل دول

[F170]

بس انا حاسس ان العربية عندك مفيهاش حاجة من اتنين او مفيهاش الاتنين
( الدلايات اللى وارا العجل الامامى + الكرتيرات )
عما اعتقد
عموما الله ينور عليك فى شوية الشغل دول

بسم الله الرحمن الرحيم
يا رب يخليك يا باشا انا بس كل ما في الأمر لو حاجه اعرف اعملها مبروحش
لميكانيكي او كهربائي او اي حد
و بالنسبه للعربيه لا هي مفهاش الدلايات الأربعه ومكسل اجيبهم من اخر مره حاولت استنضف طقم لأني روحت ساعتها للراجل وراني طقم جديد مكانش قد كده والاستيراد اللي عنده كان تعبان بس الكارتيرات البلاستيك موجوده هي والعزل اللي تحت العربيه كل ده كامل وبشيك عليه كل شويه علشان لو في مسمار فك ولا حاجه والا المساعدين و الرفرف يتبهدلوا هم والكارتيره بتاعه المساعد

[F170]

بسم الله ماشاء الله عليك يا هندزا
الله ينور عليك يا هندسا بجد
وانا اراهنك انت لو رحت لكهربائى ما كان حيوصل للعيب ده بسهولة
ربنا يزيك علما

بسم الله الرحمن الرحيم
الله يبارك فيك يا هيما ويديم المعزة يا حبي
قوللي هتعمل ايه في السنيورة بتاعتك ايه اخبار الزيت اللي انت حطيته؟؟؟

[F170]

الله يبارك فيكم جميعا
اشتريت ب 33 ولسه مصاريف عمره وربنا يستر
مستني ردودكم

بسم الله الرحمن الرحيم
بص انا لو مكانك متكنش خدتها الا لو حاله البودي بتاعتها 100% و عارف و ناوي أعمل شغل الموتور صح.....
عموما لن يفيد البكاء على اللبن المسكوب و مش وقت كلام من ده ....
بص يا سيدي انت المفروض تعمل كل ما يمكن انه يتعمل في الموتور علشان متسيبش حاجه تفتح على حاجه تاني ....تمام .... وبالنسبه للزيت اللي بينقص كده انا بدعيلك ربنا لما تفتح الموتور متلاقيش حاجات كتير تتغير لأنه مبيبانش غير لما تفتح ان كانت تمشي شمبر بس ولا عمرة كامله ولا ايه الكلام.
عموما يفضل تعمل العمرة او الشمبر او اي خراطه في الموتور وانت في الشتا علشان تبعد عن جو الصيف اللي ممكن بسبب السخونه يبوظلك اللي انت عملته لو العربيه سخنت منك وانت ملحقتهاش
بالنسبه للخشونه في الغيارات كلام الميكانيكي مظبوط
الا لو الزيت بتاع الفتيس تعب والمفروض يتغير
بالنسبه للصوت اللي طالع من المكنه ده ايه ظروفه قصدك سير ولا ايه خلينا نتفائل ونقول انه سير من السيور وشوف طرمبه الباور ولاتكيف ليهم دعوه البموضوع ده ولا لأ
هو ممكن يكون الطرمبه بتاعه الباور ممكن تعرفها بأنك تلف العجل اخره يمين او شمال وتدي سنه بنزين لو الصوت بيزيد وهو ده اللي قصدك عليه شوف ايه حكايه الطرمبه بتاعه الباور و اه صح الحركه دي متعملهاش كتير يعني اخرك 10~15 ثانيه متسيبهاش دقيقه او اتنين على الأخر علشان الطرمبه متبوظش ماشي... اعمل الكلام ده ورد علينا ايه الأخبار ...

[wael6]

هو المنحوس منحوس سيبك انت
ويبقي حمد الله تعالى وشكره
اغسل الماتور واغير زيت الفتيس واجرب ولا اخش للنص عمره علطول ؟؟
ولكم جزيل الشكر

[M.FOUAD]

هو المنحوس منحوس سيبك انت
ويبقي حمد الله تعالى وشكره
اغسل الماتور واغير زيت الفتيس واجرب ولا اخش للنص عمره علطول ؟؟
ولكم جزيل الشكر

الف مبروك على العربية و ربنا يباركلك فيها
انا رايي تستنى على العربية شوية تشوف حالتها اية معاك فية مصاريف تانية في العفشة او سمكرة و بوية او التكييف
لو مفيش اي مصاريف تانية و خلاص ناوي تحتفظ بالعربية معاك توكل على اللة و اعمل عمرة قبل ما تفتح على نفسك و تتخنق من العربية و تبقى عايز تبيعها بعد كدة
و ممكن اليومين دول تزودلها زيت شنبر عشان تحافظ على العربية شوية
و متقلقش عمرة الاكسيل مش غالية و السعر اللي انت شاري بية ما شاء اللة حلو

[M.FOUAD]

الصوت اللي حضرتك بتقول علية غالبا من بلية الدبرياج خاصة ان الدبرياج خشن معاك

[wael6]

بسم الله الرحمن الرحيم
بص انا لو مكانك متكنش خدتها الا لو حاله البودي بتاعتها 100% و عارف و ناوي أعمل شغل الموتور صح.....
عموما لن يفيد البكاء على اللبن المسكوب و مش وقت كلام من ده ....
قدر الله وماشاء فعل والحمد لله العربيه شركه بره وجوه
بص يا سيدي انت المفروض تعمل كل ما يمكن انه يتعمل في الموتور علشان متسيبش حاجه تفتح على حاجه تاني ....تمام .... وبالنسبه للزيت اللي بينقص كده انا بدعيلك ربنا لما تفتح الموتور متلاقيش حاجات كتير تتغير لأنه مبيبانش غير لما تفتح ان كانت تمشي شمبر بس ولا عمرة كامله ولا ايه الكلام.
عموما يفضل تعمل العمرة او الشمبر او اي خراطه في الموتور وانت في الشتا علشان تبعد عن جو الصيف اللي ممكن بسبب السخونه يبوظلك اللي انت عملته لو العربيه سخنت منك وانت ملحقتهاش
بالنسبه للخشونه في الغيارات كلام الميكانيكي مظبوط
الا لو الزيت بتاع الفتيس تعب والمفروض يتغير
الزيت مليان لكن معرفش هو خفيف ولا لزوجته تقيله ومناسبه
بالنسبه للصوت اللي طالع من المكنه ده ايه ظروفه قصدك سير ولا ايه خلينا نتفائل ونقول انه سير من السيور وشوف طرمبه الباور ولاتكيف ليهم دعوه البموضوع ده ولا لأ
الصوت مرتبط بالدبرياج لما بدوس دبرياج الصوت بيروح (( غالبا بلية الدبرياج خشنه وعاوزه تتغير والله اعلم ))
هو ممكن يكون الطرمبه بتاعه الباور ممكن تعرفها بأنك تلف العجل اخره يمين او شمال وتدي سنه بنزين لو الصوت بيزيد وهو ده اللي قصدك عليه شوف ايه حكايه الطرمبه بتاعه الباور و اه صح الحركه دي متعملهاش كتير يعني اخرك 10~15 ثانيه متسيبهاش دقيقه او اتنين على الأخر علشان الطرمبه متبوظش ماشي... اعمل الكلام ده ورد علينا ايه الأخبار ...

شكرا جزيلا لاهتمامك الغالى

[wael6]

الف مبروك على العربية و ربنا يباركلك فيها
انا رايي تستنى على العربية شوية تشوف حالتها اية معاك فية مصاريف تانية في العفشة او سمكرة و بوية او التكييف
لو مفيش اي مصاريف تانية و خلاص ناوي تحتفظ بالعربية معاك توكل على الله و اعمل عمرة قبل ما تفتح على نفسك و تتخنق من العربية و تبقى عايز تبيعها بعد كدة
و ممكن اليومين دول تزودلها زيت شنبر عشان تحافظ على العربية شوية
و متقلقش عمرة الاكسيل مش غالية و السعر اللي انت شاري بية ما شاء الله حلو

ربنا يباركلك
انت محترم بتبشر ولا تنفر
ربنا يعزك ويستر طريقك
والحمد لله رب العالمين