رابطة مالكى الاكسيل-الجزء الأول

[zizo_mkz]

وهى بارده بتترج جامد
لكن لما بتسخن بتتظبط
ونفسي اعرف السبب او العلاج
ميكانيكيه كتير بيقولولى عادى وطبيعي
وشكرا جزيلا

نفس الكلام بالضبط

[Eng.Geo]

الله ينور بس البنزين ال80 قليل على العربيه لازم تكون مأخر الكهربه علشان متسقفش واكيد ده حيقلل زمن التسارع شويه ومعاه طبعا القدره بتاعه الموتور ( التسقيف ده من اسوء اللي ممكن يواجهه اي كرانك عربيه محترم)

عيب :)
انا ماكرهش في حياتي قد التسقيف .. بحس أني بكسر الكرنك
انا مأخره بعد ما فولت ب 20 كم عشان يكون وصل للموتور وعمل اللي عايزه
ظبطت كهربا عليه
والفيديو موضح .. مفيش تسقيف الحمد لله
بس النهاردة حطيت 92 وظبطتها تاني

[F170]

بسم الله الرحمن الرحيم
انا اسف يا جماعه انا مش لاحق ادخل على الرابطة ولا النت اساسا الشغل اليومين دول طحن المهم انتوا كنتوا بتسألوني عملت الكونسول والتابلوه زي بعض ازاي و الموضوع سهل انا مصورة وان شاء الله يا رب انزله كله قريب هي شويه ليدات LEDs ومعاهم مقاومات و كل لمبه في لتابلوه كنت بشيلها واركب مكانها ليد ازرق ومعاه مقاومه توالي قيمه المقاومة حوالي 560 اوم بس انا لسه عايز ازود تعديل علشان لما قلبته كله ازرق مبيقيتش العلامات الحمرا تبان في الضلمه فعايز ازود كام ليد ابيض علشان تظبط العمليه شويه و ان شاء الله حنزل الكلام ده كله قريب واسف تاني للتأخير عليكم و سلامي للجميع يا احلى رابطة

[magid1010]

ماجد
انا فاكر موضوع ال rpm
بس والله مش لاقي وقت انام فيه
يدوب داخل النهاردة كدة ببص بصة
ان شاء الله في أقرب وقت
انا بجد مش عارف أعتذرلك أزاي

حبيب قلبى جو انا عارف اد ايه انت مشغول علشان الامتحانات قربت ربنا يوفقك و منور الرابطهو متغبش علينا علشان انت بتوحشنا

[magid1010]

بسم الله الرحمن الرحيم
انا اسف يا جماعه انا مش لاحق ادخل على الرابطة ولا النت اساسا الشغل اليومين دول طحن المهم انتوا كنتوا بتسألوني عملت الكونسول والتابلوه زي بعض ازاي و الموضوع سهل انا مصورة وان شاء الله يا رب انزله كله قريب هي شويه ليدات leds ومعاهم مقاومات و كل لمبه في لتابلوه كنت بشيلها واركب مكانها ليد ازرق ومعاه مقاومه توالي قيمه المقاومة حوالي 560 اوم بس انا لسه عايز ازود تعديل علشان لما قلبته كله ازرق مبيقيتش العلامات الحمرا تبان في الضلمه فعايز ازود كام ليد ابيض علشان تظبط العمليه شويه و ان شاء الله حنزل الكلام ده كله قريب واسف تاني للتأخير عليكم و سلامي للجميع يا احلى رابطة

حبيب قلبى انت فين من زمان ليك وحشه و الله منور الرابطه ايوه كده عايز نرجع ايام زمان

[wael6]

الله ينور بس البنزين ال80 قليل على العربيه لازم تكون مأخر الكهربه علشان متسقفش واكيد ده حيقلل زمن التسارع شويه ومعاه طبعا القدره بتاعه الموتور ( التسقيف ده من اسوء اللي ممكن يواجهه اي كرانك عربيه محترم)

ما هو التسقيف واعراضه
هل صوت كركركركر فى الطلعه بس لازم يكون ع الاول ولا فى اى نقله
اصلي مثلا لما بطلع ع التانى او التالت وسرعة العربيه اقل منهم بتكركركر ثوانى وبعدين تاخد سرعتها
.... وساعات فى الطلعه يحصل زى تزميمه كده اعتقد ده من ظبطة رجلى بنزين ودبرياج ؟ ولا اعتقادى غلط ؟؟
هو ده التسقيف ولا شئ آخر ؟

سؤال آخر بقا على جمب ههههههههه معلش
فى اوقات متباعده جدا لو طولت دوس ع الدبرياج فى الزحمة بشم ريحة شياط
علما بان العربيه فى المطالع كويسه وسحبها كويسه
وكنت كشفت على طقم الدبرياج كان كويس
يا ترى ريحة الشياط دى من ايه ؟
وشكرا جزيلا

[maro2007]

احب اضيف
انها لما بتسخن فى رعشه فى الدركسيون فقط لكن بدون صوت دى اللى اصدك عليها

الله ينور عليك اما بتسخن فى رعشه فى الدركسيون بس وده بشرط ان ال rbm يكون قبل الوحد بشرطه


الحاله التانيه :

لو ال rbm تحت الواحد بشرتطين العربيه هيكون صوتها انعم من العربيات اليابانى وكمان توفير بنزين عالى جدا

بس فى الحاله دى الرجه هتبقى موجوده فى العربيه ككل


سؤالى هنا بقى :

انا عايز امنع الرجه والرعشه فى الدركسيون دى اما يكون ال rbm تحت الواحد بشرتطين


ياترى هنقدر نوصل للعيب ابن ....... ده ونحله



مستنى الردود ياشباب

[wael6]

الله ينور عليك اما بتسخن فى رعشه فى الدركسيون بس وده بشرط ان ال rbm يكون قبل الوحد بشرطه


الحاله التانيه :

لو ال rbm تحت الواحد بشرتطين العربيه هيكون صوتها انعم من العربيات اليابانى وكمان توفير بنزين عالى جدا

بس فى الحاله دى الرجه هتبقى موجوده فى العربيه ككل


سؤالى هنا بقى :

انا عايز امنع الرجه والرعشه فى الدركسيون دى اما يكون ال rbm تحت الواحد بشرتطين


ياترى هنقدر نوصل للعيب ابن ....... ده ونحله



مستنى الردود ياشباب

مساند استفسارك

[wael6]

السلام عليكم و رحمة الله

كنت مسلك الريداتير من شهرين ومظبطه وكمان ترموستات الكوعه متشال
بس النهارده كنت بعمل شغل فى الكربراتير
والميكانيكي فضي الميه من الموتور

1- هو الموتور والريداتير والقربه بياخدوا ميه خضرا اد ايه كميه

2- وبعد كده لما تنقص القربه مثلا او حصل اى ظرف وعاوز ازود مياه ازود مياه خضرا برده ولا مياه عاديه ؟

3- وكمان فى عند بتاع الريداتيرات مياه خضرا اللتر ب 10 ج والاربعه لتر على بعض ب 30 ج تقريبا
وبيقولى دول مركزين ولازم يتخفوا بميه ميتحطوش كلهم ؟

4- المفروض العربيه تتزود كل اد مياه وايه نوع المياه دى وبتيجي منين ؟


متابع للاهمية وشكرا جزيلا

هل لو العربيه كانت متعوده على مية الحنفيه مينفعش نغيرها لمية خضرا
العربية لما تكون متعودة على الميه العادية يفضل عدم استخدام الميه الخضراء لانها حتزيل الصدأ الى موجود فى الدورة و ده حيؤدى لانهيار الجدران و تلف الرادياتير و السربنتينة بتاعة التابلوه و احسن حاجة فعلا عن تجربة هى ميه الفيلتر او المقطرة (الى بدون اضافات حمضية) لو مضمونة
ده كان راى صديق ليا
معرفش نعمل ايه ؟
وشكرا

[wael6]

ما هو الاوتوماتيك شوك ؟

[mtmohee]

السلام عليكم
انا جديد معاكم هنا فى المنتدى وعجبتنى فكرة الرابطة دى
انا لسه متعلم السواقة جديد وان شاء الله كنت بفكر اجيب عربية وقدامى عربية اكسيل 1500 موديل 1996 وعاملة 73000 كم
طبعا انا مبفهمش حاجة خالص فى العربيات بس العربية دى مرفوعة بقالها 4 سنين وجبت فنى كشف عليها وبيقول كويسة بس هتحتاج شوية تظبيطات بس مش فى الحاجات الاساسية بتاعتها.
هى كل حاجة فيها فبريكة.
كنت عاوز بقى اعرف من حضراتكم المفروض ابص على ايه واخد بالى من ايه وايه الحاجات الى كده كده لازم اغيرها لان العربية مركونة بقالها فترة كبيرة

[magid1010]

السلام عليكم
انا جديد معاكم هنا فى المنتدى وعجبتنى فكرة الرابطة دى
انا لسه متعلم السواقة جديد وان شاء الله كنت بفكر اجيب عربية وقدامى عربية اكسيل 1500 موديل 1996 وعاملة 73000 كم
طبعا انا مبفهمش حاجة خالص فى العربيات بس العربية دى مرفوعة بقالها 4 سنين وجبت فنى كشف عليها وبيقول كويسة بس هتحتاج شوية تظبيطات بس مش فى الحاجات الاساسية بتاعتها.
هى كل حاجة فيها فبريكة.
كنت عاوز بقى اعرف من حضراتكم المفروض ابص على ايه واخد بالى من ايه وايه الحاجات الى كده كده لازم اغيرها لان العربية مركونة بقالها فترة كبيرة

الف مبروك عليك مقدما بص يا سيدى 73000 كيلو ده رقم جميل اوى خد بالك من اذا كانت رشه جوه و لا لا دى اهم حاجه يعنى متكونش عامله حادثه و ماثره فى الشاسيه و حاله الموتور عموما و خرج الشكمان فيه دخان ولا وصوت الماكنه اخباره ايه
و حاله الصالون و العربيه عموما و فيه انذار و سنتر و تكيف و لا و بعد ما تشتريها تقوم مغير السيور كلها سير الدينمو و الكاتينه و تغير زيت و فلتر الزيت و البنزين و البوجيهات و الميه صيانه شامله مش مكلفه كل ده فى حدود 500 جنيه علشان تبتدى على نضافه و خد الموضوع التحفه ده و لو مشيت على الخطوات دى صدقنى حتبقى تاجر عربيات ههه و بالتوفيق باذن الله وتنضم للرابطه

http://www.nilemotors.net/Nile/20244-a.html

[mtmohee]

الف مبروك عليك مقدما بص يا سيدى 73000 كيلو ده رقم جميل اوى خد بالك من اذا كانت رشه جوه و لا لا دى اهم حاجه يعنى متكونش عامله حادثه و ماثره فى الشاسيه و حاله الموتور عموما و خرج الشكمان فيه دخان ولا وصوت الماكنه اخباره ايه
و حاله الصالون و العربيه عموما و فيه انذار و سنتر و تكيف و لا و بعد ما تشتريها تقوم مغير السيور كلها سير الدينمو و الكاتينه و تغير زيت و فلتر الزيت و البنزين و البوجيهات و الميه صيانه شامله مش مكلفه كل ده فى حدود 500 جنيه علشان تبتدى على نضافه و خد الموضوع التحفه ده و لو مشيت على الخطوات دى صدقنى حتبقى تاجر عربيات ههه و بالتوفيق باذن الله وتنضم للرابطه

http://www.nilemotors.net/nile/20244-a.html

شكرا جزيلا على التوضيح يا باشا
كان عندى كمان استفسار
فى ناس قالتلى لازم تغير الكاوتش بتاع العربية
بس انا شايفة كده شكله حلو وتفاصيله واضحة
اعرف ازاى اذا كان لازم يتغيبر او الى موجود ده ممكن امشى بيه

[magid1010]

شكرا جزيلا على التوضيح يا باشا
كان عندى كمان استفسار
فى ناس قالتلى لازم تغير الكاوتش بتاع العربية
بس انا شايفة كده شكله حلو وتفاصيله واضحة
اعرف ازاى اذا كان لازم يتغيبر او الى موجود ده ممكن امشى بيه

http://www.nilemotors.net/Nile/51843-a.html

http://www.nilemotors.net/Nile/126829-a.html

بص يا سيدى لو مشقق او العلامات(النقشه) مش واضحه فيه ام متاكل من ناحيه نغيره و هو بيتغير كا 40-50 الف كيلو ده العمر الافتراضى بتاعه ورأى سيبه لو حالته كويسه و اهم حاجه خالى بالك من الاستبن يا ريت يكون هو اللى جديد و الكوريك كمان

[Tarek_Swelm]

تحية لكل الشباب الاكسلاوي
انا عايز اغير البوجيهات بس مش عارف اركب انهي نوع , العربية اكسيل 1500
فية ميكانيكي قالي هاتلها ngk اية رايكو ؟ و كمان هيا البوجيهات دي بتبقي كام شمعة ؟
لو حد يعرف محل كويس في الاسكندرية لبيع البوجيهات و باقي قطع الغيار ياريت يوصفهولي .
شكرا يا شباب