رابطة مالكى الاكسيل-الجزء الأول

[Lion_Heart]

السلام عليكم كان عندي سؤال هو ينفع اسقط فتيس اتوماتيك بتاع لانسر علي الاكسيل ولو ينفع اني موديل في الانسر وسعره بكام علما بان عربيتي اكسيل اتوماتيك

اللى متاكد منه هو المانيوال بتاع عيون صفية او كولت
فده ما يمنعش انك تاخد ميكانيكى و يبص على الفتيس اللى عندك و حد بتاع استيراد و يقارن
ولو مانفعش انصحك تقلبها مانيوال و فى هنا تجارب مع الاخوة بمشاركات سابقة

[magid1010]

هى المسامير دى مش بورمة ولا سن ساج
ده سن صاموله عادى خالص و طوله حوالى 3 سم و قطره حوالى 1 ملى

يا باشا شكرا لاهتمامك بس ممكن قطره كام يعني 1 سانتي و ألف شكر ليك مرة تانية

[magid1010]

الحوقونى وانا ماشى على سرعه بين 40 الى 50 الاقى العربيه مره واحده راحت زادت السرعه وصوت الموتوريعلى وكانى دايس بنزين على الاخر من غير ما المس دواسة البنزين وبعدين ترجع تانى كما كانت حصل معايه اكتر من مره وبعدين امبارح مره واحده لقيت مؤشر البنزين نزل بين الشرطه الثانيه والثالثه لوحده ووصل الى نصف المسافه بينهما وقفت وقلت استرها يا رب كده اكيد هلاقى دخنه سوداء لكن ابنى داس بنزين لغاية ار بى ام 5 ومفيش دخنه مش عارف العربيه مجنانى اليومين دول اوى مع انى لسه مظبط الكربرتير اللى يقدر يصنحنى فى الله ياجماعه يتفضل واكون له من الشاكرين

ممكن تروح مركز الصفا اللي في جسر السويس لإن ده احتمال كبير الكربراتر في باب بعلق

[magid1010]

أنتم فين وحشتوني

[ibrahemmaher]

حد يعرف ايه هو الـ egr

ايه هو ال egr وبيعمل ايه واذاي بيتلغي من السيارة وهو فين بالظبط في الاكسل

[magid1010]

ايه هو ال egr وبيعمل ايه واذاي بيتلغي من السيارة وهو فين بالظبط في الاكسل

exhaust gas re-circulation)
أى أعادة تدوير أو أدخال جزء من غازات العادم للمكنه تانى
بعد خروجه من فتحات العادم عن طريق بلف كهربي


أو ميكانيكي

مش عارف البلف ده موجود في الاكسل ولا
المعلومة دي منقولة للامانة

[ahmedzizo131]

exhaust gas re-circulation)
أى أعادة تدوير أو أدخال جزء من غازات العادم للمكنه تانى
بعد خروجه من فتحات العادم عن طريق بلف كهربي


أو ميكانيكي

مش عارف البلف ده موجود في الاكسل ولا
المعلومة دي منقولة للامانة

بسم الله الرحمن الرحيم

الله ينور عليك يا بشمهندس / ماجوددددددددددددددددددددددد

[wael6]

السلام عليكم
السلانسية والرعشه والرجه مع احمال وغير احمال
انا عندى ترموستات الكوعه متشال والعربيه بتبرد بسرعه حتى لو مركونه ربع ساعه ولازم اسخنها كل مره قبل السير
فبالتاىل يوجد رعشه ملاحظه
ولكن لما بتسخن الرعشه موجوده لكنها قليله جدا لما بيكون rpm على 950 لفة وملاحظة اكتر فى الدركسيون وتختفى فى باقى العربيه

........* دلوقتى لما بولع النور الواطى اثناء السلانسيه العربيه بتوطى وبتترج اكتر وكان rpm على 500 مثلا
ده سببه ايه لو سمحتم
انا لسه مغير دينامو وبطارية من كام يوم

نرجو الافاده العاجله
وشكرا جزيلا

[mahmmoud1980]

انا عندي عيب معايا اكسيل 1500انجكشن مبتترجش خالص لكن عند الضغط على الفرامل بحس برجه وهي واقفه ممكن اعرف السبب وشكرا

[singary2010]

أنتم فين وحشتوني

أبو الامجاد أزيك يا هندسه عامل ايه انت كمان وحشتنى اوى وانا ملاحظ غياب ناس كتير فى الرابطه يارب الناس تكون بخير
وعامل ايه فى شغلك والمنطقه المحيطه كان الله فى العون

[aboharb]

exhaust gas re-circulation)
أى أعادة تدوير أو أدخال جزء من غازات العادم للمكنه تانى
بعد خروجه من فتحات العادم عن طريق بلف كهربي


أو ميكانيكي

مش عارف البلف ده موجود في الاكسل ولا
المعلومة دي منقولة للامانة

موجود فى بعض المواتير مش كلها انا عندى وهلغيه لانه بعد 120 الخرطوم بيسخن وبيلسع اى سلك او خرطوم جنبه ومن فوايده انه يساعد على الاستهلاك المناسب فى البنزين وبيدخل هواء ساخن دايما على فلتر الحواء ومنه للكبراتير

[ahmedzizo131]

بسم الله الرحمن الرحيم
ماجود حبيبي
انا الحمد لله اتفقت و دفعت عربون لمحل قطاع غيار استعمال لشراء مجموعة الباور
و اتفقت معاة على 800 جنيها للحاجة
و ان شاء الله هستلمها يوم الاتنين علشان هيبعتهالى من محلة اللى فى طنطا الى فرع الاسكندرية
و بأذن الله هوفيك باخبار الباور اول بأول

[ahmedzizo131]

بسم الله الرحمن الرحيم
استفسار من الشباب اللى معاهم اكسيل 1500 سي سي
بالنسبة لطلمبة الباور بتاخد الحركة منين ؟؟
بمعنى السير راكب فى طارة الموتور اللى تحت
ولاا راكب فى طارة طلمبة المياة
برجاء التوضح

[aboharb]

بسم الله الرحمن الرحيم
ماجود حبيبي
انا الحمد لله اتفقت و دفعت عربون لمحل قطاع غيار استعمال لشراء مجموعة الباور
و اتفقت معاة على 800 جنيها للحاجة
و ان شاء الله هستلمها يوم الاتنين علشان هيبعتهالى من محلة اللى فى طنطا الى فرع الاسكندرية
و بأذن الله هوفيك باخبار الباور اول بأول

ان شاء الله هتستمتع بالباور بتاعها بيخليك لو فى خرم ابره تقدر تغير من اتجاه السياره وعلى الطريق بسم الله ما شاء الله

[ahmedzizo131]

ان شاء الله هتستمتع بالباور بتاعها بيخليك لو فى خرم ابره تقدر تغير من اتجاه السياره وعلى الطريق بسم الله ما شاء الله

بسم الله الرحمن الرحيم
ربنا يخليك ليا يا رب
انا حبيت انقل التجربة من البداية علشان الكل يستفيد
و ان شاء الله تعمل حسابك بكرة تنزل ذى الشاطر و تفتح كبوت العربية و تبصلى على السير اللى واصل لطلمبة زيت الباور و تشوفوا راكب فين كمان ( على طارة الموتور اللى تحت ولاا على طارة طلمبة المياة ) ضرورى .