رابطة مالكى الاكسيل-الجزء الأول

[mahmmoud1980]

لدي مشكلة ارجو حلهل توقف مؤشر السرعة وعداد الكيلو متر نتيجة حادث بسيط لكن باقي المؤشرات لازالت تعمل وعند الذهاب للكهربائي قال لي ان العداد لا يمكن تصليحه قم بتغيير العدادات بالكامل فهل هذا صحيح

[toto_hoho82]

رابطة مالكى الاكسل

اننا كلنا نتسأل عن كيفية تركيب شمعات الاحتراق الرياضيه او حتى اسلاك التوصيل العالية الاداء والتى يطلق عليها اسبليت فاير
Splitfire


ولكننا ننسى اهم سؤال عند تركيب تلك الإضافات التى نعتقد انها ترفع من اداء المحرك وهو
ما هى العلاقه بين البوجيهات الرياضيه او الاسلاك الرياضيه ورفع أداء المحرك ؟؟
وفى هذا الموضوع سنتناقش فى إجابة هذا السؤال
دعونى فى البدايه اجيب عن تلك السؤال من منظور شخصى كونته من واقع خبرتى الشخصيه فى الاعمال الكهربائيه للمحركات ومما قرأته واستوعبته فى هذا المجال
ولكى تتضح الاجابه لزم على فى البدايه تعريف مفهوم رفع أداء المحرك
معنى كلمة رفع اداء المحرك هو رفع القدره الحصانيه بأى مقدار او حتى رفع عزم الدوران ايضاً بأى مقدار وهى النقط الاساسيه التى تندرج تحتها اى اشياء اخرى مثل استجابة المحرك او تسارعه اى من تلك المفاهيم التى ترتبط ارتباطاً وثيقا بالنقطتين الاهم وهم
القوه الحصانيه للمحرك وعزم الدوران
لذا السؤال : هل ترفع البوجيهات الرياضيه او اسلاك الأداء العالى من تلك النقاط او من اداء المحرك ككل ؟؟
إجابتى انا هى لا ...
اعلم انه قد يندهش البعض ويعترض البعض ويرفض البعض الأخر تلك الإجابه ولكن انتظرونى قليلاً
لتحليل إجابتى يجب ان نعلم ماهى وظيفة شمعات الإحتراق والاسلاك الكهربائيه
1 – وظيفة الاسلاك الكهربائيه
هى بمنتهى الإختصار نقل الشراره المتولده من ملف توليد الشراره ( البوبينه ) والتى يتم توزيعها عن طريق موزع الشرر ( الاسبراتير ) الى شمعات الاحتراق ( البوجيهات ) والتى تشعل الوقود المخلوط فى غرف الإحتراق وهكذا دواليك .
2 – وظيفة شمعات الاحتراق
اعتقد من اسمها تتضح وظيفتها وهى حرق الوقود المخلوط داخل غرف الاحتراق مما يولد انفجاراً هو اساس نظرية عمل المحرك

نمازج للمشاكل التى تحدث للبوجيهات التقليدية







علمنا الوظائف ما الجديد فى ذلك ؟؟
الجديد انه يجب ان نعلم انه من الخصائص الفزيائيه للأسلاك الكهربائيه انها كلما ذادت جودتها ونقائها كلما قلت المقاوه النوعيه لتك الاسلاك مما أدى إلى تقليل الفقد فى الشراره او الإشاره إلى ادنى مستوى يمكن الوصول اليه مما يتيح القيام بالوظائف او المهام التى تبنى عملها على تلك التوصيلات بكفائه تامه دون فقد اى من قوة ادائها
وهنا مربط الفرس
تلك الاسلاك او الإضافات الكهربيه مثل اسلاك رياضيه او بوجيهات رياضيه او حتى اجهزة
MSD * MULTIPLE SPARK DISCHARGE
او مقويات الشراره هى فى الاساس ليس لرفع اداء المحرك انما هى للحفاظ على قوة اداء المحرك المعلنه بصور اكثر احترافيه واطول زمنياً وذلك عن طريق التأكد التام من احتراق جيد ومؤكد للوقود المخلوط فى غرف الاحتراق ولكن الذى يذيد القدره هو مقدار الوقود الذى تم حرقه
ولشرح هذه النقطه سأقدم اليكم مثال
ماذا سيحدث اذا وضعنا تلك الإضافات فى محرك جديد تماماً ؟؟
على اعتبار ان قوة المحرك 100 حصان وهو جديد تماماً هل ستذيد القوه الحصانيه بأى مقدار لو تم تركيب اسلاك اسبليت فاير او بوجيهات بلاتينوم رياضيه متعددة الشمعات ؟؟
اعتقد لا .. لن تذيد القوه الحصانيه بأى مقدار . قد يقول البعض
انا ركبتها عندى فى عربيتى المستعمله وفعلا حسيت بفرق كبير
ردى سيكون انه فى الاساس اخى العزيز اداء سيارتك لم يكن جيداً وعند تركيب اسلاك اسبيلت فاير او بوجيهات رياضيه عاد الاداء الى معدله الطبيعى فشعرت انت بالفارق ولكن دعنى اكرر انه عاد الى المعدل الطبيعى وليس الى معدل يفوق ما يفترض ان يخرجه محرك سيارتك من قوة قياساً بحالة محركك
نقطه اخرى فى منتهى الاهميه وهى ان البوجيهات البلاتينوم لا تعمل على اى سياره فلكل نوع منها ماركات معينه تعمل بكفائه تامه معها و يتم التوضيح عنها بوسائل مختلفه
ولكن معنى كلامك انها ليس لها لزوم ومصاريف على الفاضى
لا ليس هذا معنى كلامى انما اريد ان اوصل اليكم المعلومه من منظورى الشخصى لنتناقش بها ونتأكد فى النهايه
ان تلك الإضافات ساوء كانت معززات للشراره او اسلاك عالية الاداء او شمعات أحتراق عالية الاداء متعددة الشمعات لا ترفع الاداء بل تحافظ على منظومة اداء المحرك الطبيعيه بصوره افضل من غيرها
فى النهاية اتمنى ان يكون الموضوع وضح اليكم الصوره ومنتظر ارائكم

طريقة قياس وضبط البوجيهات


-------------------------
بعض الماركات العاليمه لشمعات الاحتراق والاسلاك العالية الاداء
1 – ZEX زيكس المصنع الفرنسى الشهير
2 – Splitfire طبعا اشهر من النار على اعلم
3 – Accel اسيل مصنع شهير ايضاً
4 – Denso المصنع اليابانى الكبير
وهناك ايضاً البوش Bosch والـ
Acdelco

ادوات تغيير البوجيهات

[aboharb]

السلام عليكم
حد جرب يعمل ايدل لارن للعربيه الاكسيل ولا التهيئة دى مش مؤثرة على الاكسيل ولو حد عملها ممكن يشرحها عملى خطوه خطوه لانى كنت واخد العربيه من الميكانيكة من شهر كانت ممتازه بس اليومين دول لخبطت تانى

[alaamousa]

تسلم ايديك استاذ toto_hoho82

السلام عليكم استاذ toto_hoho82
تسلم للمعلومات القيمة اللي زودتنا بيها واللي ان شاء الله هتنفعنا كتيير
منور نايل موتورز يا باشا

[magid1010]

السلام عليكم
حد جرب يعمل ايدل لارن للعربيه الاكسيل ولا التهيئة دى مش مؤثرة على الاكسيل ولو حد عملها ممكن يشرحها عملى خطوه خطوه لانى كنت واخد العربيه من الميكانيكة من شهر كانت ممتازه بس اليومين دول لخبطت تانى :_alshmokh08[1]:

معلهش يعنى ايه ايدل لارن

[toto_hoho82]

السلام عليكم استاذ toto_hoho82
تسلم للمعلومات القيمة اللي زودتنا بيها واللي ان شاء الله هتنفعنا كتيير
منور نايل موتورز يا باشا

:b4_388::b4_388::b4_388:

انا دائما فى خدمتكم واعدكم بان ابذل قصار جهدى لخدمة كل اصدقاء هذا المنتدى الرائع

[toto_hoho82]

ممكن اعرف من السادة الاعضاء هل تغيير الزيت بنظام الشفط من مكان مقياس الزيت تحت الكبوت افضل ام نظام فك الطبة اسفل الماتور

[waelmoawad]

اولا انا متشكر جدا جدا جدا لأهتمامكوابالموضوع بتاعى وانا بالفعل هابتدى ادور فى المشاركات القديمه فى المنتدى الاكثر من رائع ده
بس انا يا اخ singary2010 مشيت اليوم ده 80 كيلو لحد الحرفيين رايح جاى
بس بغض النظر العربيه دى اكتر من رائعه الحمد لله

[wael6]

السلام عليكم
بالنسبة لتسخين العربيه عندى
بتاخذ وقت طويل مثلا من 5- 10 دقايق
وحتى لو ركنتها نص ساعه مثلا
لابد من اعادة التسخين
ترموستات الكوعه عندى متشال
هل ده هو السبب ولا فى سبب آخر
لان الموضوع ده زهقنى كتيييييييير
وهل لو لازم يركب ترموستات هل له مواصفات معينه
يعنى استيراد ولا في منه جديد وسعره كام ودرجة حرارته كام وهل له ظبطه معينه بحيث ان السياره فى اسوء الظروف ان شاء الله متمسكش حراره
وتانى نقطه بحط مياه من الحنفيه للريداتير وكان من فتره مياه خضرا لكن بضيف مياه من الحنفيه
منا مش عارف ا حط غيرها
محدش يقولى حط مية تكييف لانه معنديش تكييف فى البيت
استهلاك البنزين عندى 120 كم فى الصفيحه فى الزحمة ( داخل المدينه )
اعتقد قليل نرجو الافاده
متابع معاكم
وشكرا جزيلا

[aboharb]

معلهش يعنى ايه ايدل لارن

بصراحه انا قريت عنه فى المنتدى هنا وفى اماكن اخرى هى عملية اعادة تهيائه لظبط الموتور لو حضرتك عملت بحث على جوجل ممكن تتعرف عليه بس الاهم ينفع مع الاكسيل
والله اعلى واعلم

[alaamousa]

متااااااااااااااااابع

[khaledsadek]

عندى مشكلة يا ريت نحلها مع بعض عندى قفلة فى لمبة الصالون وكمان فتح الشنطة من الداخل حد يعرف كهربائى خبرة تمام يعملهم مع العلم انى ساكن فى شبرا مصر

[mahmahmah31]

[caution]
يا جماعة انا بشكركم جدا علي المعلومات القيمة اللي بجد بستفيد منها جدا ولكن حدث لي مشكلة يمكن تخليني ابيع العربية من فضلكم ساعدوني
العربية علشان ادورها لازم ادوس بنزين بصورة متقطعة حتي لا يقف المحرك
ثانيا اثناء السير يقف المحرك مرة عند سرعة 40 او 80 او 100علما بأن السيارة اكسل 1500 اتوماتك
ثالثا اثناء الوقوف اشعربرجة كبيرة علما بانني قمت بتنظيف الكربيرتير
ذهبت الي ميكانيكي ولا يعرف سبب توقف الماتور اثناء السير
من فضلكم ساعدوني في الحل علشان ناوي ابعها وهي غالية علي
[/caution]

[aboharb]

الحقونى العربيه بتبرد جامد لو وقفت 3 ساعات لازم اسخنها تانى هو كده طبيعى ولا انا عندى مشكله

[mahmahmah31]

[caution]
يا جماعة انا بشكركم جدا علي المعلومات القيمة اللي بجد بستفيد منها جدا ولكن حدث لي مشكلة يمكن تخليني ابيع العربية من فضلكم ساعدوني
العربية علشان ادورها لازم ادوس بنزين بصورة متقطعة حتي لا يقف المحرك
ثانيا اثناء السير يقف المحرك مرة عند سرعة 40 او 80 او 100علما بأن السيارة اكسل 1500 اتوماتك
ثالثا اثناء الوقوف اشعربرجة كبيرة علما بانني قمت بتنظيف الكربيرتير
ذهبت الي ميكانيكي ولا يعرف سبب توقف الماتور اثناء السير
من فضلكم ساعدوني في الحل علشان ناوي ابعها وهي غالية علي
[/caution]