سؤال مهم لمالكي هيونداي

[basala313]

سؤال مهم لمالكي هيونداي في المنتدي
انا انشاء الله ناوي اجيب RB فاضيه يعني اول فءه.
طبعا الموتور ال 124 حصان ده محتاج وساءل امان يعني فرامل abs / ebd
ينفع اركبها بعد كده عشان فلوسي يدوب تجبها فاضيه
ونفس الكلام بالنسبه للفتيس الاوتوماتيك
وده لو ينفع هيكلفني كام؟
ارجوكم افيدوني ياأعضاء المنتدي المحترم

[medododo]

عشان تركب الحاجات دي وكمان الفتيس الاوتوماتيك هتغرم كتير وهتغير حاجات كتير وخصوصا الفتيس الافضل تجيب عربية أقل في المواصفات كاملة أو تصبر شوية وربنا يكرمك بباقي المبلغ أو هتها بالتقسيط

[medododo]

أو ممكن تشوف كسر الزيرو

[basala313]

شكرا علي الرد ياميدو باشا
طب التكلفه هتعدي سعرها وهي كاملة
ولو هجيب عربيه كامله ايه المتاح في حدود 90 الف

[ahmedsamir5edr]

مش هتعرف تركب الحاجات دي طبعاااا
و لو عرفت هتكون التكلفه خراااااااااااااااافيه
لو عاوز حاجه نفس السعر كامله
أوبترا
جين 2
نيسان صني

أوتوماتيك كل دول كاملين
و الجين 2 فيها abs

[Ashraf_Ibrahim]

انا ارشحلك الجين تو يا عزيزي
وممكن الصني طبعا عربية محترمة جدا
وممكن سبيرانزا a612 ودي بكل امكانياتها طبعا
دول افضل العربيات في رينج السعر دا كعربيات جديدة وسيبك من الار بي غالية عالفاضي والله

[basala313]

طيب ممكن تمشي بيرسونا اليجانس اهي شبة الجين 2 وكون كده اخترت صح ؟
ولا ايه يجدعان
دي اول عربية
وبشكركم جدا والله

[Ashraf_Ibrahim]

طبعا تمشي بيرسونا
عربية محترمة جدا

[ahmedsamir5edr]

البيرسونا جميله
بس روح خد لفه في قسم البروتون و أقرأ عنها شويه بس