خبطت واحد..

[elntra1]

انا خبطت واحد كنت ماشى ومرة واحدة واحد طلع من جنب العربيات كان بيجرى من حد فخبطه المهم نزلت اشوفة ملقتهوش ليقيته بيجرى المهم كسر لى كف مراية يمين وكسر الازاز الامامى ومينفعش يتعمل ليزر بس الحمد الله.....كنت عايز اعرف سعر الازاز الامامى الاصلى ...وسعر كف المرايا واجيبهم منين... وهل فى استراد....السيارة النترا 2007 اتوماتيك.....وشكرا

[Ashraf_Ibrahim]

طب هو كسرلك المرايا ماشي
بس كسرلك الازاز ازاي؟!
مش متخيل الموقف ؟!

[حماده المصري]

هوه كف المرايه في النترا القديمه ب 70 جنيه

الجديده معرفش كام بس ميعديش 120 مثلا اصلي

[elntra1]

والله معرفش تقريبا كوعه خبط فى الازاز وعملى شروخ ...

[maged80]

هو انا كان ليا واحد صحبى برده كان الازاز الامامى باظ وغيره بواحد مصرى زى زجاج ابو جريش وكان عامل 650 جنيه بالتركيب

[esam722]

على فكرة الزجاج الامامى التربليكس (الطبقتين)مش هيعدى باى حال من الاحوال 350جنية وممكن 320 كمان على حسب المكان ولو قريب من امبابة هتلاقية فى ش الوحدة بسهولة وكف المرايا ب 60جنية

[elntra1]

انا روحت الشركة كف المرايا بـ110ج والازاز الامامى ب2800ج مش عارف ازاى
ورحت عند المنير كف المرايا بـ60ج والازاز الامامى بـ480ج
وهل فى فرق بين الازاز بتاع الشركة واللى بيتباع...وشكرا على الردود

[esam722]

اى حاجة فى الشركة بتبقى اسعارها دبح بحجة انها اصلى وانها ضمان وكلام فاضى زى ده .
اما الحاجة لما تشتريها من برة كل محل ونظرتة للزبون وازاى يعرف يقلبة وده للاسف لكن الخامة واحدة وبالتالى الفروق فى الاسعار بالنسبة لزجاج السيارات بسيطة بس انت اسئل وهتوصل لواحد بيتقى الله وبيبيع باسعار كويسة ومعلش احنا اليوم فى شغلنا بيقف علينا بكام علشان نستهون ب100 جنية فرق ممكن نوفرهم لو دورنا شوية
وبالتوفيق

[ahmed_mido1889]

روح مصنع امان في 6 اكتوبر

او دكتور جريش في العاشر من رمضان

وهتجيب ارخص اسعار وانضف تركيب

[Mahmode]

كسرلك المرايا والإزاز ومحصللووش حاجة وقام يجري؟ دا راجل معدن ولا إيه؟

[elntra1]

معرفش والله الواد اختفى...

[Ashraf_Ibrahim]

يا سيدي مش مشكلة قول الحمد لله انه بخير ومحصلهوش حاجة لحسن كانت تبقا مصيبة
استعوض ربنا خير وباذن الله ربنا هيرزقك مكانهم حاجة احسن باذن الله
وسيبك من حكاية التوكيل في الازاز والمرايا عشان غالي جدا في الحكاية دي !
مراية الفيرنا في التوكيل العادية عاملة 450 جنيه في حين انها برا كوري عاملة 80 جنيه تقريبا !
انا بقلك مثال بس ليس الا

[beshomilan]

كسرلك المرايا والإزاز ومحصللووش حاجة وقام يجري؟ دا راجل معدن ولا إيه؟

تعليق تحفة جدا ضحكتنى بجد اوى..اشكرك لانى كنت مضايق وضحكت عشان تعليقك