إعـــــــلان

Collapse

.

,
See more
See less

شكرا Jeans Car وشكرا ا/كريم منير

Collapse
X
 
  • Filter
  • الوقت
  • Show
Clear All
new posts

  • شكرا Jeans Car وشكرا ا/كريم منير

    بسم الله الرحمن الرحيم

    بعد لف وقراية كتير ومقارنة اسعار وجودة شغل.قررت والحمد لله اننى لازم اغير الكسوة اللى كنت عاملها واللى كان الغرض منها حماية الفرش الفابريقة وللاسف زى ما هتشوفوا فى الصور انها ولا حمت ولا غيره وبل بالعكس دمرت الكنبة والكراسى.

    رحت ل Jeans Car بعد ما شفت الشغل الرائع اللى عملوه الاعضاء هنا ومع انه مش رخيص ولكن بحسبة كدة اننى بوظت فرش وحشو كرسى فابريقة فى سنة اودام اننى عملت فرش جلد هيحافظ على الكراسى والاهم الراحة اللى حاسس بيها دلوقتى وانا سايق وضهرى مش متنى ولا رجلى واجعانى.

    اتفقت مع ا/ عبد الفتاح لما روحت المحل وعلى فكرة هما 3 اخوات ماسكين المحل وربنا يباركلهم.التلاتة ذوق جدا وخدومين جدا وفعلا تحس انك بتتخدم من ناس مش غرضها البيع وخلاص.

    اتفقنا على السعر والخامة وتفاصيل الخياطة وكان التركيب النهاردة الساعة 1 روحت وفى ظرف ربع ساعة كان الكراسى والكنبة مفكوكين وبدا العامل فى تظبيط الارضية.

    الصور : (قولوا ما شاء الله)

    ده شكل الكسوة القديمة : ولاحظوا التقفيل التعبان اللى كذا مرة روحت للركبه عشان يظبطه ولا فائدة :



    وده بعد ما العامل شال الكراسى وبدا يقص الجلد:



    وديه الفضيحة اللى عملها اللى ركب الكسوة فى الكنبة وللعلم انا تقريبا مفيش حد عندى بيستخدم الكنبة :







    وهنا قرروا فى Jeans car انهم لازم يفكوا الفرش الفابريقة ويرجع يحشى الكنبة تانى وتتظبط عشان الجلد يتشد عليها كويس.

    وده شكل الكنبة بعد ما اتشدت واتركب عليها الجلد :



    وركب بقية الشغل وهنا كانت المفاجاة بالنسبة ليا اننى حاسس اننى راكب عربية جديدة ومرتاح وحاسس اننى عالى على الكرسى غير الكسوة اللى كنت تقريبا يوميا بعدل وضع الكرسى عشان ارتاح .







    وهنا بقى الطارة الجديدة الهدية وهى مش جلد زى الكراسى ولكنها جاهزة من العلبة وعلى فكرة انا متفقتش على شغل الهاند بريك ولكن الحاج احمد مدير المحل قال للعامل يعملى واحدة وطلعت زى ما انتوا شايفين فى الصور .



    التركيب اخد حوالى 4 ساعات ونص وطول الوقت وانا قاعد عندهم والناس مبتبطلش تضحك فى وشك ولازم تشرب حاجة ولما تخلص الحاجة كل اخ فيهم يسالك ها شربت حاجة .

    الحاج احمد مش بتاع مكتب .بمعنى انه عينيه على الصنايعى وهو شغال ويقول ملاحظاته ويقيم الشغل للصنايعى قبل ما حتى افكر اقوله على اى حاجة.

    للى حابب يعرف انا كنت عامل الكسوة او التلبيسة عند Spare Car اللى فى امتداد رمسيس

    واخيرا

    مشكورين طاقم Jeans Car وشكر خاص للاستاذ كريم منير اللى كل الناس فى المحل هناك بيشكروا فيه.

    ولو محتاجين اى تفاصيل او اسئلة يا جماعة اسئلوا بس.


    [marq="3;right;3;scroll"]لا حول ولا قوة الا بالله العلى العظيم
    [/marq]

  • #2
    ماشاء الله تبارك الله
    ربنا يباركلك ويباركلهم

    اتكلف كام ياعزيزي؟؟


    تحياتي
    don't judge a car unless you have driven it

    hm414 سابقا

    Comment


    • #3
      الله يباركلك واتكلف 1600 بس خد بالك ان السعر ده بعد تخفيض نايل موتورز وتخفيض شخصى من اصحاب المحل واللى الاتفاق كان الاتى :

      الفرش - الطارة-الارضية-الشنطة واتضاف عليه الهاند بريك.

      والاسعار لحاجة كويسة بالنسبة للفرش من اول 900 لحد 1200 وده من غير الخياطة الدوبل اللى عملته.

      وبالنسبة للارضية من اول 250 لحد 450 وبرده حسب جودة الجلد.
      [marq="3;right;3;scroll"]لا حول ولا قوة الا بالله العلى العظيم
      [/marq]

      Comment


      • #4
        المشاركة الأصلية كتبت بواسطة emo_ayman مشاهدة المشاركة
        الله يباركلك واتكلف 1600 بس خد بالك ان السعر ده بعد تخفيض نايل موتورز وتخفيض شخصى من اصحاب المحل واللى الاتفاق كان الاتى :

        الفرش - الطارة-الارضية-الشنطة واتضاف عليه الهاند بريك.

        والاسعار لحاجة كويسة بالنسبة للفرش من اول 900 لحد 1200 وده من غير الخياطة الدوبل اللى عملته.

        وبالنسبة للارضية من اول 250 لحد 450 وبرده حسب جودة الجلد.
        انا عارف ان اسعارهم اعلى بكتير من غيرهم لكن كمان متأكد ان شغلهم محدش بيعمل زيه اطلاقا ماشاء الله عليهم وفعلا لا يقارن بحد

        بحب الناس اللي تشتغل وتتقن شغلها ما شاء الله مهما كلف...

        ابقى قولنا اخبار الجلد في عز الظهر ايه؟؟؟
        لاني بفكر جديا في تغيير الفرش لجلد....



        وألف مبروك مره تانيه..

        تحياتي
        don't judge a car unless you have driven it

        hm414 سابقا

        Comment


        • #5
          انا معايا اسكودا اوكتافيا a5 وهيه نازلة الكراسى جلد بس ايه موضوع ان الارضية تبقى جلد ده طيب والجلد ده هيستحمل وممكن صورة للارضية عند حضرتك ولو تقولى فين عنوانهم

          Comment


          • #6
            المشاركة الأصلية كتبت بواسطة hm414 مشاهدة المشاركة
            انا عارف ان اسعارهم اعلى بكتير من غيرهم لكن كمان متأكد ان شغلهم محدش بيعمل زيه اطلاقا ماشاء الله عليهم وفعلا لا يقارن بحد

            بحب الناس اللي تشتغل وتتقن شغلها ما شاء الله مهما كلف...

            ابقى قولنا اخبار الجلد في عز الظهر ايه؟؟؟
            لاني بفكر جديا في تغيير الفرش لجلد....



            وألف مبروك مره تانيه..

            تحياتي
            بص يا عزيزى انا كنت عامل حسابى على حاجة زى كدة.وانه ممكن يسخن العربية فى الحر وعشان كدة عملت معظمه بيج ولو لقيت العملية صعبة جدا هحط عراقة على الكرسى.

            وهجرب فى عز الضهر وهقولك حاضر.

            وربنا يباركلك ومشكور لذوقك.
            [marq="3;right;3;scroll"]لا حول ولا قوة الا بالله العلى العظيم
            [/marq]

            Comment


            • #7
              المشاركة الأصلية كتبت بواسطة samoreception مشاهدة المشاركة
              انا معايا اسكودا اوكتافيا a5 وهيه نازلة الكراسى جلد بس ايه موضوع ان الارضية تبقى جلد ده طيب والجلد ده هيستحمل وممكن صورة للارضية عند حضرتك ولو تقولى فين عنوانهم
              الجلد فيه منه 3 درجات عندهم وانا اخترت اتقلهم وبالطبع اغلاهم وكان هاممنى انها تستحمل.

              انا زهقت من الموكيت وتنضيفه وريحته لو وقعت حاجة فى العربية وكل كام يوم انضف بالهوفر فى البنزينة.مع الجلد هى فوطة مندية وامسحها هتبقى تمام.

              الصورة هصورها لما انزل حاضر.

              تعرف مدينة نصر كويس ولا تعرف حاجات معينة عشان اوصفلك من عندها ؟
              [marq="3;right;3;scroll"]لا حول ولا قوة الا بالله العلى العظيم
              [/marq]

              Comment


              • #8
                اعرف عباس العقاد وسيتى استارز

                Comment


                • #9
                  وده طبعا بيبقى جلد طبيعى

                  Comment


                  • #10
                    المشاركة الأصلية كتبت بواسطة samoreception مشاهدة المشاركة
                    اعرف عباس العقاد وسيتى استارز
                    حلو اوى.اخر عباس العقاد فيه كالتكس-اجبارى يمين هتمشى علطول لحد ما تقابل محطة شل على يمينك وبعدها حى مدينة نصر وهتوصل هنا لميدان خش يمين هتلاقى بنزينة شل تانية خش من بعده يمين وهتلاقى تقاطع -عدى التقاطع هتلاقى المنياوى بتاع بطاريات وكاوتش وبعده سوبر ماركت صغير -Jeans Car هو المحل اللى بعد السوبر الماركت.

                    المشاركة الأصلية كتبت بواسطة samoreception مشاهدة المشاركة
                    وده طبعا بيبقى جلد طبيعى
                    جلد المانى ومش متاكد انه 100% طبيعى ولاننى مدخن فكنت مهتم انه ميتلسعش لو وقعت عليه سيجارة او طافية وده اللى جربته بعم ما مشيت من عندهم وجربهولى الاستاذ عبد الفتاح قبل ما اشترى.
                    [marq="3;right;3;scroll"]لا حول ولا قوة الا بالله العلى العظيم
                    [/marq]

                    Comment


                    • #11
                      الف شكررررر يا استاذ ايمن

                      Comment


                      • #12
                        المشاركة الأصلية كتبت بواسطة samoreception مشاهدة المشاركة
                        الف شكررررر يا استاذ ايمن
                        لا شكر على واجب يا افندم ومشكور لذوقك.
                        [marq="3;right;3;scroll"]لا حول ولا قوة الا بالله العلى العظيم
                        [/marq]

                        Comment


                        • #13
                          تقرير رائع و الف مبروك
                          :)
                          ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                          [sor2]http://imageshack.us/a/img838/2058/8l0n.jpg[/sor2]

                          Comment


                          • #14
                            المشاركة الأصلية كتبت بواسطة tlrsiap مشاهدة المشاركة
                            تقرير رائع و الف مبروك
                            :)
                            مشكور يا افندم على ذوقك.
                            [marq="3;right;3;scroll"]لا حول ولا قوة الا بالله العلى العظيم
                            [/marq]

                            Comment


                            • #15
                              وده صور شكل الارضية الجلد :


                              ومعلش ملحقتش امسح الارضية من علامات الدواسة عليها

                              [marq="3;right;3;scroll"]لا حول ولا قوة الا بالله العلى العظيم
                              [/marq]

                              Comment

                              Working...
                              X