يعنى ايه الباور كهرباء

[احمد المصرى]

السلام عليكم


سمعت ان العربيه الانترا الباور بتاعها كهرباء يعنى ايه كهرباء يا شباب وهل دا ميزه ولا عيب وميزه فى ايه وعيب فى ايه

[samihanwar]

كهربا يعنى شغال مع العربيه لما تدور ومش على زيت
وطبعا هو احسن وتلاقيه خفيف جدا فى ايدك وبيتقل مع السرعه

[ahmed_mido1889]

كهربا يعنى شغال مع العربيه لما تدور ومش على زيت
وطبعا هو احسن وتلاقيه خفيف جدا فى ايدك وبيتقل مع السرعه

+11111111

كل لما تزود سرعه الدركسيون يتقل علشان العربيه ما تعومش

وليه ميزه تانيه انه ما بينقلش الحركه من تحت لفوق

يعني مثلا في اللانوس اي زلطه والا طوبه ممكن تخلي الدركسيون يلف وده باور زيت

لكن الباور الكهرباء مبياثرش فيه حاجه من تحت في الطرق المكسره تلاقي الدركسيون ثابت ما بيتحركش

[احمد المصرى]

دا كدا يبق ممتاز مش عيب بس اهم حاجه انه يفصل على السرعات العاليه


الف شكر يا شباب على المشاركات

[fouaa]

دركسيون كهربا يعنى علبه الاسكترا بتاعت العربيه بتتحرك عن طريق الكهربا مش عن طريق ضغط الزيت ودى بتبقى فعربيات معينه مش فكل العربيات زى النيو اكسنت 2006 2007 2008 وموديل 2009 غيروه وخلوها بور زيت عشان كان ديما بيعمل مشاكل المهم الانترا برضو بور كهربا الفكره بتاعت البور الكهربا بتبقى كالاتى علبه دركسيون عاديه جدا اسكترا مفيش فيا اى حاجه ولا اى كبلات لا سلكه حتى وبتبقى خفيفه جدا جدا جدا وبتتركب فالمكان بتاعها عادى جدا والمفروض ان الاسكترا بتاعتنا بتتوصل بالعمود مع الدركسيون على طول وده بيبقى متوصل فالعربيه الاول على جهاز كهربا هو الى بيعمل ضغط وبيبقى مجمموعه تروس بتتحرك بالكهربا وبتحرك الاسكترا فبالتالى تخلى العجل يتحرك وده بيبقى مكانو فالقطمه بتاعت الدركسيون الى هيا جوا العربيه الجهاز ده هو الى بيبقى بيحرك الاكسترا وهو الى بيقى فيه السلوك والكبلات وهو الى بيبقى فيه السينسور الى بيخليه يتقل مع السرعات العاليه ده البور الكهربا
البور الزيت بقى بيبقى علبيه دركسيون بيتوصل معاها طرمبه ضعط عالى عشان يظغط الزيت مع حركه الدركسيون علشان تسهل الحركه وطبعا البور الكهربا افضل بكتير ومش بينزل غير فالعربيات الغاليه فقط .

[MOUSTAFA_SAAD]

الباور الكهرباء جميل جدا وبينزلفى الربيات الغاليه بس

[احمد المصرى]

دركسيون كهربا يعنى علبه الاسكترا بتاعت العربيه بتتحرك عن طريق الكهربا مش عن طريق ضغط الزيت ودى بتبقى فعربيات معينه مش فكل العربيات زى النيو اكسنت 2006 2007 2008 وموديل 2009 غيروه وخلوها بور زيت عشان كان ديما بيعمل مشاكل المهم الانترا برضو بور كهربا الفكره بتاعت البور الكهربا بتبقى كالاتى علبه دركسيون عاديه جدا اسكترا مفيش فيا اى حاجه ولا اى كبلات لا سلكه حتى وبتبقى خفيفه جدا جدا جدا وبتتركب فالمكان بتاعها عادى جدا والمفروض ان الاسكترا بتاعتنا بتتوصل بالعمود مع الدركسيون على طول وده بيبقى متوصل فالعربيه الاول على جهاز كهربا هو الى بيعمل ضغط وبيبقى مجمموعه تروس بتتحرك بالكهربا وبتحرك الاسكترا فبالتالى تخلى العجل يتحرك وده بيبقى مكانو فالقطمه بتاعت الدركسيون الى هيا جوا العربيه الجهاز ده هو الى بيبقى بيحرك الاكسترا وهو الى بيقى فيه السلوك والكبلات وهو الى بيبقى فيه السينسور الى بيخليه يتقل مع السرعات العاليه ده البور الكهربا
البور الزيت بقى بيبقى علبيه دركسيون بيتوصل معاها طرمبه ضعط عالى عشان يظغط الزيت مع حركه الدركسيون علشان تسهل الحركه وطبعا البور الكهربا افضل بكتير ومش بينزل غير فالعربيات الغاليه فقط .

ردك وشرحك وافى جدا اخى الكريم بس ليا سؤال ممكن يكون غريب شويه هل الباور الكهرباء دا ممكن يبوظ بسهوله لانه على حساس يعنى لو الحساس دا باظ لاى سبب وانت ماشى ايه ال ممكن يحصل .... يعنى هل يوجد خوف منه لو حصل فى عطل لاى سبب لا قدر الله لان حسب ما فهمت انه فيه حساسات

[muslim_nsb]

النترا 2005 الباور زيت ولا كهرباء

[fouaa]

ردك وشرحك وافى جدا اخى الكريم بس ليا سؤال ممكن يكون غريب شويه هل الباور الكهرباء دا ممكن يبوظ بسهوله لانه على حساس يعنى لو الحساس دا باظ لاى سبب وانت ماشى ايه ال ممكن يحصل .... يعنى هل يوجد خوف منه لو حصل فى عطل لاى سبب لا قدر الله لان حسب ما فهمت انه فيه حساسات

اولا شكرا لزوئك يا باشا
بص هو حوار البور الكهربا ده ملوش اى اضرار بكافه المقايس هو بس اهم حاجه فيه ان العفشه ديما تبقى تمام لانو غالبا بيبوظ بسرعه لما بيكون فى مطبات وعفشه سيبه وطبعا ده غير البور الزيت وهو مفيش اى مشاكل فحاله انو باظ لانو لو فرضنا اسوؤ الحالات انو فصل خالث الدركسيون هيتقل وهيبقى تقيل شويه بس مش اكتر مش هيبقى بور هيبقى عادى ومفيش منو اى قلق

[mudengineer]

ممتاز

اولا شكرا لزوئك يا باشا
بص هو حوار البور الكهربا ده ملوش اى اضرار بكافه المقايس هو بس اهم حاجه فيه ان العفشه ديما تبقى تمام لانو غالبا بيبوظ بسرعه لما بيكون فى مطبات وعفشه سيبه وطبعا ده غير البور الزيت وهو مفيش اى مشاكل فحاله انو باظ لانو لو فرضنا اسوؤ الحالات انو فصل خالث الدركسيون هيتقل وهيبقى تقيل شويه بس مش اكتر مش هيبقى بور هيبقى عادى ومفيش منو اى قلق

انت اكثر من رائع والله يا باشا ... انا كنت حاطط ايدي على قلبي من موضوع الباور الكهربا ده ... بص الصراحه هوه حلو فعلا بس خطر جدا لأن عندي حاسس انو بيأفش و انا بلف في نقطه معينه كده ... الحلو في الموضوع انك بتقول حتى لو لاقدر الله فصل الدريكسيون يشتغل عادي بس مش باور صح كده ؟

[احمد المصرى]

اولا شكرا لزوئك يا باشا
بص هو حوار البور الكهربا ده ملوش اى اضرار بكافه المقايس هو بس اهم حاجه فيه ان العفشه ديما تبقى تمام لانو غالبا بيبوظ بسرعه لما بيكون فى مطبات وعفشه سيبه وطبعا ده غير البور الزيت وهو مفيش اى مشاكل فحاله انو باظ لانو لو فرضنا اسوؤ الحالات انو فصل خالث الدركسيون هيتقل وهيبقى تقيل شويه بس مش اكتر مش هيبقى بور هيبقى عادى ومفيش منو اى قلق

لا شكر على واجب يا باشا


معنى كدا ان لازم العفشه تبق كويسه جدا وممتازه علشان الباور يعيش وفى حاله انه باظ لا قدر الله يبق العربيه كدا من غير اى تركسيون فى التوجيه يعنى الدركسيون ملوش اى لازمه صح كدا

[tifalol]

طب انا لو عربيتي مافهاش باور و ركبتلها هيبقى زيت ولا كهرباء و لو زيت كده مش هيبقى في حمل على الموتور مش صح
العربيه اكسنت 1300 2005

[samirsaid1]

انا عندى فى النيو اكسنت 2007
احيانا لما باخد ملف على بطئ بحس بتكة زى تعليقة خفيفة اوى وبعدين يفك
ياترى ممكن يكون سببة ايه

وشكرا على الموضوع

[fouaa]

والله يا جماعه اصلى انا لسه كان عندى مشلكه فالبور بتاع العربيه الاكسنت موديل 2006 ولسه مغير علبه دركسيون لان الدركسون كان لما بتيجى تلفو بيتقل اوى فنقط معينه والعيب كان فالعلبه وكانت بدات توبظ جهاز البور بقى بيعمل صوت احيانا زى صوت بلى خشن كده والسبب فالموضوع ده ان العفشه من قدام كانت من 2006 ماتغيرتش فكانت مبوشه شويه وكانت ديما بترج فالمطبات الصغيره فده اثر على العلبه وبالتالى العلبه اثرت على الجهاز طبعا انا غير ت العفشه الى هيا جلب المقصات ومسمار الميزان وجبتهم الاصلى ومكنوش غالين وغيرت علبه الدركسيون وجبت الاصلبه بالبارت من متوزع معتمد هيونداى فالحرفين كان تمنها كامله فحدود 1800 جنيه ولما غيرت كل دول بقى المسئله زى الفل والعيب الى فالجهاز ولا كانى سمعو وملوش اى تاثير لانو لو باظ زى مقولتلك ملوش ضرر العربيه هتفضل ماشيه وهتكسر العجل معاك عادى بس بتقل شويه كانك بتلف الدركسوين بالظبط وهيا مبطله ده كبيرو اوى