مشكله عندى فى العربيه ايه حلها

[mmans]

انا عندى عربيه الانترا 2011 العفشه بتاعتها مش عارف مالها وانا ماشى فى شارف مكسر او اى حته مكسرة و اخدها على سرعه شويه العربيه بتخربط من تحت جامد و بسمع صوت حاجه بتخبط من تحت العربيه و كمان وانا ماشى على سرع فوق ال120 العربيه بتتهز كلها و بترعش معايا و اما اجى اخد حنه مطب هوا كده بحس ان العربيه هتتقلب و الطاره تلعب فى ايدى و العجل مش عارف بيلعب اوى

ايه الحل فى المشكله دى و يكون عيب ايه

[adel1212]

اسعد الله اوقاتك
هى العربية عاملة كام كم
تحياتى

[mmans]

17 الف و الكبالن و المساعدين مفيش فيهم حاجه خالص

[mishooo77]

بالنسبة للرعشة علي السرعات العالية اعتقد ممكن حضرتك تتاكد من ظبط الزوايا و الاتزان
و دمت بخير .... تحياتي

[adel1212]

جرب ربط عفشة الاول
لو مظبتيتش
يبقى ظبط الزوايا و الاتزان و ترصيص
تحياتى

[mmans]

انا روحت للعفشجى رفعها و كشف عليها الكبالن كان فيها سنه كده ظبطها و الكرسى بتاع المكنه شااالو و ظبطو و ظبطط على الااااخر و شكرا للردود منكم يا جمااعه و انا ظبط زوايا و رصصت برضو و ميه ميه

[adel1212]

بالتوفيق
هو انت سواقتك عنيفة
ولا عيب طرق
ولا اية
تحياتى

[mmans]

لا يا باشا انت عارف الشوارع بتاعتنا مفيش فيها ولا طريق مكسر كل الطرق حلوة و الواحد مش لاقى حته مكسرة يمشى فيها خالص ههههههههه
عيب طرق طبعا يا باشا

[adel1212]

17000 كم و موديل 2011
وتعمل الكلام ده
مروحتش ليه لانكل غبور انا عارف انه فى الحاجات دى حقانى وبيدى العربية والعميل حقهم طالما لسه فى الضمان
تحياتى

[mmans]

لا دى خليجى يا باشا و كمان انا روحت للعفشجى انهارده الصوت كان لسه موجود شويه و كماااااااااااااان طلع حاجه هايفه جدا الصوت ده كلو عشان علبه الشكمان الى تحت العربيه كاااااااانت ساااااايبه ربطها بكام افييييز و الصوت راااح و ميه ميه كان هاين عليا اخبط العربيه طوبطين و امشى ههههه

[adel1212]

الخمد لله ان المشكله طلعت حاجة بسيطه
افرح بعربيتك بقى وعيش
تحياتى