احتاج نصيحة في شراء هيونداي كوبيه مستعملة

[k50_]

السلام عليكم
ازيكم يا شباب , انا بقالي فترة مطالع علي الموقع ومحتاج المساعدة :)

انا عايز اشتري هيونداي كوبيه مستعملة ان شاءالله تكون موديل 2005
ودي هتكون اول عربية ليا , ف محتاج نصايح لناس الي جربتها او الناس الي عندها خبرة
ف محتاج حد يجاوبني علي الاسئلة دي :
1- ايه الي محتاج ابص عليه ف العربية دي بالذات لما اجي اشتريها مستعملة عشان اتأكد انها استخدام جيد ؟
2-هل العربية مكنتها والعفشة بتاعتها كويسين يستحملو السفر علي الطريق ب راحة ؟
3-فيه اعلانات شوفتها لعربيات كوبيه ف الاسكندرية , هل تنصحو اني ابتعد عن عربيات اسكندرية عشان الرطوبة عالية هناك ؟
4-ايه اكتر العيوب الي بتظهر ف الكوبيه المستعملة ؟ وازاي ممكن تتعالج ؟

لو فيه اي اقتراحات علي عملية الشراء ياريت تنصحوني بيها
انا عملت ميزانية من بين 60 ل 70 ف العربية , وانها تكون كاملة اتوماتيك وفتحة سقف , لأني دورت علي الاسعار ولقيت انها ف الرينج ده , ومتكنش عاملة اكتر من 70 الف كيلو .

منتظركم :)

[hamada409]

و عليكم السلام

1- العربية إكشف عليها عادي زي أي عربية مستعملة مفيهاش حاجة معينة
2-المكنة كويسة جدا هي هي مكنة الإلانترا ال2006 بس صوتها عالي شوية إنما أداها كويس، بالنسبة للعفشة هي ناشفة بس قوية و عشان العربية واطية بتحك في المطبات
3-مش عارف بصراحة موضوع إسكندرية ده
4- أنا عربيتي جايبها مستعملة من 3 سنين و مظهرش الحمدلله فيها أي عيوب

بالنسبة للميزانية اللي انتا عاملها هي مناسبة لعربية 2005 أما بعد كده ممكن توصل ل 80 ألف و متقلقش من موضوع فتحة السقف عشان موجودة في كل موديلاتها بس أوتوماتيك نادرة جدا لدرجة تكاد تكون معدومة لأنها بتبقى 2000 cc أو أعلى من كده و الموديل ده منزلش مصر كتير و ال1600 أصلا نادرة مابالك بقى بال2000 ده غير إنه سعرها ممكن يعدي ال 100000

مميزاتها:

-الشكل الخارجي
-قوة الصاج
-الثبات
-الكراسي مريحة
-إستهلاك البنزين

عيوبها :

-الكنبة ضيقة جدا جدا تحس إنهم حاطينها منظر بس يادوب تشيل واحد و يكون قاعد موطي كمان
-الشنطة صغيرة جدا جدا يعني متشيلش شنطة سفر حجم متوسط حتى
-إرتفاع سعر قطع الغيار (اللي برة الموتور) بطريقة مبالغ فيها على عربية 2005 ده غير إنها نادرة و بتعب جدا لحد ماألاقيها
-مفيهاش أوبشنز تشد يعني يادوب الكماليات الأساسية (زجاج كهرباء-مرايات كهرباء-فتحة السقف-مراية التعتيم)

و على فكرة في موديلات بتنزل من غير abs و المساحة اللي ورا

في دلوقتي 10 عربيات في كونتاكت بص عليهم وأي إستفسار تاني أنا في الخدمة و ألف مبروك مقدما

[tamerosman]

لو غايز عربية سبور و كنبتها و شنطتها وسعة فكر فى بروتون جين 2

متور الالهيونداى كوب مش ناعم خالص و متور الجين عبارة عن وحش مش موتور

ثبات الجين 2 عالى جدا فى نفس مستوى الالمانى

اولا على الزيررو بنفس تمن الهيونداى كوب المستعمل

و قطع غيراها متوفرة برع التوكيل

كماليات عاية جدا زى الجنوط و فوجات وراء و قدام و مالتى فنكشن و باركنج سنسور و سبويلر و 2 ايرباج و انذار و ريموت

[hamada409]

لو غايز عربية سبور و كنبتها و شنطتها وسعة فكر فى بروتون جين 2

متور الالهيونداى كوب مش ناعم خالص و متور الجين عبارة عن وحش مش موتور

ثبات الجين 2 عالى جدا فى نفس مستوى الالمانى

اولا على الزيررو بنفس تمن الهيونداى كوب المستعمل

و قطع غيراها متوفرة برع التوكيل

كماليات عاية جدا زى الجنوط و فوجات وراء و قدام و مالتى فنكشن و باركنج سنسور و سبويلر و 2 ايرباج و انذار و ريموت

أحب أصححلك معلوماتك ياباشا أنا العربية معايا بقالها 3 سنين و عمرها ماكسفتني في الشد مع أي عربية تانية و موتورها ممتاز كل عيبه بس إن صوته عالي شوية و نا سقت الجين 2 و فيها نفس العيب

أحب برضه أعرفك إنه ثباتها ممتاز و مفيهاش الأعطال الكثير من فرامل و صوت الدركسيون و ضعف طبة الزيت والمالتي فنكشن اللي بيعلق و عيوب تقفيل زي الجين 2 بس هي فعلا أوسع و شنطتها أكبر و موديل أحدث و ربنا يوفق صاحب الموضوع و يباركله سواء جاب دي أو دي أو أي حاجة تانية

[حماده المصري]

الكوبيه عربيه محترمه وعقشتها قويه مش اي كلام وثباتها اعلى من الجين تو وسواقتها حلوه

لو في حاجه تتفوق فيها الحين تبقى عشان واسعه من ورا فقط

وصوت متور الجين اعلى من الكوبيه كمان وثباتها اقل من الكوبيه

وبصراحه مش شويه كماليات في نظري ليست اساسيه زي المالتي فاكشن يخلوني اركب عربيه اقل ك اساسيات وثبات وكده

بس عموما العيب القاتل للكوبيه ضيق الكنبه الخلفيه وقله قطع الغيار بس هي بصراحه ركوووبه

[behman]

في رأ يي الشخصي ... الكوبيه احسن من الجين 2 رغم الاوبشن اللي فيها
الكوبيه اقوي و تقفيلها احسن و يعيبها المساحه الخلفيه و قطع الغيار الخارجيه ( صاج .. فوانيس .. مرايات ) واعاده البيع
غير كده مافيش

[k50_]

حمادة : تسلم والله انت شجعتني عليها اكتر , انا زي مقولتلك انا عايز موديل 2005 او 2006 , ومعايا رينج فلوس من 60 ل 70 , تفتكر هيجيبو العربية وحالتة كويسة ؟
وعايز اعرف انت بتصرف عليها اد ايه فلوس كل اد ايه وقت ؟ وعلي ايه ؟ عشان انا مش خبرة ف العربيات , والصيانة فين ؟
وهل فيه من موديل 2005 اتوماتيك , عشان انا لازم تكون العربية اتوماتيك بالنسبالي .

حمادة المصري : تسلم علي مشاركتك وانا عموما موضوع مساحة الكنبة الي ورا او الشنطة مش هاممني اوي , والجين كنت بفكر فيها بس شكلها ميديش علي كوبيه زي الهيونداي .

بيهمان : انا محتاج الكلام ده :d

[hamada409]

أه يجيبو حاجة كويسة عادي

بصراحة من ساعة ماجبتها كل اللي عملته تغيير الفلاتر و البوجيهات و غيرت التيل ورا و قدام مرة

عملت الصيانة مرة ف بنزينة شل اللي في الهرم و ندمت أما روحت عشان مكانوش عارفين يركبو فلتر البنزين زي ماكان

غبور إتعقدت منه خلاص مرة سلمتهم العربية كان في مشاكل في العفشة عشان خبطت في الرصيف على سرعة قامو صلحوهالي و إدوني العربية مبتنورش مع السنتر ده غير إني استلمتها و هي جايبة بلية عجل مع إن العيب ده مكانش فيها

مرة كمان روحت غيرت التيل عملوهولي و إدوهالي بتزيق لما بكسر الدريكسيون جامد

فياريت متروحش لغبور ده خالص إلا لو هتشتري قطعة غيار مش لاقيها برة

أنا معرفش ميكانيكة ليها الحمدلله هي مبتحتجش تصليحات كتير بس هشوف عفشجي عشان موضوع البلية اللي غبور بوظهالي

الأوتوماتيك عادي بيبقى متوفر في أي موديل بس زي ماقلتلك عشان تلاقيها أوتوماتيك شبه مستحيل عشان تقريبا منزلتش مصر و لو لقيتها هتعدي ال 100 ألف عشان هتبقى 2000 cc أو أعلى

[حماده المصري]

حمادة : تسلم والله انت شجعتني عليها اكتر , انا زي مقولتلك انا عايز موديل 2005 او 2006 , ومعايا رينج فلوس من 60 ل 70 , تفتكر هيجيبو العربية وحالتة كويسة ؟
وعايز اعرف انت بتصرف عليها اد ايه فلوس كل اد ايه وقت ؟ وعلي ايه ؟ عشان انا مش خبرة ف العربيات , والصيانة فين ؟
وهل فيه من موديل 2005 اتوماتيك , عشان انا لازم تكون العربية اتوماتيك بالنسبالي .

حمادة المصري : تسلم علي مشاركتك وانا عموما موضوع مساحة الكنبة الي ورا او الشنطة مش هاممني اوي , والجين كنت بفكر فيها بس شكلها ميديش علي كوبيه زي الهيونداي .

بيهمان : انا محتاج الكلام ده :d

ياباشا لا شكر على واجب الواحد بيقول رايه بكل احترام وصراحه وانا مملكش العربيتين

تجيبها يميم او شمال الكوبيه اعلى من الجين بس فعلا الكوبيه هتفرضك في التدوير على بعض قطع غيارها بس لازم تلاقي ناس شغاله فيها

وعموما ربنا يكرمك وتلاقي وحده نضيفه ولو عايز كمان انزل ابص معاك مفيش اي مانع او اوديك لمركز صيانه كويس او ميكانيكي كويس مفيش اي مشاكل

[k50_]

حمادة : طب انت لما بتعوز تصلح اي حاجة فيها ولا تخلي يحد يعمل تشك عليها بتروح ل ميكانيكي عادي ؟ مش توكيل !
وكمان موضوع ان الاتوماتيك 2000 سي سي دي عقدتني شوية :D , طموحاتي ف اتوماتيك وانت حطمتني دلؤتي :D

حمادة المصري : والله انت راجل زوق , انا ليا واحد صحبي عندو محل بيع وشرا عربيات , هخليه الي يشوفلي الموضوع من اوله للأخرو لأني ولا ليا ف العربيات ولا اعرف العربية من جوة ولا من برة محتاجة ايه , ربنا يسترها

انا بس عندي سؤال اخير , لما حد يقولك هتشتري مستعملة ف هتفتح بؤها معاك , انا لو جبت العربية نضيفة , وهيا موديل 2005 يعني بقالها 6 سنين كدا , هل هتفتح بؤها ده معناه اني هفضل اصرف عليها كتير ؟ عشان انا شايف العربية بتاعتك يا حمادة مش اتصرف عليها كتير مشاءالله بالنسبة ل 3 سنين شغل ؟

والسؤال الي بيطرح نفسو لو انا فكرت اني ابيعها بعد سنتين , ممكن تمنها ينزل كام ؟

لو في ايه tips حتي انا مسئلتش فيها قولوها محدش يتكسف :D

[حماده المصري]

المستعمل مش بينزل كتير عموما والكوبيه ليها زبونها وليها حالتها

مفيش حاجه اسمها مستعمل يفتح بؤه في حاجه اسمها حاله نضيفه او حاله تعبانه

بمعنى انا في النيو اكسنت جابت معايا 4 مساعدين ومقصين في 50 الف كيلو لو كنت بعتها وقتها كان الي هيشتريها هيصرف عليها هوه ده الي اسمه فتح البوء انما اعرف ناس بتحسس على العربيه العفشه بتعمر معاهم كده لو حد اشترى منهم هيمشى بالعربيه زي الفل وواخدها حالتها مش محتاجه صرف هي دي من الاخر قصه المستعمل انت بتشوف العربيه وحالتها وعفشتها عامله ايه ف هتعرف تحدد سعرها كام وهتصرف عليها كام ولا مش هتصرف اساسا انما كلمه يفتح بئه دي كلمه المصطلح الصحيح الي يطلع عليها انها كلمه مش واقعيه

الواقع انك ممكن تلاقي كوبيه ب 60 الف تصرف عليها تبقى رسيت عليك ب 66 او 70 على حسب محتاجه ايه وممكن تجيب وحده تانيه بي 66 مثلا مش محتاجه صرف عفشتها حلوه مفيهاش مشاكل ومش هيتصرف عليها وممكن تلاقي كوبيه مثلا ماشيه 100 الف كيلو بس صاحبها مغيرلها كل السيور والفلاتر والزيوت والكاوتشات ومزبط عفشتها مش هاينها ساعتها انت هتشتري وتمشي وشكرا

بس في بديهيات و ممكن اطول عليك بس انا احب اقولك كل الي اعرفه مثلا لو عربيه هتشتريها عدت ال 60 الف كيلو يبقى اول ماتجيبها تغير لها سير الكاتينه والبلي بتاعه على الاقل لان لو صاحبها مغيروش بعد ال 60 الف كده حالته بتتعب وسير الكاتينه لو قطع سلم على المتور وودعه


على سبيل المثال عربيتي النترا 2005 شاريها ماشيه 90 الف الى الان متحطش فيها مسمار عفشه هي صحيح العفشه خلاص بتودع وانا بغيرها اليومين دول بس انا اشتريتها سنه مصرفتش عليها حاجات تذكر بس انا عشان مسوس كل شويه اغير زيت فتيس فقط واول ما جبتها غيرت كل السيور والفلاتر لسه قدامها مش اقل كمان من 9 شهور عشان اغير سير الكاتينه تاني وهوه ده الوحيد اللي يهمني واحب اني اغيره حتى لو مش بايز مدام مشي كتير يتغير وده امان بالنسبه ليا في غيري ممكن يسيبه لحد ما يصفر ويتعب ف يكشف عليه ويغيره بس زي ما قولتلك لو قطع ودع المتور وانا سعر عربيتي ب67 الف ولو بعتها دلوقتي هتجيبلي برضو نفس السعر عشان السوق عالي انما لو طبيعي بتاعها فوق الستين الف وانا شاريها فبريكه برا وجوه ولسه فبريكه

في مثلا زييها كان بيبتاع وقتها ب 70 الف بس حالتها مثلا بيوتها انضف شويه وفبريكه وفي زيها بنفس سعرها بس رشه برا كلها وفي وقتها وحده كانت بتتباع ب 80 الف جنيه بس كانت ماشيه 10 الف فقط ومرفوعه سنتين تدخل العربيه ريحه الفبريكه فيها والعربيه مفيهاش خربوش دي تستاهل 80 الف لانك لو حسبتها هتمشي بيها 4 سنين مش هتصرف عليها 2 جنيه علىي بعض

بس عموما بالنسبه للكوبيه مش هتلاقي منها اوتو غير ال 2000 سي سي ومشوفتش انا غير وحده بس وتقريبا مش اوريجينال كان مسقط لها منتا برضو ممكن تجيب كوبيه حالتها اي كلام وتسقط لقها ال 2000 بالفتيس بالكبالن وممكن لو العفشه مختلفه تغيرها بس لو عايز تحط الموضوع في دماغك تسال الاول اي حد بتاع استيرات عن موتورها وفتيسها وهي العفشه مختلفه او لا وتعرف بكام ساعتها تحول فكرك انك تجيب عربيه مش لازم تكون حالتها حلوه لانك كده كده هتزبطها

بالنسبه للتوكيل وبالنسبه للميكانيكيه الهيونداي بكل موديلاته مش معضله والتوكيل صنايعيته مش جايين من كوكب زحل عادي ده ممكن صنايعي مش لاقي ياكل اساسا يروح يشتغل ويتقبل هوه تدريب مش عارف كام يوم ويتقبل

الصنايعيه برا في منهم كويس وكتير جدا منهم كويس وشغلهم زي الفل الفكره في قطع غيارك بس مش اكتر لو اصلي مش هتحس ان العربيه حالتها بتتهان او بتقل هوه التوكيل ممكن تحتاجه في الكشف على حاجات معينه بتبقى بالكمبيوتر وسعر الكشف الكمبيوتر ب 50 جنيه وكمان في ميكانيكيه برا معاهم جهاز الكمبيوتر بس انا عموما ممكن كل 20 الف كيلو اروح التوكيل اعمل صيانه عاديه فقط بدون تغير اي حاجه الا زيت المتور والفلتر لان تربيط العفشه عندهم ممتاز جدا انما اي حاجه تانيه بغيرها برا لانهم ماشين بنظام المصنعيه بتوصل فيه من 150 ل 300 جنيه وده كتير ف بعمل الصيانه العاديه فقط ب 150 غير سعر الفلتر والزيت انما غير كده بجيب الفلتر برا واوريجينال ب 25 في ناس بتبيعه ب 15 كمان وهو هو والتجاري برضو ب 15 وفي مضروب وملوش لازمه برضو ب 15 اهم حاجه انك تبقى عارف وفاهم في العربيات

نصيحه اخويه صدقها من غير نقاش واتمنى تنفذها لو انت ملكش في العربيات وابوك تاجر عربيات وبيبيع لك روح هات حد بيفهم يكشف عليها مهما يقولك حلوه جامده فبريكه ممتازه ولا تحط في دماغك ولو عايز انا ممكن انزل معاك وانت بتشتري ونروح نكشف سوا وزي محنا عايزين ده حقنا نروح عند ميكانيكي ونروح مركز صيانه او توكيل نعمل كل اللي عايزينه مهو برضو انت لو شوفت التجار وهما بيشتروا بيطلعوا في العربيه القطط الفطسانه حتى لو مفيهاش حاجه وزي الفل يقولك يابيه ماهي ماشيه اد كده وهعمل فيها واسوي عشان ابيعها وهصرف وياخدها من هنا ويبيع ولا يحط فيها جنيه

[behman]

المستعمل مش بينزل كتير عموما والكوبيه ليها زبونها وليها حالتها

مفيش حاجه اسمها مستعمل يفتح بؤه في حاجه اسمها حاله نضيفه او حاله تعبانه

بمعنى انا في النيو اكسنت جابت معايا 4 مساعدين ومقصين في 50 الف كيلو لو كنت بعتها وقتها كان الي هيشتريها هيصرف عليها هوه ده الي اسمه فتح البوء انما اعرف ناس بتحسس على العربيه العفشه بتعمر معاهم كده لو حد اشترى منهم هيمشى بالعربيه زي الفل وواخدها حالتها مش محتاجه صرف هي دي من الاخر قصه المستعمل انت بتشوف العربيه وحالتها وعفشتها عامله ايه ف هتعرف تحدد سعرها كام وهتصرف عليها كام ولا مش هتصرف اساسا انما كلمه يفتح بئه دي كلمه المصطلح الصحيح الي يطلع عليها انها كلمه مش واقعيه

الواقع انك ممكن تلاقي كوبيه ب 60 الف تصرف عليها تبقى رسيت عليك ب 66 او 70 على حسب محتاجه ايه وممكن تجيب وحده تانيه بي 66 مثلا مش محتاجه صرف عفشتها حلوه مفيهاش مشاكل ومش هيتصرف عليها وممكن تلاقي كوبيه مثلا ماشيه 100 الف كيلو بس صاحبها مغيرلها كل السيور والفلاتر والزيوت والكاوتشات ومزبط عفشتها مش هاينها ساعتها انت هتشتري وتمشي وشكرا

بس في بديهيات و ممكن اطول عليك بس انا احب اقولك كل الي اعرفه مثلا لو عربيه هتشتريها عدت ال 60 الف كيلو يبقى اول ماتجيبها تغير لها سير الكاتينه والبلي بتاعه على الاقل لان لو صاحبها مغيروش بعد ال 60 الف كده حالته بتتعب وسير الكاتينه لو قطع سلم على المتور وودعه


على سبيل المثال عربيتي النترا 2005 شاريها ماشيه 90 الف الى الان متحطش فيها مسمار عفشه هي صحيح العفشه خلاص بتودع وانا بغيرها اليومين دول بس انا اشتريتها سنه مصرفتش عليها حاجات تذكر بس انا عشان مسوس كل شويه اغير زيت فتيس فقط واول ما جبتها غيرت كل السيور والفلاتر لسه قدامها مش اقل كمان من 9 شهور عشان اغير سير الكاتينه تاني وهوه ده الوحيد اللي يهمني واحب اني اغيره حتى لو مش بايز مدام مشي كتير يتغير وده امان بالنسبه ليا في غيري ممكن يسيبه لحد ما يصفر ويتعب ف يكشف عليه ويغيره بس زي ما قولتلك لو قطع ودع المتور وانا سعر عربيتي ب67 الف ولو بعتها دلوقتي هتجيبلي برضو نفس السعر عشان السوق عالي انما لو طبيعي بتاعها فوق الستين الف وانا شاريها فبريكه برا وجوه ولسه فبريكه

في مثلا زييها كان بيبتاع وقتها ب 70 الف بس حالتها مثلا بيوتها انضف شويه وفبريكه وفي زيها بنفس سعرها بس رشه برا كلها وفي وقتها وحده كانت بتتباع ب 80 الف جنيه بس كانت ماشيه 10 الف فقط ومرفوعه سنتين تدخل العربيه ريحه الفبريكه فيها والعربيه مفيهاش خربوش دي تستاهل 80 الف لانك لو حسبتها هتمشي بيها 4 سنين مش هتصرف عليها 2 جنيه علىي بعض

بس عموما بالنسبه للكوبيه مش هتلاقي منها اوتو غير ال 2000 سي سي ومشوفتش انا غير وحده بس وتقريبا مش اوريجينال كان مسقط لها منتا برضو ممكن تجيب كوبيه حالتها اي كلام وتسقط لقها ال 2000 بالفتيس بالكبالن وممكن لو العفشه مختلفه تغيرها بس لو عايز تحط الموضوع في دماغك تسال الاول اي حد بتاع استيرات عن موتورها وفتيسها وهي العفشه مختلفه او لا وتعرف بكام ساعتها تحول فكرك انك تجيب عربيه مش لازم تكون حالتها حلوه لانك كده كده هتزبطها

بالنسبه للتوكيل وبالنسبه للميكانيكيه الهيونداي بكل موديلاته مش معضله والتوكيل صنايعيته مش جايين من كوكب زحل عادي ده ممكن صنايعي مش لاقي ياكل اساسا يروح يشتغل ويتقبل هوه تدريب مش عارف كام يوم ويتقبل

الصنايعيه برا في منهم كويس وكتير جدا منهم كويس وشغلهم زي الفل الفكره في قطع غيارك بس مش اكتر لو اصلي مش هتحس ان العربيه حالتها بتتهان او بتقل هوه التوكيل ممكن تحتاجه في الكشف على حاجات معينه بتبقى بالكمبيوتر وسعر الكشف الكمبيوتر ب 50 جنيه وكمان في ميكانيكيه برا معاهم جهاز الكمبيوتر بس انا عموما ممكن كل 20 الف كيلو اروح التوكيل اعمل صيانه عاديه فقط بدون تغير اي حاجه الا زيت المتور والفلتر لان تربيط العفشه عندهم ممتاز جدا انما اي حاجه تانيه بغيرها برا لانهم ماشين بنظام المصنعيه بتوصل فيه من 150 ل 300 جنيه وده كتير ف بعمل الصيانه العاديه فقط ب 150 غير سعر الفلتر والزيت انما غير كده بجيب الفلتر برا واوريجينال ب 25 في ناس بتبيعه ب 15 كمان وهو هو والتجاري برضو ب 15 وفي مضروب وملوش لازمه برضو ب 15 اهم حاجه انك تبقى عارف وفاهم في العربيات

نصيحه اخويه صدقها من غير نقاش واتمنى تنفذها لو انت ملكش في العربيات وابوك تاجر عربيات وبيبيع لك روح هات حد بيفهم يكشف عليها مهما يقولك حلوه جامده فبريكه ممتازه ولا تحط في دماغك ولو عايز انا ممكن انزل معاك وانت بتشتري ونروح نكشف سوا وزي محنا عايزين ده حقنا نروح عند ميكانيكي ونروح مركز صيانه او توكيل نعمل كل اللي عايزينه مهو برضو انت لو شوفت التجار وهما بيشتروا بيطلعوا في العربيه القطط الفطسانه حتى لو مفيهاش حاجه وزي الفل يقولك يابيه ماهي ماشيه اد كده وهعمل فيها واسوي عشان ابيعها وهصرف وياخدها من هنا ويبيع ولا يحط فيها جنيه

هو الكلام كتير شويه بس فعلا مفيد للي يقرا ... شكرا يا مدير

[k50_]

حمادة : انت كلامك مكنش كتير علي فكرة يا ريت كان يبقا اكتر شوية عشان انا قريتو وانا عايز اقرا تاني , انا تاعبك معايا معلش .
بس انا زي مقولتلك انا اول مرة اكون بشتري عربية ومش عايز اني ادفع فلوس واتخيط فيها
انا المعلومة الي استفدت منها من واحد من صحابي اني لما اجي اشتري العربية لازم اجيب ميكانيكي وسمكري عشان يبصو علي المكنة والشاسيه , وانا بشوف فيه عربيات علي النت معروضة للبيع وبكون عايز اتصل اسئل واشوف , بس المشكلة اني اولا مش من القاهرة , انا من الزقازيق بس اني انزل القاهرة مش مشكلة , المشكلة اني اجيب السمكري معايا ولا الميكانيكي , واني اروح بنفسي ابص علي العربية وانا مبفهمش ف العربيات !
ف عشان كدا كان اقرب حاجة اعملها اني اكلم حد من صحابي عندو محل عربيات يشوفلي الموضوع ده وحتي لو جاب ليا وحدة انا هعمل بالنصيحة واجيب سمكري يبص عليها .

بس بما انك خبير "مشالله " ف عايزك تفيدني مرة تانية بس بالترتيب , انا هقولك بشكل مختصر وانت كمل علي كلامي
1- اولا العربية المستعملة مش شرط تماما اني اصرف عليها عشان اسمها ( مستعملة ) لأن ممكن صاحبها محافظ عليها ومدفعش فيها اي مصاريف .
2- لو ف حالة ان العربية نضيفة لازم اغير " سير الكتينة والبلي " عشان الامان علي الموتور .
3-الصيانة الدورية يفضل انها تبقا بعد 20 الف كيلو ف التوكيل
4-مهما اتقال علي حالة العربية انها كويسة لازم اني اجيب سمكري يبص عليها .

افتكر فيه حاجات فاتتني انا معرفتش احطها بالترتيب ,

[k50_]

كنت عايز اعدل الرد بس منفعش
لو فيه اي حاجة فاتتني ياريت تزودهالي , وعلي فكرة الكتابة مش الكتيرة مش متعبة , دي مفيدة جدا ومشاءالله عليك
عموما ان شاءالله يكون فيه بنا اتصال قبل ماجبها ومعلش انا عارف اني هتعبك

[حماده المصري]

بالزبط كده العربيه المستعمله عباره عن حاله على حسب الحاله يتحدد السعر

بالنسبه للسير وزيت الفتيس (خصوصا لو الفتيس اوتو) لازم يتغيره الا في حالات مثلا اشتريتها من معرفه ومتاكد انه غيرهم قريب

انما اي حد هيقولك انا صارف ومنيل ومغير وهو محطش فيها مليم والكلام ده تلاحظه اكتر في التجار بس لما تبيع عربيتك يطلع القطط الفطسانه ودي عايزه وعايزه وعايزه ويشيلها منك يبيعها تاني يوم ولا يحط فيها جنيه

عموما انا ليا رجالتي في الهرم ممكن نكشف عندهم وممكن حل اخر ان العربيه يبقى ظاهريا شكلها كويس ومش متهانه نروح بيها اقرب مركز صيانه معتمد مش هياخدوا 200 جنيه على بعض هيقولك كل حاجه في العربيه بس يبقى تزبيط النهارده يدفع عربون مثلاا او اتفاق ان العربيه بتاعتك تاني يوم الصبح على 8 تروح تكشف تمام تطلع على الشهر العقاري يعملك توكيل مش فاكر ب 10 جنيه وشكرا بقت بتاعتك بس خلي بالك عشان ترخص العربيه باسمك بتعمل عقد في الشهر العقاري ب 1200 جنيه

انوي انت بس وحاول تلاقي وحده حلوه وانا هبعتلك نمرتي على الخاص وهنزبط الدنيا ان شاء الله وقول يارب بس تعتر في وحده حلوه

في موقع اسمه car100100.com في مستعمل وفيه كوبيه والعربيات ببصورها بس طبعا لازم تنزل وتبص مره وتراجع نفسك وبعد كده تشتري او لا