الحمد لله اشتريت النترا 2005 هيدروماتك كامله

[muslim_nsb]

الحمد لله ربنا هداني وبعد لف وفرجه وغيره استقريت على
النترا 2005 كامله اتوماتيك تكييف ديجتال حساسات وسنتر وانذار كله بتاع بلاده السعر 70000 من بعد 76000 اكيد في ناس هاتقول سعرها غالي بس انا سألت في مصر والسويس وعندنا في الصعيد وسوق الجمعه كله بيتكلم في 74 وفوق
راشه حزام من بره بس وجوه فبريكة المصنع
برجاء من الاخوه في المنتدى :-
1- المفروض اشيك على ايه العربيه ( انا اخذتها عند واحد مهندس ميكانيكا وكشف عليها ودخلها على الكمبيوتر وقال الحمد لله العربية كويسه وماتورها كويس )
2- بالنسبة للزيوت ايه افضل انواع زيت ( للمحرك هل ينفع زيت تخليقي وايه افضل نوع - الفتيس الاتوماتك )
3- بالنسبة للسيور ( انواعها واسعارها )
4-ياريت كيفية العناية بالسيارة واهم حاجه الفتيس الاتوماتك
5- بالنسبة للتكيف كيفية العنايه والحفاظ عليه
واكون شاكر لحضراتكم جداً

[hemalotfy]

الـــــ1000 ــــــف مليون مبروك
وربنا يديلك خيرها ويكفيك شرها

الاعضاء اصحاب الخبرة هيفيدوك ان شاء الله

[X_MM_X]

ربنا يباركلك فيها

[drmsadek1979]

الف مبروك

[حماده المصري]

بص ياباشا الف مبروك على العربيه وربنا يبارك لك فيها ويكفيك شرها

مبدايا كده تنزل عند بتوع قطع الغيار تحاول تجيب سير كاتينه وبليتين كاتينه وحده متحركه ووحده ثابته وتجيب فلتر زيت فتيس اوتوماتك

هي الاسعار بتتراوع من مكان لمكان في اوريجينال غبور وفي حاجه تانيه برضو اورجنال اسمها موبيس

بس دي اهم حاجات تغير سير الكاتينه والبليتين بتوعه وبعد كده كل 60 الف كيلو تغيرهم

وتغير زيت الفتيس في موبيل ب 45 جنيه اللتر او شيل ب 27 جنيه اللتر وهي بتاخد 4 لتر في الغالب

وتغيير زيت الفتيس بتبقى مره بالفلتر ومره من غير فلتر كل 40 الف بس انا بصراحه مش بستنى عليه بغير كل 30 الف بالكتير

الا صحيح العربيه ماشيه كام كيلو

[حماده المصري]

بالنسبه للسيور زي ما وضحت لك هات الاصلي طبعا ومعتدقش انك هتلاقي في قنا الا لو موزع معتمد لغبور عموما دور على قطع غيار الموبيس رخيصه وكويسه زي الاوريجينال تمام

فلتر التكييف ب 90 جنيه موبيس هو مش زي الاصلي بس تمام والاصلي معدي 200 جنيه لو التكييف معاك بيبرد بس مش بيطلع هو تبقى محتاجه الفلتر وبس لو التبريد بتاعه تعبان بس بيبرد تبقى محتاجه تزويد فريون بسيط ب 70 جنيه اخره ب تركيب الفلتر كمان وترش على الفلتر برفان لو عايز وتقفل الزرار الي بيخلي الهوا يدخل من برا لان ده بيدمر الفلتر على الفاضي الزرار ده تفضل قافله علطول

بالنسبه للزيوت انا قعدت ابدل كل انواع الزيوت استقريت في النهايه على ال 5 الف شيل جامد جامد جامد تغيره بالفلتر الفلتر ب 15 ل 25 على حسب المكان مع ان ممكن يبقى اوريجينال ب 15 برضو والموبيس برضو ب 15

التيل الاوريجينال بيتباع من 220 ل 270 برضو على حسب المكان وممكن تجيب تيل اسمه hi q هوه كويس بس بيطلع ريحه شياط اول يوم زيه زي اي ماركه تجاري

[muslim_nsb]

بص ياباشا الف مبروك على العربيه وربنا يبارك لك فيها ويكفيك شرها

مبدايا كده تنزل عند بتوع قطع الغيار تحاول تجيب سير كاتينه وبليتين كاتينه وحده متحركه ووحده ثابته وتجيب فلتر زيت فتيس اوتوماتك


هي الاسعار بتتراوع من مكان لمكان في اوريجينال غبور وفي حاجه تانيه برضو اورجنال اسمها موبيس

بس دي اهم حاجات تغير سير الكاتينه والبليتين بتوعه وبعد كده كل 60 الف كيلو تغيرهم

وتغير زيت الفتيس في موبيل ب 45 جنيه اللتر او شيل ب 27 جنيه اللتر وهي بتاخد 4 لتر في الغالب

وتغيير زيت الفتيس بتبقى مره بالفلتر ومره من غير فلتر كل 40 الف بس انا بصراحه مش بستنى عليه بغير كل 30 الف بالكتير

بالنسبة لسير الكاتينه الراجل اللي اشتريت منه قال انه مغير طقم سرفيس كامل من شهر على اساس انه مش هايبيع وغير زيت فتيس الماني بيقول بـ 150 جنيه الزيت وهو قالي على الميكانيكي اللي غير عنده وانا ان شاء الله هاروح واتأكده من كلامه
الا صحيح العربيه ماشيه كام كيلو

العربيه ماشية 96000 كيلو

بالنسبه للسيور زي ما وضحت لك هات الاصلي طبعا ومعتدقش انك هتلاقي في قنا الا لو موزع معتمد لغبور عموما دور على قطع غيار الموبيس رخيصه وكويسه زي الاوريجينال تمام

انا اتعاملت مع مهندس قسم سيارات عندنا فاتح مركز في قنا في المدينة الصناعية وهو اشتغل فترة في توكيل غبور الاقصر وتوكيل غبور مدينة نصر على ما أعتقد
وطلع الحمد لله معرفة وانهارده فصص العربيه وظبط العفشة و غيرنا 2 بلية مقص قدام وكمان بطاحة يمين لان كان في خبة في المساعد اليمين والحمد لله راحت وكشف على البوجيهات وقالي الحمد لله كويسه وغيرنا كمان تيل الفرامل الامامي لانه كانت على آخره خلاص بس انا سألته على الاصلي قالي خلص وركب واحد غيره كوري وقال عليه كويس
ولو طلبت منه اي حاجه اصلي بيجبها هو بسعرها

فلتر التكييف ب 90 جنيه موبيس هو مش زي الاصلي بس تمام والاصلي معدي 200 جنيه لو التكييف معاك بيبرد بس مش بيطلع هو تبقى محتاجه الفلتر وبس لو التبريد بتاعه تعبان بس بيبرد تبقى محتاجه تزويد فريون بسيط ب 70 جنيه اخره ب تركيب الفلتر كمان وترش على الفلتر برفان لو عايز وتقفل الزرار الي بيخلي الهوا يدخل من برا لان ده بيدمر الفلتر على الفاضي الزرار ده تفضل قافله علطول

هو كشف على فلتر الهواء ونظفه بالهواء وقالي كويس يشتغل كمان عادي
بس ايه موضوع الزرار اللي يخلي الهواء يدخل من بره ده لاني معرفهوش علما بأن التكييف ديجيتال

بالنسبه للزيوت انا قعدت ابدل كل انواع الزيوت استقريت في النهايه على ال 5 الف شيل جامد جامد جامد تغيره بالفلتر الفلتر ب 15 ل 25 على حسب المكان مع ان ممكن يبقى اوريجينال ب 15 برضو والموبيس برضو ب 15

بالنسبة للزيت انا كنت بفكر اغير الى الزيت التخليقي 10000 شل لانه سمعت انه بخلي المكنه كويسه

التيل الاوريجينال بيتباع من 220 ل 270 برضو على حسب المكان وممكن تجيب تيل اسمه hi q هوه كويس بس بيطلع ريحه شياط اول يوم زيه زي اي ماركه تجاري

هو ركب تيل كوري ثمنه تقريبا 80 جنيه على ما اعتقد زي ما شفت في الوورك شيت بتاعي اللي فيه الحساب بتاع العربية وسألته على الاصلي قالي خلص معندهوش حاليا بس لو طلبته هو يجيبه


وانا شاكر جدا لحضراتكم على التواصل والمعلومات الجميله دي وان شاء الله انا هاصور العربية وابعت صورها وياريت نكون على اتصال دائم مع بعض لاني زي معارفين انه من قنا

وان شاء الله احتمال على يوم السبت اكون في القاهره لاني رايح مرور القوات المسلحه لمطابقة بصمه للسيارة لاني بنقل ملكيتها لانها مرور القاهره واخده ارقام فسفوري

صحيح هو في حد يعرف مرور القوات المسلحه اروح ليه ازاي لاني معرفش العنوان

[حماده المصري]

والله انا فعلا معرفش مرور القوات المسلحه فين

بس عموما زرار التكييف هو الي تحت زرار ال a/c دايما تخلي منور الي تحت ده

واي حاجه عموما انا تحت امرك ومش تتكسف خالص

[muslim_nsb]

شكر خاص للاستاذ حماده المصرى وكلمن ساهم ولو بمبروك
انا بشعر ان في نتشه كده او زي ما تقول بشعر بالنقل من الغيار الاول للثاني لما اقرص على العربيه يعني اعمل زي كك داون اعدي من حد او حاجه كده ده ممكن يكون مشغله في الفتيس الهيدروماتك وله ده عادي

[حماده المصري]

سؤال حضرتك ده بقى صعب نفتي فيه لان ليها مليون سبب وممكن في النهايه النتشه تكون الطبيعي بتاع العربيه

يعني مثلا الكبالن الداخلي وبتبان في الاوتوماتك كتير لما بتبوز الداخلي بتحس بهبده جامده وانت بتنقل من بي ل ار مثلا او وانت بتزود بنزين فجاه بتحس الكبوت في هبده غريبه انما في الكيك داون الكبالن الداخلي مش بتبان

ممكن برضو قاعده المتور تكون بايزه وساعتها بتحس ان في خبطه تحت العربيه

ممكن برضو معاليك تكون محتاج تغيير زيت فتيس واحيانا بتكون برضو في سنسورات بايزه في الفتيس

الكلام الي فات ده كله سهل في اصلاحه مش مشكله خالص بس انا مش عايز اكرهك في العريبه او اشكك فيها لان النتشه ده شيئ طبيعي جدا في اي عربيه طول ما النتشه تقليديه مش نتشه قوبه

ف افضل شيء مركز الصيانه المهندس يسوق العربيه ويشوف لو سنسوز في الفتيس بتبان من جهاز الكمبيوتر وحضرتك بتقول كشفت والعربيه سليمه

او ممكن تخلي اي حد بيسوق اوتوماتك يسوقها ويقولك

وفي النهايه حضرتك مش تقلق من الموضوع ده خالص غالبا دي بتبقى وساوس عند كل الي راكبين عريات

[ahmedverna]

مبروك على العربيه وربنا يكفيك شرها