النترا 2012 معلومات جديدة

[SAMEHNOSHI]

بس هي كده ممكن تنافس السيفيك و السيفيك ياباني و بكده المقارنة مش هتكون في صالحها

باشا هى كدة مش حتنافس السيفك ولا حاجة... احنا بنتكلم على عربية مليانة اوبش اكتر من السيراتو الهاى لاين و سعرها اقل من السيفك البيز لاين... بالاضافة لان شكلها شيك و حديث, و بعدين اللى مستغليها يشترى البيز لاين منها.

الالنترا فى امريكا سعرها من 15 الف : 22 الف دولار يعنى فى ناس بتدفع 1/3 ثمن العربية فى الكماليات و الرفاهية... الكماليات اللى بتكلم عليها لازم يكون ليها ثمن و تهم شريحة كبيرة من الناس.

[superb]

رأى المتواضع انها مش هتكون طبعا فى سعر الأر بى .. بس بردو مش هتكون بسعر خيالى .. يعنى لازم نعرف انها على نفس شاسيه الألنترا الحاليه و على فكره نظام التعليق مش متغير و هو نفس السيراتو .. يعنى تعديلات من بره و من جوه و انجن و جيربوكس تحفه .. و انشاء الله هتكون فى سعر عقلانى .. بس هى فى الحفيفه انا شفتها عالحفيفه .. تحقه فنيه ..

[epnmasr]

لو بالسعر ده جميع الكماليات هتحقق مبيعات جامده
إنما لو وصل سعرها زي ما بيقول سامح يبقى الناس المنتظراها هتروح للكورولا أو السيفك أو المازدا 3 أو الفلووانس وطبعاً دي كلها عربيات محترمه وليس عليها خلاف

[tamerosman]

بس هي كده ممكن تنافس السيفيك و السيفيك ياباني و بكده المقارنة مش هتكون في صالحها

و الاكتافيا راحت فين اليخلنى ادفع 160 الف طب ماشترى اوكتافيا ثبات و عفشة جامدة و قوة تحمل

[mm_youssef]

يا جماعة الى انا أعرفو ان الاكسنت rb المانيوال عاملة 93000 فمن المنطقى ان الالنترا الجديدة المانيول لما تبقى من 113000 الى 120000 يبقى دا كويس واكيد عمو غبور حينزلها فاضية يعنى لو طال ينزلها من غير كاوتش يعملها

[error_1088]

طبعا السعر دة لا يصدق اصلا حتى من غيور نفسة ؟؟ اذا كان ال rb المسخوطة ب 110 الف ييقى الالنترا يهذا السعر ؟؟؟؟؟ ازاىىىىىىىىىىىى

مين اللى قال ان ال ار بى مسخوطة ؟؟

[SAMEHNOSHI]

لو بالسعر ده جميع الكماليات هتحقق مبيعات جامده
إنما لو وصل سعرها زي ما بيقول سامح يبقى الناس المنتظراها هتروح للكورولا أو السيفك أو المازدا 3 أو الفلووانس وطبعاً دي كلها عربيات محترمه وليس عليها خلاف

العربية دى نزلت فى السعودية الهاى لاين خلاص ... فيها مثبت سرعة و كاسيت تاتش سكرين + gps و فيها كراسى كهرباء و بلوتوث بالاضافة لكل الاوبشن اللى فى سيراتو الهاى لاين... اكيد بالمواصفات دى حتعدى 150 الف و غالبا حتعدى 160 الف كمان و انا بصراحة شايف انها تستاهل المبلغ ده و زيادة ... و لو معايا 160 الف اكيد حشتريها بالسعر ده و المواصفات دى احسن من الكرولا و الهوندا ... هو انتوا عايزين كل الاوبشن و الامكانيات المهولة دى ببلاش !!!!!

[fahmy]

ماشى بس السعر دة كتير عليها يعنى لو نزلت بنفس سعر السيفك مثلا هاخد السيفك طبعا
لازم غبور يحطها بسعر منافس جدا علشان العربية دى نتافس جامد جدا انما لو حطها يسعر مبالغ فية للاسف العربية دى محدش هيبصلها خالص عند الشراء

[SAMEHNOSHI]

ماشى بس السعر دة كتير عليها يعنى لو نزلت بنفس سعر السيفك مثلا هاخد السيفك طبعا
لازم غبور يحطها بسعر منافس جدا علشان العربية دى نتافس جامد جدا انما لو حطها يسعر مبالغ فية للاسف العربية دى محدش هيبصلها خالص عند الشراء

ما هى لو بالامكانيات و الاوبشن اللى قلت عليها و سعرها 150 - 160 الف حيبقى سعرها منافس جدا ... يعنى بالاوبشن المهولة دى سعرها ذى سعر اول فئة فى هوندا سيفيك يبقى كده مش منافس!!! بصراحة لو غابور نزلها كده حتقطع الهوندا و الكورولا و .....

تانى انا بتكلم على سعر الهاى لاين بالمواصفات اللى نزلت السعودية و فيها:

• كاسيت تاتش سكرين + gps
• مثبت سرعة
• كراس كهرباء
• بلوتوث
• مرايات ضم كهرباء
• تدفئة للمقاعد الامامية
• بالاضافة لجميع الكماليات الموجودة فى سيراتو هاى لاين

بالذمة كل المواصفات دى كتير عليها 160 الف!!!! الهوندا هاى لاين فيها مواصفات اقل بكتير من كدا و سعرها 190 الف... يبقى ازاى سعرها مش منافس!!!!

[easy2002]

السلام عليكم ورحمة الله
أنا لسه مكلم الوكيل وقالوا ان أول فئة مانوال ب 117 ألف بينما أعلى فئة 155 ألف هينزل فيها أوتو باركينج وسنسور أمامي وخلفي

[BassamHafez]

السلام عليكم ورحمة الله
أنا لسه مكلم الوكيل وقالوا ان أول فئة مانوال ب 117 ألف بينما أعلى فئة 155 ألف هينزل فيها أوتو باركينج وسنسور أمامي وخلفي

لو الكلام ده صحيح يبقى جوز اللوز

[Mahmoud Nagieb]

يا جماعة خللى بالكوا ان غبور هيعصر على نفسه لمونة المرادى وينزلها بسعر معتدل ... لان من ساعة السيراتوا ما نزلت والسوق وقع منه خالص ... فطبعا لازم ينزلها بسعر كويس علشان يبدأ يبيع تانى زى الاول

[SAMEHNOSHI]

لو الكلام ده صحيح يبقى جوز اللوز

مستحيل, اكيد البياع ده بيفتى, لان الاسعار و الكماليات لسة متحددش, وكلة تخمين و اجتهاد شخصى و مستحيل الاتو بارك ينزل مصر.





لو على التوقعات فانا اتوقع الاسعار تكون كالتالى:

• اول فئة مانيوال 110 - 112 الف
• اول فئة اتوماتيك 118 - 120 الف
• كماليات ذى السيراتو الهاى لاين + بلوتوث 140 - 142 الف
• السابق + تاتش سكرين و gps + مثبت سرعة + كراسى كهرباء + زينون + سنسور امامى ( و بدون اتو بارك ) 160 - 170 الف.

ده تخمين للاسعار المتوقعة بناء على سعرها فى امريكا و السعودية على حسب الكماليات و ذلك بالمقارنة بالموديل السابق و بالمقارنة بالكيا سيراتو فى نفس البلدين طبعا دى توقعات مش اكتر هذا والله اعلم
و طبعا الفئة الاخيرة استحالة غابور ينزلها و اعتقد انها حتنزل فى الخليج للماتور 1800 بس... بس لو غابور اتجنن و نزلها حتقضى على حاجة اسمها تيوتا و هوندا و معظم ملاك التيوتا و الهوندا و الجيتا حيفضلوها نتيجة كم الكماليات الهائل فيها.

[medo_msmsa]

على فكرة يا جماعة العربية شكلها على الحقيقية اقل من الصور بكتييييييييييييييير هي مش وحشة لكن الصور مطلعاها احلى من الحقيقة هي نزلت هنا في السعودية وشفتها كتير من شهر ونص تقريبا نقدر نقول فيها من النيو اكسنت كتير ما عدا الفانوس اللي ورا اكبر وواخد جزء من الرفرف اللي وار

[zamalek26]

كنت عاوز اسال عن اول فئه اتوماتيك هتنزل بكم ؟

حد عندة معلومه مؤكدة؟؟