مشكلة فى الفتيس الاتوماتيك ومطلوب نصيحة

[tammmer]

الموضوع انى كنت برصص العربية عشان فى رعشة جامدة فى الدركسيون من 100 الى 110
ومطلعش من الترصيص فالراجل قلى احتمال جنط معووج
فرفعنا نص العربية الامامى بالكوريك وقلى هات الفتيس على ال دى
عشان يشوف حركة الجنط وبعدين قلى بطل العربية
فاللاسف انا بدل ما بطل جبت الفتيس على البارك والعجل عمال يلف فى الهواء
وسمعت صوت خبط فى التروس جامد بطلت العربية بسرعة
طبعا انا كان هيحصلى حاجة من اللى انا عملتة
دورت العربية تانى ومشيت بيها الحمد لله مشيت
وانا من ساعها مرعوب من امبارح مش عارف اعمل اية
ومتوقع مشكلة جامدة فى اى وقت

[Th3Leader]

حصلت معايا قبل كده .... وما دام ما حصلش حاجه في ساعتها يبقا خلاص ... بس خلي بالك المره الي جايه عشان الحركه دي ممكن تضيع عليه الفتيس كلها

[Eng.Geo]

عادي ماتقلقش
انت من كلامك انها كانت سلانسية مش مزرود بنزين يعني أخرها 10 كم/س
ماتقلقش مفش حاجة
بس ماتقعدش زيت الفتيس ده كتير

[F170]

عادي ماتقلقش
انت من كلامك انها كانت سلانسية مش مزرود بنزين يعني أخرها 10 كم/س
ماتقلقش مفش حاجة
بس ماتقعدش زيت الفتيس ده كتير

++++1 بس هي مكانتش على 10 اكيد علشان هو كان مزود جامد علشان يشوف الرجه فممكن يكون جاب البارك وهو عالي شويه عموما مكام ماشي الحمد لله كويس ومفيش اصوات غريبه ان شاء الله الموضوع عدي على خير لأنه كان مفيش غير حمل العجل بس لو كنت على الارض كان الموضوع جاب فتيش اكيد

[tammmer]

متشكر جدا لجميع الردود

يعنى مكشفش على العربية فى التوكيل

[حماده المصري]

بص انا الموضوع ده حصل معايا زيه على منزل وواقف وغلط وجبت ار ف طبعا بدل ما العربيه ترجع طلعت لقدام وسمعت صوت تروس بتخبط

بالصدفه بعديها فتره لقيت في تسريب زيت فتيس وكبالن داخلي بايزه بس مش عارف هل ده السبب ولا مطب انا لبسته الله اعلم

[bentrewsha]

علش ياجماعه حد يشرح الصح كان يعمل اي"

[bentrewsha]

واعتقد كلمه بطل دى مش صح كان المفروض يقول
هات الفتيس على ال n
حقيفى المانيوال ده نعمه

[نينو]

ياريت تشرحلنو المشكلة و دي فيها ايه غلط و الصح بتاعها اية عشان كلنا تنتعلم

[m_love4me]

اعتقد من المعرفه العامه يعنى

ان العربيه على ال d
من غير المسموح نهائى انك تجيبها على
r - p اى حاجه منهم غير لما تكون العربيه فى وضع الثبات تمام , لانك كدا بتغير حركه الفتيس بالكامل


العربيه على ال d
مسموح لحضرتك انك تجيبها على التانى مثلا 2 او على ال n
وبردو ال n مش مستحب غير لما يكون العربيه هاديه اوى
والتانى و العربيه اقل من 80 لو حابب تشد بيها يعنى


لكن طبعا تجيبها على ال p
دا غلط جدا , المفروض ان العربيه تبطل من حضرتك
ال p بيحجر الفتيس بالكامل يعنى بيقفله , العربيه بتبقى معشقه علشان ما يتحركش ابدا العربيه
ف التروس بتبقى معشقه ف بعض


علشان كدا غلط انك تجيبها و العربيه بتتحرك


وكذلك ال r
لانه بيعكس غيار الفتيس



وان شاء الله العربيه تكون سليمه وما يكونش حصل اى حاجه ان شاء الله


بس لازم تكشف عليها ف التوكيل


تحياتى لك

[adel1212]

يا ريت تراجع التوكيل بالكشف على الفتيس للاطمئنان
بدل ما تيجى الطوبة فى المعطوبة ونرجع نقول يا ريت

[ashussein]

انا لية رأي تاني

(( مافيش حاجة وحشة حصلت للفتيس إنشاء الله ))
وجت سليمة....
اللي انا اعرفة ( ان حرف ال p ) لية ترس خاص بية بعيد عن الفتيس نفسة ( لو حد عندة معلومه غير كده يقولي )
ولو لا قدر الله كان فية حاجة حصلت للترس دة ( هوا بس اللي ها يبوظ )
يعني تقدر تقول نوع من انواع الحماية للفتيس الاوتوماتك
زي مثلا(فصل الكهرباء عن المارش في حالة وجودة علي غيار ( غير ال N او ال P ) ... ده نوع من انواع الحماية ضد السهو
وهوا هوا الكلام اللي انا بقولة عن ترس ال P بردة فية حماية ضد السهو
والحمد لله ماحصلش حاجة ( التوكيل مش ها يفكلة الفتيس علشان يكشف عليه ولو كان ها يفكة انصحك ما ترضاش لان ما تعرفش اية اللي هايحصل عند تجميعة تاني )
اطمأن إنشاء الله خير وماتنساش تاني

[behman]

اعتقد من المعرفه العامه يعنى

ان العربيه على ال d
من غير المسموح نهائى انك تجيبها على
r - p اى حاجه منهم غير لما تكون العربيه فى وضع الثبات تمام , لانك كدا بتغير حركه الفتيس بالكامل


العربيه على ال d
مسموح لحضرتك انك تجيبها على التانى مثلا 2 او على ال n
وبردو ال n مش مستحب غير لما يكون العربيه هاديه اوى
والتانى و العربيه اقل من 80 لو حابب تشد بيها يعنى


لكن طبعا تجيبها على ال p
دا غلط جدا , المفروض ان العربيه تبطل من حضرتك
ال p بيحجر الفتيس بالكامل يعنى بيقفله , العربيه بتبقى معشقه علشان ما يتحركش ابدا العربيه
ف التروس بتبقى معشقه ف بعض


علشان كدا غلط انك تجيبها و العربيه بتتحرك


وكذلك ال r
لانه بيعكس غيار الفتيس



وان شاء الله العربيه تكون سليمه وما يكونش حصل اى حاجه ان شاء الله


بس لازم تكشف عليها ف التوكيل


تحياتى لك

+1111111111