اختيار موتور من موتورين استيراد

[modo88]

سم الله الرحمن الرحيم
السلام عليكم ورحمة الله وبركاته
احم ندخل بقا في الموضوع
من فتره كنت عملت موضوع اخد رأي الاعضاء اني احول عربيتي الاكسنت ال 1300 لاوتوماتيك واغير الموتور والفتيس
المهم فيه اللي ايد الاقترااح وفيه اللي مأيدوش بعد لف كتير وسؤال الميكانيكيه وبتوع الاستيراد قررت اني احول عربيتي لاوتوماتيك ونزلت بورسعيد ولفيت في المنصوره وبصراحه بعدت عن القاهره لان بور سعيد والمنصوره طلعو ارخص كتير من الحرفيين وبفرق ملحوظ
نزلت امبارح بورسعيد وسالت علي الموتور وسعره عند اكتر من 10 اماكن لقيته في رينج 2200 جنيه بالفتيس!!!
في حين عضو معانا هنا جايبه موتور فاضي بس من الحرفيين ب 1800!!!!!
وطبعا الموتور بيجي معاه كمبروسر التكييف بالدينامو بالمارش يعني كامل وطبعا الفتيس
قولتل انا عايز كامل لان العربيه عاديه وهاحولها قعدنا نحسب الحاجات التانيه ريدياتير وبدال فرامل وعدادات وعصايه فتيس المهم وقف علي 2600 جنيه ودا سعر جميل جداا
سؤالي هنا واحد اقترح وقالي ينفع يركب موتور الالنترا الشكل القديم الي هوا بينزل في الفيرنا والماتريكس وبدون اي تعديل خالص يادوب هاتشيل القديم وتحط الجديد وشكرا سالت علي المعلومه كذا ميكانيكي وكذا واحد بتوع استيراد اكدو ليا المعلومه وقالو مفيش تعديل خالص
علما انه موتور 2 كامه هوا 1600 بس ورق التخليص بتاعه مثبوت 1500 عشان المنطقة الحره
وعلما بردو ان عربيتي ثابته لغايه 160 كيلو والحياه عاديه جداا يعني بالنسبه لانه هايبقا كبير علي العربيه عادي هيا ما شاء الله ثابته
قولت بردو اخد رايكم اجيب ايه بالظبط لاني هابدا الشغل من اول الاسبوع الجاي
وبالنسبه للاخوه اللي معاهم فيرنا وعايزين يحولوا اوتوماتيك سألت ولقيت التكلفه بسيطه هوا فتيس بس واي استفسار منهم انا موجود بس اخد الراي الاول في موضوعي وخاصه من الاعضاء اللي معاهم فيرنا اوتو :d

[freeman207]

ربنا يعينك ياباشا طيب انا نيو اكسنت 2008 مانيوال ينفع احولها اوتوماتك ولا لاء

[mido1987]

باشا انت عشان تعدل وتركب الموتور ال 1600 بتاع الفيرنا او الماتركس متنساش انك هتحتاج تغير الفرامل بتاع العربية لان عزمه هيبقى اقوى بكتير ولازم برضو تغير الجنط بتاع عربيتك من 13 الى 15 وانا بفضلك انك تسقط ال 1500 بتاع الاكسنت علشان ال1600 بتاع الفيرنا قوى شاسيه عربيتك هيفتح بعد فترة وكمان عشان متعدلش حاجات كتير فى عربيتك خصوصا ان الموتور ده ليه كنترول والرأى الاخير لرأيك

[modo88]

ربنا يعينك ياباشا طيب انا نيو اكسنت 2008 مانيوال ينفع احولها اوتوماتك ولا لاء

تسلم ياباشا
وطبعا ينفع تحولها اوتو وكل اللي هاتغيره ريدياتير وفتيس وكنترول الفتيس وعصاية الفتيس بس
بس معرفش اسعار قطع الغيار بتاعة النيو اكسنت او تتكلف كام

[modo88]

باشا انت عشان تعدل وتركب الموتور ال 1600 بتاع الفيرنا او الماتركس متنساش انك هتحتاج تغير الفرامل بتاع العربية لان عزمه هيبقى اقوى بكتير ولازم برضو تغير الجنط بتاع عربيتك من 13 الى 15 وانا بفضلك انك تسقط ال 1500 بتاع الاكسنت علشان ال1600 بتاع الفيرنا قوى شاسيه عربيتك هيفتح بعد فترة وكمان عشان متعدلش حاجات كتير فى عربيتك خصوصا ان الموتور ده ليه كنترول والرأى الاخير لرأيك

الفرامل مممكن اه ياباشا انما الجنط مش شرط وبالنسبه للموتور انه هايبقا قوي علي الشاسيه عادي جداا فيه اكسنت امريكي واروبي شوفته بنفسي بينزل بموتور 1600 وضع بلاده كدا يعني مش هايبقا قوي و لاحاجه والموتور هاجيبه بالكنترول بكله
تسلم ياباشا علي الرد
وفي انتظار اراء باقي الاخوه

[Tarek_Swelm]

طيب يا باشا انت بتقول ان السعر للحاجة كلها 2600 جنية , هو دة سعرهم لوحدهم
ولا دة فرق السعر بعد خصم الحاجات اللي في عربيتك اللي تاجر قطع الغيار حياخدهم ؟
شكرا علي مشاركتك للمعلومات معانا .

[modo88]

طيب يا باشا انت بتقول ان السعر للحاجة كلها 2600 جنية , هو دة سعرهم لوحدهم
ولا دة فرق السعر بعد خصم الحاجات اللي في عربيتك اللي تاجر قطع الغيار حياخدهم ؟
شكرا علي مشاركتك للمعلومات معانا .

لا ياباشا لوحدهم طبعا وحاجتي عندي زي ما هيا هاسيبها قطع غيار عندي بستثناء الفتيس هابيعه هوا والكربياتير واي حاجه تانيه تبع ال 1300 انما الحاجات المشتركه هاسيبها زي الدينامو والمارش والحاجات دي
والعفو ياباشا انا تحت امرك واي حد يحتاج معلومه
بس بردو لحد دلوقتي مختش نصيحه :d

[MohssenRashed]

هو الموتور اللي ب 2600 ده 1300 اوتو؟؟؟ انا في رأي على حسب حاله الموتور يعني اللي تلاقي حاله احسن ركبو و جنط 15 و عيش يامعلم الاكسنت دي عربيه جميله جدا . ممكن طلب لو نزلت تسأل تاني ممكن تسألي على تكيف 1300 بكام؟؟؟

[modo88]

هو الموتور اللي ب 2600 ده 1300 اوتو؟؟؟ انا في رأي على حسب حاله الموتور يعني اللي تلاقي حاله احسن ركبو و جنط 15 و عيش يامعلم الاكسنت دي عربيه جميله جدا . ممكن طلب لو نزلت تسأل تاني ممكن تسألي على تكيف 1300 بكام؟؟؟

اللي ب 2600 دا سعر ال 1500 اوتو وسعر موتور الفيرنا بردو اوتو وان شاء الله نشوف الحاله الاحسن
وبالنسبه لتكييف ال 1300 كنت سالت من كام شهر كدا علي الكمبروسر قالي 300 جنيه

[MohssenRashed]

اللي ب 2600 دا سعر ال 1500 اوتو وسعر موتور الفيرنا بردو اوتو وان شاء الله نشوف الحاله الاحسن
وبالنسبه لتكييف ال 1300 كنت سالت من كام شهر كدا علي الكمبروسر قالي 300 جنيه

انا رأي تجيب بتاع الفيرنا اكيد هيكون موديل اجدد من الاكسنت.

انا عندي في الاكسنت 1300 من غير تكيف عندي بس هوايه يعني اللي ناقص بس الكمبروسر؟؟؟؟؟

[bio_mz]

تسلم ياباشا

وطبعا ينفع تحولها اوتو وكل اللي هاتغيره ريدياتير وفتيس وكنترول الفتيس وعصاية الفتيس بس
بس معرفش اسعار قطع الغيار بتاعة النيو اكسنت او تتكلف كام

ممكن يا باشا تسألنا على التكلفه حتبقى كلها فى حدود كام للنيو أكسنت ؟؟

و لو مفيهاش إزعاج :b4_611: ممكن تسألى على جزء إسمه قطمة الدركسيون لنيو أكسنت 2006 كهرباء ؟؟؟

و جزاك الله كل خير

و بالتوفيق إن شاء الله فى موضوعك و ربنا يكتبلك فيها الخير

[modo88]

انا رأي تجيب بتاع الفيرنا اكيد هيكون موديل اجدد من الاكسنت.

انا عندي في الاكسنت 1300 من غير تكيف عندي بس هوايه يعني اللي ناقص بس الكمبروسر؟؟؟؟؟

ازاي بس ياباشا من غير تكييف مفيش اكسنت مفيهوش تكييف
دلوقتي انت عندك المواسير والسربنتينة والتلاجه ولا لا؟لو عندك كل دا تمام ومش بيشتغل يبقا كمبروسر شوف كدا واكشف عند اي حد وشوف اللي ناقصلك ايه

[modo88]

ممكن يا باشا تسألنا على التكلفه حتبقى كلها فى حدود كام للنيو أكسنت ؟؟

و لو مفيهاش إزعاج :b4_611: ممكن تسألى على جزء إسمه قطمة الدركسيون لنيو أكسنت 2006 كهرباء ؟؟؟

و جزاك الله كل خير

و بالتوفيق إن شاء الله فى موضوعك و ربنا يكتبلك فيها الخير

حاضر ياباشا باذن الله
تحت امرك

[MohssenRashed]

ازاي بس ياباشا من غير تكييف مفيش اكسنت مفيهوش تكييف
دلوقتي انت عندك المواسير والسربنتينة والتلاجه ولا لا؟لو عندك كل دا تمام ومش بيشتغل يبقا كمبروسر شوف كدا واكشف عند اي حد وشوف اللي ناقصلك ايه

الاكسنت عندي 1300 موديل 99 من غير تكيف خالص مالص.

[modo88]

الاكسنت عندي 1300 موديل 99 من غير تكيف خالص مالص.

ياباشا ازاي منا كمان موديل 99 وعندي كامل كدا والله اعلم ان العربيه كانت عامله حادثه والمواسير وكله اتكسر ومتركبتش تاني
دا كدا يبقا قدامك قصة كبيره اووي سربنتينه ومواسير وكمبروسر وتلاجه دا ليلة كبيره ممكن ابقي اسالك عليها تتكلف كام لو تحب