i20 ولا إيه, محتاج آرائكم

[baleful]

دي أول مشاركة ليا في المنتدى كله, شوفو يا جماعة انا إن شاء الله هاشتري عربية بحوالي 85,000 و مش عارف أشتري إيه, المهم بعد البحث و التمحيص لقيتني محشور بين الكام إختيار دول:
بروتون جين2 مانيوال فول
بروتون بيرسونا إليجانس (الجديدة) فول عجبتني جدا لكنها أغلى شوية لكنها تستاهل
نيسان صني مانيوال فول
كيا ريو منيوال فول

انا كان معايا ولا زال رينو كليو موديل 2008 و العربية دي انا شفت معاها الذل و القرف و اللف و الدوران و الدوخه إلهى ربنا يخلصني منها على خير, المهم فوجئت بالصدفة بالجميلة الـi20

سعرها فكونتاكت كارز 85,000 المانيوال لكن لما نزلت و سألت في معرض في شارع عباس بعد وندرلاند على اليمين قالي إنها غليت و بقت بـ 93,000 تقريبا

بصراحة العربية عاجباني بس عايز أعرف عنها أكتر سعرها الحقيقي و الأوبشنز و حجمها تقريبا شبه مين و كل ما يمكن معرفته عنها, و إيه رأيكو فيها بالمقارنه بينها و بين إللي ذكرتهم فوق خصوصا إني بصراحه مش حاسس إن الريو ولا الجين2 نقله بعد الكليو

ساعدوني إلهى ربنا يبعد عنكم شر الرينو

[midosalah]

رأى خليك بروتونى قيمة مقابل سعر مع تجربة قيادة رياضية رائعة
يا سلام لو جبت الاليجانس على العموم مبرووك مقدما

[miki45]

اولا هندى و موتور 1400 حوالى 100 حصان و مفيش حد جربها انا معايا جيتس برقابتها ممكن تشوف البروتون

[kamatsho]

للأسف .. معظم اللى هيدخلوا عشان يفيدوك .. هيحيروك اكتر

عشان كل واحد معاه عربيه .. هيدخل يشـكرلك فـيها .. وينصـحك بيها

انا رأيي انك تدخل فى كل قسم من اقسام العربيات اللى محتار بيهنم دول وبعدين

وتشوف عيوب ومميزات كل عربية من بعيد لبعيد كده ... ووقتها استخير ربنا واتكل على الله

[neho]

review for i 20

انا شوفت i 20 دي اول ما نزلت في معرض في هليوبليس تابع لغابور و كنت قبل ما اشوفها هناك شوفت اكتر من فيديو لها على اليو تيوب و عجبتني اوي لانها كانت الهاي لاين اللي بتنزل بره فيها كاست بلت ان و تكييف دجيتال و اير باجز و فتحه سقف كل ما تتخيله و فجئت جدا لما شوفتها في المعرض انا تخيلت انها هاتكون i 30 بس صغيره شويه لكن للاسف هي اكبر من i 10 شويه لكن اصغر من الجيتز و قال مندوب المبيعات انها تقفيل هندي فسالته ايه الفيده قال ان التافيل الهندي تاخد منه صاج بنفس الكلمه بالرغم اني مش شايف انها تفرق حاجه من بره دخلت جوه و انتظرت اني اشوف الاوبشنز الي هتعوض الشكل الي مش مميز اوي من بره مفيش اي كمليات خااااااااااالص غير الزجاج الكهرباء و البور و التكييف طبعا و التقفيل الداخلي سئ بمعنى الكلمه كان في اكره الباب الخلفي ملخلخه ولما سالته الي هي عايزه تتضبط بس و المفجاه الاكبر كانت السعر و السعر كان 90000 الف للمنيوال و 93000 للاوتوماتك و كانت نزله فئتين بس و تقريبا الفرق بس الجير بوكس و الزجاج الخلفي كان في المنيوال يدوي و الاوتو كهرباء بس حتى المندوب مش عارف يشكرلي في ايه ولما قولتله السعر ده اتحط ازاي و انا مستعجب الي مش عارف :-) روحت قولتله طيب سعر الجيتز كام قالي هاي لاين فتحه سقف 79000 تقريبا و طبعا برقبتها طبعا سالته عن الالنترا الباز لاين المنيوال قالي 96000 و كان قبل العرض الاخير بتاع غبور باقت 91000 تقريبا
فقلتله ازاي العربيه دي حد هيشتريها الي واحد مالوش في اسعار العربيات اوي و عايز عربيه صغيره و خلاص !!!!!!
و الكلام ده كان اول السنه و انا لغايه اليوم لم ارى في الشارع غير واحده بس
انا عارف اني طولت عليك لكن حبيت افيدك لان باكدج الفلوس اللي معاك يكفي لسياره محترمه و i20 تقييمي السعري ليها لا يتخطا سعر i10 ب2000 جنيه !!!!!!!!!!!
فانا رايي تجيب accent RB maniual سعرها 93000
او النترا مانيوال مع العلم ان شكلها هيتغير اخر العام و استفيد بالعرض 91000 هي ارخص من الاكسنت لان دا الشكل الجديد و العربيتين بسراحه ممتازين
لكن i20 انا عندي تشتري فرنا احسن مليون مره و توفر باقي فلوسك
و انا اكرر اعتذاري للاطاله لاني اعتبرتك اخ و كان لازم انصحه
و الراي في الاول و الاخر لك طبعا

[baleful]

انا شوفت i 20 دي اول ما نزلت في معرض في هليوبليس تابع لغابور و كنت قبل ما اشوفها هناك شوفت اكتر من فيديو لها على اليو تيوب و عجبتني اوي لانها كانت الهاي لاين اللي بتنزل بره فيها كاست بلت ان و تكييف دجيتال و اير باجز و فتحه سقف كل ما تتخيله و فجئت جدا لما شوفتها في المعرض انا تخيلت انها هاتكون i 30 بس صغيره شويه لكن للاسف هي اكبر من i 10 شويه لكن اصغر من الجيتز و قال مندوب المبيعات انها تقفيل هندي فسالته ايه الفيده قال ان التافيل الهندي تاخد منه صاج بنفس الكلمه بالرغم اني مش شايف انها تفرق حاجه من بره دخلت جوه و انتظرت اني اشوف الاوبشنز الي هتعوض الشكل الي مش مميز اوي من بره مفيش اي كمليات خااااااااااالص غير الزجاج الكهرباء و البور و التكييف طبعا و التقفيل الداخلي سئ بمعنى الكلمه كان في اكره الباب الخلفي ملخلخه ولما سالته الي هي عايزه تتضبط بس و المفجاه الاكبر كانت السعر و السعر كان 90000 الف للمنيوال و 93000 للاوتوماتك و كانت نزله فئتين بس و تقريبا الفرق بس الجير بوكس و الزجاج الخلفي كان في المنيوال يدوي و الاوتو كهرباء بس حتى المندوب مش عارف يشكرلي في ايه ولما قولتله السعر ده اتحط ازاي و انا مستعجب الي مش عارف :-) روحت قولتله طيب سعر الجيتز كام قالي هاي لاين فتحه سقف 79000 تقريبا و طبعا برقبتها طبعا سالته عن الالنترا الباز لاين المنيوال قالي 96000 و كان قبل العرض الاخير بتاع غبور باقت 91000 تقريبا
فقلتله ازاي العربيه دي حد هيشتريها الي واحد مالوش في اسعار العربيات اوي و عايز عربيه صغيره و خلاص !!!!!!
و الكلام ده كان اول السنه و انا لغايه اليوم لم ارى في الشارع غير واحده بس
انا عارف اني طولت عليك لكن حبيت افيدك لان باكدج الفلوس اللي معاك يكفي لسياره محترمه و i20 تقييمي السعري ليها لا يتخطا سعر i10 ب2000 جنيه !!!!!!!!!!!
فانا رايي تجيب accent rb maniual سعرها 93000
او النترا مانيوال مع العلم ان شكلها هيتغير اخر العام و استفيد بالعرض 91000 هي ارخص من الاكسنت لان دا الشكل الجديد و العربيتين بسراحه ممتازين
لكن i20 انا عندي تشتري فرنا احسن مليون مره و توفر باقي فلوسك
و انا اكرر اعتذاري للاطاله لاني اعتبرتك اخ و كان لازم انصحه
و الراي في الاول و الاخر لك طبعا

حبيبي متشكر جدا لإهتمامك, و أقنعتني إني ماسألش في العربية دي أساسا, الفكرة إني هاشتري بعد شهر تقريبا و كده ممكن يكون العرض بتاع الإلنترا خلص للأسف, و ماعتقدش إني ممكن أوصل للتسعينات عشان أجيب إلي rb

كده انا مزنوق فالجين2 أو البيرسونا أو النيسان صني أو الريو :(

[neho]

حبيبي متشكر جدا لإهتمامك, و أقنعتني إني ماسألش في العربية دي أساسا, الفكرة إني هاشتري بعد شهر تقريبا و كده ممكن يكون العرض بتاع الإلنترا خلص للأسف, و ماعتقدش إني ممكن أوصل للتسعينات عشان أجيب إلي rb

كده انا مزنوق فالجين2 أو البيرسونا أو النيسان صني أو الريو :(

لا شكر ولا حاجه واي حاجه انا تحت امرك
لو هتشتري كمان شهر انشاء الله يبقى العرض لسه موجود او حتى هتلاقي ستوك في معارض كتير و ربنا يوفقك في الاختيار انشاء الله

[Ashraf_Ibrahim]

انا لو مكانك هيكون تفكيري كالتالي:-
بروتون بيرسونا
بروتون جين تو
نيسان صني
ممكن اسبيرانزا a620
ايا كان
انا شايف ان اللي هتحقق معادلة امكانيات تعادل القيمة السعرية هي بروتون بامكانيات ووسائل أمان كويسة جدا
اما هيونداي فللأسف غبور بيشيل منها كل عوامل الأمان -رغم ان معايا هيونداي- !

[baleful]

طيب إيه رأيكم في الإسبيرانزل الـm11!?

[HOSSAM99]

السلام عليكم
حضرتك أمامك خيارات كتير جدا في الفئه أقل من 90 ألف ممكن تحدد لنا أيه أحتياجاتك من العربيه و عدد مستخدميها و الكماليات اللي محتاجها
مع العلم إن ال i20 ميعبهاش إلا عدم الأنتشار و تأثيره علي إعادة البيع و قطع الغيار خارج التوكيل و العيب الآخر ارتفاع سعرها بالنسبه لقيمتها (يعني هي المفروض علي أقصي تقدير تبقي ب80 ألف جميع الكماليات )
و إن شاء الله نحاول نساعد حضرتك

[Ashraf_Ibrahim]

طيب إيه رأيكم في الإسبيرانزل الـm11!?

عربية جميلة جدا
وحيث كدة دخل معاها ال byd وال fsv كمان
عربيات روعة الحقيقة وتتفوق على الكوري كمان بس محتاجة وقت عشان اسمها يكبر بس مش اكتر

[baleful]

السلام عليكم
حضرتك أمامك خيارات كتير جدا في الفئه أقل من 90 ألف ممكن تحدد لنا أيه أحتياجاتك من العربيه و عدد مستخدميها و الكماليات اللي محتاجها
مع العلم إن ال i20 ميعبهاش إلا عدم الأنتشار و تأثيره علي إعادة البيع و قطع الغيار خارج التوكيل و العيب الآخر ارتفاع سعرها بالنسبه لقيمتها (يعني هي المفروض علي أقصي تقدير تبقي ب80 ألف جميع الكماليات )
و إن شاء الله نحاول نساعد حضرتك

شكرا لإهتمامك, انا معايا رينو كليو فأولا عايز أحس إني إتنقلت نقلة و لو طفيفة عن الرينو, يعني مش هاركب لا فيرنا و لا لانوس و لا أفيو لا أكسنت, ثانيا عايز عربية تكون شنطتها مش صغيره عشان باستخدمها في شغل كتير و تكون بتستحمل السفر لأني بسافر كتير جدا على الطرق, ماحدش بيركب معايا كتير العربية يعني تقدر تقول إن مستخدمين العربية, انا بس

انا حاسس إن مافيش غير البروتون و النيسان صني