لية الفرنا الزيرو بتستهلك 10/100 مع انها مفروض 7.2/100 كم

[atamim]

السلام عليكم

العربية لسة تحت التليين

عملت بيها 200 كيلو و مؤشر عداد البنزين بقى فى النص يعنى نقول مثلا 1 لتر يمشيها 10 كيلو مع ان المفروض 1 لتر يمشيها 13 كيلو

يا ترى اى السبب هل الواحد بيسوق بسرعة اقل على الجير فبيستهلك بنزين اكتر؟

ولا الكتالوج حاجة و الطبيعى حاجة تانية

علما انى مفيش غيرى الى بيسوقها ووزنى يادوب 60 كيلو يعنى العربية مبتحملش نهائى

و مفيش ولا مرة شغلت التكيييف و كمان اقصى سرعة كانت 60 ك على الجير الرابع

البنزين 92

[Nile_Storm]

العربيه استهلاك بنزينها بيكون اعلي خلال التليين لاتقلق بعد الالف ان شاء الله هتتظبط

[dr_mohamed2007]

انا استلمت السيارة من حوالى 6 ايام و ماشى حتى الان 500 كيلو والمتوسط كده برضه حوالى 200 ك فى 20 لتر

[zakiali]

في التليين العربيه بتستهلك بنزين اكتر من الطبيعي

بعد التليين اللتر بيعمل 13 كم بدون تكييف والبنزين 92 والطريق مفتوح
لو وسط البلد بيبقي 1\10 لو وسط البلد وتكييف يبقي 1\9.5

[hazem_khidr]

مؤشر عداد البنزين بقى فى النص يعنى نقول مثلا 1 لتر يمشيها 10 كيلو

الاستهلاك مش بيتقاس كده خالص.
املأ التانك و خد مشوار علي الطريق
و خد قرايه العداد
و بعد المشوار فول تاني و شوف الاستهلاك

[ahmedfd]

الإستهلاك المثالي للبنزين و اللي بيتكتب في كتالوج العربية بيتقاس على سرعة 90كم/ساعة و بدون تحميل العربية سواء أوزان زيادة أو تكييف.
و على فكرة الإستهلك ممكن يفرق كمان عن العادي لو ماشي على طريق سريع و هواء جامد في وش العربية.
غير إن موتور العربية أعتقد بيتظبط بالكمبيوتر في صيانة الألف، فالقياس دلوقتي مش هيكون واقعي قوي.

[MEDHHHT]

انا مهتم جدا بموضوع استهلاك البنزين و فعلا انا باخذ القراءات بعد ملو التانك بالكامل سيارتي 1600 فيرنا عامله حوالي 6000 كيلو و عملت صيانة ال 1000 و ال 5000 و لكن معدل استهلاك البنزين 140 كيلومتر/20 لتر داخل البلد في راي ده معدل منخفض جدا لسياره حديثة مش عارف اعمل ايه مفروض ارجع لمركز الصيانه

[smsmbakr]

انا برده لسه جايبها زيرو 1600 ونفس الحكاية 40/400 لتر/كيلو
بس كل الاعضاء بتقول علشان التليين