صيانة الألف فى ابو رواش

[seyad]

السلام عليكم ورحمة الله وبركاته
روحت النهارده عملت صيانة الالف اى ابو رواش فعلا عذاب من الساعة 10 لغاية 2.30 مش عارف بيعملو ايه الصراحة والعربية داخلة نظيفة لسه غاسلها امبارح طلعت معفنة المهم عندى كذا استفسار
1- انا ساكن فى التجمع طبعا اخدت المشوار من ابو رواش لغاية التجمع الثالث لقيت حاجة مش ظريفة بعد مانزلت لقيت الفردتين الأمامين سخنين متقدرش تحط ايدك على الجنط ثانيتين الموضوع ده قالقنى جامد
2-هل القيادة بالتكييف تفرق عن القيادة من غير تكييف بمعنى لما يكون شغال لازم ادوس بنزين زيادة وانا طالع وهل بيفرق فى السحب ولا ايه
شكرا وارجوا سرعة الرد

[ezzeldin1234]

متقلقش من الجنوط السخنه عادى
وطبعا طلعه العربيه فى الاول بالتكييف بتبقى تقيله شويه وده فى اى عربيه مش الفيرنا بس واثاء القياده بصفه عامه وانت مشغل التكييف المفروض تشبع الغيار شويه عشان العربيه متكركرش منك

[seyad]

متقلقش من الجنوط السخنه عادى
وطبعا طلعه العربيه فى الاول بالتكييف بتبقى تقيله شويه وده فى اى عربيه مش الفيرنا بس واثاء القياده بصفه عامه وانت مشغل التكييف المفروض تشبع الغيار شويه عشان العربيه متكركرش منك

شكراا جدا على ردك على فكرة عربيتى النترا المهم اروحلهم تانى علشان موضوع سخنية الجنوط ولا اية رايك ولا اشوف اى مركز معتمد جنبى اروحله وعلى فكره حصل معايا حاجة تانية غريبة وانا راجع انا كنت فاصل التكييف وبعدين وانا على سرعة 80 كم تقريبا وانا ممور او دايس دبرياش مش فاكر رحت مشغله راحت العربية فاصله ركنت على جنب وشغلتها تناى ودارت عادة وشغلت التكييف بدون اى مشاكل هل ده طبيعى ولا ايه؟ وشكرا مرة تنايه على اهتمامك

[osama0512]

ليه التاخير كل ده فى الصيانه ... حضرتك روحت كده و لا كنت حاجز من قبلها

[seyad]

ليه التاخير كل ده فى الصيانه ... حضرتك روحت كده و لا كنت حاجز من قبلها

لا كنت حاجز
ياجماعة عايز حد يفيدنى

[mahmoud_afifi]

الف مبروك العربيه , ربنا يباركلك فيها ويكفيك شرها.
على فكره احنا جيران , انا في التجمع الخامس وكنت بروح ابو رواش لغاية ال40 الف كيلو وبعدين بقيت بروح مركز معتمد في الرحاب.
عاوزين نشوف حاجه قريبه وتكون كويسه !

[seyad]

الف مبروك العربيه , ربنا يباركلك فيها ويكفيك شرها.
على فكره احنا جيران , انا في التجمع الخامس وكنت بروح ابو رواش لغاية ال40 الف كيلو وبعدين بقيت بروح مركز معتمد في الرحاب.
عاوزين نشوف حاجه قريبه وتكون كويسه !

ياريت بس اللى فى الرحاب ده كويس ولا ايه وياريت حد ياجماعه يدلنى اعمل ايه فى موضوع سخونية الجنوط دى

[mahmoud_afifi]

ياريت بس اللى فى الرحاب ده كويس ولا ايه وياريت حد ياجماعه يدلنى اعمل ايه فى موضوع سخونية الجنوط دى

انا ماجربتهوش غير في صيانة ال50 الف عشان تعتبر حاجه بسيطه انما في الصيانات المهمه هروح ابو رواش او اي مكان تاني اعرف انه احسن منه.
بالنسبه لموضوع سخونية الجنوط مش هقدر افتي في حاجه زي دي بس جرب تحط نيتروجين في الكاوتش وشوف في فرق ولا لأ.
انا حاطت نيتروجين وماحصلش معايا السخونيه الي بتقول عليها دي.

[seyad]

على فكرة موضوع السخونية ده محصلش الا بعد الصيانة ممكن يكونو شدولى الفرامل جامد شوية؟

[mahmoud_afifi]

على فكرة موضوع السخونية ده محصلش الا بعد الصيانة ممكن يكونو شدولى الفرامل جامد شوية؟

مش عارف والله, بس هما بيشدوا الهاند بريك بس ومتهيألي ملهاش علاقه قوي.
ان شاء الله حد يكون فاهم ويفيدك اكتر مني

[HOSSAM99]

و عليكم السلام و رحمة الله و بركاته
ألف مبروك علي الصيانه
بالنسبه للتأخير و الوقت الضائع في أبو رواش فهو بسبب إن العماله هناك قليله علي العربيات بشكل ملحوظ و بتعذب فعلا في الموضوع ده لكن هانعمل أيه هم أفضل من غيرهم كفايه إنه التوكيل الوحيد في مصر اللي بيدي ضمان شامل كامل علي العربيه
أما بالنسبه لسخونية العجل و الجنوط الأماميه فهي بتسخن في أي عربيه و ممكن يكون المشوار كان صعب شويه في الجو المصري الرائع ده

أما التكييف فهو أكيد بيأثر علي السحب في الأول لكن أنا عايز حضرتك تعدي الــ5000كم إن شاء الله علي خير و هايبقي تمام
و للعلم التكييف مع السرعه بتحس في لحظات إن العربيه أثناء السحب بتنام شويه (ممكن حضرتك متحسهاش أوي علشان مانيوال)

و العربيه لما طفت من حضرتك بسبب التكييف ممكن تكون غلطه منها أو من حضرتك و لو عملت كده تاني لازم تروحلهم

ألف مبروك علي العربيه و حضرتك لسه تعتبر في فتره تليين متقلقلش من أي شئ غريب شويه و لسه هاتاخد علي العربيه أكتر و أكتر
و بالتوفيق

[seyad]

و عليكم السلام و رحمة الله و بركاته
ألف مبروك علي الصيانه
بالنسبه للتأخير و الوقت الضائع في أبو رواش فهو بسبب إن العماله هناك قليله علي العربيات بشكل ملحوظ و بتعذب فعلا في الموضوع ده لكن هانعمل أيه هم أفضل من غيرهم كفايه إنه التوكيل الوحيد في مصر اللي بيدي ضمان شامل كامل علي العربيه
أما بالنسبه لسخونية العجل و الجنوط الأماميه فهي بتسخن في أي عربيه و ممكن يكون المشوار كان صعب شويه في الجو المصري الرائع ده

أما التكييف فهو أكيد بيأثر علي السحب في الأول لكن أنا عايز حضرتك تعدي الــ5000كم إن شاء الله علي خير و هايبقي تمام
و للعلم التكييف مع السرعه بتحس في لحظات إن العربيه أثناء السحب بتنام شويه (ممكن حضرتك متحسهاش أوي علشان مانيوال)

و العربيه لما طفت من حضرتك بسبب التكييف ممكن تكون غلطه منها أو من حضرتك و لو عملت كده تاني لازم تروحلهم

ألف مبروك علي العربيه و حضرتك لسه تعتبر في فتره تليين متقلقلش من أي شئ غريب شويه و لسه هاتاخد علي العربيه أكتر و أكتر
و بالتوفيق

شكرا جدا لحضرتك طمنتنى

[ezzeldin1234]

طب ا حسام عندى سؤال ليك من فضلك
بسمع صوت زى صوت عارف لما تخلع مسمار من خشبه الصوت ده بسمعه لما بدوس على الفرامل مره واحده وفجاءة مع الدبرياج لمكنلما ادوس فرامل بس مش بسمعه قلتلهم عليه لما كانوا بيغيروا ويرات الفتيس امبارح وقالولى ده صوت التيل عشان جه عليه ميه وهو سخن قلتلهم طب حله ايه قالولى هنسنفرهولك وفعلا هما بصراحه سنفروا التيل لان الراجل دخلى الورشه وهو بيعمل كدعه عشان اصدقه لكن المشكله ان الصوت ما زال موجود بعد ما سنفورا التيل برده ... ولما قلتلهم الصوت لسه موجود قالولى ان التيل لسه جديد وبيطبع ولما يطبع مش هيعمل الصوت ده بس انا مش مقتنع بالجواب ده ... يا ترى ده صوت ايه وهل كلامهم صح ولا ايه ... انا احساسى بيقولى ان التيل نوعيته سيئه مع انهم حلفولى بالله انه الاصلى

[HOSSAM99]

شكرا جدا لحضرتك طمنتنى

لا شكر علي واجب يا فندم

طب ا حسام عندى سؤال ليك من فضلك
بسمع صوت زى صوت عارف لما تخلع مسمار من خشبه الصوت ده بسمعه لما بدوس على الفرامل مره واحده وفجاءة مع الدبرياج لمكنلما ادوس فرامل بس مش بسمعه قلتلهم عليه لما كانوا بيغيروا ويرات الفتيس امبارح وقالولى ده صوت التيل عشان جه عليه ميه وهو سخن قلتلهم طب حله ايه قالولى هنسنفرهولك وفعلا هما بصراحه سنفروا التيل لان الراجل دخلى الورشه وهو بيعمل كدعه عشان اصدقه لكن المشكله ان الصوت ما زال موجود بعد ما سنفورا التيل برده ... ولما قلتلهم الصوت لسه موجود قالولى ان التيل لسه جديد وبيطبع ولما يطبع مش هيعمل الصوت ده بس انا مش مقتنع بالجواب ده ... يا ترى ده صوت ايه وهل كلامهم صح ولا ايه ... انا احساسى بيقولى ان التيل نوعيته سيئه مع انهم حلفولى بالله انه الاصلى

مفيش أي مشكله إن شاء الله و ده صوت حشرجه بين التيل و الطنبوره مفيش منه قلق نهائي هو إحتمالات حدوثه في المانيوال قليله شويه (حسب طريقه الساقه) لكن وارد وهو صوت منتشر في معظم العربيات الأوتوماتيك (لكن الصوت ده مبيكنش علي السريع يعني لو بهدي من 60 إلي 20 مش موجود هو موجود لما بنبقي ضاغطين سنة فرامل مع سنة حركه ) و لما التيل هايطبع مش هاتسمع منه الأصوات أوي

بالنسبه لدوس الفرامل و الديبرياج :يا ريت مندوسش ديبرياج أثناء الفرمله إلا لحظة التوقف يعني لما أحس إن العربيه هاتقف أدوس ديبرياج و ده بيحافظ علي التيول و بيقوي الفرامل و بيحافظ علي مجموعة الديبرياج و يطول عمرها

[ezzeldin1234]

لا شكر علي واجب يا فندم



مفيش أي مشكله إن شاء الله و ده صوت حشرجه بين التيل و الطنبوره مفيش منه قلق نهائي هو إحتمالات حدوثه في المانيوال قليله شويه (حسب طريقه الساقه) لكن وارد وهو صوت منتشر في معظم العربيات الأوتوماتيك (لكن الصوت ده مبيكنش علي السريع يعني لو بهدي من 60 إلي 20 مش موجود هو موجود لما بنبقي ضاغطين سنة فرامل مع سنة حركه ) و لما التيل هايطبع مش هاتسمع منه الأصوات أوي

بالنسبه لدوس الفرامل و الديبرياج :يا ريت مندوسش ديبرياج أثناء الفرمله إلا لحظة التوقف يعني لما أحس إن العربيه هاتقف أدوس ديبرياج و ده بيحافظ علي التيول و بيقوي الفرامل و بيحافظ علي مجموعة الديبرياج و يطول عمرها

متشكر جدا جدا لزوقك وردك وربنا يطمنك زى ما طمنتنى