فيرنا 2007 خلصت 80000 كم

[analyzer]

السلام عليكم
الحمد لله عملت 80000 كم بالفيرنا 2007 وهى 1500 cc هاف اوبشن
المهم الى الان مقابلنيش مشكله كبيرة ولا حاجه والعربية ماشيه زى الفل بدون مشاكل
فهل فى حد عمل كيلوهات كتير وظهرت عنده مشاكل وايه الاخبار معاه
سواء الفيرنا 1500 او 1600 المصرى تحديدا

[Adham_Sabry]

ربنا يباركلك فيها ويديك خيرها و لا يكون فيها شر من اساسه ..
بس انت قصدك 8 الاف كم مش كده ولا ايه ؟؟
مش معقول موديل 2007 وعامله 80 الف .. انا لسه بايع عربيتي الفورد مو 99 عامله 92 الف
واحد قريبي كان معاه فيرنا 1600 اتوماتيك موديل 2004 وعامل بيها 100 الف وكانت زي الفل

[analyzer]

شكر على ردك الجميل
بس انا اقصد فعلا 80000 كم مش 8 الاف

[Nile_Storm]

ماشاء الله ربنا يباركلك فيها

[zakiali]

حضرتك ممكن تقولي ايه اللي غيرته في قطع غيار السياره بالتحديد غير الفلاتر وسير الكاتينه والزيوت ؟

[analyzer]

حضرتك ممكن تقولي ايه اللي غيرته في قطع غيار السياره بالتحديد غير الفلاتر وسير الكاتينه والزيوت ؟

+ تيل الفرامل
وغيرت الطنابير الامامية وده بسبب ان التيل اتاكل وخلص وكحت الطنابير ( سؤ استخدام )

ديسك + اسطوانه + بليه وده بسبب سؤ استخدام

والكاوتش على وشك الانتهاء وسوف يتم تغييرة فى القريب العجل ( بس ده مش سؤ استخدام )

[zakiali]

+ تيل الفرامل
وغيرت الطنابير الامامية وده بسبب ان التيل اتاكل وخلص وكحت الطنابير ( سؤ استخدام )

ديسك + اسطوانه + بليه وده بسبب سؤ استخدام

والكاوتش على وشك الانتهاء وسوف يتم تغييرة فى القريب العجل ( بس ده مش سؤ استخدام )

أنا برده معايا فيرنا 1600 - 2008 لو كلامك مظبوط تبقي عربيه فعلا شديده وتستاهل الانتشار الرهيب ده . بس سؤال . ازاي اعرف ان تيل الفرامل اتاكل من غير ما افك العجل ؟ يعني احس بيه ازاي ؟ علي فكره الكاوتش قعد 80 الف ده كتير اوي كان لازم تغيره عند ال 50 الف عشان بعد كده بيتعرض للانفجار والانسلاخ والحاجات دي ربنا يكفينا الشر .

[ahmedfd]

فعلاً الكاوتش كتير قوي 80000 كيلو..المفروض تغيره على 40000 أو 50000 بالكتير علشان تكون ماشي مطمن.
و ربنا يباركلك في عربيتك.

[Adham_Sabry]

وسير الكاتينه .. مش المفروض تغيره ولا هو بيتغير علي كام ؟؟
هو الكاوتش نوعه ايه .. وانت كنت بتغير اماكن الفرد ولا لأ

[IAbdou]

فى الفيرنا ال1500
يجب تغير طقم السيور وبلية الكتينة كل 45 ألف

[analyzer]

أنا برده معايا فيرنا 1600 - 2008 لو كلامك مظبوط تبقي عربيه فعلا شديده وتستاهل الانتشار الرهيب ده . بس سؤال . ازاي اعرف ان تيل الفرامل اتاكل من غير ما افك العجل ؟ يعني احس بيه ازاي ؟ علي فكره الكاوتش قعد 80 الف ده كتير اوي كان لازم تغيره عند ال 50 الف عشان بعد كده بيتعرض للانفجار والانسلاخ والحاجات دي ربنا يكفينا الشر .

اسف على التاخير
بخصوص التيل فليه عدت دلالات وهى مشوار الفرامل هيطول شويه ثم هتحس بضعف فى الفرامل ثم هتسمع صوت صفاره جاى من عند العجل وده هو المؤشر النهائى الى لازم عندها تغير التيل لان بعد كدا هتدخل فى مشاكل مع الطمبورة ( وده حصل عندى )
فعلا 80 الف كتير على الكاوتش وهى للامانه الان 84550 كم ولسه مغيرتوش وده لعده ظروف
العربية الان ماشيه بتعرج فعلا من الكاوتش وربنا يسطرها

[analyzer]

فعلاً الكاوتش كتير قوي 80000 كيلو..المفروض تغيره على 40000 أو 50000 بالكتير علشان تكون ماشي مطمن.
و ربنا يباركلك في عربيتك.

كلامك صح بس هو فى الحقيقه محسيتش منه بمشاكل الا بعد 70 الف كم وان شاء الله هيتم التغيير فى القريب العجل

[analyzer]

وسير الكاتينه .. مش المفروض تغيره ولا هو بيتغير علي كام ؟؟
هو الكاوتش نوعه ايه .. وانت كنت بتغير اماكن الفرد ولا لأ

سير الكاتينة اتغير على 50 الف كم وهغيرة على 90 الف تانى يعنى بعد 40 الف كم
المفرض يتغير على 30 الف كم

الكاوتش لااسا الاصلى بتاعها الى جايه بيه وفى ملحوظه على العربية بتاعتى من المشهور جدا عن الفيرنا 1500 cc ان الجنط بتاعها خرومه مستطيله اما بتاعتى الخروم الدائرية زى بتاعت ال 1600
فى الحقيقه انا مغيرتش مكان الفرد خالص بس المفروض انها تتغير ولكنى معملتش كدا لعدة اسباب

[zakiali]

سير الكاتينة اتغير على 50 الف كم وهغيرة على 90 الف تانى يعنى بعد 40 الف كم
المفرض يتغير على 30 الف كم

الكاوتش لااسا الاصلى بتاعها الى جايه بيه وفى ملحوظه على العربية بتاعتى من المشهور جدا عن الفيرنا 1500 cc ان الجنط بتاعها خرومه مستطيله اما بتاعتى الخروم الدائرية زى بتاعت ال 1600
فى الحقيقه انا مغيرتش مكان الفرد خالص بس المفروض انها تتغير ولكنى معملتش كدا لعدة اسباب

حاول تهتم بسلامه وأمان العربية أكتر من كده خصوصا الكاوتش ! عشان متندمش في وقت ميفدش فيه الندم ربنا يسترها عليك وعلينا .

[analyzer]

زكى باشا شكرا جدا على النصيحه بس زى ما قلتلك فى شوية اولويات بنفذها الاول خاصه ان لسه الاربع فرد شغالين تيوبلس وبدون اخرام غير فرده واحده فيها خرم واحد بس