سؤالين اتنين بس فى الفيرنا بعد اذنكم

[ezzeldin1234]

1 - ليه لما بشغل التكييف العربيه بتسقف فى الاول مع انى مبستعملش غير بنزرين 92 . هل ده من من رجلى ( العربيه مانوال ) . ولا ده نتيجة ان العربيه عايزه ظبطه فى حاجه . الموضوع ده مضايقنى جدا لان زى ما انتوا عارفين الاشارات فى مصرنا الحبيبه كتير فكل ما اقف امور واجلى ااطلع اجيب الاول اول ما اطلع تسقف واتخنقت من الصوت ده .

2 - ليه مارش الفيرنا بالذات بيعمل زى صوت نحره كده لما برجع لورا مع ان عربيات كتير جدا مافيهاش الصوت ده .

معلش تقلت عليكم

[r0xer]

زود سنة بنزين وانت مشغل التكييف عشان متسقفش...ومع الوقت هتاخد على الموضوع

اما المارش فدا العادي بتاع الفيرنا ومفيهوش أي مشكلة بالمرة. بالعكس مع الوقت هتحب الصوت :d

[ezzeldin1234]

شكرا يا روكسر واضح انى هحب اصوات كتير وانا مع الفيرنا مش بس صوت المارش

[virus2007]

موضوع التسقيف دا جديد انا مكنش عندى فى الفيرنا

بالنسبة للمارش دوس دبرياج كويس وانتا بتنقل مش حتلاقى الصوت

[mshmshm3]

بالنسبة للتسقيف زود شوية بنزين زي ما قال الاعضاء بالنسبة للمارش الحركة دي بتحصل اكتر لما تكون بتركن وبتجيب مارش وقبلها كنت علي الاول انا اكتشفت حل كويس لو انت بتركن وعلي الاول وهاتجيب مارش مور الفتيس وارفع رجلك من علي الدبرياج ودوس دبرياج كويس واستني ثانية او 2 وهات مارش وان شاء الله مش هاتسمع صوت من الفتيس

[ashouhdy]

اتأكد ان الدواسة لا تعيق حركة الدبرياج اثناء الضغط على الاخر ... لأن صوتة بيطلع لو الدبرياج مجاش للاخر

بالنسبة للتكييف دة شىء طبيعى لأن حمل الكمبريسور على الموتور بيحتاج تكة بنزين زيادة ... وحتتوعد علية على طول

لو فى اى حاجة قول احنا موجودين

مازلت انصح اى مالك جديد للعربية بتغيير الكاوتش بنوع نضيف ياريت لو بريدجستون طرى

[ezzeldin1234]

بارك الله فيكم

[_Ahmed_casper_]

انا قاطع حته من الدواسه .. الجزء اللى تحت الدبرياج علشان يجيب لأخره خالص و ميتعبش الفتيس

[tifalol]

يا جماعه عندي مبتعملش كده اتاكد من الفاكيوم بتاع التكيف ده بينطر كده اول اما بتشغل التكيف عشان يعلي بنزين
لوحده افتح الكبوت كده و خلي حد يفتح التكيف لو لقيت بيتاخر في الطلوع بياخد وقت يبقى فيه حاجه
ولو العربيه زيرو خليهم يغيروه في التوكيل والله اعلم
و المارش ده تقريبا في هيونداي كله عشان عندي في الاكسنت :)

[ashouhdy]

ممكن توضيح اكتر وياريت صورة لمكانة

[tifalol]

عارف حضرتك لمل تزود بنزبن من الكبوت هتلاقي تحتيه حاجه كده بترفعه لوحدها لما تشغل التكيف
شوفها كده هتلاقيها بتتاخر العربيه ترجرج و بعدين لنل ترفع العربيه بتبطل رجرجه
افتح الكبوت و بص و خلي حد يفتح التكيف

[ashouhdy]

شكرا للتوضيح حبص عليها بكرة

[YHYAKOTB]

حل المارشدير انك تدوس على الاخر دبرياج وتجيب الغيار بس مش على الاخر وترفع سنة صغيرة اوى رجلك من على الدبرياج هتلاقى الفتيس ريح سنة واخد الغيار مكانة ومش هتسمع صوت وارحع يابرنس

[ahmedsamir5edr]

متااااابع
سؤال مكرر : هل الفيرنا صوت الموتور بيعلي مع التكييف .. أقصد rpm بيعلي ؟؟

أنا شابف انه لأ .. مش بيعلي

فده أكيد بيخلي العربيه تسقف

[ashouhdy]

لأ مش بيعلى ... بس عمرها مابتسقف عندى .... يمكن تعود على السواقة ... الله اعلم