سعر الهيونادي النترا الجديدة ..... مفاجأة

[Abomar77]

هي مفاجأه مش ولا بد

في خبر شبة اكيد نزل عليا كالصاعقة .....

السعر يتراوح من 130 الف أول فئة
الى 180 الف هاي لاين .....

ومقدرش اقول غير حسبي الله ونعم الوكيل ..

[easy2002]

صعب جدا السعر ده محدش هيشتريها لو بالسعر ده طبعا
إلا لو كانت أول فئة نازل فيها أوتو بارك
والهاي لاين بتطير ونازل فيها طيار آلي
:d :d

[r0xer]

لو السعر دا حقيقي...يبقى غبور اتجنن رسمي و العربية دي هتصدي لان محدش عاقل هيشتري عربية ب180 الف وفي نفس السعر موجود سيفيك و جيتا و فلورنس!

ال النترا ال ب180 الف..والله لو هينزل معاها جناح طيارة خسارة فيها الثمن دا !

امتى يارب تتلغي جمارك العربيات ونرتاح من جشع الحكومة و التجار دا...هو يعني احنا اغنى من باقي الشعوب عشان عربياتنا تبقى بضعف تمن عربياتهم!!!!!

[hugan]

يمكن عايز يعوض الفلوس اللي خسرها اثناء فتره الحبس

[easy2002]

ياريت حضرتك تحدد المصدر
الكلام ده غير منطقي بالمرة

[adel1212]

يمكن عايز يعوض الفلوس اللي خسرها اثناء فتره الحبس

اعتقد مش هو اللى اتحبس

[adel1212]

لو الخبر ده صح يبقى
باى باى ذكاء ابن السوق
يبقى كده صدق نفسه ان السوق فى ايده
غرور غبى

[Ashraf_Ibrahim]

فولفو بتبدأ من 160 ألف جنيه!
مين المجنون اللي هيجيب النترا بالسعر دا ؟!

[tifalol]

المشكله ان احنا الي مساعدينه على كده هو جرب في الكسنت rb
و بجد العربيه بيعه بطريقه غبيه انا حاسس انها هتبقى فيرنا 2 تحت
بيتي بس في 3 و طول ما انا ماشي بالعربيه بشوفها و اظن حتى لو نزل الانترا
كده الناس هتشتري برضه

[ashouhdy]

يعنى حسيب الجيتا واجيب الانترا !!

[Ashraf_Ibrahim]

غبور شكله اتجنن خلاص !

[modo88]

ياريت تحديد المصدر لان فعلا الكلام مش منطقي ازاي فرق 50 الف جنيه بين فئه وفئه في نفس العربيه؟
كلام مش منطقي خالللص

[samoreception]

180 الف لييييييييييييييييييه ده انا اشترى بيهم سكودا فانتازيا تضربها بالجزززززززززززززززززمة

[JapRuleZ]

بصو يا جماعة

طبيعى انها تبقى اغلى من الفئة اللى تحتيها

زى ال rio مع ال cerato
ال rio اخرها 90 و ال cerato بديا 100

يعنى لو ال accent اخرها 115
فعلا السعر التقريبى غالبا هيبقى120,000-125,000

اما سقف الاسعار مبالغ فيه و مش هتنزل بأى كماليات تخليها تعدى ال 150-160
بس بصراحة سخافة يعنى لو نزلت كاملة ب 150 لازم تكون جديرة انها تنافس اليبانى و الالمانى يعنى محدش عارف يمكن العربية دى تقلب الموازين و تبقى بداية تنافس حقيقى فى القوة و الجودة و استهلاك البنزين و الثبات
اما الامان اعتقد ان لسه كوريا موصلتش
و كلو هيبان...........

[hossam_elwani]

اولا جشع دوله و وكلاء وتجار
ثانيا معدل تضخم غريب ياجماعه العربيات كان رنجها ما بيعديش 90 الف النهارده بنسمع 120 و 130 وطالع وكله بيشترى عادى
الغريب ان كل العربيات الى زاد سعرها بشكل مبالغ فيه هى عربيات الفئة المتوسطه لدرجه انها احتلت مكان السيارات عاليه الرفاهيه
ثالثا الكل والله حيشترى وحتشوفو وحتنتشر انتشار النار فلهشيم وحفكركو