استفسار عفشة الفيرنا أمامي

[amr1501]

السلام عليكم ورحمة الله وبركاته

بعد إذنكم كان عندي استفسار

امبارح غيرت جوز المساعدين الأماميين عند شعبان العفشجي إللي في مشعل لو حد يعرفه و ظبطلي حاجات في المقصات و علبة الدريكسيون و بصلي علي العفشة كلها و بعدين ظبطت زوايا

العربية

- من حيث اداء المساعدين دلوقتي و العفشة عامة كويسة جدا و حتي مبقتش فيها المشاكل إللي كنت بشتكي منها لما كنت بمشي علي سرعة عالية

بس في حاجة ان الدركسيون بقي تقيل شوية لما اجي احود يمين او شمال و مبقاش يرجع لوحده مكانه لما الف زي الأول اتصلت و سألت بتاع الزوايا قال لي عشان انا لسه مغير عفشة قدام و العفشة هتطبع لسة فهل دا حقيقي و لو كده فأيه ممكن تكون المشكلة

[YHYAKOTB]

ممكن المهم ان العربية لابتحدف يمين ولا شمال

[pop504]

لا طبعا الدركسيون لازم يرجع لوحدة .. واذا لم يرجع يبقى هو بوظ حاجة فى الاسكترا ؟؟

ودى مسالة مهمة جدا وممكن تعمل حوادث خلى بالك ..

[aymandrugs]

سؤال خارج الموضوع ياباشا لو سمحت :
هو الموضوع ده كلفك كام ؟؟؟
عشان انا عايز اعمل كده في فيرنتي ؟؟
وكمان هيا عربيتك عاملة كام كيلو ؟؟؟
وشكرا

[hanyemad123]

لا طبعا الدركسيون لازم يرجع لوحدة .. واذا لم يرجع يبقى هو بوظ حاجة فى الاسكترا ؟؟

ودى مسالة مهمة جدا وممكن تعمل حوادث خلى بالك ..

هو فى حاجه كده غلط طالما الدريكسوين مش زى الاول و ما تسمعش كلامه روح لواحد تانى ثقه و متجرب يكشف على العربيه

[mrscorpion]

اللي اعرفة ان كلامة صح
الدريكسيون هايخف بعد الاستعمال شوية

[حماده المصري]

هوه في الغالب اخد البوش بتاع علبه الدركسيون جامد ف بقت تقيله شويه ممكن مع الاستعمال يخف

عموما الموضوع مش مرعب يعني متقلقش مفيش حاجه خطر

بس اهم حاجه تكون انت زبطت الزوايا والعربيه مش بتحدف ومشيها مزبوط

[Screenplays]

روح لعفشجي تاني و شوف رأيه ايه و غير كده اظبط زوايا تاني عند حد تاني

[HOSSAM99]

و عليكم السلام و رحمة الله
مفيش مشكله عند حضرتك إن شاء الله
كل ما في الأمر إن العفشه تعتبر جديده و متربطه علي الأخر و هاتحس بنشوفيه لغاية أما تليين

سؤال هو حضرتك غيرت بلي بطاحات أو بطاحات كامله بالبلي

[kamatsho]

يعنى زودوا الثبات بتاع العربيه شويه ؟؟

بالنسبة لموضوع الدريكسيون انت خليك فى السليم

ومتتكلش على كلامه

وروح اسأل فى اكتر من مكان عند اكتر من حد عشان تتأكد وتطمن