سؤال عن زر الكيك داون فى الفيرنا اوتوماتيك

[justhamlet]

سؤال:
فى الفيرنا اوتوماتيك فيه فى الفيتيس زرار الكيك داون .. لما بدوس عليه وبخليه للداخل لمبة الكيك الكيك داون اللى فى التابلوه بتطفي .. لما بدوس عليه واخليه للخارج اللمبة بتنور وبيكتب اوف .. الكتالوج والرسمة اللى على الفتيس بيقولوا انه لو كان للداخل واللمبة مطفية يبقى كدة الكيك داون شغال وانا كدة مسقط غيار .. ولو اللمبة منورة والزرار للخارج يبقى انا كدة مش مشغل خاصية الكيك داون وكدة الغيار طبيعي .. لكن صوت الموتور بيقول العكس .. لما بدوس على الزرار للداخل بيبقى الصوت هادي .. ولما بخلي الزرار للخارج الصوت بيعلى كأنى مسقط غيار ... دلوقتى السؤال :

عشان اخلي الفتيس فى وضعه الطبيعي وابقى مش مسقط غيار اخلي الزرار للداخل والمبة مطفية .. وللا اخليه للخارج وتبقى اللمبة منورة ؟؟؟؟


شكرا :)

[Ashraf_Ibrahim]

اعتقد انه يبقا للخارج يا عزيزي


*بالنسبة للمانيوال بقا لما احب اعمل كيك داون اعمل ايه يا شباب؟!
انا في العادة بقوم رافع رجلي من على دواسة البنزين وفي لحظة اقوم كابس بنزين للآخر بدون تسقيط نقلة
بلاقي استجابة لاعربية كويسة جدا
عايز اعرف كدة صح واللا المفروض اسقط نقلة واللا ايه بالظبط!؟

[medododo]

اعتقد انه يبقا للخارج يا عزيزي


*بالنسبة للمانيوال بقا لما احب اعمل كيك داون اعمل ايه يا شباب؟!
انا في العادة بقوم رافع رجلي من على دواسة البنزين وفي لحظة اقوم كابس بنزين للآخر بدون تسقيط نقلة
بلاقي استجابة لاعربية كويسة جدا
عايز اعرف كدة صح واللا المفروض اسقط نقلة واللا ايه بالظبط!؟

وانت علي الرابع مثلا هات التالت ودوس بنزين اكتر

[justhamlet]

طب بالنسبة لسؤالي يا اخ ميدودو انت ماجاوبتش عليه :(

[medododo]

سؤال:
فى الفيرنا اوتوماتيك فيه فى الفيتيس زرار الكيك داون .. لما بدوس عليه وبخليه للداخل لمبة الكيك الكيك داون اللى فى التابلوه بتطفي .. لما بدوس عليه واخليه للخارج اللمبة بتنور وبيكتب اوف .. الكتالوج والرسمة اللى على الفتيس بيقولوا انه لو كان للداخل واللمبة مطفية يبقى كدة الكيك داون شغال وانا كدة مسقط غيار .. ولو اللمبة منورة والزرار للخارج يبقى انا كدة مش مشغل خاصية الكيك داون وكدة الغيار طبيعي .. لكن صوت الموتور بيقول العكس .. لما بدوس على الزرار للداخل بيبقى الصوت هادي .. ولما بخلي الزرار للخارج الصوت بيعلى كأنى مسقط غيار ... دلوقتى السؤال :

عشان اخلي الفتيس فى وضعه الطبيعي وابقى مش مسقط غيار اخلي الزرار للداخل والمبة مطفية .. وللا اخليه للخارج وتبقى اللمبة منورة ؟؟؟؟


شكرا :)

بص عشان متوجعش دماغك انسي موضوع الزرار ده
لو العربية بتنقل 3 نقلات وعداد الار بي ام بيعلي ومتجبش الرابع معناه انه شغال
ولو العربية نقلت الرابع معناه انه مطفي

[ELGASERCBR]

باشا للداخل مطفي وللخارج شغال

[ELGASERCBR]

اه بس متشغلوش علي سرعه عاليه لانه ببساطه هو الغيار التالت

[Ahmed Anwer]

متشغلوش خالص ،، بمعني خلي لمبته في التابلوه عالطول مطفية

المفروض إن غرضه إنه يخلي الفتيس يفضل علي نفس النقلة

[verna2008auto]

عندي رأي تاني

الطبيعي للفيرنا انها تجيب 80 كيلو متر ساعة علي 2000 لفة في الدقيقةrpm وتجيب ال 100 عند 2500-3000 لفة في الدقيقة rpm
ده في حالة بدون الكيك داون

بالنسبة لنور الكيك داون المفروض ما يبانش في الطابلوة الا لو انتا مشغلة ( سواء جوة او برة )
بمعني انه ينور لما يكون الكيك دون شغال ويطفي لما الكيك داون مش شغال

بالنسبة لتشغيلة (( انا مش با حب اشغلة خالص )) بحس انة بيتعب الموتور علي الفاضي

ولكن عندي طريقة تحريق تانية

دي بتاعتي وانا بحب استخدمها ( بس مش كتير ) سعات لما باحب اسمع صوت الموتور واحس بالنقلة وشده عزم العربية

الطريقة كالتالي

اولا لازم تفتح الشباك اللي جانبك علشان تستمتع بصوت الموتور وتسمع النقلات وعينك علي العداد بتاع السرعات ولفات الموتور

رقم واحد(( طريق لازم يكون ميستقيم وطويل شوية ))

العربية فاضية يعني انتا بس اللي سايقها

شنطة العربية مافيهاش غير الاستبن بس .. يعني منغير شنطة عده 50-60 كيلو

العربية عند لحظه السكون تماما او ماشيى علي سرعة اقل من 20 كيلو متر ساعة

اضغط زرار الامان واختار رقم 1 ( النقلة رقم واحد ها تديلك لغاية 45 كيلومتر ساعة ) بتدي اكتر ولكن انا بقولك المضمون

من غير ماتدوس زرار الامان زق الفتيس لفوق ارفعة يعني للدرجه 2 ( هاينقل النقلة لغاية 80 كيلومتر ساعة ) بردة يجيب لاكتر بس انا عاوز الموتور يستريح

بعد كده ( اللي هما ال 80 كم ساعة ) اطلع علي d العادي المفروض هاتحس بعزم العربية معاك

علي فكرة (( قوة فرامل العربية وعزمها وسرعتها علي رقم 2 ))

جرب ... وقولي

علي فكرة (( دي طريقة ناس بتاعت سباق شوارع بالاوتوماتك دفع خلفي او امامي Drafting or Dragging -بس طبعا هما بيرفعو ال RPM شويتين لغاية ما الفتيس بيجيب اخرة ))

لو هاتجرب خد سرعتك وجرب وارجع للطبيعي بتاعك يعني 5 او 8 دقائق ربنا يستر طريقك وطريقنا

[bentrewsha]

فهموني يا جماعه كلامكم يعني لو
od off
يعني انا معايا اربع نقلات ولو
do on
يعنى انا معايا ثلاث نقلات وشكرا ليكم -- دكتور ايمن

[Ashraf_Ibrahim]

بالضبط يا فندم!

[justhamlet]

شكرا ليكم كلكم .. فعلا كلامكم كان مفيد جدا وعرفت اتعامل ازاي :) شكرا لكل اللى رد :)