البطاريه بتفور لما بدوس بنزين

[zakiali]

لاحظت في الفيرنا كل ما افتح الكبوت ان فيه وساخه علي البطاريه من فوق .. كل ما امسحها ترجع تاني قرطت علي المسامير برده مفيش فايده جربت افتح وأدوس بنزين لقيت البطاريه بتفور وتطلع غازات ؟ هل الموضوع ده طبيعي ولا أيه ؟ تنصحوني بأيه ؟ علما بأنها كلورايد لعينه جاية مع العربيه وهي لسه في الضمان .







وشكرااا ..

[fahd_628]

لأ طبعا مش طبيعى دة الى اعرفة لكن السبب مش عارف بصراحة بس مادام عليها ضمان متتنازلش عن حقك

[Nader]

شحن الدنموا زيادة وعاوز يتظبط عليك وعلى التوكيل علشان الضمان.

[devil-lid]

والله انا كان عندى اكسيل وكان حصلها كده هى غالبا الدينامو بيشحن زياده فيفور البطاريه ينصح بصيانه الدينامو لانه غالبا عاوز كتاوت

[zakiali]

صيانة دينامو ايه العربيه لسه زيرو مكملتش 4 الالف كيلو ؟ ولا المشاكل هتبتدي تبان !؟

المشكله دلوقتي اني ركبت حاجات كتير كهربا زي : جهاز انذار + سنتر لوك + زجاج كهربائي + فوانيس شبوره .. يعني لو رحت التوكيل اشتكيت من البطاريه هتشتم :D ولا أيه العمل دبروني .

[Nader]

لا افهم كويس علشان محدش يشتغلك.

الحجات اللي انت مركبها دي لو هتقصر على العربية

يبقى اللي هيحصل هو العكس تماماً يعني الشحن هيكون مش

كافي على البطارية بس الكلام دة لو انت جايب بطارية الامبير

بتاعها اعلى من البطارية الاصلية. ودة محصلش.


المشكلة اصلاً مش من البطارية نفسها المشكلة من الدينمو شحنة

زيادة.


الحق قبل ما البطارية ما تودع خالص.

ولو عاوز تتاكد انزل روح لاي كهربائي قولة يقيس لك شحن

الدينمو قبل ما تروح التوكيل واديلة 10 جنية وروح بقلب

جامد.

[zakiali]

لا افهم كويس علشان محدش يشتغلك.

الحجات اللي انت مركبها دي لو هتقصر على العربية

يبقى اللي هيحصل هو العكس تماماً يعني الشحن هيكون مش

كافي على البطارية بس الكلام دة لو انت جايب بطارية الامبير

بتاعها اعلى من البطارية الاصلية. ودة محصلش.


المشكلة اصلاً مش من البطارية نفسها المشكلة من الدينمو شحنة

زيادة.


الحق قبل ما البطارية ما تودع خالص.

ولو عاوز تتاكد انزل روح لاي كهربائي قولة يقيس لك شحن

الدينمو قبل ما تروح التوكيل واديلة 10 جنية وروح بقلب

جامد.

يعني لو شحن الدينامو عالي يبقي العيب في الدينامو ؟؟ يعني لازم اروح التوكيل وأقولهم كده طيب افرض قالولي شحن الدينامو عالي عشان الحاجات اللي انت مركبها دي اقولهم ايه ؟ دول عالم يهود مانت عارف محدش بيعرف يسلك معاهم بيتلككوا علي اي حاجه والسلام .

وفرضا لو قلتلهم ان شحن الدينامو عالي هيقلولولي وعرفت منين والهبل ده يبقي انت عملت صيانه بره التوكيل وحاوريني يا كيكا .

ايه العمل يا أهل الخبره خصوصا اني بتخنق من الحوارات الهابطه دي .

[Nader]

ما انا قلت لك

لو الحاجات اللي انت مركبها دي ممكن تعمل

اي مشكلة في عربيتك فالمشكلة دي هتبقى ان البطارية

هتنام بسرعة او تفقد شحنتها.


اللي حصل دلوقتي العكس، البطارية بتاخد شحنة

اكبر من المفروض تاخدة، ولذلك العيب من الشحن.

على فكرة اعفن بطارية سائلة بـ400 جنية فالحق

قبل ما تتدبس.

بس قولي، هو انت مركب الزجاج والانذار برة التوكيل؟؟

[zakiali]

ما انا قلت لك

لو الحاجات اللي انت مركبها دي ممكن تعمل

اي مشكلة في عربيتك فالمشكلة دي هتبقى ان البطارية

هتنام بسرعة او تفقد شحنتها.


اللي حصل دلوقتي العكس، البطارية بتاخد شحنة

اكبر من المفروض تاخدة، ولذلك العيب من الشحن.

على فكرة اعفن بطارية سائلة بـ400 جنية فالحق

قبل ما تتدبس.

بس قولي، هو انت مركب الزجاج والانذار برة التوكيل؟؟

ايون مركبهم بره التوكيل طبعا. ايه اللي ممكن يحصل في الحاله دي رسيني علي الفوله عشان أعرف اتعامل ؟؟؟

[Nader]

لا هما كدة للاسف ممكن يخرجوا الكهربة من الضمان خالص

علشان في لعب في الضفيرة.

[zakiali]

لا هما كدة للاسف ممكن يخرجوا الكهربة من الضمان خالص

علشان في لعب في الضفيرة.

طيب والحل ؟

[ahmedezzat78]

لو شحن الدينامو عالى يبقى هوه ده السبب

لو مضبوط يبقى الله يرحم البطارية

قيس الشحن الأول

[Nader]

روح وجرب حظك ولو عصلجوا معاك يبقى تشوف كهربائي او

مركز صيانة كويس وامرك لله.

[zakiali]

لو شحن الدينامو عالى يبقى هوه ده السبب

لو مضبوط يبقى الله يرحم البطارية

قيس الشحن الأول

أنا جالي اكتئاب .. عاوز حد يقولي حل ؟ لو قست الشحن وطلع سليم وغيرت البطاريه او بدلتها في الضمان المشكله هتبقي برده موجوده ؟ ولا العمل ايه ساعتها ؟ الظاهر عفريت غبور هيطلع يا ولاد ... العربيه يدوب كملت شهرين وهتبتدي تبدع من دلوقتي .. ويا عالم فيه ايه تاني .... هايل :(

[zakiali]

انا لسه جاي من بره دلوقتي وقست الدينامو وطلع مظبوط بالميللي وقاس أمبير البطاريه طلع مزبوط برده .. القصه كلها كانت أن البطاريه كانت مليانه زياده ميه - مش عارف ازاي دي - شال منها شويه ميه والموضوع اتزبط الحمد لله انا كانت ركبي بتخبط الصراحه مشكورين يا شباب علي ردودكم منجيلكمش في حاجه وحشه :d