اسعار النترا من داخل غابور -- اعادة

[SAMEHNOSHI]

بعد اذن الاستاذ MAJOR 123 صاحب الموضوع اسعار النترا من داخل غابور , انا حعيد الموضوع تانى فى صورة جدول للتوضيح, و هذة البيانات على مسئولية الاستاذ MAJOR و هى غير مقنعة بالنسبة لى




اعتقد اسعار اول فئة مانيوال و اول فئة اتوماتيك مقبولة الى حد ما و لكن اسعار الفئات الاعلى مبالغ فيها جدا!!! و غير منافسة على الاطلاق

الموضوع منقول و مكرر للتوضيح و هو لصاحبة الاستاذ major 123 و اتمنى ان لا اكون مخطىء فى شىء و برجاء التعليق فى حالة وجود خطاء

[arakysolom]

الله ينور عليك كده الموضوع واضح جدا

[SAMEHNOSHI]

لو كانت الاسعار دى صحيحة فاعتقد اسعار اول فئة مانيوال و اول فئة اتوماتيك مقبولة شوية لانها نازلة فيها فوانيس شابورة و تارة مالتى فانكشن و اشارات فى المرايا و و .... مع انها مفهاش اى عوامل امان بس فيها اربع عجلات الحمد لله

اما الفئات الاعلى فاستهبال رسمى و سعرها مبالغ فيها جدا على الكماليات البسيطة اللى فيها و مش مقنعة او فيها حاجة غلط, يعنى معقولة اعلى فئة من الالنترا بى 155 الف مفهاش بلوتوث و الاكسنت اللى بى 106 الف فيها بلوتوث!!! و كمان مفهاش مرايات ضم كهرباء و لا كاميرا خلفية و لا مرايات ذاتية التعتيم ذى اللى فى السيراتو اللى 130 الف!!!
و فين باقى الاوبشن زى الكاسيت التاتش سكرين + gps + كراس كهرباء + زينون + 6 ايرباجز + سنسور امامى + بلوتوث + كاميرا خلفية + مرايات ضم + مراية ذاتية التعتيم + ....

كمان غابور حاسب الايرباج الواحدة بى 2000 , و الاثنين بى 4000 و ال abs بى 4000 و الجنوط بى 6000!!! اسعار مبالغ فيها جدا فى الكماليات البسيطة دى, و تعالوا نقارن:

مثال 1 السيراتو ex و السيراتو sx -- اول مانزلوا لانى مش عارف سعرها دلوقتى:



سيراتو ex كان سعرها 109 و sx كان سعرها 116 يعنى فرق 7 الاف قصاد الاوبشن التالية:

• فرامل abs
• 1 ايرباج اضافية
• تكييف تاتش
• سنسور خلفى
• عدادات رياضية
• شكمان نيكل رياضى
• جنوط 17 بدل 16
• نيكل فى الشنطة و البيبان و الدواسات
• فرق فى خامات الفرش الداخلى + خياطة اسبور باللون الاحمر

كل دة توكيل كيا حسبة بى 7 الاف جنية, شوفوا بقى غابور كان حيحسبهم بكام على اسعار كمالياتة دى!!!




مثال 2 فيرنا هاف اوبش و فول اوبشن -- من عند غابور نفسة, فرق السعر 3500 جنية قصاد الاوبشن التالية:

• زجاج كهرباء
• سنتر
• انذار
• عداد rpm
• ساعة
• كرسى السائق بيعلى و يوطى
• دركسيون بيعلى و يوطى
• فتح الشنطة من الداخل
• مرايات بلون السيارة
• نواكل فى البيبان + فرش فى البيبان + خامات الفرش افضل
• الكنبة الخلفية قابلة للطى
• استوب خلفى
• مسند يد للسائق

كل دة بى 3500 جنية فقط, معرفش لية بقى الاستهبال فى اسعار كماليات الالنترا دى!!!! علشان كدة انا مش مقتنع و متاكد ان فى حاجة غلط و اكيد فى كماليات ناقصة قصاد الاسعار دى... و اللى ياكد ان فى حاجة غلط ان الاكسنت معقولة يكون فيها بلوتوث و الالنترا اللى بى 155 الف مفهاش!!!

[virus2007]

اعتقد الاسعار منطقية ولاكن بزيادة كماليات فى الهاى لين عن الى مكتوب

عامتا مش حنستعجل كلها كام شهر وحتنزل ونشوف !!

[yyy]

هوا لسه بيشيل الايرباج !!!!


يعني ايه اشتري عربيه ب 139 و الاقي فيها ايرباج واحده ايه الهبل دا ؟

[SAMEHNOSHI]

اعتقد الاسعار منطقية ولاكن بزيادة كماليات فى الهاى لين عن الى مكتوب

عامتا مش حنستعجل كلها كام شهر وحتنزل ونشوف !!

باشا الاسعار منطقية ازاى بس؟؟ طب بص على الفئة اللى بى 143 الف و قارنها بالسيراتو الهاى لاين, حتلاقى السيراتو فيها كل الاوبشن دى بالاضافة الى :

• فتحة سقف
• بصمة
• فرش جلد
• بلوتوث
• كاميرا خلفية
• مرايات ضم كهرباء
• مرايات ذاتية التعتيم
• عتلات فتيس فى المقود

و سعرها خليجى بى 132 الف موديل 2012, يبقى ازاى سعرها منطقى؟؟؟ يعنى اوبشن اقل بكثير و سعرها زيادة 11 الف جنية!!!!



طب احنا لما كلنا شوفنا الالنترا قبل ما تنزل اية اللى عجبنا فيها و خلانا نتوقع انها حتكون غالية؟؟؟ انا شخصيا عجبنى التالى:

• الركن الالى
• السنسور الامامى
• الشاشة التاتش ال 7 بوصة + GPS + كاميرا
• الكراس الكهرباء
• الزينون
• مثبت السرعة
• الماتور ال 140 حصان
• التكييف ال dual
• المرايات الضم
• البلوتوث
• 6 ايرباجز

و هو دة اللى عجبنا فى العربية و خلانا نتوقع انها حتنزل غالية و اغلى من السيراتو طبعا....لان كلنا توقعنا ان كماليتها حتكون اعلى بكتير زى ما شوفناها على النت, لكن بالاوبشن التعبانة دى لية يكون سعرها كدة؟؟؟ مهى كدة نسخة من السيراتو و السيراتو نسخة منها, نفس الفتيس و انظمة التعليق و كل حاجة!!!

[virus2007]

مهو بقلك منطقية لو نزلت بالاوبشن الى انتا بتقول عليها ... يمكن اخطات التعبير ... الى اقصدوا انها حتبقى منطقية لو نزلت بالاوبشنز بتاعت السيراتوا واكتر كمان

اكيد فى اوبشنز كتير ناقصة ومعتقدش حتنزل بالاوبشن الى مكتوبة دى نهائى والا كدة حيخسروا سوق العربية دى

[adel1414]

اسعار معقولة جدااا لو نزلت كل فئة 5الاف..الخوف كل الخوف لو الناس اتزاحموا عالعربية مليون المية حيزود سعرها لان الزبون كدا كدا حيتوهم بالشكل ولازم حيشترى

[SAMEHNOSHI]

تمام كدة, انا بقول انها تستاهل 160 الف و اكتر كمان بس تنزل بكل الاوبشن اللى كاتبها فوق ما عدا الاتو بارك. و قلت الكلام دة قبل كدة من اسبوع فات و ناس كتير اعترضت ان ازاى النترا سعرها يكون 160 الف, و استكترو السعر دة على الشاشة التاتش و ال gps و الزينون و الكراس الكهرباء و السنسور الامامى و ال 6 ايرباجز و الماتور ال 140 حصان!!! تلف الايام و غابور يسعرها بى 155 الف على شوية اوبشن تعبانة.
انا اللى مضايقنى انى استنيت كتير العربية دى و حاسس انى استنيت كتير على الفاضى, يا رب تكون الاوبشن دى غلط و فى اوبشن تانية ناقصة تستاهل فرق السعر دة.

[ahmedbeirut123]

العربية ديه ليها حل واحد ... كتسعير وعشان تعمل مبيعات حلوة

ان تجار الخليجى الكبار (سمير ريان او جابر عبد الشهيد) .... ينزلوها هاى لاين نفس الفئة الى غبور منزلها ب 142 الف

لو نزلوها ب 130 الف هتكتسح .... وهتعمل مبيعات حلوة زى السيراتو كده اول مانزلت

ويبقى غبور بقى يلبس كل الدفعة الى استوردها... لغاية لما يجبر انه ينزل شوية مكسبه

[MaZaGAngeE]

همه مش مكسوفين يقولوا على الاوبشنز دي ""Fully loaded""
و لا المعلم غبور راكب بطة زي بتاعتي ف شايف ان الاوبشتز دي بتاعة مكوك فضاء

[wal]

على كدة لو نزلها بالAuto park هتبقى 170 الف وهيقولك العربية بتركن لوحدها هو طبعا مننكرش ان الالنترا سيارة كورى جودتها عالية ومن احسن سيارات فئتها وعن تجربة الالنترا 2005 والشكل الجديد يعتبر جامد جدا وانا واثق فيه من غير تجربة بس لازم غبور يشوف السيارات المنافسة فى الاسعار انا مثلا معايا الرينو فلونس فيها اوبشنز اكتر من اعلى فئة فى الالنترا الجديدة ماعدا الفرش الجلد ومتعتبرش اعلى فئة وسعرها كان 141 الف وفى فئتين اعلى كمان ممكن يكون السعر زاد شوية الايام دى بس الاوبشن اعلى وفى سيارات اخرى كتير من نفس الفئة وماركات محترمة ايضا وسعرها اقل ونفس الكماليات خصوصا انه مايعتبرش نزلها بأوبشن جديد اول مرة نسمع عنه

[major123]

استاذ سامح اشكرك على إعادة الموضوع للتوضيح بس انا لية تعليق على الاسعار مقارنة بالكماليات طبعاً الاسعار مبالغ فيها جداً جداً وانا عندى إعتقاد ان ممكن علشان العربية لسة ماوصلتش عند غبور فاممكن عرض الاسعار يكون ناقص بعض الكماليات هما نفسهم مايعرفهاش مش مكتوبة وانا رغم عدم اقتناعى بعرض السعر الباعتة غبور قولت انى ابعتة علشان فى ناس كتير منتظرة الالنترا وعن معرفتى ب ا/ غبور السعر كتير والكماليات مفيش زى مثلاً الالنترا 2010 شهر 5 /2010 كان سعرها 98000 جنية وبعدين قال اية رافعها ل 110000 جنية وعامل عليها خصم 5000 جنية

اقول اية غير حسبى الله ونعمة الوكيل واشكرك مرة اخرى

[SAMEHNOSHI]

استاذ سامح اشكرك على إعادة الموضوع للتوضيح بس انا لية تعليق على الاسعار مقارنة بالكماليات طبعاً الاسعار مبالغ فيها جداً جداً وانا عندى إعتقاد ان ممكن علشان العربية لسة ماوصلتش عند غبور فاممكن عرض الاسعار يكون ناقص بعض الكماليات هما نفسهم مايعرفهاش مش مكتوبة وانا رغم عدم اقتناعى بعرض السعر الباعتة غبور قولت انى ابعتة علشان فى ناس كتير منتظرة الالنترا وعن معرفتى ب ا/ غبور السعر كتير والكماليات مفيش زى مثلاً الالنترا 2010 شهر 5 /2010 كان سعرها 98000 جنية وبعدين قال اية رافعها ل 110000 جنية وعامل عليها خصم 5000 جنية

اقول اية غير حسبى الله ونعمة الوكيل واشكرك مرة اخرى

العفو يا باشا, انا بعد اذنك طبعا اضطريت اعيدة نظرا لاهميتة حتى تعم الفائدة لان البعض لم يستطع فهمة... و متشكرين يا باشا على المعلومات الحصرية ... ولو انى بينى و بينك بتمنى انها تكون غلط او ناقصة