الموضوع يخص اي حد اتسرق في التوكيل

[medomoselhy]

السلام عليكم
اولا احب اشكر اداره المنتدي علي تنظيم و متابعه المنتدي بشكل رائع
ثانيا
الموضوع ده يخص اي حد اتسرق في التوكيل او بمعني اخر اتسرق حاجه من عربيته في الصيانه
انا اسف اني هطول في الموضوع شويه بس انا حابب اقول كل التفاصيل
انا عربيتي نيو اكسنت 2010
و للأسف بروح اعمل صيانه في ابو رواش في غبور
و النهرده كانت صيانه 35000 حجزت و روحت زي اي حد ما بيروح
طبعا مش هاقدر اوصف الشباب اللي واقفين في الامن حاجه حلوه اوي تحس انهم عايزين يسألوك هما واقفين هنا بيعملوا ايه !
المهم ربنا كرمني و عديت من الامن و دخلت و كالمعتاد و المتعارف عليه جوه انك تفتش علي المهندس اللي هيستلم العربيه ( المهندس بيشوي)
الحمد لله ربنا اكرمني و لقيته و الراجل بصراحه كان قمه في الاحترام و الامانه لدرجه اني صدقت بجد اني هروح مبسوط النهرده !
المهم الراجل المحترم استلم العربيه و قالي لم حاجتك عشان زي ما كلنا عارفين انك بتمضي علي ورقه انك مسؤل عن اي حاجه تسيبها في العربيه (لزوم التظبيط)
الحمد لله ربنا كرمني و لميت كل حاجه ماعدا الدرج الصغير اللي تحت الكاسيت
الدرج كان فيه شويه فولس فضه و 2 فلاش ميموري و دبلتي
سيبت العربيه و انتظرت لحد ما تخلص
و جاء الخبر اليقين اني هروح مبسوط و هو ان العربيه خدت 3 ساعات و نص بس تقريبا كده كنت قربت ازغرط و قولت لأ انا كده لما اخلف اول ولد لازم يبقي اسمه غبور !
جريت عشان استلم العربيه و دفعت و ظبت الدنيا و طبعا النظام الجديد بقي انك تفتش علي المهندس عشان تستلم منه العربيه .. و بعد فتره طويله من البحث و الانتظار و انا طاير من الفرحه وصلت الحمد لله للمهندس و سلمني العربيه
المهم استلمت العربيه و قعدت احط حاجتي فيها من تاني و انا ضحكتي جايبه وداني
دورت العربيه و قولت اشغل الكاسيت بدور علي الريموت قولت اه ده في الدرج خلاص يا سيدي افتح الدرج لم اكن ادري اني سينطبق علي اسطوره الصياد اللي فتح السمكه و ملاقاش الخاتم
فعلا مالقيتش الريموت في الدرج و وشي اتقلب و نزلت من العربيه ادور عليه
الحمد لله لقيته مرمي تحت الدوسات
طب ايه اللي جابه هنا !!! ده كان في الدرج , دورت في الدرج ملاقيتش الفلوس الفضه قولت يعني هتعمل مشكله علي 2 و لا 3 جنيه
ساعتها ابتدي وشي يتقلب و افتركت قاعده غبور الاساسيه في الصيانه وهي انك لازم تروح مغموم !
المهم وصلت للبوابه و اخدت وقت طويل جدا طبعا علي ما الشباب الواعي بتوع الامن فهموا اني خلصت صيانه و عايز اروح !!!!!!!!!
المهم روحت علي ما وصلت البيت و طلعت افتكرت ان كان فيه 2 فلاش ميموري بتوع الشغل و الدبله في الدرج
نزلت جري و انا بهدوم البيت ادور عليهم زي المجنون و انا بقول لنفسي لأ يا اخي ده اكيد ان شاء الله هتلاقيهم ده مش ممكن يعني هو انت يا ابني كنت في محطه مصر ! هتلاقيهم اكيد
و قد كان طبعا نزلت العربيه و قلبتها و لا لقيت 2 فلاش ميموري و لا الدبله , تخيل بقي انك تتسرق منك فلاشات فيها معلومات و شغل و فييين , في التوكيل بتاع العربيه اللي بتتشمبر فيه فلوس و كلنا عارفين
ساعتها طبعا وشي قلب تماما و تحولت الي انسان غير ادمي بالمره
اول حاجه فكرت فيها اتصلت علي رقم الشكاوي و انفجرت في وشهم
وصلنا في الاخر انو قالي هنسجل شكوه حظرتك و هيترد عليها في خلال 48 ساعه !
دريت طبعا و قولتله انا مش هستني انا رايح علي هناك و فعلا ركبت عربيتي و سايق زي المجنون و علي ابو رواش تاني
واحد كلمني و انا في الطريق من الشكاوي بيقولي حضرتك اتصلت و اشتكيت من كذا كذا قولتله اه قالي طيب !
قولتله طيب ايه ؟ قالي هيترد عليها في خلال 48 ساعه (تقريبا هيتصلوا بيا تاني يحلفوا انها هيترد عليها في خلال 48 ساعه ) قولتله انا مش هستني و انا رايح التوكيل قالي خلاص اوك اوصل و ادخل للمدير
المهم وصلت التوكيل و دخلت و قابلت المهندس ياسر مدير الاستقبال
و مش هقول اللي حصل عشان تقريبا المنتدي كله عارف الدنيا هناك ماشيه ازاي و اللي عايز يعرف يقرأ الموضوع بتاع ابو مارو هنا في المنتدي
الخلاص وقفت و اتكلمت معاه قالي انو في غايه الخجل !
قولتله طب ايه العمل ؟
قالي طب ثواني
قعد يلف و يروح و يجي و اختفي شويه و انا قاعد في مكاني في الاستقبال
شويه و جالي قالي انا في غايه الخجل !!!!!!
قولتله من الاخر انا عارف اني كده كده انتو بتمضوا العميل علي ورق انو مسؤل عن اي حاجه في العربيه
بس دي مش اي حاجه دي حاجه مش سهله كده تعدي
قالي انا دخلت و فتشت الورشه كلها (اقسم بالله العظيم 3 انا متأكد انو مامدش ايده و فتش حد)
جاب شويه عمال معاه في محاولات انو يقنعني انها وقعت !!!!!!!!!!!!!!!!!!!!!!!!!!!!!!!!!!!!!!!!
يعني نطت من الدرج و هو مقفول !!!!!!!!!!!!!!!!!!
طب الريموت كمان فتح الدرج و نط ؟؟؟؟؟؟؟؟؟؟؟؟؟؟؟؟؟؟؟؟؟؟؟
بلاش الفلوس الفضه دابت ؟؟؟؟؟؟؟؟؟؟؟؟؟؟
هو كان ناقص يقولي ما يمكن الفلاشات سرقت الفضه و هربت !
فضل يدور و قلب العربيه في محاولات انو يلاقي حاجه
و طبعا لم يجد شئ لانهم مع الحرامي !
اكيد كلكوا دلوقتي عارفين قالي ايه :D:D:D:D
مظبوووووووووووط قالي انو في غايه الخجل :D:D:D:D:D
طبعا دي مكانتش اول مره اتسرق هناك
دي تاني مره
اول مره في صيانه ال 5000 و جت في اريال العربيه
النهايه خرجت من هناك و انا في غايه الخجل انا كمان :D
كلمت بتوع الشكاوي و حكيتلهم المنظر و اللي حصل هناك
ردوا عليا الناس بأحترام و قالوا انهم مقدرين جدا المشكله و مانسيوش طبعا انهم يأكدوا علي ال 48 ساعه (سياسه الحفظ) و انهم حاجه من 2 يا هيجيبولي حاجتي يا هيبقي في كلام تاني
من بعد المكالمه دي قررت اني مش هسكت و لازم ارجع اللي اتسرق مني
قررت اني اكتب الموضوع ده عشان نعمل حصر للناس اللي اتسرقت خلال الصيانه في غبور و نبتدي ناخد خطوات ايجابيه شويه و مينفعش نسيب حقنا

اللي اتسرق و شايف انو مينفعش يسيب حقه ياريت لو يسيب كومنت ايه اللي اتسرق منه و امتي
انا مجهز حمله محترمه بس طبعا لازم نتفق كلنا عليها و مش هقولها الا لما اشوف الكومنتات

[party_0000]

مفيش فايده غبور ده توكيل زباله

[medomoselhy]

بارتي سيبك من مصيبتي انا
طب انا و ان شاء الله ربنا هيكرمني انا واثق فيه و هجيب حقي و ما تنساش اننا بفضل الله سقطنا نظام البلد كله , غبور بقي هما اللي هيسدوا ؟؟؟؟
المشكله لو الموضوع ده حصل واكيد حصل لوالدي و والدك و اختي و اختك تفتكر هيعملوا ايه ؟؟
انا النهرده حسيت اني في وسط عصااااااااااااابه
انا ان شاء الله بدأت اكتب في الشكوي لكوريا و دي اول خطوه و هنلم توقيعات الناس كلها اللي اتسرقت

حسبي الله و نعم الوكيل

[Ashraf_Ibrahim]

ان تمن حقك تشتكي طبعا
بس معلش يا استاذ ميدو انت غلطان برده !
انت من حقك تسيب حاجتك في عربيتك ولكن لما تبقا سايب فيها حاجة خليك جنبها في الصيانة
وانت عارف ان التوكيل مش امان
ازاي تسيب حجات زي دي في العربية كدة!
ربنا يعوض عليك بس الخطأ مشترك بينك وبين التوكيل المهمل فعلا !!

[medomoselhy]

ان تمن حقك تشتكي طبعا
بس معلش يا استاذ ميدو انت غلطان برده !
انت من حقك تسيب حاجتك في عربيتك ولكن لما تبقا سايب فيها حاجة خليك جنبها في الصيانة
وانت عارف ان التوكيل مش امان
ازاي تسيب حجات زي دي في العربية كدة!
ربنا يعوض عليك بس الخطأ مشترك بينك وبين التوكيل المهمل فعلا !!

شكرا ليك يا اشرف علي التعليق
و انا متفق معاك تماما ان في نسبه خطأ عليا دي حقيقه و ده انا قولته هناك علي فكره
بس اللي انا بتكلم فيه حاجه , هل معني اني نسيت ان عمال غبور يسرقوني و لا حتي المدير نفسه جابلي حقي ؟
تصدق بالله
انا مدير الاستقبال اقسم بالله العلي العظيم كان عايز يديني اريال بتاع واحد نسيه من اسبوع بدل الاريال بتاعي اللي اتسرق من سنه ! بس الحمد لله رب العالمين انا مباخدش حاجه مش بتاعتي
احكم انت بقي

[bentrewsha]

لا زلت اصر -انه- لابد ان يقف صاحب السياره بجانبها اثناء الصيانه
كلمه ثقه- وامان -والكلام ده ---------------------انسى
حسبى الله ونعم الوكيل

[medomoselhy]

لا زلت اصر -انه- لابد ان يقف صاحب السياره بجانبها اثناء الصيانه
كلمه ثقه- وامان -والكلام ده ---------------------انسى
حسبى الله ونعم الوكيل

علي فكره انا حاولت كذا مره و اعتقد ان كل الناس عارفه انه ممنوع
ده انا لما جيت ادخل للمدير جمب الورشه بتاع الامن واقف علي باب الورشه خد رقم بطاقتي

[HANGMAN]

ياسيدي الفاضل
اذا كانوا بيسرقوا في صالون العربية اية يضمنلي انة مايسرقش بطارية العربية او يبدلها بوحدها مستعملة او يسرق كوريك ومفك عجل السرقة سرقة لو توكيل عارف ان في سرقة يركب كاميرات مرقبة ويشوف كل عامل اشتغال في اني عربية بدل مايحمل العميل المسؤلية كاملة بس نقول اية في ناس ميملاش عينهم غير التراب

[harizy]

بص يا برنس إنت ممكن تعمل محضر فى البوليس عن الموضوع ده هو أى نعم ممكن ميوصلكش لحاجة بس بصفة عامة العيار اللى ميصبش يدوش خصوصاً لو كان معاك كذا حالة مماثلة كده يبقى الموضوع فى الجون.

وبالنسبة للإقرار اللى انت وقعته بأنك مسئول عن أى حاجة فى العربية فده ملوش أى قيمة لأن إنت مش بجانب العربية وقت الصيانة، وبعدين لو فرضنا إن ده له قيمة قانونية فده يدين التوكيل مش إنت لأنك مكتبتش إن العربية فاضية ومفيهاش حاجة فاهم قصدى، وبعدين حملة محترمة على الفيس بوك وربنا يوفقك بس نصيحتى متسكتش البلد بتغيير وإحنا كمان لازم نغير ونتغير

[medomoselhy]

ياسيدي الفاضل
اذا كانوا بيسرقوا في صالون العربية اية يضمنلي انة مايسرقش بطارية العربية او يبدلها بوحدها مستعملة او يسرق كوريك ومفك عجل السرقة سرقة لو توكيل عارف ان في سرقة يركب كاميرات مرقبة ويشوف كل عامل اشتغال في اني عربية بدل مايحمل العميل المسؤلية كاملة بس نقول اية في ناس ميملاش عينهم غير التراب

انت جبت من الاخر
شكرا علي التعليق

[medomoselhy]

بص يا برنس إنت ممكن تعمل محضر فى البوليس عن الموضوع ده هو أى نعم ممكن ميوصلكش لحاجة بس بصفة عامة العيار اللى ميصبش يدوش خصوصاً لو كان معاك كذا حالة مماثلة كده يبقى الموضوع فى الجون.

وبالنسبة للإقرار اللى انت وقعته بأنك مسئول عن أى حاجة فى العربية فده ملوش أى قيمة لأن إنت مش بجانب العربية وقت الصيانة، وبعدين لو فرضنا إن ده له قيمة قانونية فده يدين التوكيل مش إنت لأنك مكتبتش إن العربية فاضية ومفيهاش حاجة فاهم قصدى، وبعدين حملة محترمة على الفيس بوك وربنا يوفقك بس نصيحتى متسكتش البلد بتغيير وإحنا كمان لازم نغير ونتغير

كلام جميل جدا
هي المشكله اني مارضيتش اعمل محضر عشان حاجتين
1- انا عارف انه حوار فشنك
2- دي خطوه تانيه انا حاطتها في حساباتي بعد ال 48 ساعه بس مش محضر ;)

[kan]

انا معاك في اي قرار تصعيدي على التوكيل
انا الحمد لله متسقرش مني حاجه بس بشتكي من المعامله و سوء الصيانه

[medododo]

طبعا موقف زبالة
الله يعينك
ده انا ايام العربية القديمة كنت بصلحها عند واحد في شبرا وتبات عنده باليومين
واكتشف انه لألي حاجات ضايعة مني
صحيح الامانة ملهاش دعوة بوكيل أو مكيانيكي على أد حاله

[medomoselhy]

KAN
احب اقولك اني بدأت اكتب الشكوي اللي هتتبعت ان شاء الله كوريا و مش هتكون انجليزي بس ان شاء الله هتبقي انجليزي و كوري
اهم حاجه بس اي حد عنده اي مشكله ياريت يبعتلي الميل بتاعه عشان احطه في الميل اللي هيتبعت كوريا و يبقوا عارفين مين معايا في نفس الكلام
ان شاء الله هحط الكلام اللي هيتبعت هنا عشان ناخد موافقه الناس كلها
شكرا علي التعليق

Medododo

عندك حق فعلا بس المنظر اللي شوفته كان وحش فعلا , المشكله عندي مش في قيمه الحاجه اللي اتسرقت المشكله في اللي كان عليها , اكتر من نص شغلي عليها
الحمد لله
شكرا علي التعليق

[medododo]

kan
احب اقولك اني بدأت اكتب الشكوي اللي هتتبعت ان شاء الله كوريا و مش هتكون انجليزي بس ان شاء الله هتبقي انجليزي و كوري
اهم حاجه بس اي حد عنده اي مشكله ياريت يبعتلي الميل بتاعه عشان احطه في الميل اللي هيتبعت كوريا و يبقوا عارفين مين معايا في نفس الكلام
ان شاء الله هحط الكلام اللي هيتبعت هنا عشان ناخد موافقه الناس كلها
شكرا علي التعليق

medododo

عندك حق فعلا بس المنظر اللي شوفته كان وحش فعلا , المشكله عندي مش في قيمه الحاجه اللي اتسرقت المشكله في اللي كان عليها , اكتر من نص شغلي عليها
الحمد لله
شكرا علي التعليق

العفو على ايه يا غالي وانا دمي محروق ذيك بالظبط عشان طبيعة شغلي برضه كده فلاش ميموري ومن غيرها اتعب جدا والشغل يتعطل أكون واخد عليها داتا مهمة واحيانا تبوظ ومتفتحش في الجهاز التاني وميكنش معايا باك أب مابالك لو اتسرقت الله يعوض عليك ويصبرك ويرجعلك حئك بحق يوم الجمعة المبارك