استفسارات عن الالنترا 2011 اوتوماتيك

[ASKAFRAWY]

السلام عليكم ورحمة الله وبركاته
كان ليا كام استفسار بخصوص الالنترا 2011 الشكل الحالى لانى مقبل على صيانة ال5000 وحبيت استفسر منكم قبل ما اروح عن بعض الاستفسارات فى العربية:
1- بعد سرعة 120 كم فيه صوت هواء من الباب الجمبى وبيكون مش صوت صفارة لكن زى صوت تنفيس للهواء بين الباب وقايم السيارة وبيكون بسيط بس ملحوظ جدا

فهل كدة دى مشكلة كاوتش الباب ولا دة صوت طبيعى فى الالنترا

2- فى حالة مثلا التسارع لو حبيت مثلا اعدى عربية فهل الصح انى اكبس على دواسة البنزين لاخرها مع ان الاستجابة مش بتكون سريعة اوى ولا انقل من d الى 3 والعربية ماشية

3- صوت الكلاكس وكنت عملت موضوع عنه هل اركب نوع تانى ولا اركب فردة تانية لنفس الكلاكس لانه صوته واطى جدا

4-تغيير نوع الزيت من شيل لكاستول هل فيه منه اى مشاكل يعنى اعمل صيانة ال5000 واغير الزيت والفلتر برة التوكيل ولا استمر بشل هيلوكس الاصفر

5- الفوجات هل اركب فى التوكيل ولا استنى لحد فترة الضمان ماتنتهى واركب فوجات زينون برة

[M.Mostafa80]

السلام عليكم ورحمة الله وبركاته
كان ليا كام استفسار بخصوص الالنترا 2011 الشكل الحالى لانى مقبل على صيانة ال5000 وحبيت استفسر منكم قبل ما اروح عن بعض الاستفسارات فى العربية:
1- بعد سرعة 120 كم فيه صوت هواء من الباب الجمبى وبيكون مش صوت صفارة لكن زى صوت تنفيس للهواء بين الباب وقايم السيارة وبيكون بسيط بس ملحوظ جدا

فهل كدة دى مشكلة كاوتش الباب ولا دة صوت طبيعى فى الالنترا
راجعهم فى التوكيل ممكن يكون فى عيب فى كاوتش البيان او الباب فى لوحه صغيره ودا هيخليك تدخل الهياكل


2- فى حالة مثلا التسارع لو حبيت مثلا اعدى عربية فهل الصح انى اكبس على دواسة البنزين لاخرها مع ان الاستجابة مش بتكون سريعة اوى ولا انقل من d الى 3 والعربية ماشية أنزل ل 3 هتلاقى العربيه نفضت معاك نفضه غريبه


3- صوت الكلاكس وكنت عملت موضوع عنه هل اركب نوع تانى ولا اركب فردة تانية لنفس الكلاكس لانه صوته واطى جدا لو تزويد فرده مش هيخرجك من الضمان ماشى فاراجع التوكيل



4-تغيير نوع الزيت من شيل لكاستول هل فيه منه اى مشاكل يعنى اعمل صيانة ال5000 واغير الزيت والفلتر برة التوكيل ولا استمر بشل هيلوكس الاصفر
عادى ممكن تغيره بره بزيت كاسترول ايدج ودا هيبقى احسن للعربيه وبيفضل لحد 15 ألف شل الأصفر دا خمس الآف ويفضل الزيت التخليقى مع المواتير الجديده انا بحط شل الترا ودا لأن العربيه اتعودت عليه خلاص اللى معايا موديل 2006


5- الفوجات هل اركب فى التوكيل ولا استنى لحد فترة الضمان ماتنتهى واركب فوجات زينون برة
برده هقولك حسب ما التوكيل يقولك بس فى الغالب فرع الأسكندريه عندكم متساهل وبعدين المفروض انهم بيجو بالدفيره بتاعتهم وبمفتاحهم لو هتجيب الأصلى \

[ASKAFRAWY]

تسلم ايدك يامحمد باشا....بس بالنسبة للنقل من ال d ل 3 هل فيه مشكلة على الجير بوكس وهل بنقل وانا على سرعتى عادى ولا ايه

[HOSSAM99]

و عليكم السلام و رحمة الله
بالنسبه للصوت أنا مبسمعهوش أبدا حاول تخليهم يظبطوه في المركز و هايبقي حاجه بسيطه
بالنسبه للنقله ال3 من الd فده شئ عادي جدا و لو كان فيه ضرر كان يبقي فيه تحذير في الكتالوج من ده لكن هي إستخدامها مختلف شويه عن أن الواحد يسقط بيها نقله و هي بتستخدم لتحديد السرعه يعني علشان متعديش سرعه معينه
و لو دست كيك داون للأخر و علي سرعه متوسطه هاتنزل من 4 للـ 3 بدون فتيس و العربيه هاتشد معاك
و مفيش أي ضرر من أستخدام أي غيار في الفتيس
أما الكلاكس فممكن تركب فرده تاني أفضل من أنك تغير الكلاكس الأصلي (رأيي أنا )
و ممكن تغير أي زيت أنت مرتاح له في أي وقت و خارج التوكيل
و الفوجات لو محتاجهم أوي هاتهم الأصلي و الدراع الأصلي و مش هايخدوا بالهم منه في التوكيل و خلي حد فاهم يركبهم

و بالتوفيق

[M.Mostafa80]

لا خالص مفيش مشاكل منها يأحمد بيه

[tarekabosdera]

انت عندك خيارين في الكيك داون بتاع الجير بوكس .
اما انك تجيب d3 من عصاية الفتيس . وده بيفضل في المطالع او في الطرق الزارعية ذات الاتجاه الواحد بسبب تكرار الحاجة لعملية تجاوز سيارة

او انك تزود بنزين مش للآخر طبعا . لانك لو جبت الدواسة للآخر هتسقط نقلتين مش نقلة واحدة وده هيرفع عدد لفات المحرك بشكل كبير . وده مش كويس
انما تزود سنة سنة لحد ما هتلاقي في استجابة سريعة وسقطت نقلة واحدة . وده أغلب استخدامه لما تكون عايز تتجاوز عربية واحدة وخلاص . بحيث الجير بوكس هينقل بعدها بثواني للنقلة الرابعة .

[ASKAFRAWY]

و عليكم السلام و رحمة الله
بالنسبه للصوت أنا مبسمعهوش أبدا حاول تخليهم يظبطوه في المركز و هايبقي حاجه بسيطه
بالنسبه للنقله ال3 من الd فده شئ عادي جدا و لو كان فيه ضرر كان يبقي فيه تحذير في الكتالوج من ده لكن هي إستخدامها مختلف شويه عن أن الواحد يسقط بيها نقله و هي بتستخدم لتحديد السرعه يعني علشان متعديش سرعه معينه
و لو دست كيك داون للأخر و علي سرعه متوسطه هاتنزل من 4 للـ 3 بدون فتيس و العربيه هاتشد معاك
و مفيش أي ضرر من أستخدام أي غيار في الفتيس
أما الكلاكس فممكن تركب فرده تاني أفضل من أنك تغير الكلاكس الأصلي (رأيي أنا )
و ممكن تغير أي زيت أنت مرتاح له في أي وقت و خارج التوكيل
و الفوجات لو محتاجهم أوي هاتهم الأصلي و الدراع الأصلي و مش هايخدوا بالهم منه في التوكيل و خلي حد فاهم يركبهم

و بالتوفيق

حسام باشا متشكر جدا لردك بس ليا بس استفسار_دلواتى لو مثلا طريق اتجاهين وعربية جاية فى وشك فبتحتاج تقرص عشان تعدى فى الحالة دى ايه الانسب انى اضغط دواسة البنزين على الاخر ولا انقل من d ل 3

حاجة كمان مين كهربائى محترم حتى لو فى القاهرة انا معنديش مشكلة انى اجيله مخصوص بس يكون شغله نضيف وتكلفتهم تقريبا كام الاصلى

[ASKAFRAWY]

انت عندك خيارين في الكيك داون بتاع الجير بوكس .
اما انك تجيب d3 من عصاية الفتيس . وده بيفضل في المطالع او في الطرق الزارعية ذات الاتجاه الواحد بسبب تكرار الحاجة لعملية تجاوز سيارة

او انك تزود بنزين مش للآخر طبعا . لانك لو جبت الدواسة للآخر هتسقط نقلتين مش نقلة واحدة وده هيرفع عدد لفات المحرك بشكل كبير . وده مش كويس
انما تزود سنة سنة لحد ما هتلاقي في استجابة سريعة وسقطت نقلة واحدة . وده أغلب استخدامه لما تكون عايز تتجاوز عربية واحدة وخلاص . بحيث الجير بوكس هينقل بعدها بثواني للنقلة الرابعة .

شكرا يا طارق باشا اعتقد الطريقة الاولى استجابتها اسرع خصوصا فى السفر لانى حاولت مع الكيك دوان فعلا استجابته بطيئة اوى اوى

[HOSSAM99]

حسام باشا متشكر جدا لردك بس ليا بس استفسار_دلواتى لو مثلا طريق اتجاهين وعربية جاية فى وشك فبتحتاج تقرص عشان تعدى فى الحالة دى ايه الانسب انى اضغط دواسة البنزين على الاخر ولا انقل من d ل 3

حاجة كمان مين كهربائى محترم حتى لو فى القاهرة انا معنديش مشكلة انى اجيله مخصوص بس يكون شغله نضيف وتكلفتهم تقريبا كام الاصلى

لا شكر علي واجب يا فندم
الأنسب في التجاوز إنك تجيب الفتيس يمين علي الـ3 و تدوس بنزين (لكن بلاش التجاوز و فيه عربيات في الأتجاه المعاكس)

أما كهربائي في القاهره أنا للأسف معرفش حد لأن ماليش تعامل معاهم مباشر
و الكلاكس أسعاره تتراوح من 50ج للصيني و التايواني إلي 150 للكوري
و يا ريت تركب الفردتين علشان النغمه تبقي موحده و ميطلعش صوت غريب و تحتفظ بالأصلي
و علي فكره الموضوع مش محتاج تيجي القاهره و أي صنايعي يركبهم بسهوله