هيونداى اكسنت rb

[mahmoudsaleh]

انا معايا هيونداى rb بقالها معايا شهرين وعاملة حوالى 3000 كم و من ساعة ما اشترتها كلها مشاكل
اول مشكله و هي فى اول اسبوع شميت ريحة بنزين و رحت التوكيل قالوا دة خرطوم عايز يتغر ومش موجود و ركبوا بدالة خرطوم ماتركس بعد ما عملوا فية تعديل , و تانى مره رحت علشان الريموت مش شغال وكودوة تانى , و بعد كدة رحت على صوت سمعته تحت العربية و بدا يعلى و حت علشان الصوت دة 6 مرات مرة قالوا دة تشحيم ومرة مواسير التكيف بتخبط فى الصاج و مرة طقم دبرياج ولسة الصوت موجود .
استفسار حد حصل معاة المشاكل دى و هل دة عادى فى العربية دى .
ياريت الرد و المشاركة

[Hacker5]

ربنا معاك مش عارف اقولك ايه

[virus2007]

واضح انك وقعت فى عربية فيها عيوب ... هى بتحصل بصراحة لان مش كل العربيات بتنزل سليمة ...

كدة لازم تفضل وراهم واى حاجة تشوفها تغيرها طول منتا فى الضمان ومتسبش حقك نهائى

ربنا معاك بجد

[party_0000]

حاجه تعكنن بصراحه الواحد يدفع دم قلبه في عربيه جديده والتوكيل زباله يلبس الناس وياريت حتى بيعرف يحل المشكله ويلخص
ربنا معاك

[mahmoudsaleh]

انا رحت عملت شكوى فى حماية المستهلك لانى بالفعل حاسس انهم مش قادرين يوصولوا لحل معايا فى التوكيل و يمكن العربية جديد عليهم و مش عارفين يصلحوها و لما رحت حماية المستهلك لقيت فى واحد عندة نفس المشكلة و قالى انه خايف يسوق العربية من الصوت دة و عمل محضر اثبات حالة فى قسم الشرطة و حماية المستهلك قالت موقفنا قوى خصوصا ان العربيات لسة جديدة و مركز الخدمة استنفذ حلولة لما نشوف النتيجة .
رجاء المشاركة لاى عضو معاةrb

[virus2007]

ربنا معاك بجد ويا ريت تقلنا النتيجة والخطوات واحنا متابعين معاك :)

[ahmed255741]

هو توكيل غبور زباله بصراحة انا عملت صيانتين للالنترا وحرمت
وبصراحة شديدة كنت بروح اعمل الصيانه العادية وبكون خايف يبوظوا حاجة لدرجة اني لو شاكك ف حاجة مابقلش عليها عشان مايلعبوش ف حاجة
شفتوا وصلنا لفين والخيبة بتاعة غبوووووور
المفروض نعمل شكوي جماعية ضد غبور ونصعد الموضوع للشركة الام

[dramir1]

انا معايا تاني فئه اتوماتيك بس الحمد لله شغاله كويس مش مضايقني فيها غير اني لماكنت بركب حد ورا كانت العربيه بتدب فروحت التوكيل وغيرولي المساعدين الخلفيه ولسا هجربها لما اركب حد لكن الدب قل نوعا ما لما بكون لوحدي...وكان في حرارة بسيطه تحت فرامل اليد ..فكو الكونسله وزودوا لباد لعزل الحراره والحمد لله بقت كويسه انا عامل بعربيتي 2000 كم ومعايا من شهرين .
ربنا يكرمك ويعملولك المطلوب ...هو حضرتك بتروح فرع ايه ؟؟ .....ممكن تروح فرع قليوب وتسأل عن المهندس هاني ميخائيل enghany هو عضو معانا في المنتدي وهو راجل محترم جدا

ممكن توصفلنا الصوت بيكون ازاي؟؟؟؟

[mahmoudsaleh]

الصوت عبارة عن طقة جمدة جدا صود حديد فى حديد انا بروح فرع ابو رواش رحت هناك 9 مرات ( مرة علشان الريموت و مرة علشان dvd ,مرة علشان تسريب البنزين و 6 مرات علشان الصوت ) كل دة والعربية مكملتش معايا شهرين
نا عندى مقابلة فى حماية المستهلك الاسبوع الجاى اللى عايز يشارك معايا رقم تليفونى 0145442981

[raedegypt]

اشتريتها من الوكيل ولا معارض فرز ثالث به عيوب يباع بسعر الوكيل ويشفطوا الفرق فى جيبهم . اصلى بص يا اخى مش انت الوحيد ال معاك العربيه دة فهى اكيد بها عيوب ولبستها

[party_0000]

قابي معاكوا والله يرجاله
كل ده والعربيات لسه جديده !!!!
ياكشي يولع غبور

[mahmoudsaleh]

اشتريتها من الوكيل ولا معارض فرز ثالث به عيوب يباع بسعر الوكيل ويشفطوا الفرق فى جيبهم . اصلى بص يا اخى مش انت الوحيد ال معاك العربيه دة فهى اكيد بها عيوب ولبستها

انا اشترتها من موزع معتمد هيونداى

[mahmoudsaleh]

يا جماعة اللى عندة مشاكل فى اكسنت rb ياريت يتاوصل معانا احنا بقينا 3 و ريحين حماية المستهلك الاسبوع الجاى

[medo_samy]

ربنا معاكم يا جماعة انا الحمد لله معايا اربى اوتوماتك من 4 شهور وعاملة 5000 كيلو والحمد لله كويسة معايا مفيش غير ان التكييف لما بيكون عالى السحب بيضعف بس عادى ان مش من النوع الى بيجرى جامد بياخد غررز ربنا يسترها معانا يارب

[Screenplays]

و الله الواحد قلق من العربيه دي و المفروض نبعت رساله للشركه الام و نحكي فيها عن المهازل اللي بتحصل من تحت راس التوكيل ده