عايز توضيحات عن الفيرنا لو سمحتم

[ezzeldin1234]

مساء الخير على كل حبايبى الفيرناويه
معايا فيرنا فول اوبشن مانوال 2011 عامله لحد دلوقتى 3000 كيلو وعايز اسال على حاجه
هو صوت الشكمان هيفضل خشن كده لحد امتى انا كل ما اسال يقولولى لما المسامات اللى فيه تتسد بس بصراحه ده صوت مزعج جدا فهل حد يعرف هيختفى بعد كام كيلو استخدام تقريبا وهل كل الشكمانات كده حتى المستورد الغالى ولا ده عشان شكمان فيرنا مصرى

حاجه تانيه كمان عايز اتاكد منها ليه ساعات بحس لما برجع مرشدير ان العربيه بتسقف وساعات مبسمعش التسقيف ده هل ده من رجلى ولا ده حاجه فى العربيه عايزه تتظبط

اخر حاجه بئى معلش استحملونى فيها انا اعرف ان المفروض اشبع الغيار كويس يعنى منقلش الغيار الا لما ال ار بى ام يجى عند 2500 لفه لانى لو نقلت قبل كده عشان اريح المكنه ده بيكون حمل على المكنه وبالتالى تستهلك بنزين اكتر عل كده انا فاهم صح ولا تشبيع الغيار هو اللى يخلى المكنه تستهلك بنزين ارجوكى حد يفيدنى بشكل نهائى فى النقطه دى بالزات لانها اكتر حاجه مجننانى فى العربيه لان عربيتى بتعمل داخل البلد 160 كيلو فى الصفيحه وانا شايف ان ده استعلاك عالى جدا جدا جدا بس انا كنت بريح الغيار لانى محبش صوت الموتور يعلى فواحد زميل هنا فى المنتدى قالى ان ترييح الغيار بيحمل على الموتور وبالتالى تستهلك بنزين اكتر فايه الصح ؟

وشكرا

[jos]

مساء الخير على كل حبايبى الفيرناويه
معايا فيرنا فول اوبشن مانوال 2011 عامله لحد دلوقتى 3000 كيلو وعايز اسال على حاجه
هو صوت الشكمان هيفضل خشن كده لحد امتى انا كل ما اسال يقولولى لما المسامات اللى فيه تتسد بس بصراحه ده صوت مزعج جدا فهل حد يعرف هيختفى بعد كام كيلو استخدام تقريبا وهل كل الشكمانات كده حتى المستورد الغالى ولا ده عشان شكمان فيرنا مصرى

حاجه تانيه كمان عايز اتاكد منها ليه ساعات بحس لما برجع مرشدير ان العربيه بتسقف وساعات مبسمعش التسقيف ده هل ده من رجلى ولا ده حاجه فى العربيه عايزه تتظبط

اخر حاجه بئى معلش استحملونى فيها انا اعرف ان المفروض اشبع الغيار كويس يعنى منقلش الغيار الا لما ال ار بى ام يجى عند 2500 لفه لانى لو نقلت قبل كده عشان اريح المكنه ده بيكون حمل على المكنه وبالتالى تستهلك بنزين اكتر عل كده انا فاهم صح ولا تشبيع الغيار هو اللى يخلى المكنه تستهلك بنزين ارجوكى حد يفيدنى بشكل نهائى فى النقطه دى بالزات لانها اكتر حاجه مجننانى فى العربيه لان عربيتى بتعمل داخل البلد 160 كيلو فى الصفيحه وانا شايف ان ده استعلاك عالى جدا جدا جدا بس انا كنت بريح الغيار لانى محبش صوت الموتور يعلى فواحد زميل هنا فى المنتدى قالى ان ترييح الغيار بيحمل على الموتور وبالتالى تستهلك بنزين اكتر فايه الصح ؟

وشكرا

صوت الشكمان هينعم متقلقش وتاخير نعومه صوته مرتبط باللى قلته بعد كده انك مبتخليش صوت الموتور يعلى وبالتالى تدفق عادم ااقل
التسقيف فى الفيرنا معتاد اما فى المرشيدير او فى الطلعه او التسارع المفاجىء وده غالبا من نوع البنزين اللى معظمه وحش اضافه الا ان دواسه البنزين فى الفيرنا الزيرو بالذات حساسه جدا عاوزه وقت على ما رجلك تاخد خصوصا لو كنت بتسوق قبلها عربيه ااقل نعومه
تشبيع الغيار انك تنقل على اقصى سرعه يعنى الاولانى على 40 ةالتانى على 60 وةالتالت على 80 او على اربى ام اربعه فيما فوق وده يستهلك بنزين اكتر بس بيفتح البساتم فا المفروض يتعمل على فترات مش علطول اما النقل على 2500 فده المثالى لراحه الموتور واستهلاك البنزين

[ezzeldin1234]

شكرا لردك الوافى

[ezzeldin1234]

متابع ردود تانيه للاعضاء بخصوص حتة استهلاك البنزين

[Ahmed R08]

متابع ردود تانيه للاعضاء بخصوص حتة استهلاك البنزين

انا كان معايا فيرنا لمدة 5 سنين
بالنسبه للزنه اللى فى صةت الشكمان فهى للأسف مراحتش خالص من اول يوم جبت فيه العربيه ولكنها اختفت تماما فى السنه الرابعه لما غيرت السوسته اللى ادام فى الشكمان انا كنت غيرتها عشان كان صوتها فجأة بقى عالى جدا وقالولى محتاجه تتغير ولكن فوجئت ان صوت الزنه كمان راح وكنت مبسوط جدا وحسيت ان سحب العربيه اتحسن

اعتقد التسقيف بيتوقف على نوع البنزين انا كنت بحط 92 على طول ولما حطيت 90 كانت بتسقف فى الاول والمرشدير وثانيا بتعتمد على ظبطه رجلك على البنزين والدبرياش بس متقلقش ان شاء الله تتعود عليها

استهلاك البنزين بجد هيتحسن كتير عن الاول كل ما تمشى بالعربيه اكتر وانصحك بالنقل عند الار بى ام 3 فى حالات القياده العاديه لا قبل كدة ولا بعد كدة انا مش فاكر الاستهلاك كان كام بالظبط بس كنت بسافر للقاهره من دمياط بحوالى 23 لتر وهى تقريبا مسافه 300 كيلو متر طريق صحراوى

[ezzeldin1234]

شكرا لحضرتك جدا وانت لفت نظرى لموضوع السوسته بتاعت الشكمان ده هبئى ابص عليها لان انا من اكتر الحاجات اللى بتضايقنى فعلا صوت العربيه العالى طب عندى سؤال تضويحى لو سمحت هى الزنه اللى كانت عندك كانت بتظهر فى اى سرعه يعنى حتى وانت ماشى ع الهادى كده ولا لما تشد بالعربيه ؟

[ahmedsamir5edr]

احسن rpm للنقل 3 او 3.5 كده .. وسط بين الراحه و الاداء

[ezzeldin1234]

احسن rpm للنقل 3 او 3.5 كده .. وسط بين الراحه و الاداء

بس انا اعرف ان الكاما التانيه بتفتح بعد 2.5 وده معناه ان انا لو مشيت على النقل عند ار بى ام 3 او 3.5 ان الكاما التانيه هتفتح معايا كتير وبالتالى استهلاك البنزين هيزيد ؟ ولا انا فاهم غلط