فوران رهيب وكبس فى اربة المياه والرادياتير

[abosama442007]

مشكلة هتجنني با جماعة
هيونداى اكسنت 1500 انجيكشن بعد ما ابطل السيارة يبدأ فوران رهيب وكبس فى اربة المياه والرادياتير
مع العلم انني غيرت
1- الرادياتير
2- وش السلندر نفسه
3- خراطيم الداخل والخارج للرادياتير
4- الجوانات
5- غطاء الرادياتير اصلي من التوكيل
6- ترموستات النحلة ( داخل الكوعة )
ياريت با جماعة من فضلكم لو في حد يقدر يفيدني لان انا خلاص مش ناقص غير اني اغير الموتور نفسه

[jos]

مشكلة هتجنني با جماعة
هيونداى اكسنت 1500 انجيكشن بعد ما ابطل السيارة يبدأ فوران رهيب وكبس فى اربة المياه والرادياتير
مع العلم انني غيرت
1- الرادياتير
2- وش السلندر نفسه
3- خراطيم الداخل والخارج للرادياتير
4- الجوانات
5- غطاء الرادياتير اصلي من التوكيل
6- ترموستات النحلة ( داخل الكوعة )
ياريت با جماعة من فضلكم لو في حد يقدر يفيدني لان انا خلاص مش ناقص غير اني اغير الموتور نفسه

انا كان معيا الاكسنت 1500 ومبدئيا دى مشكله مشهوره فى العربيه دى كل اللى عملته اسباب محتمله بس هقولك على حاجه عملتها روح لبتاع رادياتير عنده ترمومتر و سخن العربيه وشوف المروحه بتشتغل على درجه حراره كام فى ساعه حراره هيا اللى بتدى اشاره للمروحه تشتغل ساعات بتبقى مرمسه المفروض المروحه تشتغل على درجه 70 كمان اتاكد ان مروحه الردياتير شغاله بكافاءه
حاجه كمان سربنتينه التكييف لازم تبقى نضيفه وكويسه لانها بتكتم الرياتير
واى سؤال فى العربيه دى بالذات انا تحت امرك عشان انا كان معيا موديل 99 الفلته لمده 12سنه

[abosama442007]

شكرا جا لاهتمامك مستر jos

بس انا عايز اسالك هل الموضوع ده حصل معاك ولا دة اقتراح من حضرتك

[HOSSAM99]

السلام عليكم
هو لو فوران و الموتور شغال يبقي تهريب كبس و ده بيبقي من جوان وش السيلندر أو الوش نفسه لكن و العربيه مبطله فقط يبقي ده غليان ميه مش فوران و بيبقي بسبب إن المراوح مبتشتغلش في توقيتها الصح بسبب ثرموستات المراوح بتدي الأمر علي درجة حراره عاليه
و افرق بين الفوران و الغليان إن الفوران الميه بتفور من الرياداتير و تنطر منه
أما الغليان فهي بتقلب بس في الرياداتير
إن شاء الله المشكله تتحل و يا ريت تشوف و حضرتك مدور و دوس بنزين و شوف الموضوع بيزيد مع زيادة لفات الموتور و لا لأ

[jos]

بس انا عايز اسالك هل الموضوع ده حصل معاك ولا دة اقتراح من حضرتك

بقلك العربيه قعدت معايا 12 سنه تقولى اقتراح!!!! انا بكلمك عن تجربه ودى مشكله معروفه فى الاكسنت القديم