النترا الشيب الجديد (وكيل) فى المصرية ب 143 الف بس والفرامل اللى ورا طبل مش سكاكين

[memo823000]

النترا الشيب الجديد (وكيل) فى المصرية داندى مول الصحراوى ب 143 الف بس

والمواصفات
abs والفرامل اللى ورا طبل مش سكاكين وموحشه شكلها جدا جدا (يعنى ايه عربيه ب 143 الف ومتبقاش كلها سكاكسن دى تهريج)
جنط 16
من غير فتحة سقف (مش زى السيراتو)
فرش قماش (مش جلد زى السيراتو)
والبيبان قدام وورا فيها قماش (مش جلد زى السيراتو) والبلاستيك جوده متوسطه (يعنى جودة الخامات الداخليه للمازدا افضل بس مش بكتير)
فوانيس شبورة
تكييف تاتش
الكاسيت السى دى الاصلى
طارة مالتى فانكشن
طبعا مفتاح عادى ولا ستارت ستوب ولا بصمه ولا الحركات دى زى السيراتو
مرايات كهرباء بس ضم مانيوال وليس ضم كهربائى (زى السيراتو)
حساسات ركن خلفيه
بصراحه ماختش بالى من الايرباج

طبعا الشكل الخارجى وهم الوهم والتقفيل الداخلى ممتاز والصاج ماشاء الله اتقل من السيراتو ومن الالنترا القديمه
وانا شايف ان هيونداى مع موديل الالنترا الجديد بجد عدت الكرولا وبتقترب من الجيتا والفلونس والفانتازيا
انا ركبت العربيه من ورا وقدام وحبتها جدا جدا لاكن استهبال الوكيل فى الخامات والكماليات والسعر خلانى اتنرفز جدا جدا
امال لو نزلت كاملة هتجيب كام 200 الف
حسبى الله ونعم الوكيل فى اى حد معندوش ضمير فى تسعير العربيات فى مصر لان دى من اهم الحاجات اللى كان المفروض الناس تحطها فى الحسبان لما الثورة قامت وهى الغااااااااااء الجمارك نهائى
وكفايه نهب بقى - يعنى مشمكفيهم نهب الغرامات والمخالفات ورسوم ترخيص العربيات والضريبه عند ترخيص العربيه
بس الحق مشعليهم - الحق علينا احنا اللى ساكتين ونستاهل اكتر من كدا
والله المستعان

[osama_ruan]

مشكور علي التقرير الجميل دة وانا معاك في كل تعليقاتك ويا خوفي احسن تعمل زي الكروز وتبلط في الخط لان سعرها عالي جدا بجد وكمان مافيهاش كل الي انت تتمناة من اوبشن علي السعر دة امال لو نزل فيها الاوتو بارك هيبعها بكام

[easy2002]

فيها ٢ ايرباج وبلوتوث وجلد للدركسيون والبدالات كروم ومفتاح ريكوت شبه بتاع الفانتازيا قابل للطي ب ١٤٧ عند الكموني وسواء المصرية او الكموني الاتنين اغلي من غبور بحوالي الف او الفين جنيه

[ahmedesmat1987]

فى حاجه لفته نظرى فى المقارنه بتاعتك انت دلوقتى بتتكلم على اول فئه فى الانترا وبتقارنها بالهاى لاين فى السيراتو عشان تكون المقارنه موضوعيه ياريت لما تنزل الهاى لاين تبقى تتكلم غير كدا مينفعش تقارن لالنترا بالسيراتو..

[lordfear]

فى حاجه لفته نظرى فى المقارنه بتاعتك انت دلوقتى بتتكلم على اول فئه فى الانترا وبتقارنها بالهاى لاين فى السيراتو عشان تكون المقارنه موضوعيه ياريت لما تنزل الهاى لاين تبقى تتكلم غير كدا مينفعش تقارن لالنترا بالسيراتو..

لأ هو الراجل هنا بيقارن سعر

و ده كده كمان ظلم للسيراتو الهاي لاين نوعا ما علشان فيه فرق ييجى 10 الاف جنية ازيد فى النيو النترا الفاضية xD

[mido]

يالله بالشفا يلبسوها.. اعتقد الخليجى هتقضى على الوكيل

[Eslam.Elrefaey]

الفئه الى انت بتتكلم عليها دى غالبا 1 ايرباج

[raedegypt]

محدش يشترى خليجى .. مافيش ضمان ... حارب الغلاء بخفض قيمه الدولار ال بستنزف من البنوك والصرافه وبنشترى بيه قمح بلدك بدل مايروح تجار السلالم ويشترى عربيات خليجى واستهبال واغراق السوق وتهديد بتسريح العمال وغلق مصانع السيارات بمصر والتوكيلات لمصلحه مين . العربيات فى مصر غليت بسبب سعر الدولار والدولار غلى بسبب من هب ودب يسحبه لشراء سيارات خليجى للكسب السريع ويلبس الزباين وال رايح يجيب فانوس رمضان من الصين ياجماعه المنظومه دة محتاجه . مش ممكن فوضى والبلد هاتضيع

[aly_hosny]

محدش يشترى خليجى .. مافيش ضمان ... حارب الغلاء بخفض قيمه الدولار ال بستنزف من البنوك والصرافه وبنشترى بيه قمح بلدك بدل مايروح تجار السلالم ويشترى عربيات خليجى واستهبال واغراق السوق وتهديد بتسريح العمال وغلق مصانع السيارات بمصر والتوكيلات لمصلحه مين . العربيات فى مصر غليت بسبب سعر الدولار والدولار غلى بسبب من هب ودب يسحبه لشراء سيارات خليجى للكسب السريع ويلبس الزباين وال رايح يجيب فانوس رمضان من الصين ياجماعه المنظومه دة محتاجه . مش ممكن فوضى والبلد هاتضيع

و هما بتوع الخليجي بيكملو تمن العربية من معاهم عشان يوقعو الاقتصاد ؟؟؟؟

[medododo]

أنا قرأت التقرير
بس ممكن تحطه في قسم المقارنات
كل سطرين
مش ذي السيراتو مش ذي السيراتو
مش ذي السيراتو مش ذي السيراتو
مش ذي السيراتو مش ذي السيراتو
مش ذي السيراتو مش ذي السيراتو
مش ذي السيراتو مش ذي السيراتو

[mido]

على اساس ان بتوع التوكيل اللى اصلا بقالهم سنين محتكرين وبيرفعو الاسعار دول اصلا بيساهمه فى الاقتصاد

على راى محمود ياسين فى الجزيره
لو بعت حتة سلاح يقولو عليك مجرم, و لو بعت ألف, تبقى وزير.....

[mshmshm3]

اولا شكرا علي الموضوع بس الفرامل طبل !!! مالها الاكسنت الار بي عربية زي الفل

[MASERATI]

السلام عليكم و رحمة الله و بركاته

ما شاء الله, تقرير ممتاز جدا .

و كده, يبقى هى الأفضل و لا الفانتازيا أول فئة خاااااااااااااااااااالص اللى هى Manual على أساس أن كانوا الأخوة الأفاضل هنا فى المنتدى قالوا أنها بتعمل حوالى 158000 جنيه ؟؟؟؟؟؟؟؟؟؟؟

[wdramiz]

التوكيل فعلا بيستهبل
اللانسر 2011 حوالي 126000 جنية وياباني والمازدا في حدود هذا السعر

طيب اجيب ياباني برقبتها

ارجو من الجميع مقاطعة السيارة للمبالغة الشدية في سعر السيارة

[memo823000]

التوكيل فعلا بيستهبل
اللانسر 2011 حوالي 126000 جنية وياباني والمازدا في حدود هذا السعر

طيب اجيب ياباني برقبتها

ارجو من الجميع مقاطعة السيارة للمبالغة الشدية في سعر السيارة

على فكرة انا لاعايز اقارن بينها وبين السيراتو ولا الفانتازيا ولا عايز اقاطع
بس لازم وقفة بجد مننا
يعنى واحد معاه 80 الف ليه يركب عربية فيها 40 الف بس
وليه واحد يدفع فى عربية 150 الف فى عربيه مفيهاش غير 75 الف بس دا على اساس ان احنا هبل مشفاهمين حاجه ولا حرامية ولا ضعاف مشقادرين ندافع عن حقنا
يعنى بتوع الخليج يركب سوناتا ب 70 ولا 80 الف ريال واحنا فقط نشوفها فى الاحلام ولا على اليوتيوب
ولا واحد نازل بيها جمرك من بره والاقيها فى مصر ب 380 الف جنيه لييييييييييييييه
انا بدخل على منتدى محبى الكورى بتعقد لما الاقى السعوديين زعلانين ان الالنترا الجديده نازله من 60 ل 70 الف ريال وكمان 1800 سى سى وجنوط 17 وما ادرالك باقى الكماليات واحنا يادوب نفس العربية وبنص الكماليات واقل فى الخامات والموتور وكمااااااااان 145 الف جنيه
بالزمة مش حاجه تحرق الدم
وكل العربيات على هذا المنوال
بصراحه انا كلامى خلص ودمى اتحرق واتمنى تكون رسالتى وصلت
والله المستعان