حجزت اللنترا الشكل الجديد وولكن

[HOSSAM99]

في إنتظار تقريرك أستاذ حسين و يا ريت تحط اللينك هنا أو في توقيعك علشان نشوفه

[PoweRPassioN]

والله العظيم فرحانلك اخر تلات اربع حاجات
ربنا يحفظهالك ويكفيك شرها يا رب

الف مبرووووووووووووووووووك

+1
الف الف مبروك

[abd_el_7amid]

الف مبروووووك ومستنيين التقرير

[AHMED MOHSEN]

كلام 100 % والله ومتفق معاك تمااااااااااما

انا كل كلامي كان على اال fully loaded, اللي عايز يشتري الانترا في حدود 130 ماتكلمتش عليه ، ولما بقول كوري مش بقول انه وحش ، انا كل اللي بفكر فيه ان تكلفة انتاج الانترا بالعمالة الكورية عمرها ماهاتكلف زي تكلفة انتاج العربيات الألماني مثلا بأجور العمالة الألمانية من اول المديرين و مرورا بالمهندسين وحتى الفنيين !! و التكنولوجي اللي في الانترا مش اختراعات جديدة ! دي كلها حاجات موجود زيها في عربيات تانية ! يعني المفروض تكلفة انتاج العربية تكون أقل من تكلفة انتاجها في اليابان او المانيا ، ازاي بعد كل ده تكلفتها تبقى زي الألماني او الياباني او اعلى منهم كمان؟؟؟ سعرها يبقى 155 الف ؟؟!!! ليه ؟؟ هل المواد الخام أحسن من غيرها ؟؟ موتورها أحسن من غيرها ؟؟ تقفيلها وجودتها أحسن ؟؟ لأ ، على أعلى تقدير في نفس مستوى غيرها ، يبقى سعرها المفروض يكون أقل من غيرها ( ومش معنى كده انها كخه) انا بتكلم بمنتهى الحيادية بدون تحيز او تجني !!!

وبعدين اكبر دليل على انه عايز يزود سعرها بالعافيه انه منزل منها 10 categories !!!!! ده مافيش كده في العاااالم !!!! تفتكروا ليه ؟؟؟؟

بص كده على كل فئة منهم ، هتلاقيه شايل مثلا فتحة سقف من فئة ولو عايزها بفتحة سقف تجيبها في فئة تانية ! تيجي للفئة التانية اللي فيها فتحة سقف ماتلاقيش فيها abs مثلا مع ان الفئة اللي اقل منهم هما الاتنين فيها abs !!

وهكذا في كل ال 10 فئات اللي منزلهم !! بياخد من كل فئة كماليات معينة ويعملك بيها فئة تانية عشان يفرد الكماليات على 10 فئات ولو انت عايز كماليات معينة يبقى معلش حضرتك هاتدفع اكتر مدام (عايز) ، وهكذا لحد ماوصلك ل 155 الف !!! استراتيجية تسويق واضحة اوي يعني انه عايز يرفع السعر بالعافية !!! طب ليه انا اخليه يعمل فينا كده ؟؟

وعلى فكرة ده هايخلي كل تجار العربيات التانية يرفعوا من اسعارهم هما كمان !!! ابسط كلمة هايقولهالك اذا كانت الانترا ب 155 عايز الأوكتافيا ولا الكورولا تبقى بكام !! أكيد مش هاعرف ارد عليه !!!

ليه نعمل في نفسنا كده ؟؟ ليه نشجعهم يستغلونا كده ؟؟ وده برضه هايرفع قطع اسعار الغيار ، زبون دافع تمن عربية بكذا ، يبقى زبون "مقرش" ومعاه فلوس ، طب خليه يدفع في قطع الغيار كمان مش هايخس حاجة !! ( ومش كلنا طبعا بنجيب العربيات كاش واحنا مرتاحين ، في ناس كتير بتجيبها قسط وبيبقى دافع فيها دم قلبه يعني مش مستحمل قطع غيار غالية مع الإقساط والتزاماته التانية )

التاجر كل مابيحس انك بتدفع مش هايشبع ، هايقولك ايه ده ؟؟ انت قادر تدفع ؟؟ يا حلاوة طب هات كمان !!

والله العظيم لو معاه حق في اسعاره دي مش هاتكلم ولا هاعترض بس ليه نذل نفسنا ليهم كده ؟؟ يعني كمان سنتين او تلاتة العربيات هاتبقى بكام ؟؟؟ هتلاقي الانترا دي مثلا داخلة في 200 الف ؟؟؟ ليه نعمل في نفسنا كده ؟؟ خليه يشبع بيها واروح اجيب بال 155 الف دي عربية تانية فعلا متكلفة السعر ده عشان نخليه يبطل جشع ( وتاني بأكد مش معنى كده ان الانترا وحشة ) !!! ولا هو هايبطل جشعه ازاي ؟؟ من نفسه ؟؟

ده العربيات الأوروبي اللي المفروض جماركها بتقل 10% كل سنة عمالة تغلى أكتر ؟؟؟ ويقولك اصل الدولار و اليورو زادوا ؟؟ هو الدولار او اليورو بيزيدوا بمعدل أعلى من انخفاض الجمارك 10% كل سنة ؟؟؟ هو في ايه يا جدعان ؟؟

وفي الآخر كل واحد هايقولك نفسي نفسي ، انا الحمد لله اقدر اجيبها ، بس ليه اعمل في نفسي وفي غيري اللي ممكن مايكونش قادر عليها بالسعر ده كده ؟؟ وليه أحط فلوسي في حاجة (وانا عارف انها ماتسواش كده ، بس قشطة انا اقدر ادفع ، وربنا ييسر لغيري ياعم) ؟؟ وليه اشجعه هو و كل تجار الماركات التانية انهم يرفعوا علينا كلنا بمختلف قدراتنا المادية اسعار العربيات ؟؟

ياريت الواحد حتى بيلاقي منهم خدمة عملاء كويسة تخلي الواحد يقول انه على الأقل بيشتري راحة باله وكرامته في التعامل معاهم !! إلا مافيش غير جليطة وتناكة في التعامل ، وياريت قصاد الفلوس دي اكون ضامن راحة بالي لو العربية طلع فيها عيب انهم هايصلحوها مظبوط من أول مرة ولا حتى مايقولوش ان القطعة دي بره الضمان وحضرتك هاتدفع كذا ، وجدال ووجع قلب وحرقة قلب وتلاقي ردود فيها تناكة وقلة أدب بس بإسلوب غير مباشر، ولما تروح مركز الخدمة تلاقي مافيش اهتمام ، ولو ناسي حاجة في عربيتك زي فلاشة مثلا بترجعلك العربية من غيرها ، واسألوا ناس هنا في منتدى هيونداي نفسه مش بجيب كلام من عندي

انا بجد على آخري من الجشع و معاملتنا على اننا نبوس ايديهم انهم منوا علينا وجابولنا عربيات نركبها ومانطلبش اكتر من كده !!!

[/QUOTE]


هو ده الكلام الصح وانا معاك في كل كلمه قلتها وياريت كل الناس تفكر زيك كده وتبقي كل الناس علي قلب رجل واحد ماكنش بقي حالنا كده ولا بقي التجار بالجشع ده
والتاني اللي بيقولك تستاهل ........ ............
لا حول ولا قوة الا بالله

[Hegazio]

ده الكلام المظبـــــــــــــــــوط .. و أنا يقطعولي رجل ولا احيبش الانترا بالسعر ده .. عشان محدش يقول عليا ....*

[PoweRPassioN]

الموضوع بسيط أوي
اللي شايف أنها ماتساويش ..... ميشتريش
السوق كبير وفيه فلوس وهو اللي بيحكم
ومن حكم في ماله .. ما ظلم
من غير أي زعل أو حرقه دم
وبعدين أنا شايف أن الخليجي برضو غالي
يعنى التحامل دا على الوكيل من غير داعي

وأنا ولا أعرف الوكيل ولا بحامي ليه
بس دا رأيي

[abd_el_7amid]

ده العربيات الأوروبي اللي المفروض جماركها بتقل 10% كل سنة عمالة تغلى أكتر ؟؟؟ ويقولك اصل الدولار و اليورو زادوا ؟؟ هو الدولار او اليورو بيزيدوا بمعدل أعلى من انخفاض الجمارك 10% كل سنة ؟؟؟ هو في ايه يا جدعان ؟؟
فعلا انا نفسى اعرف الموضوع بتاع الجمارك دا اشتغالة ولا ايه؟؟؟
كل سنة الحاجة بتزيد بغباء... طب نكلم مين على الموضوع دا؟؟؟؟؟؟؟

[abd_el_7amid]

بنقول بتتباع فى الخليج ب 40 ل 50 الف ريال و السوناتا من اول 70 الف
الخليجى اللى فى مصر متحكم فى سعره غبور

[ahmad_luca]

الموضوع بسيط أوي
اللي شايف أنها ماتساويش ..... ميشتريش
السوق كبير وفيه فلوس وهو اللي بيحكم
ومن حكم في ماله .. ما ظلم
من غير أي زعل أو حرقه دم
وبعدين أنا شايف أن الخليجي برضو غالي
يعنى التحامل دا على الوكيل من غير داعي

معاك بردو نسبيا مش اوى

وأنا ولا أعرف الوكيل ولا بحامي ليه
بس دا رأيي

رائيك زى الفل والله

[ahmad_luca]

بنقول بتتباع فى الخليج ب 40 ل 50 الف ريال و السوناتا من اول 70 الف
الخليجى اللى فى مصر متحكم فى سعره غبور

لو
50 الف ريال يعنى 80 مصرى +61 % ضرائب وجمارك وووووو

يعنى

128



يعنى غبور باقل حاجه بيكسب تلتين الف ؟؟؟؟؟

لو كده اشتريها من السعوديه و انزلها انا لا معارض ولا دياولو ولا اى شى
وابيعا انا ب 138 واكسب 10 تلاف كمان

ولا هى بتتحسب ازاى ؟؟

[Adel.Nasr]

نعمل مظاهره و نلغي الجمارك :)

[ahmedabady2005]

كل الى بيقولوا العربيات الكورى مش اعتمادية
ده مش صحيح
الالنترا عربية اعتمادية جدا و اعتمادية اكتر من عربيات يابانى زى النيسان
بس انا شايف برده ان السعر بقى عالى بشكل غريب
يعنى الاوتوماتيك جميع الكماليات ب 142 الف (بخلاف الفول لوديد ال ب 154 الف) ممكن تزود 7 او 8 الاف و تشترى كورولا
صحيح الالنترا حلوة بس طبعا مش احلى من الكورولا ( فرق جوهرى بينهم فى السواقة و الماتور و العفشة)

[HOSSAM99]

لو
50 الف ريال يعنى 80 مصرى +61 % ضرائب وجمارك وووووو

يعنى

128



يعنى غبور باقل حاجه بيكسب تلتين الف ؟؟؟؟؟

لو كده اشتريها من السعوديه و انزلها انا لا معارض ولا دياولو ولا اى شى
وابيعا انا ب 138 واكسب 10 تلاف كمان

ولا هى بتتحسب ازاى ؟؟

بغض النظر هي ب50 ألف ريال و لا 65 و لا 75 حتي
لكن هي بتتحسب نسبة الجمرك و نسبة مش عارف تحسين صناعه و ضريبه علي أيه كذا نسبه لغاية أما بتوصل لثمنها في مصر و تزود مصاريف الشحن
و كل عام و أنتم بخير
أم المستورد اللي بيجيب كميه بيتم محاسبته بشكل مختلف نسبيا

[ahmad_luca]

بغض النظر هي ب50 ألف ريال و لا 65 و لا 75 حتي
لكن هي بتتحسب نسبة الجمرك و نسبة مش عارف تحسين صناعه و ضريبه علي أيه كذا نسبه لغاية أما بتوصل لثمنها في مصر و تزود مصاريف الشحن
و كل عام و أنتم بخير
أم المستورد اللي بيجيب كميه بيتم محاسبته بشكل مختلف نسبيا

تمام
اصلا اعقدت ادور فى موضوع الجمارك دا لاقيتو وحش اوى
وفعلا هو نظريا 61 بس عمليا الله اعلم (دا على حسب كلام الناس ) فى ناس بتقول 75 و و و غير الكلام الى حضرتك بتقول عليه (اللى و تلاقى تحسين صناعه و و )
و يمكن يدفعوك فواتير التليفونات بتاعه المنفذ الجمركى

بس كده فعلا اعتقد كده ان سعرها مظبوط طبقا للجمارك و حركه السرقه الحكوميه والروتين

[abd_el_7amid]

طب والسرقة دى نوقفها امتى ان شاء الله