حاجة غريبة جداااا جدااا

[alaamousa]

السلام عليكم اعضاء المنتدى الكرام حاجة غريبة جدا تصوروا
انا من اعضاء نايل موتورز من حوالي 3 سنين تقريبا وكان معايا عربية فيات 127 وكنت علطوا متابع الموقع واستفدت منه كتيييير وربنا كرمني وقررت اغير واجيب حاجة اعلى وقولت طبعا مش هنزل السوق وقولت ادور على حاجة بيتي وبالفعل دخلت على كونتاكت كار وبقالي حوالي شهرين بشتري عربية
الحاجة الغريبة والحمد لله ربنا بيسترها معايا لاني تعبان جداا في الفلوس
تصدقوا اني اقرا الاعلان والعربية تكون غالية ومكتوب فابريكة قصدي زيرو دواخل
واروح الاقي العربية متغيرلها ربع بس معمولة بطريقة مش ممكن حد يكتشفها والحمد لله السمكري اللي معايا يشك في حاجة فا يمشي وراها ونكتشفها وواحد يقولك حالة نادرة عربية بيتي اول مالك واروح الاقيها مقلوبة على السقف او بمعنى اصح السقف وقع عليه حاجة وبينكر ادامي ولما اتزنق قاللي العربية مش للبيع وكمان مغيرة باب ده غير عربيات كتيير ومواقف كتيير لدرجة حاسس ان مبقاش في امانة المهم عنده يلبسك العربية وخلاص لا حول ولا قوة الا بالله اسف اني طولت عليكم ولكن حسيت اني عايز افضفض مع المنتدى واعضائه لاني بجد بحترم المنتدى جداااا واعضائه ناس محترمة على فكرة العربية اللي كنت بدور عليها اكسيل 1500 يعني مش حاجة صعبة

[Screenplays]

معتش في ضمير خلاص و ربنا يكرم حضرتك بالعربيه اللي تتمناها

[Ashraf_Ibrahim]

لا حول ولا قوة إلا بالله
المهم انهم يبيعوا وخلاص
متستعجلش يا صديقي
وان شاء الله تلاقي اللي بتدور عليه متقلقش

[alaamousa]

يارب يا اشرف ادعيلي بجد انا تعبت بقالي كتيير بلف

[alaamousa]

الله يكرم حضرتك استاذ Screenplays ادعيلي ان شاء الله ربنا يكرمني بعربية محترمة ونظيفة

[Screenplays]

ان شاء الله هدعيلك في صلاه الفجر

[alaamousa]

الله يبارك فيك ويجازيك خير يارب

[Ashraf_Ibrahim]

طب ما تخلي السمكري بتاعك يشوفلك حاجة محترمة ما دام انت بتثق فيه ؟!

[alaamousa]

فعلا يا اشرف هو ده اللي بيحصل باذن الله بس المشكلة انه مش دايما بتقع ادامه حاجات كتيير بس هو وعدني ان شاء الله انت عارف انا مكنتش اعرفه وواحد سواق تاكس قاللي عليه ومكنتش طبعا واثق فيه بس بصراحة اثبت انه يستحق الثقة دي لانك عارف ان اول واحد بيبعك السمكري طبعا بس الراجل ده غير وجهة النظر خالص ربنا يباركله فعلا

[Ashraf_Ibrahim]

ربنا يكرمه على صدقه ان شاء الله
هو فين السمكري دا ؟
لو قدامك خيارات تانية غير الاسكيل وسع دايرة تفكيرك عشان تلاقي اللي بتدور عليه بسهولة لو انت حاطط بدايل تانية يعني
دي مجرد نصيحة يا صديقي

[alaamousa]

السمكري ده في امبابة وايده تتلف في حرير يا باشا فعلا لان اللي معرفني عليه زي ما قولتلك سواق تاكس ويوم ما حد من الاعضاء عايز يجيله انا تحت امره هوديه لغاية عنده ان شاء الله

[alaamousa]

وبالنسبة لدايرة البحث انا بدور كمان ان شاء الله على اكسنت 99 2000 بس بيني وبينك نفسي في حاجة على قد اللي معايا وربنا يكرمني ان شاء الله وشكرا لاهتمامك يا اشرف وربنا يباركلك
وشوف في اي وقت انت عايز السمكري ده انا تحت امرك ان شاء الله يا باشا ده غير ان اسعاره جميله وفرن الدوكو اللي جمبه تحفه ده حتى خلوني افكر اجيب عربية واشدها انا عشان تبقى على ايدي

[alaamousa]

سبحان الله وبحمده سبحان الله العظيم

[alaamousa]

اشهد ان لا اله الا الله وان سيدنا محمد رسول الله

[alaamousa]

ياريت يا جماعة اللي عنده عربية كويسة اكسيل 1500 بيتي يقولي عليها وربنا يكرمه