تأثير الاجهزة والملحقات على السياره

[ezzeldin1234]

اعزائى اعضاء المنتدى
قرأت فى كتالوج فيرنتى ان الاجهزة والملحقات التى يتم توصيلها بالكاسيت والتليفون المحمول تؤثر على نظام الحقن الالكترونى للسياره لذلك فيجب مراجعه الوكيل فى الاجهزه التى يتم توصيلها بالكاسيت لان السياره تعلم بنظام الحقن الالكترونى وان اى اجهزه يتم توصيلبها بالكاسيت يكون من شانها التاثير على نظام الحقن الالكرتونى ومن ثم التأثير على اداء السياره

طب انا دلوقتى جايب اف ام موديلتور موصله على الكاسيت وموصله على الموبيل عشان لما اتسقبل مكالمات على الموبيل اتكلم من غير ما امسكه وصوت المتصل اسمعه من خلال سماعات السياره

سؤالى

ما مدى صحة الكلام اللى مكتوب فى الكتلوج ده

وهل اللى انا عامله فى الكاسيت عندى هو ده المقصود بالكلام ده

وهل حد قابلته مشكله قبل كده بسبب الكلام ده

وشكرا

[Screenplays]

طالما مكتوب في الكتالوج يبقي غالبا صحيح بس انا مش شايف اي علاقه اصلا

[yoko]

ده في حالات نادره جدا الfm modulator مش منهم

[Screenplays]

طب حضرتك تعرف طبيعه الكلام اللي مكتوب في الكتالوج

[yoko]

طب حضرتك تعرف طبيعه الكلام اللي مكتوب في الكتالوج

الي يأثر على البوجيهات والإنجيكشن حاجات تسحب كهربى عاليه قوي فتقلل الفولت على الecu والسنسورز فا تدي قرايات غلط
والي يأثر على الإنجيكشن برده الدوائر الالكترونيه الي فيها تردد عالي قوي زي بعض المحولات ودي مفيش بنيأدم عادي بيستخدمها في عربيته

[ezzeldin1234]

طب حضرتك عندك امثله زى ايه مثلا

[yoko]

تسحب تيار عالي زي عدة الصوت والكلام ده والانوار لو مش معمول حسابها صححجات ترددها عالي معتقدش حد عادي هيستخدمها وهي اصلا مش للاستخدام في العربيه الا بتوع السفاري وكدة

[Screenplays]

الي يأثر على البوجيهات والإنجيكشن حاجات تسحب كهربى عاليه قوي فتقلل الفولت على الecu والسنسورز فا تدي قرايات غلط
والي يأثر على الإنجيكشن برده الدوائر الالكترونيه الي فيها تردد عالي قوي زي بعض المحولات ودي مفيش بنيأدم عادي بيستخدمها في عربيته

شكرا علي الشرح يا فندم

[HOSSAM99]

السلام عليكم
التحزيرات دي يا أستاذ عز الدين بتبقي من أجهزه الإرسال و الإستقبال اللاسلكيه و و بيجيبوا سيرتها في الكتالوج علشان تصنيف الشركات و المصانع بالنسبه للأمان (شغل شركات و مؤسسات كبيره) علشان يبان أمام منظمات و هيئات التقييم العالميه إنه بيراعي الأمان حتي في أدق التفاصيل
و علي فكره هو مقصود بها التليفون و هو بيأثر علي نظام الحقن و الدواير الكهربيه لكن بنسب ضعيفه لا تذكر يعني الفايده من أستخدام التليفون أكبر بكتير من إحتمال الضرر الناجم عن إستخدامه

هو الموضوع ده عند حضرتك تحت عنوان (تركيب الراديو ثنائي السكه و الهاتف النقال) صح كده

[ezzeldin1234]

السلام عليكم
التحزيرات دي يا أستاذ عز الدين بتبقي من أجهزه الإرسال و الإستقبال اللاسلكيه و و بيجيبوا سيرتها في الكتالوج علشان تصنيف الشركات و المصانع بالنسبه للأمان (شغل شركات و مؤسسات كبيره) علشان يبان أمام منظمات و هيئات التقييم العالميه إنه بيراعي الأمان حتي في أدق التفاصيل
و علي فكره هو مقصود بها التليفون و هو بيأثر علي نظام الحقن و الدواير الكهربيه لكن بنسب ضعيفه لا تذكر يعني الفايده من أستخدام التليفون أكبر بكتير من إحتمال الضرر الناجم عن إستخدامه

هو الموضوع ده عند حضرتك تحت عنوان (تركيب الراديو ثنائي السكه و الهاتف النقال) صح كده

وعليكم السلام يا استاذ حسام

متشكر على توضيحك , الموضوع ده مش بشتكى من العربيه بسببه فى حاجه بس انا بحب اعرف مش اكتر

وهو فعلا مكتوب فى الكتلاوج تحت العنوان ده

[HOSSAM99]

و إن شاء الله لن يؤثر علي شئ
بالتوفيق