فانوس فيرنا خلفي اصلي ب 300 جنيه !!!!!!!!!!!!!

[shooda2020]

سالت علي الفانوس الاصلي في التوكيل لقيته ب 320 جنيه كمان انا بس عايز اعرف هو ليه الجشع في كل حاجه و افرض مثلا جبت الصيني ايه الفرق بينهم
طب سوال هو مافيش حاجه وسط بين الاتنين تكون كويسه شكرا ليكم

[AutoTycoon]

اكيد فيه وسط
بس بصراحة الأصلي لونه مش بيتغير + انه بيجي باللمض .. بعض الأنواع بتيجي من غير لمض + ممكن تجيب اصلي استيراد او استعمال عربية تانية
الأنواع التانية كتير من اول 60 جنيه تقريباً وفيه تايواني و كوري مش اصلي و كدها يعني بس مش فاكر اسعار

[beshomilan]

ياعم انزل هاتلك تايوانى اوى كورى او اى حاجة رخيصة ولما يشبر فكه ونضفه وهيرجع زيرو تانى وفكك من غبور وجشعه

[Ashraf_Ibrahim]

اديها تايواني كويس جدا ومش غالي
من 90 ل 120

[shooda2020]

التايواني كويس يعني يا باشا مش هايجير مع الوقت ولا يتملي تراب من جوا ولا هايبقي تمام

[Ashraf_Ibrahim]

كويس يا عزيزي
واحد صاحبي مركبه من سنة وزي ما هو معاه
وواحد صاحبي تاني مركبه من شهرين تقريبا وتشوفه تقول عليه جديد ومتقدرش تفرق بينه وبين الكوري
لا تقلق مش هضرك يا صديقي :d

[shooda2020]

شكرا يا باشا بجد تعبك معايا جدا
بس ازاي اعرف ان دا تايواني مثلا
يعني ازاي اعرف ما الراجل ممكن يديني المصري و يقولي دا التايواني فيه حاجه مميزه فيه مثلا
و شكرا يا باشا علي تعبك معايا

[Ashraf_Ibrahim]

لحد هنا انا مش هعرف افيدك
بس اكيد مكتوب عليه صنع في تايوان دي اقل حاجة ممكن تعرفه بيها يعني !

[MOUSTAFA_SAAD]

احن عندنا الاصلى فى اللوجان فى التوكيل ب 220 جنيه
ده احنا كده كنا ظالمين العربيه بقى

[kamatsho]

شارى عندى واحد ورا تايوانى

وشغال الحمد لله زي الأصلى

متفرقهمش عن بعض

بقاله حوالى سنه وزياده

ومجيرش ولا بهت ولا اى حاجه

ومقضى الغرض

[AutoTycoon]

يا جماعة ما تسألوا على الأصلي برا الوكيل
ممكن يكون ارخص
انا شاري فانوس امامي من سنة ب275 اصلي من موزع معتمد و كان ممكن ادور اكتر..معقول الخلفي اغلى ؟؟

[ahmad_luca]

اكيد فيه وسط
بس بصراحة الأصلي لونه مش بيتغير + انه بيجي باللمض .. بعض الأنواع بتيجي من غير لمض + ممكن تجيب اصلي استيراد او استعمال عربية تانية
الأنواع التانية كتير من اول 60 جنيه تقريباً وفيه تايواني و كوري مش اصلي و كدها يعني بس مش فاكر اسعار

[ahmad_luca]

التايواني كويس يعني يا باشا مش هايجير مع الوقت ولا يتملي تراب من جوا ولا هايبقي تمام

فعلا

[shooda2020]

طب انا عندي لمبه المارشدير مش شغاله هي تعملها كام اللمبه دي يا ريت حد يقولي في حدود كام اللمبه نفسها
و الاقيها فين اصلا