غبور بيسلمو فى ميعادهم ؟

[hano_elmorsy]

انا ان شاء الله هاحجز الانترا من غبور وقالولى الإستلام من شهر ونص لشهرين وهادفع 1000 مقدم وهاسترده تانى لما ادفع سعر العربية الأوتوماتيك اللى هوا 104 الف والسؤال
هل مواعيدهم سليمه ؟ ولا ؟
و السعر لو اتغير موقفى ايه؟ يعنى لو غليت بعد ماحجزت مثلا؟؟
وبيقولولى اختار لون اساسى وآخر احتياطى ؟؟ هما مش المفروض يجيبو اللون اللى انا عايزه؟
وهيه تقفيل مصر؟ يعنى لو بتتقفل هنا يبقى المفروض مافيش مشكلة فى اللون ؟؟؟ صح؟
طب الألوان المتاحه حد يعرفها؟
ولون الفرش بختاره ولا اجبارى حسب لون السيارة ؟
واكون شاكر ليكم لو افدتونى بالردود

ان شاء الله
وليست انشاء الله

الادارة 1

[som3aa]

هل مواعيدهم سليمه ؟ ولا ؟

بصراحة معرفش فى الالنترا بيسلموا فى وقتهم ولا بيتاخروا (اعتقد بيتاخروا حاجة بسيطة حسب ما سمعت).

السعر لو اتغير موقفى ايه؟ يعنى لو غليت بعد ماحجزت مثلا؟؟

بيزودوا عليك السعر و دا اللى مكتبو فى الوصل بتاعك (السعر يحدد عند الاستلام) بس دا قليل لما يحصل و كمان لو زاد اتخانق معاهم.

وبيقولولى اختار لون اساسى وآخر احتياطى ؟؟ هما مش المفروض يجيبو اللون اللى انا عايزه؟

طبعا مفروض بس مع غبور متضمنش.

وهيه تقفيل مصر؟ يعنى لو بتتقفل هنا يبقى المفروض مافيش مشكلة فى اللون ؟؟؟ صح؟

لأ هى مش تقفيل مصرى مجرد الانذار(و يمكن الكاست) اللى بيتركبوا فى مصر.

طب الألوان المتاحه حد يعرفها؟
ولون الفرش بختاره ولا اجبارى حسب لون السيارة ؟

دول معرفهمش.

بس عموما متقلقش نفسك و خليك حازم معاهم و وضح انك مستحيل تقبل زيادة فى الاسعار او اختلاف فى اللون و ان شاء الله ميحصلش اى مشكلة

[ahmedfd]

مبروك مقدماً..
هما مواعيدهم مظبوطة في الإلنترا علىالأقل حصل معايا كدة.. و لو العربية حتستلمها بعد 4 شهور حتى حيقولولك.
و زي ما أخونا سمعة قالك فعلا" لو غليت هتدفع بالسعر الجديد و ده حصل معايا في أكثر من 4000 جنيه.
بالنسبة للألوان هما فعلاً بيطلبوا لون أساسي و لون إحتياطي و أنا طلبت إسود و إحتياطي بتنجاني لكن محدش هيفرض عليك أي حاجة.. لما واحدة منهم بتتوفر بيكلموك و يقولولك إن في عربية بالمواصفات اللي إنت طالبها بلون من اللونين أللي إنت طالبهم .. ماش ولا مش ماشي؟ .. أنا كنت طالب إسود و لما كلموني قالولي في البتنجاني لو حبيت و قلت ماشي إني فعلاً كنت غيرت رأيي :) و جت من عند ربنا.
و أعتقد لو طلبت أي لون حتى محدش هيقولك حاجة بس هتستنى زيادة.
بالنسبة للعربية طبعاً كوري بالكامل ما عدا الكاسيت CD (حسب الموديل ممكن هيونداي و ممكن JVC و ممكن Roadstar)و الإنذار و وحدات الرفع بيركبها غبور هنا علشان سعر العربية يقل.
بالنسبة للون الفرش الداخلي هوا في 3 ألوان أسود و رمادي و بيج .. و الحقيقة محش سالني و أنا بحجز عن اللون المطلوب.
و تستلم إن شاء الله على خير و نباركلك قريب.

[hano_elmorsy]

انا متشكر جدا على الردود ويارب يكرمكم ويبارك لكم فى عربياتكم

[zoza]

اول كلامى اشكر المهندس عاطف واحد ممثلى المبيعات فى فرع غبور بعمارات العبور وهو مشكورا الوحيد الصادق والذى يتعامل مع العميل بشافافيه تامه
وابداء الحكايه بعد معاناه شديده واللف على المعارض لشراء سياره فى حدود امكانياتى المتواضعه وبعد ان بيعت سيارتى الممتازه الانوس التى لاتعوض وبالسؤال الكثير استقر بى المطاف غلى العربيه الماتريكس ونظرا لانى جمعت باقى الثمن بصعوبه شديده فكنت حريص على وضها فى مكان امين بعيدا عن غش معارض السيارات وتجار السيارات الذين لايعرفون الحرام حيث انى اكتشفت اثناء بحثى فى المعارض ان اصحاب المعارض يقومون بتغيير كاسيت السياره بكاسيت عادى وكذا الكاوتش بمستعمل .....الخ وكأى واحد خايف على فلوسه اقترح على احد الاقارب ان اتعامل مباشرتا مع الوكيل حتى لايكون هناك اى شك فى اى شيء . وبالفعل ذهبت الى فرع العبور وهناك لقيت ترحيب شديد وسرعه فى إجراءت تسديد قيمة السياره بالكامل حتى يتم التسلم فى مده اقصها 10/5/2008 والحقيقه انى من يوم 1/5 وانا اتصل بيهم ويكون الرد العربيه فى الطريق وحتى يوم الخميس 8/5 كان الرد الله ورسوله اعلم . وعندها تذكرت الموظف الامين الذى كلمته واوضح لى انى لايمكن ان استلم قبل 15يوم على احسن الاحوال .
والغرض من رسالتى هذه انى ليست حزين على انى سوف اتاخر فى الاستلام شهر او اثنين ولاكنى حزين على انى لجات الى الوكيل الوحيد وصاحب التاريخ المديد فى مصر ولاحظت انه لايعرف اى شيء عن السيارات التى يتم تجهيزها عنده حيث انى عندما سألت الموظف عن موقف السياره الحالى قال لى انا مقدرش اعرف سيارتك فين ووصلت فين الا لما يبلغن السواق انه راكبها وجى المعرض . طب والنبى ده كلام ينفع مع وكيل بالحجم ده ؟؟؟؟؟؟؟؟؟ المفروض انى لما احجز سياره يدينى رقم الشاسيه وانا مأتصلش خالص بالمعرض انا ادخل على موقع غبور واكتب الرقم واعرف منه مكان السياره فين ولما اشوف على النت تمام وصول للمعرض اذهب لااستلم فورا .......
فى النهايه انا قمت بتاجير سياره حتى ان يريد الله ان احد يرف سيارتى فين او احد السائقين يتصل بالمعرض يقوله انا معايه عربيه رقم كذا شوفو ده بتاعت مين .....ولاعزاء للمصريين

[lanos2]

اول كلامى اشكر المهندس عاطف واحد ممثلى المبيعات فى فرع غبور بعمارات العبور وهو مشكورا الوحيد الصادق والذى يتعامل مع العميل بشافافيه تامه
وابداء الحكايه بعد معاناه شديده واللف على المعارض لشراء سياره فى حدود امكانياتى المتواضعه وبعد ان بيعت سيارتى الممتازه الانوس التى لاتعوض وبالسؤال الكثير استقر بى المطاف غلى العربيه الماتريكس ونظرا لانى جمعت باقى الثمن بصعوبه شديده فكنت حريص على وضها فى مكان امين بعيدا عن غش معارض السيارات وتجار السيارات الذين لايعرفون الحرام حيث انى اكتشفت اثناء بحثى فى المعارض ان اصحاب المعارض يقومون بتغيير كاسيت السياره بكاسيت عادى وكذا الكاوتش بمستعمل .....الخ وكأى واحد خايف على فلوسه اقترح على احد الاقارب ان اتعامل مباشرتا مع الوكيل حتى لايكون هناك اى شك فى اى شيء . وبالفعل ذهبت الى فرع العبور وهناك لقيت ترحيب شديد وسرعه فى إجراءت تسديد قيمة السياره بالكامل حتى يتم التسلم فى مده اقصها 10/5/2008 والحقيقه انى من يوم 1/5 وانا اتصل بيهم ويكون الرد العربيه فى الطريق وحتى يوم الخميس 8/5 كان الرد الله ورسوله اعلم . وعندها تذكرت الموظف الامين الذى كلمته واوضح لى انى لايمكن ان استلم قبل 15يوم على احسن الاحوال .
والغرض من رسالتى هذه انى ليست حزين على انى سوف اتاخر فى الاستلام شهر او اثنين ولاكنى حزين على انى لجات الى الوكيل الوحيد وصاحب التاريخ المديد فى مصر ولاحظت انه لايعرف اى شيء عن السيارات التى يتم تجهيزها عنده حيث انى عندما سألت الموظف عن موقف السياره الحالى قال لى انا مقدرش اعرف سيارتك فين ووصلت فين الا لما يبلغن السواق انه راكبها وجى المعرض . طب والنبى ده كلام ينفع مع وكيل بالحجم ده ؟؟؟؟؟؟؟؟؟ المفروض انى لما احجز سياره يدينى رقم الشاسيه وانا مأتصلش خالص بالمعرض انا ادخل على موقع غبور واكتب الرقم واعرف منه مكان السياره فين ولما اشوف على النت تمام وصول للمعرض اذهب لااستلم فورا .......
فى النهايه انا قمت بتاجير سياره حتى ان يريد الله ان احد يرف سيارتى فين او احد السائقين يتصل بالمعرض يقوله انا معايه عربيه رقم كذا شوفو ده بتاعت مين .....ولاعزاء للمصريين

لو تقدر تلغى الحجز الغية و اشترى من ابو غالى هتستلم فى ساعتها و هيخلصولك الافراج الجمركى بتاعها كمان انا جربتهم اكثر من مرة و فى كذا سيارة و كانوا صادقين جدا معى .
و ربنا معاك فى الترخيص لانهم منعين اعطاء نمر فى المرور هذه الايام .
و على فكرة اللانوس لن تتعوض .

[YHYAKOTB]

احنا حجزنا عربية من ابوغالى كانت فيرنا حاولو يزودو السعر علينا بعد محجزنا بس احنا رفضنا الموضوع تماما ومشا الموضوع عادى بس فى مشاكل فى الترخيص ادعولى تخلص عشان وقفت على ختم النسر الى بتاع العربية قالو انو مش باين بس خلى بالك كلهم بيغيروا وماعيدهم ومواعيدهم زبالة

[hano_elmorsy]

الناس كلمونى النهارده وقالولى فيه رقم شاسيه وموتور فيرانى واتخصصو ليك وهاتستلم اول الشهر إن شاء الله وشكلهم هايوفو بميعادهم وعلى فكرة انا حجزت من غبور المعادى وشكلهم ناس محترمين

[YHYAKOTB]

ربنا يخلصهالك على خير

[Nile_Storm]

الناس كلمونى النهارده وقالولى فيه رقم شاسيه وموتور فيرانى واتخصصو ليك وهاتستلم اول الشهر إن شاء الله وشكلهم هايوفو بميعادهم وعلى فكرة انا حجزت من غبور المعادى وشكلهم ناس محترمين

اللي لمسته بنفسي و اقدر اقولهولك بكل تاكيد
انه اللي تتطمن له انك هتاخد دورك في التسليم
يعني ممكن يتاخرو في التسليم بس مش ممكن ححد حتجز بعدك يستلم قبلك ابدا
و متقلقش خير ان شاء الله
و نباركلك قريب باذن الله

[hano_elmorsy]

الناس كلمونى النهارده وقالولى فيه رقم شاسيه وموتور فيرانى واتخصصو ليك وهاتستلم اول الشهر إن شاء الله وشكلهم هايوفو بميعادهم وعلى فكرة انا حجزت من غبور المعادى وشكلهم ناس محترمين