النيو اكسنت

[amg]

لو سمحتم بفكر جديا بشراء النيو اكسنت مانيوال وعايز اعرف من ملاكها
عامله ايه معاهم وايه مشاكلها
وايه استهلاك البنزين داخل المدينه وعالطريق وياريت من الملاك اللي جرب وقاس
وشكرا

[amg]

اعضاء المنتدى الكرام فين الردود

[amrfranca]

انا معايا نيو اكسنت 2008
بص العربيه لغاية دلوقتى مفيهاش اي عيب ولا اي غلطه
غير ان بس تاخد بالك من حاجه وهي انك لما تيجي تاخدها تشوف اذا كان فيها فتحة شنطه او لا لان فى كميه نزلت بفتحه وفي كميه نزلت من غير
والفيراني فيها فظيع وسحبها الى حدا ما معقول
لكن بتشرب شويه لكن انا مقستهاش بصراحه

[amg]

amrfaranca
متشكر للمعلومه الغاليه
وياريت حد يكون قسلها البنزين يقول

[BooDElGn]

السلام عليكم و رحة الله و بركاته
كنت عايز استفسر من حضرتك يا أخ amrfaranca عن العربية نيو اكسنت اكتر بما ان حضرتك لسه شارها قريب ايه اخبارها و ايه اخبار قطع الغيار و ايه اخبار السحب و انا ان ى نازلة فئتين 1400و 1600 فانا بفكر انى لو اشترتها تكون 1400 نظرا لامكانيات فاي رأى حضرتك و تنصحنى بايه و هى ولا الافيو ياؤيت حضرتك ترد عليا بسرة من فضلك و جزاك الله خيرا


.........................................

ممنوع الكتابة باللون الاحمر لإنه مخصص للإدارة
برجاء مراجعة قوانين المنتدى

الإدارة - 3

[fahd_628]

انا رأى نيو اكسنت احسن طبعا من الأفيو حتى لو 1400 سى سى لأن موتور الأفيو نفس موتور الانوس و هوة ضعيف نسبيا و استهلاكة للبنزين عالى و تكنولوجيا قديمة اما محرك الأكسنت فهو تكنولوجيا جديدة جدا Cvvt و استهلاكة للبنزين اقل و اعلى فى القوة من الانوس

[BooDElGn]

السلام عليكم و رحمة الله و بركاته
شكرا لاهتمامك و الرد على رسالتى يا أستاذ amrfranca و لكن انى اريد ان استفسر منك عن شويات حاجات كده
منها انا برده المخوفنى منها ان كتير قال ان توكيل هيونداى سىء جدا فمثلا فى تغيير الزيت و كده و الصيانة و تانى حاجة عايز اسال حضرتك عنها هى ارتفاعها عالى يعنى العربية لما بتكون محملة الخمسة بتحك فى المطبات ولا لأ و ثالثا و اخيرا هى ال1400 و ال1600 ما يفرقوش غير فى السعة الموتور بس ولا فى اختلافات تانية من حيث الحجم و شكرا لاهتمامك مرة تانية و ارجو منك الرد عليا فى اقرب وقت ممكن و جزاك الله الف خير

[lanos2]

انا رأى نيو اكسنت احسن طبعا من الأفيو حتى لو 1400 سى سى لأن موتور الأفيو نفس موتور الانوس و هوة ضعيف نسبيا و استهلاكة للبنزين عالى و تكنولوجيا قديمة اما محرك الأكسنت فهو تكنولوجيا جديدة جدا Cvvt و استهلاكة للبنزين اقل و اعلى فى القوة من الانوس

لو سمحت ممكن توضح يعنى اية محرك تكنولوجيا جديدة ( CVVT ) و ما المقصود بهذا المصطلح بالظبط

[حماده المصري]

هي عربيه جامده تسارع رهيب جدا خصوصا ال 1600 المانيوال

Cvvt = Continous Virable Valve Timing

انا مش قادر اشرح اكتر لاني اساسا مش فاهم اوي بس هي تقنيه لها علاقه بالصبابات واستهلاك البنزين وعامه التقنيه دي مشابهه ل Vtec في هوندا وال Vvti في تويوتا

العربيه لو عملت فيها ايه عمرها ما بتحرك في مطب

بس علوها ده مخلي الثبات بتاعها مش جامد اوي زي الالنترا بالاضافه الى انها بتتنطط شويه من ورا على المفصلات لو ماشي بسرعه

ال 1400 مش Cvvt والله اعلم ممكن ال 2008 Cvvt
وحاول تتاكد اذا كانت ال 2008 تقفيل كوري او لا لان من عوايد توكيل غبور اللعب في التقفيل والمواصفات زي منا سامع في ناس بتقول بقت تنزل من غير فتح شنطه وفي ناس بتقول بقت بتنزل بالباور العادي مش الباور الكهربا