عملت حادثه بالاكسنت افيدوني

[arateb]

قدر الله و ما شاء فعل عمل حادثه انهارده مع واحد جي عكسي في شارع الطيران ووش عربيتي جه في اخر عربيته المهم انا عربيتي اتشلفطت من قدام اا2كصدام و كبوت و فانوس و اشاره شمال ده غير الريداتير و العربيه بتجيب زيت واحد صحبي قطرني لغايه السمكري و قالي تروح يوم الاتنين الحرفيين تجيب كبوت و انا هستعدلك الاكصدام و هياخد مصنعيته 250 ج افيدوني يا اهل الخبره انا اول مره اروح الحرفيين و خايف يشتغلوني اجيب منين هناك و متوسط سعر الاكصدام و الكبوت كام مع العلم انها اكسنت 2005 القديمه و انقل الحاجات ديه برضه ازاي و في حدود كام و جزاكم الله خير

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
مشرف عام 2

[HotRide]

سعر الاكصدام جديد تيواني 190 جنيه
ايستسراد في حدود 500 بفوانيس الشبوره
وطبعا الايتسراد امتن بكتييير بس لو فلوس معاك مزننقه هات الجديد اهو شغال

و الكابوت جديد ب 370 لونو اسود
و ايستيراد في حدود 900 جنيه
و نصحيه هات الجديد عشان بيقي مفهوش معجون و بيظبط وش و شكل العربيه عن الايستراد و خامته كويسه

وانقل الحاجات ديه في عربيه واحد صحبك جدع هههههههه...عادي شلت كابوت اكسنت مرتين علي سقف عربيتي كان جديد في كارتونه مش بجرح السقف

او ممكن الكابوت تخلي كابوت اخر حاجه وتجيبو و تركبو وانت واقف علي عربيتك عند بتاع قطع الغيار

[eng.m7md.ali]

الحمد لله انك بخير وبصراحة انا لو منك كنت نزلت قتلت الكلب ده

[Screenplays]

قدر الله و ما شاء فعل و احتسب ان الله ابعد عنك شرا بهذا الحادث بالنسبه للمصنعيه انا شايف انها كتير جدا علي استعدال اكصدام علي البارد

[Hussein_Ramdan]

حمدلله على السلامة انتا فى داهية اى حاجة اهم حاجة انتا بخير انتا الى جبت العربية وانتا ان شاء الله الى هتصلحها
وان شاء الله ربنا يعوض عليك وتجيب احسن منها ميت مرة

[ismail911]

الحمد لله على سلمتك اولا
ثانيا خد معاك حد الحرفيين و يبعتك لحد يعرفه لان الشتغلات هناك كتير خاصة لو انت مش عارف

[EslaM_NagY]

حمدا الله ع سلامتك