لية بيحصل دة بس فى مصر !!

[Mohamed.Ramah]

موضوع تردد على تفكيرى اكتر من مرة واكيد شغل تفكير الكثير منكم بخصوص توكيل هيونداى وعدم اهتمامة بالعميل المصرى! مع ان سعر العربيات بتنزل بسعر عالى ولاكن دايما بتكون فاضية هل لانة شايف ان المستهلك المصرى خلاص بقى مبسوط من كدة

هل حتكون السيارات مكلفة لو نزلها بكماليتها بالرغم من سعرها العالى اللى بتنزل بية وبتزيد باستمرار ودة اهم عندة من ارواح العملاء

والناس مقبلة ومفيش مشكلة ودايما الحجةمن التوكيل بتكون مقللين الحجات دة علشان الجمارك طيب بالنسبة للسيارات فى نفس السعر وفيها الحجات اللى بيشلها هل دول بيرمو فلوسهم فى

الارض مثلا توكيل هيونداى فى نقاط منختلفش عليها ال وهو انة بينزل سيارات عائلية وجيدة وعملية ودة فعلا اللى بيحصل بس فى نقطة تاخذ دائما على هيونداى ودة بيؤدى لاستبعادها

فى مقارنات كتير كلنا شايفين دلوقتى اسعار هيونداى مقارنة باسعار سيارات اخرى كورى او اوروبى بقت فى نفس الفئة السعرية باكثر من فئة وشكل ودة بيسبب الحيرة للمشترى اية

الفكرة ان كل سنة شركة هيونداى بمصر بتنزل سيارة شكل جديد وكماليات اقل والامان اقل مع ذلك لو قارنها بنفس السعر سيارات اوروبية اخرى حتلاقى بيتوفر فيها دة دايما بتكون مواصفات الامان

الايرباج ال1 و abs !!! بس وكمان مش فى كل الفئات واوقات نلاقى فى الخليجى لية احنا اقل فى اية لما ينزلولنا عربية هنا بنفس كماليتها لية نظام ينقص ولازم اللمسة الغبورية على كل السيارات المستوردة مبقاش موضوع فرق

سعر علشان تنزل ارخص بدليل زى ما قولت العربيات التانية بتنزل بمواصفات امان اقربها كيا بتعمل كدة الصراحة انا اتصدمت لما عرفت ان الالنترا 2011 بتنزل ب ب 6 ايرباج و abs و ebd
وديسكات امامية وخلفية !!! ستاندرد وبالنسبة للفئة الهاى لاين بيزيد عليها التحكم الالكترونى فى الفراملESC والثبات الالكترونى !!!
لية بقى مش بينزلهم مع ان سعر العربية فى امريكا بتتباع ب $14,145 - $17,845 يعنى لو لنفرض ان سعر الدولار 6 جنية اعلى فئة ب 107.000 جنية هنا بتتباع ب 121.500 ومفيهاش ربع دة !!!!
بالنسبة لموديل 2012 :
6 ايرباج Abs EBD و esc وانظمة مراقبة ضغط الاطارات و وانظمة مشفنهاش برضو فى الفئات النزلت مع انهم 8 فئات !!! بالنسبة للسعر $14,945 - $20,195
اعلى فئة 121.000 ومفيهاش الكلام دة سعرها هنا 153500 جنية

ممكن عربيات هيونداى تكون اعتمادية وبتتحسن جودتها مع الوقت بس هنا فى مصر مش بتعتبر منافسة ودائما بتخرج من المقارنات بمجرد وجود سيارة اخرى تتميز فى انظمة الامان على الاقل القياسى منها abs- ebd و 2 ايرباج مش عارف فعلا لحد امتى فكرة التسويق تكون بالشكل فقط ودة مش بيدى فرصة للسيارة تثبت نفسها مقابل السيارات الاخرى لفرق السعر والمواصفات فى الاسواق المصرية ...

[EngAhmedSayed]

هقولك كلمتين
تغووووووووووووور من وش غبووووووووووووور

[حماده المصري]

فعلاا

تغور من وش غبور والله فعلا كرهنا في هيونداي كلها لما تشتري اي 10 وتلاقي الفانوس فوق الف جنيه لازم تبيعها وقتي ولا تركبها من وشه قطع غيار نار واسعار نار

[HOSSAM99]

أولا هو بيبقي عايز يحقق أكبر مكسب ثانيا جمارك عاليه
طب ليه ينزل عربيه فول فول أوبشن بسعر عالي و ما تبعش و تتجمرك بجمارك عاليه و هو يخسر
زي المازدا
نازله بمعظم كمالياتها إلا قليل و سعرها عالي و مبتبعش و مكسبه فيها لا يقارن بمكسبه مثلا في عربيه زي الجيتس

المشكله في جماركنا الجميله اللي لو العربيه زايده حليه أبانوس بتتجمرك

بالإضافه للعرض و الطلب اللي بتخلي مكسبه يعلي
طالما السلعه مطلوبه في السوق الحره يبقي لازم سعرها يزيد و الشاطر ينافس

و الحل يا نقاطعه و منشتريش عربياته و بالتالي عربياته هاتصدي و موديلها يعدي لكن مش هايبعهالنا لا و ألف لا دا هايرجعها كوريا تاني يشربوها هم
و الحل التاني إننا نبقي بلد حره و مفتوحه علي العالم و تبقي الجمارك مجرد رسوم عبور أو رسوم للطرق و الخدمات و بالتالي هو هايكسب و ينزلنا العربيات اللي إحنا عايزنها بثمن قليل
و الحل الأخير يبقي سوقنا المصري سوق جبري في التسعيره و المواصفات يعني مواصفات الأمان تبقي محدده و الكماليات محدده لكل فئة سعريه (لكنه نظام طارد للإستثمار)

[raedegypt]

سياسه الجمارك لازم تتوافق مع الواقع ايه اساسى وايه كماليات . الموصفات المصريه لازم تقول كلمتها ما هو الاساسى وما هو الكماليات لمصر وطبيعه الطرق والزحمه ما هى الموصفات الاساسيه وسيبك من مواصفات اروبا وامريكا والخليج خلونا فى ال يناسبنا ونوفر ملايين الجنيهات

[Screenplays]

ده احنا غيرنا النظام كله و مش عارفين نغير غبور ازاي مش فاهم