استفسار بخصوص سوناتا 2009

[kliken]

السلام عليكم و رحمه الله و بركاته
كان واحد صاحب ناوى يشترى سوناتا الموديل بتاع 2009 بس كان يسألني على وجود قطع غيار ليها بره التوكيل و لا مفيش و كل حاجة هيضطر يروح عليها التوكيل حاجة
شكرا

[Screenplays]

ممكن حضرتك تسأل في التوفيقيه و شارع دمشق بس طبعا مش هتبقي مرميه زي قطع غيار الفيرنا و لا هتبقي رخيصه زيها

[kliken]

شكرا على رد حضرتك طبعا
أنا عارف انها لو موجوده اكيد تبقى عاليه طبعا مش زى الفيرنا أو النترا حتى بس هو كان بيسأل موجوده أصلا و لا ملهاش بره التوكيل حاجة
و لو ليها أخبار الأسعار كمثال ايه و شكرا .

[Screenplays]

انا معرفش اذ كانت موجوده بره التوكيل و لا لأ و كلامي السابق تخمين فقط و لكن العربيه موجوده في السوق بقالها سنين يعني ان شاء الله حاجاتها موجوده و يفضل اصلا شراء قطع الغيار من التوكيل عشان تضمن انها اصليه

[kliken]

اكيد ان الحاجة فى التوكيل مضمونه علشان اصلية بس برضه الواحد اكيد مش عاوز يبقى على طول مزنوق التوكيل فى كل كبيره و صغيرة هو ده بس الموضوع كله
و يا ريت لو اى حد معاه العربية أو يعرف عن أسعار قطع الغيار بتاعه العربيه سواء فى التوكيل أو من بره التوكيل
و يا ريت لو حد يقدر يفيدنى فى تجهيزات العربيه اللى بتننرل بيها سواء ايرباج أو الفرامل و هكذا
معلش بقى هتعبكو معايا

[حماده المصري]

موجود ليها حاجات بره التوكيل عايز تسال روح المحل اللي لازق في محل التوكيل في شارع دمشق

اسمه عاصم او محمد عاصم مش فاكر

كان مره غلط واداني بوجيه السوناتا الي هو طبعا اكبر بكتير من بوجيهات العربيات العاديه

وطلع تمنه عنده 200 جنيه تقريبا

[kliken]

شكرا لرد حضراتكم بس أنا كنت قريت فى موضوع قديم لزميل لينا فى المنتدى و معاه العربيه بس كل كلامه فى صيانة العربية كان عن التوكيل فقط و بصراحه نفسي اتاكد من وجود قطع الغيار بره و مثال للأسعار لأن الأسعار اللي كانت مذكوره فى الموضوع غاليه اوى بصراحة

[MaZaGAngeE]

موجود ليها حاجات بره التوكيل عايز تسال روح المحل اللي لازق في محل التوكيل في شارع دمشق

اسمه عاصم او محمد عاصم مش فاكر

كان مره غلط واداني بوجيه السوناتا الي هو طبعا اكبر بكتير من بوجيهات العربيات العاديه

وطلع تمنه عنده 200 جنيه تقريبا

هوه ايه ده اللي ب 200 ؟ مش فاهم