زجاج النيو اكسنت

[meshmesh_egypt]

السلام عليكم
وانا ماشى على طريق السويس عربية نقل مها لله رمت عليا حجر محترم كسرت الزجاج الامامى
المهم جيت اغيره من التوكيل لاقيته ب 2260
المهم ناس ولاد حلال قالولى ركب زجاج دكتور جريش فى العاشر من رمضان المهم رحت ركبته وعمل 275 جنيه بالتركيب
بس بصراحة عاجبنى احسن من الاصلى الى كان موجود وفيه شماسه فاميه خضرا كده وحاجه فل الفل

[elpasha1]

مبروك ياباشا وربنا يعوض عليك فى القديم

[HOSSAM99]

و عليكم السلام و رحمة الله
حمدا لله علي السلامه
و زجاج الدوكتور جريش مشهور بجودته

[Screenplays]

افضل اختيار فعلا دكتور جريش

[ismail911]

أختيارك لزجاج جريش صح لانه بعمل كمان زجاج كل العربيات البتقفل فى مصر ومنه bmw و غيره سلامتك و ربنا يفيك شرها

[ismail911]

على فكرة أن حصلى كده برضه بس فى الزجاج الخلفى والتوكيل قالى 1600 وركبت جريش فى التوكيل ب 800 وكان ممكن أركبه بره ب 300 بس النصيب

[samirsaid1]

موزع هيونداى قالى فعلا 2200 تقريبا فقولته ازاى كدة غالى
قالى لو عاوزة ممكن ابعت ميل وتاخد ب 1600

[samirsaid1]

بس على فكرة اللون الاخضر اللى فية بيبقى شكلة مش حلو

بس سؤال الخوص البلاستيك اللى فى اجناب الزجاج بتركب تانى زى الاول ولا اية

وهى الخوص دى ببتفك بسهولة ولا لأ عشان الشكل الخارجى

[fineart607]

والله كنت داخل اقول لك على دكتور جريش انا من سكان العاشر وعارف انه اسعاره محترمه جدا جدا حمد لله لعى السلامة وخذ بالك ان طريق السويس مشهور جدا بالموضوع ده ربنا يحفظ الجميع

[chicobon]

مبروك ياباشا وربنا يعوض عليك فى القديم

[meshmesh_egypt]

بس على فكرة اللون الاخضر اللى فية بيبقى شكلة مش حلو

بس سؤال الخوص البلاستيك اللى فى اجناب الزجاج بتركب تانى زى الاول ولا اية

وهى الخوص دى ببتفك بسهولة ولا لأ عشان الشكل الخارجى

كل حاجه بترجع زى ماهى بالضبط عند دكتور جريش وكأن شىء لم يكن

[meshmesh_egypt]

كل حاجه بترجع زى ماهى بالضبط عند دكتور جريش وكأن شىء لم يكن

وعالفكره عملية الفك وتركيب الجديد ما اخذتش اكثر من 15 دقيقه بالضبط وبدون ولا ذرة زجاج تقع جوه العربيه

[semosoft]

معلش يا باشا سؤال طيب بالنسبة للمراية اللي في النص انا عربيتي موديل 2010 و المرايا راكبة في الزجاج الامامي يا ترى عند دوكتور جريش في ماكن تركيب المرايا بردو ؟؟

[meshmesh_egypt]

معلش يا باشا سؤال طيب بالنسبة للمراية اللي في النص انا عربيتي موديل 2010 و المرايا راكبة في الزجاج الامامي يا ترى عند دوكتور جريش في ماكن تركيب المرايا بردو ؟؟

منا موديل 2010 وركبه فى النصف واستلمتها فى النصف برده والزجاج بتاعهم احلى من الفابريكا

[samirsaid1]

بس هو كل الزجاج عندة فية اللون الاخضر اللى تحت المراية ولا فية زى الاصلى بالفريم الاسود فقط

اصل انا عندى شرخ فى الزجاج ومستنى لما ينتهى خالص وبعدين اغيرة

ولا اية رأيكو لو ينفع الحم الشرخ دة لو مش هايزيد بعد المعالجة واهو يفضل معايا شوية كمان