نصيحه لوجه الله

[shfra]

بسم الله الرحمن الرحيم
انا بفكر اشترى هيونداى فيرنا بس كتير اوى من الناس
بيقولوا ان العربيه مش حلوه على الطريق وانها بعد ال 120 بتعوم وكلام كده
بس انا مش عارف اذا كان الكلام ده بجد ولا لأ ولو بجد هل فى طريقه ان العربيه تكون كويسه على الطريق
ولا دى مشكلة صناعه .. وتنصحنى اشتريها ولا لأ .. اسف على الاطاله

[Mohab555]

بص يا سيدى الفيرنا عربية اصيلة و حمالة اسيه بمعنى الكلمة بس محتاجة شوية حاجات علشان تعرف تمشى بيها
مبدأيا الفيرنا موتور جميل و قوى الفرامل مش وحشة زى الناس ما بتقول بس عايزاك صاحى و متسرحش و انت سايق
تكييف ممتاز و بالنسبة لسعرها ممتازة و الحاجات الى لازم تعملها اول ما تجيب العربية :
1- جنوط سبور 15 كاوتش 195/50 ( هيزود الثبات و الفرامل هتفرق كتيير جدا )
2- بطارية جافة مكان بطاريه غبور الرديئه
3- سماعات بيونير او كينوود مكان سمعات الموبيل الى نازلة فيها :d

اعمل الحاجات دى و عمرك ما هتندم انك دفعت فى الفيرنا فلوسك
لو هتجبها زيرو هتها الكاملة gls , و انتظم فى الصيانات فى التوكيل و انسى .

[HOSSAM99]

السلام عليكم
العربيه حلوه و موتور جبار و تكييف تلاجه
أما بالنسبه لثباتها في السرعات العاليه
بعد الكاوتش و الجنوط الجديده إن شاء الله تبقي ثابته زي أستاذ Mohab555 ما قال و إن شاء الله مفيهاش مشاكل صناعه

لكن للأمانه قولنا إحتياجك من العربيه أيه و هل غلو أو رخص قطع الغيار يفرق مع حضرتك و لا لأ و هل غلو الصيانه يفرق و ميزانية العربيه كام
يمكن تكون فيه حاجه مناسبه أكثر من الفيرنا

[elpasha1]

ممتازة وبدور على واحدة بس للاسف الاسعار شايطة

[shimo_moh]

فعلا عربية ممتازة جدااااااااااا وفعلا عربية حمالة اسية بجدارة
توكل ع الله وهاتها بس الاول صلى استخارة

وفعلا زى ما ا.حسام بيقول برضه قول احتياجاتك من العربية ممكن تكون ف حاجة تانية تنفعك

[MOUSTAFA_SAAD]

بص يا سيدى الفيرنا عربية اصيلة و حمالة اسيه بمعنى الكلمة بس محتاجة شوية حاجات علشان تعرف تمشى بيها
مبدأيا الفيرنا موتور جميل و قوى الفرامل مش وحشة زى الناس ما بتقول بس عايزاك صاحى و متسرحش و انت سايق
تكييف ممتاز و بالنسبة لسعرها ممتازة و الحاجات الى لازم تعملها اول ما تجيب العربية :
1- جنوط سبور 15 كاوتش 195/50 ( هيزود الثبات و الفرامل هتفرق كتيير جدا )
2- بطارية جافة مكان بطاريه غبور الرديئه
3- سماعات بيونير او كينوود مكان سمعات الموبيل الى نازلة فيها :d

اعمل الحاجات دى و عمرك ما هتندم انك دفعت فى الفيرنا فلوسك
لو هتجبها زيرو هتها الكاملة gls , و انتظم فى الصيانات فى التوكيل و انسى .

ياباشا ده كده عاوزله 7 بواكى علشان يظبطها صح مايكمل عليهم ادهم ويجيب صنى ولا جين 2

السلام عليكم
العربيه حلوه و موتور جبار و تكييف تلاجه
أما بالنسبه لثباتها في السرعات العاليه
بعد الكاوتش و الجنوط الجديده إن شاء الله تبقي ثابته زي أستاذ mohab555 ما قال و إن شاء الله مفيهاش مشاكل صناعه

لكن للأمانه قولنا إحتياجك من العربيه أيه و هل غلو أو رخص قطع الغيار يفرق مع حضرتك و لا لأ و هل غلو الصيانه يفرق و ميزانية العربيه كام
يمكن تكون فيه حاجه مناسبه أكثر من الفيرنا

هو ده الكلام ....... حسام باشا

[HOSSAM99]

ياباشا ده كده عاوزله 7 بواكى علشان يظبطها صح مايكمل عليهم ادهم ويجيب صنى ولا جين 2

هو مبلغ التظبيط ده يخش في 3500_4000 ج لكن لو المبغ قرب من الجين أو الصني يبقي الكلام هايتغير للأمانه

هو ده الكلام ....... حسام باشا

أزيك يا أستاذ مصطفي

[MOUSTAFA_SAAD]

الحمد لله انا كويس

[Ashraf_Ibrahim]

حضرتك حدد انت محتاج العربية في ايه وايه اللي يهمك فيها والسعر تقريبا قد ايه وباذن الله تلاقي النصيحة الأمينة لوجه الله

[Screenplays]

معايا ال 2009 و زي الفل بس ثبات في الضياع بعد ال 120 و لو في جنوط 15 و كاوتش عريض ممكن الثبات يبقي كويس ل 160 لاني مجربتش اجيب بالعربيه اكتر من 160 بصراحه و غير كده كمان الفرامل وحشه بعد 120 برضه بس هتتحسن مع الكاوتش الجديد و دي العيوب اللي لاحظتها علي العربيه

[khpopo]

ياباشا ده كده عاوزله 7 بواكى علشان يظبطها صح مايكمل عليهم ادهم ويجيب صنى ولا جين 2

هو ده الكلام ....... حسام باشا

+1
ربنا يوفق

[shfra]

انا متشكر جدا جدا يا جماعه حقيقى انتوا ساعدتونى
انا فعلا بتكلم على الفيرنا على اساس ان قطع غيارها على قد ايدينا
وبرده متوفره واى ميكانيكى يشتغل فيها
وانشاء الله فيرناوى

[Screenplays]

ياباشا ده كده عاوزله 7 بواكى علشان يظبطها صح مايكمل عليهم ادهم ويجيب صنى ولا جين 2

كلام سليم بس لو جاب واحده من العربيتين دول هيكون دخل في فئه تانيه خالص و بعدين لو بصينا لقدام العربيتين دول مصاريفهم التشغيليه اكتر و قطع غيارهم مش رخيصه و لا متوافره زي الفيرنا و لو جه يبيع هيخسروا اكتر من الفيرنا و مش منتشرين زي الفيرنا و خصوصا الجين

[ezzeldin1234]

انا لسه شارى فيرنا 2011 فول ابوشن مانوال اسمع منى نصيحه لوجه الله بجد عشان متتعبش زى ما انا تعبت
لو هتشترى فيرنا جديده خد بالك من اللاى هقوله ده كويس جدا جدا :
1 - جرب تشغل التكييف وزود بنزين وهى واقفه بس متزودش بنزين مره وخلاص زود وشيل رجلك كام مره كده عشان الكومبريسور يشتغل لو طلع صوت صفاره اوعى تستلم العربيه عشان الصفاره دى موجوده فى فيرنا كتير ودى من صوت الكومبريسور عالى وهى عندى ورحتلهم بس للاسف مرضيوش يغيرولى الكومبريسور لانها فعلا فى فيرنات كتير جديده بس نصيحه اوعى تستلم العربيه لو التكييف كده .
2 - جرب غيارات الفتيس كويس لان اان عربيتى كان الغيار الاول بس فيه بوش وكان بيزن لما بجيب الاول اجى اجيب التانى تروح الزنه ولما رحتلهم غيرولى الفتيس كله بالضمان لان ده فعلا عيب فتيس بس بعدها الوير بتاع الفتيس اتقطع فاللى اقصده اتاكد كويس من حالة الفتيس .
3 - اول ما تخرج بيها من عندهم بالسلامه تروح تظبط هوا الكوتش لانهم بيبقوا نافخينوا جامد جدا انا كان عندى 40 اول ما استلمتها واظبط زوايا وراجع بالمره على الترصيص لانه الحاجات دى بتبقى مش مظبوطه فيها .
4 - راجع كوتش الداير بتاع الابواب كلها لانهم بيركبوا نوعية كوتش سيئه جدا انا اتقطع عندى بعد 3 شهور بس ورحتلهم وغيروه فى الضمان .
5 - راجع الزيوت كلها كويس والمياه الخضرا ومية المساحات لان اى حاجه من دوول لو ناقصه معناها ان فى حاجه غلط فى الدايره بتاعتها .
6 - بالله عليك لتعمل الحاجات دى واوعى تستلم العربيه لو لاقيت فيها حاجه مش مظبوطه لانك هتتعب جدا بعد كده
وربنا يا رب يوفقك ويباركلك فيها

[Screenplays]

انا لسه شارى فيرنا 2011 فول ابوشن مانوال اسمع منى نصيحه لوجه الله بجد عشان متتعبش زى ما انا تعبت
لو هتشترى فيرنا جديده خد بالك من اللاى هقوله ده كويس جدا جدا :
1 - جرب تشغل التكييف وزود بنزين وهى واقفه بس متزودش بنزين مره وخلاص زود وشيل رجلك كام مره كده عشان الكومبريسور يشتغل لو طلع صوت صفاره اوعى تستلم العربيه عشان الصفاره دى موجوده فى فيرنا كتير ودى من صوت الكومبريسور عالى وهى عندى ورحتلهم بس للاسف مرضيوش يغيرولى الكومبريسور لانها فعلا فى فيرنات كتير جديده بس نصيحه اوعى تستلم العربيه لو التكييف كده .
2 - جرب غيارات الفتيس كويس لان اان عربيتى كان الغيار الاول بس فيه بوش وكان بيزن لما بجيب الاول اجى اجيب التانى تروح الزنه ولما رحتلهم غيرولى الفتيس كله بالضمان لان ده فعلا عيب فتيس بس بعدها الوير بتاع الفتيس اتقطع فاللى اقصده اتاكد كويس من حالة الفتيس .
3 - اول ما تخرج بيها من عندهم بالسلامه تروح تظبط هوا الكوتش لانهم بيبقوا نافخينوا جامد جدا انا كان عندى 40 اول ما استلمتها واظبط زوايا وراجع بالمره على الترصيص لانه الحاجات دى بتبقى مش مظبوطه فيها .
4 - راجع كوتش الداير بتاع الابواب كلها لانهم بيركبوا نوعية كوتش سيئه جدا انا اتقطع عندى بعد 3 شهور بس ورحتلهم وغيروه فى الضمان .
5 - راجع الزيوت كلها كويس والمياه الخضرا ومية المساحات لان اى حاجه من دوول لو ناقصه معناها ان فى حاجه غلط فى الدايره بتاعتها .
6 - بالله عليك لتعمل الحاجات دى واوعى تستلم العربيه لو لاقيت فيها حاجه مش مظبوطه لانك هتتعب جدا بعد كده
وربنا يا رب يوفقك ويباركلك فيها

ايه البلاوي السوده دي ؟ فتيس اتغير و العربيه زيرو ؟ حرام و الله و انا فعلا سمعت عن زنه الكومبورسير دي كتير في موديل 2011