باركولى اشتريت فيرنا امبارح

[real133]

الحمد لله اشتريت فيرنا امبارح 2005 بس كنت عاوز اسال عن شوية حاجات :
1- الموتور فية ترشيح زيت صاحب لعربية قالى دة جوان صح ولا غلط
2- سربنتينة اتكييف مش شغالة وقالى انها بتتصلح وافريون يتملى لان التكييف مش شغال ؟
3- فيها طقطقة فى المشى وتزييقة كدة وقالى انها عاوز تتغسل بجاز ومياة اية رايكو فى الكلام دة بس قولولى علشان اطمن ربنا يكرمكوا

[aymn6666]

الف مبروك وربنا يكفيك شرها
بنسبه للزيت ده جوان وش التكيهات ده بيبقي فل ولما بيبوظ بيرشح زيت هات واحد جديد وروح للميكانيكي يغيره
بنسبه للتكيف حتروح لواحد بتاع تكييف محترم يكشف علي السربنتينه علشان اكيد هي مخرومه ويشحنلك التكيف
بنسبه للعفشه عليك وعلي عفشجي كويس يربطلك العفشه وبعدين تظبط زوايا وترصص علشان متديقش في المشي
واي استفسار انا تحت امرك

[Screenplays]

- الموتور فية ترشيح زيت صاحب لعربية قالى دة جوان صح ولا غلط

ما هو الترشيح جاي منين بالظبط ؟ و ممكن يكون جوان او حاجه تانيه

- سربنتينة اتكييف مش شغالة وقالى انها بتتصلح وافريون يتملى لان التكييف مش شغال

هو ممكن الفريون يتفضي و يتملي من اول و جديد بس ايه مشكله السربنتينه بالظبط ؟ اصل ممكن تكون اخده خبطه من قدام و السربنتينه باظت بسبب الخبطه

- فيها طقطقة فى المشى وتزييقة كدة وقالى انها عاوز تتغسل بجاز ومياة

لو طقطقه في الملفات تبقي كبالن عموما روح للعفشجي خليه يبصلك عليها و ربط العفشه و شوف

رأيي الشخصي متشتريش العربيه دي

[HOSSAM99]

ألف مبروك علي العربيه

و أطلع علي الميكانيكي و أعمل للعربيه صيانه كامله و أطمن علي العفشه
و بعد كده بتاع تكييف يظبطلك التكييف
و أغسلها شاسيه و صالون في المحطه و شحمها و بإذن الله ترجع زي الجديده

ألف مبروك علي حضرتك مره تانيه

[MOUSTAFA_SAAD]

ربنا يبارك لك فيها و يديك خيرها ويكفيك شرها

[real133]

ربنل يخليكوا انا مش قد المحبة دية كلها ربنا يبارك فيكوا

[adelmof40]

ربنا يباركها لك و يديك خيرها ويكفيك شرها

[ashouhdy]

الف مبروووك :)))))))

انت اشتريتها خلاص ؟؟؟؟ لو لسة ابعد عنها لو اشترتها لازم تكشف عليها عشان باين ان صاحبها مهمل و مستبيع والدليل انة مش همة حتى يظبتها قبل مايبعها وعاوز يخلص وخلاص فللامان العام وامانك وامان من يركب معك لازم تكشف عليها بحرص

[chicobon]

الف الف مبروك للعربيه الفيرنا

[mmd3]

السلام عليكم
هو سؤال برة الموضوع
بس الحالة دى جيبتها بكام .. واخبار الدواخل اية ... كاملة ولا لأ ... 1600 ولا 1500

معلش بس انا عاوز اشترى فيرنا وبجمع اراء عن الاسعار والحالات

[HoDeSTa]

الف مبروك

ربنـا يباركلـك فيها

[dolly13]

الف ميروك عليك العربية الجديدة وباذن الله تطلع الحاجات دى كلها بسيطة وتستمتع بيها بدون مشاكل

[real133]

السلام عليكم
هو سؤال برة الموضوع
بس الحالة دى جيبتها بكام .. واخبار الدواخل اية ... كاملة ولا لأ ... 1600 ولا 1500

معلش بس انا عاوز اشترى فيرنا وبجمع اراء عن الاسعار والحالات

الحقيقة انا جبتها ب39.500 رشة كبوت ورفرف يمين باقى العربية فابريكة دواخل طبعا فابريكة مش كاملة هاف يعنى تكييف وباور وسنتر

[Screenplays]

الحقيقة انا جبتها ب39.500 رشة كبوت ورفرف يمين باقى العربية فابريكة دواخل طبعا فابريكة مش كاملة هاف يعنى تكييف وباور وسنتر

العربيه رخيصه اوي مش سعرها خالص

[wael abbass]

الف مبروك ان كمان بفكر اغير 128 واشتري فرنا بس خايف من ومطو العربية فانا ساكن في نتطقة شعبية مطبطها كتير شوية فتنصحني باية